لو كنتي استنيتي شويه كنت مشيت انا 😹😹

انا جتلك وانا كل م فيا .

كان زمان العمر عدى خفيف عليا 

لو كنت استنيت شويه كان يمكن نتجوز

قولي مش كل المدهش دا كان يستاهل تستني شويه

💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔

New private playlist

لو كنتى استنيتى شويه

حبيبتي
ويعلم ربنا حبك في قلبي ازاي
ويعلم عندي مقدارك يا غالية ياللي شايلاني
وجودك زي نعناعه لولاها ماكان له طعم الشاي
"قابلت البحر في عيونك شربت عطشت من تاني"*
مكانك عندي غير الناس ياست الناس وتاج راسهم 
تعيشي وتفضلي غالية وعالية وحابسه انفاسههم
باشوف الخلق تاه مني 
على قلبي اللي تاه مني 
وقلبك لو اتاه مني 
وجع وملامه هاحبسهم 
مافيش بعدك م؛كان ولا ناس ولا ليلة ف بعدك اعيش
ولسه زي ماقابلتك على وضعك وماكبرتيش
وفيكي حته طفولية بتخطف روحي وتجيبني
يا ورد لو اقطفه ليا عين الورد تعاتبني 
عيونك ف الوداع امي 
وحضنك ف اللقا ابني 
وحسك بس ف الدنيا ونس وصحاب وتحويشه 
يا سر اني لازلت سعيد وصابر لسه ع العيشه 
سعيد يومك يامولاتي 
ياصبح وطل ف حياتي 
شجر زهران 
امل ممدود 
هوا عابر 
ندى ف ورود
دلال وجمال 
هدوء  وشرود 
وكله ف الخيال موجود 
وكله ف اللقا وارد 
بحبك ياغزال شارد 
يا متربيه عفه وذوق 
تبصي لفوق وايه يعني
ما حقك تبقى باصه لفوق 
مادمتي معاكي خدي راحتك 
وطيري واجري ف مساحتك 
فصوص الماس تراب تحتك 
وقلب الناس رصيد مسروق

مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا؟
بقى انتي تطيبي خاطري
وتيجي طريقي وتخاطري
وقلمك يمشي على سطري ويكتب أيوه قلبي معاك؟
تخيل حد مكتوبُه
يقابل واحده مش توبه
تشوف احزانه وعيوبه
وبرضه تقوله انا قابلاك؟
ياحسن الحظ
يا جماله
يا واحد ربنا اداله
عوض رب السما ع الأرض
شايفه ولامسه وقصادي  
جمال الحلم بعد كابوس
دخول الدهشة في العادي
مساء الخير يا كل الخير
يا أمسى وشمسي وبلادي
يا أصفاهم
وأبدعهم
يا أحلاهم
وأجدعهم
يا مفردهم
يا أجمعهم
يا ميت واحدة ف روح واحدة
ما اقولش (معاها) أقول (معهم)
اتاري الدنيا فيها جميل
وحلوه عكس ما اتقاللي
وحظي الحلو مش ضايع
وكان جواكي متشاللي
وجيتلك بعد ما الأيام خدت مني وما ادتنيش
وكنت بعيش عشان كان لازم اني أعيش
وجايلك مستوي م الناس وم الأيام وعمايلها
لكن جوايا نقطة نور حايشها القلب وشايلها
وقطعه من البازل ناقصه عشان ايدك تكملها
واديني قصاد جمال قلبك
لا مال ولا قوة ولا حاشيه
باداوي جرحي بحنانك
يارحمة ربنا الماشيه
وأملي وكل طلباتي
ايديكي تمر ف جراحي
انا تعبان
انا هلكان
انا قلقان بقالي زمان
وليا كام سنه صاحي
أرق وصداع ، قلق وصراع
وناس فاتت وناس عافرت
وناس ماتت وناس سافرت
ف جسمي بنات وعزف نايات
وجع ف ضلوعي مش متقال
ودمع ف عيني حنفيات
انا موجوع يابنت الناس
واكبر حلم دلوقتي اغمض عيني مش قلقان
يجمعنّي بعنيكي مكان
واعيط مره مش مكسوف
بحبك قبل ما الدنيا تجمعنا انا وانتي
وفتّحتي ف حياتي بيبان عاشت عمر مقفولة
برقة وردة خدتي القلب وروحتي وجيتي وسكنتي
وبالعشرة وبالأيام بقيتي السيدة الأولى

Music Hesham Amer 

السيدة الأولى

سألت نفسي كتير - اغنيه فيلم الشبح

see you agin paul :/

Mohamed Mounir - Ana Ba3sha2 El Bahr | محمد منير - أنا بعشق البحر
من ألبوم "في عشق البنات" 2000 | Remaster 2025

Listen thru all platforms | اسمعها عبر جميع المنصات 
https://freemusic-nasrmahrous.lnk.to/Fi_3esh2_ElBanat_Album

Subscribe to Free Music | إشترك في قناة فري ميوزك لمشاهدة أحدث الأغاني حصرياً 
https://bit.ly/SubscribeToFreeMusicChannel

Subscribe to Free Music Shorts | إشترك في قناة فري ميوزك شورتس لمشاهدة أحدث الأغاني حصرياً 
https://bit.ly/SubscribeToFreeMusicShortsChannel

Listen To The Full Album | استمع للالبوم كاملاً 
https://bit.ly/Fi3esh2ElBanat-Album

Listen To More Videos | "استمع  لمزيد  من أغانى "محمد منير 
https://bit.ly/MounirSongs
 
كلمات: عبد الرحيم منصور
ألحان: هاني شنودة
توزيع موسيقي: Ozan&Murat
مهندس صوت: أمير محروس
تم التسجيل باستوديو: إم ساوند 2
Remaster By: Amir Mahrous 2025
إنتاج شركة : فري ميوزيك - نصر محروس

Lyrics|كلمات
أنا بعشق البحر زيك يا حبيبتي حنون
وساعات زيك مجنون ومهاجر ومسافر
وساعات زيك حيران وساعات زيك زعلان
وساعات مليان بالصبر .. أنا بعشق البحر
..
أنا بعشق السما علشان زيك مسامحة
مزروعة نجوم وفرحة
حبيبة وغريبة وعشان زيك بعيدة
وساعات زيك قريبة بعيون متنغمة أنا بعشق السما
..
أنا بعشق الطريق لإنه فيه لقانا
وفرحنا وشقانا
أصحابنا .. شبابنا
وفيه ضحكت دموعنا
وفيه بكيت شموعنا
وضاع فيه الصديق
أنا بعشق الطريق
أنا بعشق البحر وبعشق السما وبعشق الطريق
لإنهم حياة
وانتي يا حبيبتي .. انتي كل الحياة

Connect with ➖ Free Music
➖ https://facebook.com/FreeMusicEgypt 
➖ https://twitter.com/FreeMusicEg
➖ https://instagram.com/freemusicegypt 
➖ https://youtube.com/FreeMusicEgypt
➖ https://dailymotion.com/FreeMusicEgypt
➖ https://tiktok.com/@freemusiceg

Copyright © All Rights Reserved - Free Music

Fi 3esh2 El Banat

Ana Ba3sha2 El Bahr

Watch It On YouTube

Mohamed Mounir - Ana Ba3sha2 El Bahr | محمد منير - أنا بعشق البحر

الحرب العالمية التالتة .. عمرو حسن


مابتحبكش 
بتتعب ليه وتزرع أرض مش أرضك 
وليه سهران 
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض ! 
مابتحبكش والله
وكل اللي اتعمل بينكم حكاية وقت مش اكتر 
كلامك كله كان عادي 
ووردك مرمي ف الشارع من الشباك 
بتضحكلك وتبقى معاك 
وتحلفلك تكون وياك
وبعد ماتمشي بتسيبك تاريخ مهجور 
حكيت وياها عن نفسك فتاجرِت بيك 
واديها ياسيدي بتعايرك باسرارك وبعياطك قصاد منها 
تجيب سيرتك واخبارك وتسبكها بدموع عينها 
ولا صانت كلام بيبنكم 
ولا قدرت تراعي حتى حلفانها 
ياراجل ده انت علشانها 
بقيت واحد ماتشبهلكش
مابتحبكش
بتبني ف ايه ؟
بتنكر ليه كلام واضح كضي الشمس 
بقالك قد ايه مشتاق 
لواحده كان لقاها فراق 
وكنت معاها طفل كبير 
حكيت للكل عنها بدون ماتتكلم 
وكنت تشوفها فتسلم 
وكنت تشم بارفانها فتعرف دارها ومكانها 
وتعرف كل الوانها بلمسة ايد 
ادي العيل ف وصف العيد 
لا نفع الشاي ولا الحكايات 
ولا الاحلام ولا البدايات 
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك 
وتشتم فيك 
وتدعي عليك 
ولا بتقول ده كان طيب وكان فيه بيننا ضحك دموع 
ولا بتقول ده صان وجعي ولا حافظ على المجموع 
مسافة ما الكلام بيموت بتنسى كل شيء له أصل
وتترك للمشاع سيرتك 
بتعمل ايه ؟؟ 
ياخي والله عيب فعلاً 
عشان امك ياخي حتى 
عشان حلمك 
عشان لو شفت ف مرايه انعكاس صورتك ماتتعرِّش وماتوطيش 
يادنيا رخيصه مابتديش 
لواحد حد يستاهله 
يشوف الشخص لما يعيش 
نتيجة موقفه وجهله 
نصيبك وانتي من أهله 
هموم الناس مابتضحكش
مابتحبكش
شكلك زفت 
اديك وعرفت
ف ايه ردك ؟
كفايه خيابه من حدك 
كفايه سنين بتتسرسب عشان ولا شيء 
مافيش ف الدنيا حد يبيع وهو بريء 
مقامك وسط كل الناس مقام عالي 
ووزنك في عيون اهلك دهب غالي 
وروحك نجمه بتلالي وقلبك ناي 
رميت نفسك لقلة قيمة بس ازاي 
طلع خوفك عليها ف عينها ضعف شديد 
وقربت بمشاعرك بس هي بعيد 
خيالها مريض بناس عدّوا 
بتتلذذ ببيع وجعك على الرصفان 
وتيجي انت وبتسامح بأي ضمان
لا والأعجب بتطلع منها غلطان 
وتطلع حد مش شاري 
كإن العرض كان ساري يومين بالظبط 
لا منك غِبت ولا قرّبت 
وادي الأيام بتثبتلك وبالاوراق 
غلط نظري ف نظرك فجأة ع الأشياء 
قعدت كتير عشان تفهم وربك شاء 
تضيع أحلى ما ف عمرك عشان انسانه ماتحسكش 
مابتحبكش صدقني 
مابتحبكش.

شكر : ستديو زين داوود 

مابتحبكش

The Best of the King Mohamed Mounir | أحلى ماغنى الكينج محمد منير

Subscribe to Free Music | إشترك في قناة فري ميوزك لمشاهدة أحدث الأغاني حصرياً 
https://www.youtube.com/@FreeMusicEgypt

Subscribe to Free Music Shorts | إشترك في قناة فري ميوزك شورتس لمشاهدة أحدث الأغاني حصرياً 
https://www.youtube.com/@freemusicshorts

Listen To More Songs | استمع  لمزيد  من أغانى " محمد منير "
https://bit.ly/MohamedMounirPlaylist

00:00 لما النسيم
05:37 ربك لما يريد
10:32 بتبعديني
14:55 هون يا ليل
19:33 سو يا سو
24:07 طلب السماح
28:38 يا دنيا
33:30 في دايرة الرحلة
37:52 خايف
43:02 حكايتي مع الزمان
48:23 يا طير يا طاير
51:40 شيء من بعيد
56:36 دور على الناس
1:01:14 أخرج من البيبان
1:05:30 في عشق البنات
1:10:50 عينيك حلوين
1:15:30 أنا بعشق البحر
1:18:10 النواصي
1:21:32 أنا قلبي مساكن شعبية

Connect with ➖ Free Music
➖ https://facebook.com/FreeMusicEgypt 
➖ https://twitter.com/FreeMusicEg
➖ https://instagram.com/freemusicegypt 
➖ https://youtube.com/FreeMusicEgypt
➖ https://dailymotion.com/FreeMusicEgypt
➖ https://tiktok.com/@freemusiceg
Copyright © All Rights Reserved - Free Music

Single

Subscribe on YouTube

The Best of the King Mohamed Mounir | أحلى ماغنى الكينج محمد منير

Mix Amr Hassan-ميكس عمرو حسن

خمس مشاهد - عمرو حسن

بقيت عادي 
كإني ديكور 
مابتكلمش عن حاجة ومابعلقش
ومبكدبش حد ف شئ، ومبصدقش
ومش مهتم بالدنيا ولا بالحرب
ومش باحزن علي الرايح ولا الآتي 
ومش حابب ادخل حد ف حياتي 
بقيت مبقتش من ساعة وجع ف الروح
ولاشرير ولاطيب ولاحساس ولا سادي
بقيت كما طيف
بقيت كما ضيف
بقيت عادي
ع الحال ده بقالي زمان
بقالي كم سنة يمكن
ماحدش منكم خد بال
روبوت تشغيله بحجارة
وطول ماحجارته فيه شغال
شجر أخضر مابيجرحش عين الناس
فانوس بيقيد ونوره سبيل 
ده مش تمثيل
ولاتطويل ف مشهد ما
لكن أسلوب وشكل حياة 
فماتلومنيش ع غيابي انا موجود
فاعيادكم
واحزانكم
صديق ف كفاية بيسرح ف اللي ضاع منه
شريك منزل 
نزيل غرفة 
وجع بيبص من الشرفة 
انا موجود ومش بفسد فرح بينكم
ولابزعل قوي منكم 
انا علي غير ما جوايا
مهرج باسعد الشلة
وصاحب إفيهات حاضره
وعامل لجلكم حضره
تقولوا ف وصفها الله 
فلو وجعاكو كلمة اه هابطلها 
يومين عزلة واكون أحسن
وهارجع تاني للشكل اللي كان بادي
انا عادي 
فخد راحتك
وقول عني اللي بتقوله
انا وكتير من الناس اللي بقوا زيي
مابنقربش من العالم عشان يحلو
ومابنفسدش ابداً جو
ومبنأذيش
لكن بنخاف من التجديد
من الناس اللي بيخشوا الحياة فجأة
وبيفاجئونا بوجودهم
عملنا سياج علينا عشان
ماتتعشمش ناس فينا
ف كل مساحة تلاقينا
نميل لأغاني شتوية
ولون غامق ف لبس عتيق
ريحتنا بيوت فارقناها
وهدومنا ناس قلعناها
وسميعة
بنعرف نكرم العالم ونقراهم
مبنملش من الحكايات
ولينا ف كل صدر نبات
ولينا الجدعنة الكاملة
ماننساش عيد ميلاد صاحب
ومبنبخلش بالمواعيد 
جدير بيكم تساعدونا 
تغنولنا .. وتحكولنا .. وتسقونا
يجوز دون قصد تحيونا
وتدون امل ف الضئ
يجوز نتراضي علي روحنا
ونتطمن لبكرة الحي
يجوز بالوقت نتطمن 
ونرجع نبتسم عادي.

وما أدراك ما الفوبيا

عمرو حسن اون ذا رن

مع قفل اخر باب 
وقت اختلاط الأعادي بزمرة الأحباب 
وانا درجة من سلِّم عَشَم مكسورة بإيدين اكتئاب
مالقتش غيرك وقت الرماح ما اتملِّكت منّي 
والدنيا كشفت وشها البايخ 
مانكرش اني قبل ما الجألك شديت خيوط التجربة للحرف
ومشيت لحد الطرف
وقبل روحي ماتتمنع م الفرح 
قبل فعلي مايتمنع م الصرف
انا كنت جاي الدنيا مليان بالندى 
قلبي السواقي الخضرا وعيوني المدى 
وضميري سعي اللي ابتدى ماوصلش
حصّلت أملي وللأسف ماحصلش 
واديني جيتلك ف احتياج لأمان
أمان لا جالي مع الصحاب والوقت 
ولا جالي بالحب ولا اللجوء لمكان
ظني في سُليمان لما ماداسش على نمله 
خلاني أقول فما بال إله سليمان 

جايلك بريء م المرض 
لكن مصاب بالعرَض 
وف صدري حادثة قديمة ما حكيتهاش 
بيني وبين الانتحار كسرة
وف ايدي فتحه وفعلها ما أتاش 
مضطر خايف أو كفيف شايف 
راجف شفايف أو قتيل بالشك 
مهتم عارف منطوي جارف 
داير لفايف درب ، منك لك
لا ف ايدي سيف ولا ف الخيال حيلة
فك البراح سكُّه ولما سكُّه اتفكّ
طمنني زي اللي اتطمننوا ومرّوا 
وعّيني عيني ماليها حزن و عكّ
أنا مين حبايبي ومين عدوّيني 
الدمع حاجب عيني وعّيني 
امتاى ؟ كيفي ؟ وفيني ؟ وفّيني 
ركضت سنين وقلبي داق واتدّك 
قلبي يتيم السؤال 
روحي احتلال 
والدنيا محض جدال والخوف عليه الرّك

واقف على قمة جبل 
محتار مابين حليّن
كلاهما شكّين وكلاهما وحلين
لولا ان غضبك جمّ
 وانت النهاية الأهم 
لـ كنت نطيت من زمان 
من ساعة الأغراب ما اتحوّلوا سكان 
والدرب ضاق ع الغلبانين ملّوا 
من ساعة الأصحاب ما قلوا والرعاه ضلّوا 
قبل الحروب الكبرى 
غزوات الفلوس 
قبل النفوس ما تهج من ذات النفوس
والدنيا تبهت زي درب طويل 
لكني متمسك بحبل إيمان
وصلي ف دوام الوصل منك إليك وصلان 
وانت حبيبي الوحيد 
وانت المكان اللا مكان 
 انت المسافات اللي مش ممكن أقدّرها 
وانت السبيل اللي مش ف خيالي أخسرها 
انت سبيل الحب 
مُتع الدرب 
وقف الحرب 
وبإيدك انت تندلع نارها 
سوّيها علشان الحساب طوّل 
وفي ناس غلابه مظلومين مساكين 
ناس لسه بني ادمين 
بيغيبوا عنك بس مش ضالين 
مستنيين ضحكه يحسوا أمان 
أو ف انتظار دعوه يردّوا آمين 
انا منسحب منها
بكل ملاعينها 
لا ايد تعين ميلها ولا قيد ملا عينها 
سايبها بسنينها 
وبكل شياطينها 
مش معتذر عن شيء 
ولا معتزل من شيء
انا منعزل م الكل
ماشي لضوء الضل 
أملى ف حياه بحياه 
نجيني م المعاناة 
واوهبني نعم غياب 
اخر قصيدة شعر 
طمعاً في أول باب

Voice Recorder

سبعة مارس

قصيدة بعد ما تشوفك عنيا عمرو حسن حفل اكتوبر ساقيه الصاوي 2019

ماحبتنيش... 
بلاش اكدب على نفسي
ولا ابرر
ولا اصور لروحي الوهم
هيفرق اية سبب موتي
يكون برصاصة ولا بسهم؟
مراية الحب مش عامية
مراية الحب كدابة
وكان لازم تغيب عني سايبة يا اما متسابة
وكان لازم بنفسي احس
كان لازم بعيني اشوف
اقابل وشها البارد بقلبي الشارد الملهوف
واغنيلها
واعيش ليلها
وائدف مركبي في نيلها
واراهن بالورق كلة على اخر رقم كسبان
بدأت علاقة وانا مستور
وخارج منها عريان
خارج منها وانا شاكك ومش شايل لحد امان
ماحبتنيش.. 
برغم اني وكتاب الله ماقصرتش 
ويوم ماقالتلي عايزه اعرف ما أنكرتش 
ويوم ماقالتلي زعلانه 
مابررتش 
معاها كنت انا التاني وابدّيها 
بنقص من حياتي حاجات وبدّيها 
ولما تمدلي ايديها 
امد ايديا ماسحبهاش 
ماحبتنيش وحبيتها 
ودايرة تقول ماحبتهاش 
غريبة.. 
غريبة القلب وعمايله 
ده انا لو كنت بعاديني ماكنتش هامشي ناحيتها 
ولو جوايا بكرهني ماكنتش برضه حبيتها 
مافيش عندي سبب واحد يبرر نظرتي ليها 
رسمت سيناريو جوايا وصدقته 
وقولت لنفسي بتحبك
وعينها عليك 
ياواد قرّب ياواد جرّب
دي لسه ف دنيتك داخله ولسه خيالها متغّرب 
لحد ما مرت الأيام
وانا بخسر ف كل قرار
وعشت حياتي بـ اتنازل وتغلط والتمس اعذار 
كنت حمار.. 
مفكّر ان لجل الحب نفرّط عادي ف كرامة  
اشوف نمرتها في موبايلي 
احس شعور غريب جايلي 
وصوتي يتقلب اهدى
واطوّل ف الكلام وارغي
وكل كلامها كان منهج مذاكره حتى بالملغي 
وشايف انها كوني
وشمسي وضلتي وناسي 
وبتأسف لاكون غلطان ف حاجه عملتها وناسي 
اكلمها عن الحاضر وعن بكره 
وعن بيتنا 
وباخد رأيها على طول في علاقتنا 
وهي كلامها كان اخره خلاص وتمام 
صباح الخير 
مساء الخير 
ويلا سلام 
بطلّع منها الكلمة بطلوع الروح 
وكنت باقول وايه يعني في ناس بتحس مش بتبوح 
لقيت افعالها زي كلامها بالواحدة
وبمشي ليها ميت خطوة 
ماتمشيش ليا ولا واحدة 
انا زعلان على نفسي 
عشان شكّيت كده ف نَفسي
ودوست عليا بالجامد عشان واحدة
ماحبتنيش..
كُنت توصيلة ونقطة بُعد لعلاقتين
ويمكن
يمكن كنت بالنسبالها تكفيرة
وعرفتني لسد الدين
ويمكن أي شئ تاني أكيد عارفاة
مسألتش وهي يترتكب حبي 
واية ذنبة اني ابقى معاة
ماحستش بذنب ازاي.. 
ماحستش بذنب ازاي وعاشت تتهم فيا
وترميني بتُهم ظالمة
بتطلب مني اطفي النور
وتتخانق عشان ضلمة؟
طول الوقت بتشكك
وبتفاوض
وبتخانق
وبتراوض
وبتعاير
وبتندم
كإني بجري وانا واقف
وفاكر نفسي هتقدم
ماحبتنيش.. 
سيبالي شعور ميت
بشوف اية في الحياة هيتعاش
بعد خسايري وانا خارج
دموعي وخوفي ومشاكلي
وأيامي اللي راحوا بلاش
لكني بقول انا راضي
وأحط الجملة دي قصادي
ده ذنب وجايلي م الماضي، بدعوة واحدة مابتنساش.

لو كنتى استنيتى شويه

Amr Hassan

Recent comments

🔱 I S M A I L 🔱

dida

dida

dida

Related tracks