Top list

Lyrics : Naguib Souror
Composer : El Sheikh Emam Essa

البحر بيضحك ليه
وانا نازله ادلع املا القلل
  البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل
  مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو في المية عسل
والبحر بيضحك ليه … ليه
وانا نازلة ادلع املا القلل
  ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل
  والبحر بيضحك ليه … ليه
وانا نازلة ادلع املا القلل
في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
والبحر بيضحك ليه ليه
وانا نازلة ادلع املا القلل
بيني وبينك سور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل
والبحر بيضحك ليه
وانا نازله ادلع املا القلل

البحر بيضحك ليه - الشيخ امام عيسى


مِش كُل ورقة تتمضَى

خَلاص فِهمنَا مِن اللّي فَات

حَكمونا حبة أغوات

دَا بَعد مَا رَاح اللّي رَاح

خَلاص فِهمنَا مِن اللَي فَات

بَحر الدّقون اللّي غِرقنَا فِيه وخَان

وَمَا زَال يخُون

وَبَاعنَا م الأربَع جهَات

لحَيزَبُونَة وَحَيزَبُون

كَل الكُوع واللي بات

دلوقتي وبيملوا السّجون

يوم غيّبونا في الكلام

يُوم مَا اشتَرونَا فِي الحَرَام

بزجَاجَة الزّيت والسّخام

تاجروا في فقرنا الرّدِي

ولاد الرّدِي

مِش حِلو كُل مَن رضَى

ولا كُل ورقة تتمضَى

إمضَا خَدتنا للغَرَق

كَاس الهموم عبّى وفضَى

لازِم نفتّش فِي الوَرَق

مِش كُل وَرَقة تتمضَى

وقالولي فيه دُستُور جديد

سَرح دمَاغي فِي اللي فَات

سرح دماغي بعيد بعيد

فسألت عن عدة حاجات

وقلت يا صحَابي العزاز

هَيستر البنت اللي على بَاب الجواز؟

هَيعالج السّت اللي مرمية سنين مِن غِير علاج؟

عَايشة ولو إن الروح يا بوي

كَام مرّة هِربت من الجسَد

هَيجيب الوظيفة للولد؟

هيزوّد الكام لقمة لقمة؟

راح يحارب اللي فسد؟

ييجي ميت سؤال طوال كأنهم أبد

هيجيب لنا زعيم أسد

يرد حق الغلبانين

اللي ظَلَمهم الزمن؟

ويسد ريحة العفن..

اللي بقينا نشمها مدة ومدد؟

ويفك حبل الظلم

عن رقبة أبوكو "عبـ صمد"؟

ما بدناش من العاركة غير دستور كريم

شمس وهُدى

يعوض الزمن الأليم اللي ابتدا

من ميتة البطل العظيم

هييجي استجابة للندا

ويزيح كفوف المغسُولين

الفاسدين والكدّابين والظَّالمين والمفجُوعين

اللي كلوا لقمة عيالنا في جُمعتِين؟

واللي بيترَبّص بحِلم المَلايين

واللي فتح دكان يبيع فيها دين

ولحى تداري عيون مريبة لراسبويتن

دستور أمين

هيجبلنا حاكم كما شعبه يعيش؟

ساعات معاه وساعات مفيش

لو حتمت الأيام ينام على فرش خيش

ويبات مايملاش بطنه عيش

يحميها أرض وناس وجيش

يفهم كلام عم عليش

واللي ورا عيونه عين

يكره هتاف "يعيش يعيش"

ونيّته مش نيتين؟

يرِدنا تاني يصدق حلمنا

وقصاد أعادي الأمة نفتح صدرنا

ويحس بينا لما يزهق صبرنا؟

إن كان كدا هَحل بسنَاني الحِبَال

وَاخُد زبيدة والعيَال

ونفُك صُوتنا اللي اتكتَم

ونقول نَعم

لكن نعم غير النعم

نعم اللي طَالعة من هنا

من قلبنا

ضد الوُحُوش الرابطة في سِكَك الصباح

ضد الحروب بالأجرة ضد الشعب

ضد الشماتة في المماتة والجراح

وإزازة النار في إيد الكلب

ضد اللي بيبيع الوطن وهما فاكرينه كفاح

ضد اتفاق الأجنبي مع اللي خان

ضد اللي ماعرفوش مكانة المكان

ضد اللي مش منا ولا نعرف له أصل

ضد اللي بدلوا عصرنا بأغبى عصر

ضد الكارهين اسم مصر

ووش مصر وحس مصر

وفن مصر وعلم مصر

لمم فلولك واندفن تاني يا عم

يا اللي مليتها نار ودم

نعم نعم

بصوت أجدادنا صاعد م الثرى

ثورتنا متعرفش تتقهقر ورا

احنا صحيح بنحب لا

ياما علي صوّتنا بلا

ودفعنا حق الـ"لأ" سجون وقطع عيش

لكنما نعم النوبادي بألف لا

لِم اللي عاوزين يوصللها بالكتاف

واجمع بناتك اللطاف

عمى عيونكم الغرور

ُثُرنا وكان لازم نثور

معادش في قلوبنا العجاف حتى تخاف

هنقول نعم

تفكر الدنيا بلحظة العبور

نعم تخلي الدنيا نور وخير عميم

غير إنها هتجيب لنا رئيس عظيم

رئيس يفكرنا برئيس مصر القديم

نعم تزلزل البلد

نعمكوا انتو غير نعم عبد الصمد

الأبنودي - مِش كُل ورقة تتمضَى

كلمات: محمد اسموني
ألحان : تراث تركي 
أداء : مصطفى الشافعي
توزيع ومكساج : زياد عبدالله

مصطفى الشافعي - ما لنا مولى سوى اللّٰه | Mostafa El Shafei - Ma lana mawla siwallah

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

انا أتوب عن حبك بصوت احمد فؤاد نجم

الأبنودى - خايف أموت

جوابات الاسطى حراجى القط - الجزء الثانى - عبد الرحمن الأبنودي

"شعر حلمنتيشى للدكتور مصطفى رجب "قالت وقد بصت علىّ عوافى

لا تبك يا صغيري _ cover_ صابرين السعيداني

AudioMix

فريد عمارة - دليل النجاة من العواصف

دنيا مسعود - نعناع الجنينة

‫قصيدة احزانى العادية عبد الرحمن الابنودى كاملة‬

لو كنت أعرف بأن الوعد متداري
ما كنت أطلع ولا اخرج أصلي  من داري
ياريت ما حبيت ...  ولا كان العذاب جاني
وداري على بلوتك ياللي ابتليت .. 
 ... داري
 
إسمع حكاية عجب جرت في مقتبل شعبان ..
سنة خمسة وتلاتين شهر ستة .. أربعة شعبان ..
عن واد مغني إسمه حسن ،
صيته في البلد شعبان ..
 خانوه العدا وخبره في البلد شاع بان ...

الولد كان مغني و يحكي الخبر ليا
ولجل المكتوب اللي عليه عمل فرح فى بلد اسمها المنشية
تبع بني مزار وانت يا غرام لياااا
حبته بنت اسمها نعيمة ،
قالت له انت جيت البلد فتنه بالعجل ليا ..
و علشان غرامك رويت الأرض بعنيا ...

الموال بصوت  محمود الجندي  :
http://soundcloud.com/greenoha/7asan-w-na3ema-el-gendy

موال - دنيا مسعود : لو كنت اعرف ان الوعد متداري / حسن و نعيمة

ديوان بعنوان: كلبٌ ينبح ليقتل الوقت- كاملاً
للشاعر والمترجم المصري: عماد أبو صالح
وهو االشاعر الحائز على جائزة سركون بولص للشعر وترجمته- لعام ٢٠٢٠

إلقاء صوتي: مروه عاصم سلامة

صدر هذا الديوان عام ١٩٩٦

يقول المترجم أحمد الشافعي متحدثاً عن الشاعر عماد أبو صالح:
برغم قلة عدد النسخ المطبوعة من دواوينه، كانت هذه الدواوين ولم تزل مقروءة" جيدا. قرئت منذ منتصف التسعينيات، حين تداولها الشعراء واستعاروها بعضهم من بعض، واستنسخت منها صور، فلم يصعب قط على مهتم أن يصل إليها. ثم إنها أتيحت جميعا عبر الإنترنت فوصلت إلى من لا يعلم إلا الله عددهم من القراء.

وبرغم ندرة الكتابة عن الشعر، وقلة الاعتناء به، فهذه الدواوين جميعا مكتوب عنها جيدا، من نقاد راسخين، ومن شعراء محبين، وممن يجمعون بين الصفتين، وممن يفتقرون إلى أيٍّ منهما. من الصحفيين ومن القراء. من المغرضين ومن الأبرياء. ثمة حفلة كتابة مقامة دائما على شرف هذه الكتب. لكنها حفلة هادئة أقيمت لتدوم"

الموسيقى المستخدمة: 

https://soundcloud.app.goo.gl/hcw5kgvHS1ddbY3A7

البحر بيضحك ليه - الشيخ امام عيسى

Amr Hassan 01

Recent comments

Tarek soliman

Related tracks