عبد الله المنياوي | تطور التصور

مغنى خانة - مشواري تاه & مصر القديمة

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا


البنكنوت | مصطفي إبراهيم + موسيقي

ماردتش - جدل ( Live In AUC 2.4.15 )

عادي - دينا الوديدي

Alive (feat. Hussien Shirbini) من Dina El Wedidi - أنغامي.mp3

حيطانك عالية تخبى عينيا
وترسم ضعفي 
أتوه جواكي بلوم وشرود 

نجومك تاهت بين اغانينا
كلامك سارح بين امانينا
بتوه جواكي بلوم وشرود

دينا الوديدي - وطني Dina El wadidi - homeland

السلام _الميناء

كلمات :  هشام أوسكار 

الحان  : نور ناجح 

توزيع  : ليل وعين  

Bent we walad بنت وولد

Download full album (high quality)
http://mediafire.com/?3jda0yc8uk6celc

https://facebook.com/Sadasoutband
https://twitter.com/SadaSoutBand

لن تسمع اعلي الثورات ﺇذا ما تكلمت حواء
لن يطرح الشجر ثمرات ما دام اسكتها البلهاء
تمردي ولا تعيري لتعاليمهم خاطر
لستِ الشرف لناقصيه, انتِ ﺇبداع ﺇله فاطر
نطق الجاهل اسماكِ دينيًا عورة
الستِ اول من سعي بين الصفا و المروة؟
انتِ مخلص الامم من الوفاة و الفناء
ﺇن فيروز قد غنت فما يمنعكِ من الغناء؟
لن ينير الفجر شرقًا لو وأد البدو الصبايا
لن تسقط الانعام مطراً ما دام جمع الجواري هواية
يا امرأة ﺇستعبدتِ لشهواتهم قرون
الم يحن الوقت لتسديد الديون؟
تاء التأنيث ليست عاراً علي الافعال
الستِ الحاملة في الرحم جميع الاجيال؟
انتِ مخلص الامم من الوفاة و الفناء
ﺇن فيروز قد غنت فما يمنعكِ من الغناء؟

Mohamed Tarek - Vocals & Lyrics
John Wadie - Electric Guitar
Abdelrahman Shaat - Acoustic Guitar
Omar Nasser - Beatbox

Sada Sout - Tamarady Ya 7awa2 صدي صوت - تمردي يا حواء

المشهد الأخير - Moka - The Final Scene

It hurts to set you free. But, you’ll never follow me.

مغنى خانة - مشواري تاه & مصر القديمة

Amr AbdAlsameaa