AARADHANA

CHEYI PATTUKO-(YESU NAA CHEYI PATTUKO)

ఓ దేవా నా యాత్రలోన - నా తోడు నీవేనయా -2
నా నీడవై - నను వీడక - నడిపించు నా దేవా - 2

1. దుప్పి నీటి - వాగుల కొరకు - ఆశపడునట్లుగా
దేవా నీకొరకు - నా ప్రాణం - ఆశ పడుచున్నది = 2
నిత్యము నీ వాక్యమందు నిలిపి - నీ కృపలో నను గావుమా - 2

2. క్రమములేని నా బ్రతుకంతా - శ్రమలపాలైపోగా
కరుణ చూపి - నన్ను నీవు - వెలుగుతారగా చేసావు = 2
కడవరకు నీ ఆజ్ఞలందు నిలిపి - నీ కృపలో నను గావుమా - 2

ఓ దేవా నా యాత్రలోన..(Oh Deva - Hadlee Xavier)

అయ్యా నా కోసం కల్వరిలో - కన్నీరును కార్చితివా..
నశించిపోవు ఈ పాపి కొరకై - సిలువను మోసితివా..
అయ్యా వందనమయ్యా - యేసూ వందనమయ్యా.. - 2

1. పడిపోయి ఉన్న వేళలో - నా చేయి పట్టి లేపుటకు
గొల్గోత కొండపై పడిపోయిన - యేసూ నాకోసం తిరిగి లేచితివి  = 2
అయ్యా వందనమయ్యా - యేసూ వందనమయ్యా.. - 2

2. అనథ  నేను కాదని - సిలువపై నాకు చెప్పుటకు
ఒంటరిగా ఉన్న మరియను - యేసూ యోహానుకు అప్పగించితివి  = 2
అయ్యా వందనమయ్యా - యేసూ వందనమయ్యా.. - 2

అయ్యా నా కోసం కల్వరిలో..(Ayya Naakosam Kalvarilo)

నీలాంటి కన్నులు - నీలాంటి చేతులు - నీలాంటి హృదయము - నాకిమ్మయా - 2
నీలా చూచుటకు - నీలా తాకుటకు - నీలా స్పందించుటకు - యేసయ్యా - నీలా ప్రేమించుటకు

1. నీకై నేను పరిమళ వాసనగా - పరిశుద్ధతలో కడవరకూ నిలచి - 2
నాలో నిన్ను - లోకానికి చూపించుటకొరకు
నాలో నీవే జీవించుమయ్యా - బ్రతుకుకు అర్ధం నీవే కావయ్యా - 2

2. నీవే వెలుగై నన్ను వెలిగించితివి - వెలుగుగా నన్ను లోకంలో ఉంచితివి - 2
మనసే మందిరమై - పరిశుద్ధత కొలువై వసియించితివి
నాలా ఇతరుల ప్రేమించుటకు - ప్రేమను పోతగా నాలో పోయుము - 2 

నీలాంటి కన్నులు..(Neelanti Kannulu)

స్తుతి చేయుటే కాదు ఆరాధన - దేవుని పని చేయుటయే ఆరాధన
గమనించు దేవుని మనసులో ఆవేదన - వినిపించు ఈ సువార్తను ప్రతి వీధిన 
Work is worship - దేవునితో fellowship - 2
ఆరాధనా ఆరాధన - ఆత్మను రక్షించుటయే ఆరాధన
ఆరాధనా ఆరాధన - దేవుని పని చేయుటయే ఆరాధన

1. పెదవులతో ఘనపరచి - కూర్చుని లేస్తే సరిపోదు
మోకరించి ప్రార్ధన చేస్తే - పాపి మారడు = 2
ఆత్మతో సత్యముతో - తండ్రిని ఆరాధించాలి
అర్పణ ఆరాధనలు - దేహంతో జరగాలి
మనకున్న అవయవాలు - ప్రభు పనిలో అరగాలి
ఆరాధనా ఆరాధన - ఆత్మను రక్షించుటయే ఆరాధన
ఆరాధనా ఆరాధన - పాపిని రక్షించుటయే ఆరాధన

2. ఆత్మల రక్షణ మరిచి - ఆచరిస్తేనే సరిపోదు
ఆజ్ఞ మరిచి ఆరాధిస్తే  - పాపి మారడు = 2
ఆత్మను రక్షించే - వాక్యం ప్రకటించాలి
బైబిల్ బాగా నేర్చుకుని - లోకానికి వెళ్లాలి
దేహాన్ని దేవుని సేవకు - సజీవంగా ఇవ్వాలి
ఆరాధనా ఆరాధన - ఆత్మను రక్షించుటయే ఆరాధన
ఆరాధనా ఆరాధన - దేవుని పని చేయుటయే ఆరాధన

స్తుతి చేయుటే కాదు ఆరాధన ...(Sthuthi Cheyute Kadu Aaradhana..)

Na thoduga

నాతో మాట్లాడుమయ్యా - నన్ను దర్శించుమయ్యా
నీ మందిరాన - నీ సన్నిధాన - నీ ఆత్మతో నన్ను నింపుమయ్యా
నాతో మాట్లాడుమయ్యా..
యేసయ్యా.. యేసయ్యా... యేసయ్యా... యేసయ్యా.... యేసయ్యా.....

1. కన్నీళ్ళైనా కష్టాలెదురైనా - కడవరకూ నను చేర్చుమయ్యా
కరువు తోడైనా - కలిమి వేరైనా - కరుణించి కాపాడుమయ్యా
నా వేదనలో నీ జాలితో - నా శోధనలో నీ చేతితో
నిత్యము నను నడిపించుమయ్యా..
యేసయ్యా.. యేసయ్యా... యేసయ్యా... యేసయ్యా.... యేసయ్యా.....

2. నావారే నన్ను నిందించు వేళ - నను విడిచి పోబోకుమయ్యా
ఆదరణ నాకు - కరువైన వేళ - దరి చేరి ఒదార్చుమయ్యా
నా నిందలలో నా తోడువై - అపనిందలలో నా చేరువై
నిత్యము నను నడిపించుమయ్యా..
యేసయ్యా.. యేసయ్యా... యేసయ్యా... యేసయ్యా.... యేసయ్యా.....

3. నా కాలు జారి తొట్రిల్లు వేళ - చేజార్చి నిలబెట్టుమయ్యా
సాతాను నన్ను - బంధించు వేళ - నను చేరి విడిపించుమయ్యా
నీ చేతితో నను పట్టుకో - నీ సేవలో నను వాడుకో
నిత్యము నను నడిపించుమయ్యా..
యేసయ్యా.. యేసయ్యా... యేసయ్యా... యేసయ్యా.... యేసయ్యా.....

నాతో మాట్లాడుమయ్యా..(Natho Matladumayya..)

Naa Deepamu yesayya neevu Veliginchinaavu

ఇదిగో దేవా నా జీవితం - ఆపాదమస్తకం నీకంకితం - 2
శరణం - నీ చరణం - 4

1. పలుమార్లు వైదొలగినాను - పరలోకదర్శనము నుండి
విలువైన నీ దివ్య పిలుపుకు - నే తగినట్లు జీవించనైతి
ఐనా నీ ప్రేమతో - నన్ను దరిచేర్చినావు
అందుకే గైకొనుము దేవా - ఈ నా శేష జీవితం
శరణం - నీ చరణం - 4

2. నీ పాదముల చెంత చేరి - నీ చిత్తంబు నేనెరుగ నేర్పు
నీ హృదయ భారంబు నొసగి -  ప్రార్ధించి పని చేయనిమ్ము
ఆగిపోక సాగిపోవు - ప్రియసుతునిగా పనిచేయనిమ్ము
ప్రతిచోట నీ సాక్షిగా - ప్రభువా నన్నుండనిమ్ము
శరణం - నీ చరణం - 4

3. విస్తార పంట పొలము నుండి - కష్టించి పని చేయ నేర్పు
కన్నీటితో విత్తు మనసు - కలకాలం మరి నాకు నొసగు
క్షేమ క్షామ కాలమైనా - నిన్ను ఘనపరచు బతుకునిమ్మయ్యా
నసియించు ఆత్మలన్ - నీ దరిజేర్చు కృపనిమ్మయ్యా
శరణం - నీ చరణం - 4 

ఇదిగో దేవా నా జీవితం.. (Idigo Deva Na Jeevitham)..

Asher's SongsBin 01