ఆలోచించూ ఆలోచించు - ఓ నా నేస్తం ఆలోచించు 
అన్వేషించూ అన్వేషించు - ఒక్కసారి అన్వేషించు = 2
నీ గమనం ఏమైయుందో - నీ గమ్యం ఎక్కడ ఉందో 
ఏ తరుణం ఏమౌతుందో - నీ తీర్పు ఏమైయుందో
దేవుడు అడిగే ప్రశ్నకు నువ్వు - బదులేమిస్తావో..!?

1. నీతిగా నువ్వే జీవిస్తే - దేవుని రాజ్యం నీదవదా 
చీకటి దారి నీదైతే - నిప్పుల వలలే ఎదురవవా = 2
నీ పాపపు జీవితమంతా - ప్రభురక్తంలో కడగాలి 
నీ ఎదలో దేవుని ధ్యానం - వినిపించే స్వరమవ్వాలి 
సగము ఇహము - సగము పరమని జీవిస్తున్నావా..?!

2. దుష్టుల స్నేహం విడిపోతే - హృదయం దేవుని వశమేగా 
పాపుల మార్గంలో వెళితే - మరణం నీకు శరణవదా = 2
చెడు పలికే నీ పెదవులకు - ప్రభు ప్రార్ధన ఫలమిస్తుందా
చెడు చూసే నీ కన్నులకు - పరలోకం కనిపిస్తుందా 
ఇదియే సమయం - ఇపుడే యేసుకు మనసిస్తున్నావా..?!


ఆలోచించూ ఆలోచించు..(Aalochinchu Aalochinchu..)

రచన - యం. దేవదాసు అయ్యగారు
సంగీతం - ఎ.ఆర్. స్టీవెన్సన్

­దేవుని చేత అనుగ్రహించబడిన అవయవాలు - కృపావరాలు - ఆయనకు మహిమ తేవాలని ఆయన ఆశిస్తున్నాడు.

----------------------------------------------------------------------------------------------------
                                        సమర్పణ కీర్తన
----------------------------------------------------------------------------------------------------

తనువు నాదిదిగో గై - కొనుమీ యో ప్రభువా నీ - పనికి ప్రతిష్టింపు మీ -
దినములు క్షణములు - దీసికొని యవి నీదు వినుతిన్ ప్రవహింప జే - యను శక్తీ నీయుమీ

 1. ఘనమైన నీ ప్రేమ - కారణంబున నీకై - పని చేయ జేతులివిగో -
అనయంబు నీ విషయ - మై సొగసుగా చురుకు - దనముతో బరుగెత్త - వినయ పాదము లివిగో

 2. స్వరమిదిగో కొనుమీ - వర రాజా నిను గూర్చి - నిరతమ్ము పాడనిమ్ము-
మరియు పెదవు లివిగో - మహానీయమైన నీ - పరిశుద్ధ వార్తతో - పరి పూర్ణముగా నింపు

 3. వెండి పసిడి యివిగో - వీసమైనను నాకై - యుండ వలెనని కోరను -
నిండైన నీ యిష్ట - నియమంబు చొప్పున - మెండుగ వాడ బరి - మితియౌ  జ్ఞానంబిదిగో

 4. నా యిష్టమిదిగో యిది - నీ యిష్టముగ జేయ - నా యిష్ట మిక కాదది -
నా  యిచ్చ యున్నట్టి - నా హృదయ మిదిగో నీ - కే యిది యే రాజా - కీయ సింహాసనమౌ

5. ఉన్న నా ప్రేమ నీ - సన్నిధానమున నే - నెన్నడు ధారబోయన్ -
నన్ను నీ వానిగా - నాధా గైకొను మపుడు - చెన్నుగ నీ వశమై - స్థిరముగా నుండెద

తనువు నాదిదిగో గైకొనుమీయో ప్రభువా..(Thanuvu Nadhidhigo - Male)

సంగీతం ద్వారా దేవుని వాక్యాన్ని హృదయాల్లో నివసింపజేయవచ్చు.  స్తుతి ఆరాధన ద్వారా పరిస్థితులను మార్చవచ్చు. పాటలతో అనేకులను ప్రభువులో సంతోషింపజేయాలని ప్రయత్నిస్తున్నాను. 
నీ మాట నా పాటగా - అనుక్షణం పాడనీ యేసయ్యా..

Lyrics, Music & Sung by : Bro. A.R.Stevenson

నీ మాట నా పాటగా - అనుక్షణం పాడనీ 
లోకాన నిను చాటగా - నా స్వరం వాడనీ 
నా గీతం.. ఆత్మలను - నీవైపే ఆకర్షించనీ 
ఆదరణ.. కలిగించి - నీలోనే ప్రహర్షించనీ..

1. ఏ చోట గళమెత్తినా - నీ ప్రేమ ధ్వనియించనీ 
పాడేటి ప్రతి పాటలో - నీ రూపు కనిపించనీ = 2
వినిపించుచున్నప్పుడే - ఉద్రేకమును రేపక
స్థిరమైన ఉజ్జీవము - లోలోన రగిలించనీ 
నా గీతం.. ఆత్మలను - నీవైపే ఆకర్షించనీ 
ఆదరణ.. కలిగించి - నీలోనే ప్రహర్షించనీ..


2. నీ దివ్యగానామృతం - జలధారలుగా పొంగనీ 
తాకేటి ప్రతి వారినీ - ఫలవంతముగా మార్చనీ = 2
శృతిలయలు లోపించక - విసిగింపు కలిగించక 
నిజమైన ఉల్లాసమై - నిలువెల్లా కదిలించనీ
నా గీతం.. ఆత్మలను - నీవైపే ఆకర్షించనీ 
ఆదరణ.. కలిగించి - నీలోనే ప్రహర్షించనీ..

3. ఆత్మీయ గీతాలతో - తనువంతా పులకించనీ
సంగీతమే భోధయై - కనువిప్పు కలిగించనీ = 2
కాలక్షేపం కోసమే - పరిమితము కాకుండగా 
హృదయాల్లో నివసించుచూ - కార్యాలు జరిగించనీ 
నా గీతం.. ఆత్మలను - నీవైపే ఆకర్షించనీ 
ఆదరణ.. కలిగించి - నీలోనే ప్రహర్షించనీ..



నీ మాట నా పాటగా - అనుక్షణం పాడనీ.. (Nee Mata Na Pataga..)

పరలోక తండ్రియైన దేవుడు తన పిల్లలను ఉన్నత స్థితిలో ఉంచగలడు, వారికి విశ్రాంతి అనుగ్రహించగలడు. వంచనకు గురైన అనేక సందర్భాల్లో, అత్యధిక విజయాలిస్తున్నాడు సరైన సమయాల్లో.

Lyrics, Music & Sung by : Bro. A.R.Stevenson

నిను నమ్మినచో సిగ్గు పడనీయవు - నను నెమ్మదితో నీవే ఉంచెదవు - 2
ఆపత్కాలమున నమ్ముకొనదగిన - 2
యేసు నీవే ఆధారము - యేసు నీవే నా ప్రాణము - 2

1. తెలివిని నమ్ముకొని - తూలి పడ్డాను - 2
బుద్ధి జ్ఞానము నీ దానమని - నీ చెంతకు చేరాను - 2
యేసు నీవే ఆధారము - యేసు నీవే నా ప్రాణము - 2

2. బలమును నమ్ముకొని - భంగ పడ్డాను - 2
శక్తిమంతుడా నా కోటవని - నీ చెంతకు చేరాను - 2
యేసు నీవే ఆధారము - యేసు నీవే నా ప్రాణము - 2

3. ధనమును నమ్ముకొని - దగా పడ్డాను - 2
సుఖ సంపద నీ దీవెనని - నీ చెంతకు చేరాను - 2
యేసు నీవే ఆధారము - యేసు నీవే నా ప్రాణము - 2

4. మనుషుల నమ్ముకొని - మభ్య పడ్డాను - 2
సత్యవంతుడా ఆశ్రయుడవని - నీ చెంతకు చేరాను - 2
యేసు నీవే ఆధారము - యేసు నీవే నా ప్రాణము - 2

నిను నమ్మినచో సిగ్గు పడనీయవు..(Yesu Neeve Aadharamu..)

Awesome song from the album - Rojantha by Bro. Joel Kodali.
Music by: Bro. J.K. Christopher

చీకటి లోయలో నేను పడియుండగా - నీవే దిగి వచ్చి నను కనుగొంటివి 
మరణపు ఘడియలో నేను చేరియుండగా - నీ రక్తమిచ్చి నను బ్రతికించితివి
నీవే.. దేవా నీవే.. నీవే నీవే - నా ప్రాణ దాతవు నీవే ప్రభూ 
చేర్చూ.. దేవా చేర్చూ.. నన్ను చేర్చూ - ఎతైన కొండపైకి నను చేర్చూ ప్రభూ

అరణ్యములలో నేను పయనించిననూ - ఏ అపాయమున కిక భయపడను 
నీవే నా మార్గమని నిను వెంబడించెదను - నా చేయి పట్టి నను నడిపించుము 
నీకే.. దేవా నీకే.. నీకే నీకే - నా  సమస్తము నీకే అర్పింతునూ 
చేర్చూ.. దేవా చేర్చూ.. నన్ను చేర్చూ -  నా తండ్రి ఇంటికి నను చేర్చూ ప్రభూ

ఆకలి దప్పులు లేని - శ్రమలు అలసటలు లేని
శోధన ఆవేదన లేని - భయము దుఖఃము లేని
మరణం కన్నీరు లేని - చీకటి ప్రవేశం లేని 
నా తండ్రి ఇంటికి నను చేర్చూ ప్రభూ

సకల  సమృద్ది ఉండు - దూతల స్తుతిగానలుండు 
భక్తుల సమూహాముండు - మహిమ ప్రవాహముండు 
నిత్యం ఆరాధన ఉండు - నిరతం ఆనందముండు  
నా తండ్రి ఇంటికి నను చేర్చూ ప్రభూ



చీకటి లోయలో నేను పడియుండగా..(Cheekati Loyalo Nenu Padiyundaga..)

నీకన్నా లోకాన - నాకేవరున్నారయ్యా - 2
నాకున్న తోడు నీడ - నీవే యేసయ్యా - 2

1). నీలా ప్రేమించేవారు - ఎవరున్నారయ్యా - 2
ప్రాణం పెట్టిన దేవుడవు - నీవే యేసయ్యా - 2

2) . నీలా భోధిoచేవారు - ఎవరున్నారయ్యా - 2
జీవం వున్న దేవుడవు - నీవే యేసయ్యా - 2

3). నీలా రక్షించేవారు - ఎవరున్నారయ్యా - 2
రక్తం కార్చిన దేవుడవు - నీవే యేసయ్యా - 2

4). నీలా పోషించేవారు - ఎవరున్నారయ్యా - 2
అన్నీ తెలిసిన దేవుడవు - నీవే యేసయ్యా - 2

నీకన్నా లోకాన - నాకేవరున్నారయ్యా.. (Neekanna Lokana Nakevarunnarayya..)

ఆల్బమ్: సాటిలేని దేవుడు
గానం, సంగీతం: బ్రదర్. ఆకుమర్తి దానియేల్ 

ఎపుడమ్మివేసావు యేసయ్యను - ఎక్కడమ్మివేసావు దేవదేవుని - 2 
ఉద్యోగంలోనా.. దాంపత్యంలోనా... ఏకాంతంలోనా... దైవసేవలోనా.. ?! - 2
యోచించుమా నేస్తమా - గమనించుమా సేవకా

1. ఒక్కపూట కూటికై - జ్యేష్టత్వపు హక్కును - అమ్మివేసుకున్నాడొక ఏశావు  
ధనము పొందగోరి - నయమాన్ని వెంబడించి - కుష్టు పొందుకున్నాడొక  గెహజీ 
లోకం అశాశ్వతమని ముందే ఎరిగి - శాశ్వతమగు యేసుప్రేమ రుచి చూచీ  
ఎక్కడమ్ముడైనావో - యేసు నమ్మివేసినావేమో 
యోచించుమా నేస్తమా - గమనించుమా సేవకా

2. క్రైస్తవ పేరును కలిగి -  అన్యునిగా జీవించి - క్రీస్తు పేరు దూషణకు గురిచేయకు 
బడిలో ఒక పేరుతో - గుడిలో ఒక పేరుతో - ఉభయచరపు జీవితం మానుకో 
వెచ్చగా ఉండూ - లేక చల్లగా ఉండు - నులివెచ్చని జీవితం బహుఘోరం 
ఎలా బ్రతుకుచున్నావో - నీవు ఎక్కడ పడిపోయావో 
యోచించుమా నేస్తమా - గమనించుమా సేవకా

ఎపుడమ్మివేసావు యేసయ్యను..(Epudammivesavoo Yesayyanu..)

రమ్మనుచున్నాడు - నిన్ను ప్రభు యేసూ..
వాంఛతో తన - కరము చాపి - రమ్మనుచున్నాడు - రమ్మనుచున్నాడు..

1. ఎటువంటి శ్రమలందునూ - ఆదరణ నీకిచ్చునని - 2
గ్రహించి నీవు - యేసుని చూచినా - హద్దులేని ఇంపు పొందేదవు  - 2

2. కన్నీరంతా తుడచునూ- కనుపాపవలె కాపాడున్ - 2
కారుమేఘంవలె  - కష్టములు వచ్చిననూ- కనికారించి నిన్ను కాపాడును - 2

3. సొమ్మసిల్లు వేళలో - బలమును నీకిచ్చునూ - 2
ఆయనే  నీ వెలుగు, రక్షణ యైనందున - ఆలసింపక నీవు త్వరపడి రమ్ము - 2

4. సకల వ్యాధులను - స్వస్థపరచుటకూ- 2
శక్తిమంతుడగు ప్రభు యేసు ప్రేమతో - అందరికీ తన కృపలనిచ్చున్ - 2

రమ్మనుచున్నాడు నిన్ను ప్రభు యేసూ..(Rammanuchunnadu Ninnu)

"నీ కుమారునిగా పిలువబడుట కన్నా ఆధిక్యత నాకు ఏమున్నది. నీ సేవకొరకు సమర్పించుటలోనే నాకు ఆనందమున్నది. "

జగతికి ఱేడు - జీవించువాడు - 2
యుగములకు యేసు - రాజైయున్నాడు - 2
రాజైయున్నాడు - యేసు రాజైయున్నాడు - 2 

1. ఆ యేసు నీకు రక్షకుడైతే - రక్షణ పాత్ర నీ చేతనుంటే - 2
అక్షయ దేహము ఆనాడు పొంద - ఈనాడు నీవిచ్చూ నీ అర్పణేది - 2
రాజైయున్నాడు - యేసు రాజైయున్నాడు - 2 

2. ఆ తండ్రికి నీవు తనయుడవైతే - అబ్బా అని పిలిచి ఆదరణ పొందు - 2
యేసుకు నీవు దాసుడవైతే - కాసులు రెండిచ్చి కనికరము పొందు - 2 
రాజైయున్నాడు - యేసు రాజైయున్నాడు - 2 

3. ఆ రాజు నీలో ఆనందమొందా - అధికసుందరమగు ఆ సంఘమందు  - 2
అంగముగా నీదునందమునిచ్చి - ఆ విభునికర్పించూ నీ అర్పణములు - 2 
రాజైయున్నాడు - యేసు రాజైయున్నాడు - 2 



రాజైయున్నాడు - యేసు రాజైయున్నాడు..(Rajai Vunnadu - Yesu Rajai Vunnadu..)

యేసన్న వంటి దేవుడెవ్వరు - యేసన్న కంటే మిన్నఎవ్వరు - 2
ఆకాశమందున - భూమండలమున - 2
ప్రభువు కన్నా గొప్ప ఎవ్వరూ ? - నా ప్రభువు కన్నా గొప్ప ఎవ్వరూ ?
హైలెస్సా హైలెస్స - హైలెస్సా హైలెస్స - 2

1. అలలపైన నడచినది ఎవ్వరూ - గాలి తుఫానును ఆపినదెవరూ - 2
చెదరిన జీవితనావలో చేరినదెవరూ - భీతిని భయమును తొలగించినదీ ఎవరు - 2
నా నావ నడిపించి - నన్ను దరికి చేర్చిన - 2
ప్రభువు కన్నా గొప్ప ఎవ్వరూ ? - నా ప్రభువు కన్నా గొప్ప ఎవ్వరూ ?
హైలెస్సా హైలెస్స - హైలెస్సా హైలెస్స - 2

2. పాపులందరి మిత్రుడు ఎవ్వరూ - పాపపు భారము మోసినదెవరూ - 2
ప్రాణమునర్పించి తిరిగి లేచినదెవరూ - పాపము శాపము క్షమియించినది ఎవరు - 2
నా నావ నడిపించి - నన్ను దరికి చేర్చిన - 2
ప్రభువు కన్నా గొప్ప ఎవ్వరూ ? - నా ప్రభువు కన్నా గొప్ప ఎవ్వరూ ?
హైలెస్సా హైలెస్స - హైలెస్సా హైలెస్స - 2

రాజైయున్నాడు - యేసు రాజైయున్నాడు..(Rajai Vunnadu - Yesu Rajai Vunnadu..)

Asher's SongsBin 03

Related tracks