"యేసయ్య ప్రేమకు మించిన ప్రేమ ఈ లోకంలో లేనే లేదు.. అది ఎంత గొప్పదో తెలుసా..
మనుషుల పాపముల నుండి రక్షించడానికి దేవుడే మానవునిగా మారినంత గొప్ప ప్రేమ.
అది అవధులు లేని ప్రేమ. అందుకే ఆయనను ప్రేమమూర్తిగా ఆరాధించాలి."


నీదు ప్రేమకు హద్దు లేదయ్యా... 
నీదు ప్రేమకు కొలత లేదయ్యా... 
నీదు ప్రేమకు సాటి రారయ్యా - ఎవ్వరూ..
పొగడదగిన ప్రేమమూర్తివి నీవయ్యా - యేసయ్యా.. 

1. తల్లిదండ్రులు చూపలేని ప్రేమ
తనయులివ్వని తేటనైన ప్రేమ = 2 
పేదలకు - నిరుపేదలకును
విధవలకును - అనాథలకును = 2
బంధుమిత్రులు చూపలేని ప్రేమ - 2
కొనియాడదగిన ప్రేమమూర్తివి నీవయ్యా - యేసయ్యా...

2. నరులకై నరరూపమైన ప్రేమ
పరము చేర్చగ ప్రాణమిచ్చిన ప్రేమ = 2
దొంగలకు - వ్యభిచారులకును
క్రూరులకు - నరహంతకులకు = 2
మనుజులివ్వని - మధురమైన ప్రేమ - 2
కీర్తించదగిన ప్రేమమూర్తివి నీవయ్యా - యేసయ్యా..

నీదు ప్రేమకు హద్దు లేదయ్యా.. (Needu Premaku Hadduledaya..)

"దేవుడు మనపక్షముననుండగా మనకు విరోధి ఎవడు.
ఆయన కాపుదల మన చుట్టూ నుండగా మనకు హానిచేయగలవాడెవడు.
శత్రువులు పొంచి ఉన్నా.. ఆపదలు తరుముతున్నా..
నిశ్చింతగా ఉండగలుగుతున్నాను."
-----------------------------------------------------------
కరుణించే నావాడూ - కనుపాపలా కాపాడు
కునుకేయడు ఏనాడు.. యేసూ...=  2
నా పక్షము తానున్నాడు - నేనే నీ తోడన్నాడు
నాతో వస్తున్నాడు - క్షేమం ఇస్తున్నాడు...
నేనెందుకు భయపడవలెను - సామాన్యునివలెనూ... - 2

1. పోరాటము చేయకుండనే -  ఏ ఖడ్గము దూయకుండనే
తరుమువారు పారిపోలేదా..= 2
ఊరక నిలిచిన చాలును - జరుగును రక్షణకార్యము
బలపరిచే యేసు మాటలో - ఆదరించబడుతున్నాను
"నేనెందుకు.."

యేసులో జయం - యేసులో జయం -  గొప్ప గొప్ప విజయం - 2

2. బూరలను ఊదినంతనే - ఆర్భాటం చేసినంతనే
కోట గోడ కూలిపోలేదా = 2
నమ్మిక ఉంచిన చాలును - తొలగును ప్రతి ఆటంకము
స్థిరపరరిచే యేసు చేతిలో - భద్రపరచబడియున్నాను
"నేనెందుకు.."

3. కుండ పగలగొట్టినంతనే - దివిటీ వెలిగించినంతనే
శత్రుసేన రాలిపోలేదా = 2
లోబడియుండిన చాలును - చేయును ప్రభువే యుద్ధము
ఘనపరిచే యేసు ప్రేమలో - జయము పొందుకొనుచున్నాను
"నేనెందుకు.."

కరుణించే నావాడూ - కనుపాపలా కాపాడు..(Karuninche Naa Vadu)

శాశ్వతమైనది - నీవు నా యెడ - చూపిన కృప 
అనుక్షణం నను - కనుపాపవలె - 2
కాచిన కృప..

1. నీకు బహుదూరమైన నన్ను - చేరదీసిన నా తండ్రివి - 2
నిత్య సుఖశాంతియే నాకు - నీదు కౌగిలిలో - 2 

2. తల్లి తన బిడ్డలను మరచినా - నేను మరువలేనంటివే - 2 
నీదు ముఖకాంతియే నన్ను- ఆదరించేనులే - 2 

3. పర్వతములు తొలగినను - మెట్టలు తత్తరిల్లిన - 2  
నా కృప నిను వీడదని - అభయమిచ్చితివే - 2 


శాశ్వతమైనది - నీవు నా యెడ చూపిన కృప..(Saswathamainadhi..)

వర్షధారగా రావా నా యేసయ్యా - ఎండిపోయిన భూమీ నేనయ్యా - 2
ఈ నేలలో పంట లేదయ్యా - నా మనసులో శాంతి లేదయ్యా - 2
వర్షధారగా రావా నా యేసయ్యా - ఫలింపజేయుమా పరమేశ్వరా  - 2

1. పాపములన్నీ పరిహరించుమా - భయములెల్లా పారద్రోలుమా - 2
యేసునాథుడా.. నా రక్షకా - యేసునాథుడా.. నా రక్షకా - 2
నీదు కృపతో ఆదరించుమా - 2 
 
2. మనోవ్యథలను గుణపరచుమా - తనువు గాయమెల్లా స్వస్థపరచుమా - 2
యేసునాథుడా.. పరమవైద్యుడా - యేసునాథుడా.. పరమవైద్యుడా - 2
గాయములెల్లా స్వస్థపరచుమా - 2 

వర్షధారగా రావా నా యేసయ్యా..(Varshadharaga Rava Naa Yesayya)

చిత్రమైన స్నేహమిది - యేసయ్య నాతోను చేసినది - 2
చింతలన్నీతీర్చునది - ఆనందముప్పొంగు తరంగమిదీ
హోసన్నా యేసన్నా.. - 4

1. దారులన్నీ వెతికానే - ధరణి అంతా తిరిగానే
శాంతినిచ్చు స్నేహముకై - వేచి విసిగిపోయానే = 2
నా యేసయ్యా - నిజమైన స్నేహం నీదయ్యా - 2
ప్రాణమిచ్చినావయ్యా - శాంతినొసగినావయ్యా..

2. పరము వీడి వచ్చితివా - పాపినైన నను బ్రోవా..
నిను సిలువ వేసిననూ - నీ ప్రేమను పంచితివా = 2
ప్రాణనాథుడా - నిత్యజీవమిచ్చీ బ్రోచితివా - 2
నన్ను పిలిచినావా ప్రభువా - ధన్యుడనైతిని దేవా..

చిత్రమైన స్నేహమిది -  యేసయ్య నాతోను చేసినది..(Chithramaina Snehamidhi..)

శుభవేళ స్తోత్రబలి - తండ్రీ దేవా నీకేనయ్యా
ఆరాధన స్తోత్రబలి - తండ్రీ దేవా నీకేనయ్యా
తండ్రీ దేవా నీకేనయ్యా - 2

1. ఎల్ షద్దాయి.. ఎల్ షద్దాయి - సర్వశక్తిమంతుడా - 2
సర్వశక్తిమంతుడా - ఎల్ షద్దాయి.. ఎల్ షద్దాయి - 2

2. ఎల్ రోయి.. ఎల్ రోయీ -  నన్నిల చూచువాడా - 2
నన్నిల చూచువాడా - ఎల్ రోయి.. ఎల్ రోయీ - 2

3. యెహోవా షమ్మా - మాతో ఉన్నవాడా - 2
మాతో ఉన్నవాడా - యెహోవా షమ్మా - 2

4.  యెహోవా షాలోమ్ - శాంతి నొసగువాడా - 2
శాంతి నొసగువాడా - యెహోవా షాలోమ్ - 2

5.  యెహోవా రాఫా - స్వస్థపరచు దేవా - 2
స్వస్థపరచు దేవా - యెహోవా రాఫా - 2

శుభవేళ స్తోత్రబలి - తండ్రీ దేవా నీకేనయ్యా..(Shubhavela Sthothra Bali..)

ప్రేమ.. యేసయ్య ప్రేమా - 4
మారనిదీ మరువనిదీ విడువనిదీ ఎడబాయనిదీ - 2

1. నేను పుట్టకముందే - నను ఎన్నుకున్న ప్రేమ
నేను ఎరుగకముందే - ఏర్పరుచుకున్న ప్రేమ = 2
నే పడిపోతుంటే - పట్టుకున్న ప్రేమ
తన కృపలో - నన్ను దాచుకున్న ప్రేమ = 2
"అది మారనిదీ..." 

2. తల్లి మరచిన గానీ - నను మరువనన్న ప్రేమ
తండ్రి విడిచిన గానీ - నను విడువనన్న ప్రేమ = 2
నేనేడుస్తుంటే - ఎత్తుకున్న ప్రేమ
తన హృదయములో - నను దాచుకున్న ప్రేమ = 2
"అది మారనిదీ..."

(ఈ ఆలాపన ఎవరిదో తెలుసా... 
పరిశుద్ధాత్మునిచే బహుబలంగా వాడబడుతూ
ఈనాడు కోట్లాదిమందిని ఆశ్చర్యకరమైన దేవుని వెలుగులోకి నడిపిస్తున్న.. 
సిస్టర్. షారోన్‌ ప్రవీణ్‌ (కల్వరీ మినిస్ట్రీస్..)
నన్ను ఎంతగానో బలపరచిన నా ఆత్మీయ తల్లి)


ప్రేమ.. యేసయ్య ప్రేమా..(Prema.. Yesayya Prema)

నాకు ముందు నీవు నడచినా..
చాలునయా చాలునయా.. నీవుంటే నాకు చాలునయా - 2
యేసయ్యా.. యేసయ్యా.. యేసయ్యా.. 
చాలునయా చాలునయా.. నీవుంటే నాకు చాలునయా - 2

1. ఎర్రసముద్రం నా ముందు నుండినా
 పెనుతుఫానులే నాపై కొట్టినా = 2
నను నడిపించు యేసూ.. నీవుండగా - 2
"చాలునయా.."

2.కరువు ఖడ్గము నా ఇంట నుండినా
వ్యాధి బాధలు నను చుట్టుముట్టినా = 2
నను ప్రేమించు యేసూ.. నీవుండగా - 2
"చాలునయా.."

3. బంధుమిత్రులు నను విడనాడినా
ధనధాన్యములే లేకుండినా = 2
నా స్నేహితుడా యేసూ.. నీవుండగా - 2
"చాలునయా.."

నాకు ముందు నీవు నడచినా..(Naaku Mundu Neevu Nadachinaa..)

నీ కృపా నాకు చాలును - నీ కృప లేనిదే నే బ్రతుకలేను - 2
నీ కృప లేనిదే నే బ్రతుకలేను

1. జలరాశులన్నీ ఏకారాశిగా - నిలిచిపోయెనే నీ జనుల ఎదుట - 2 
అవి భూకంపాలేయైనా - పెనుతూఫానులేయైనా - 2 
నీ కృపయే శాశించునా - అవి అణగిపోవునా - 2 

2. నా జన్మభూమి వికటించాగా - మారిపోయెనే మరుభూమిగా - 2 
నీ కౌగిలి నను దాచెనే - నీ త్యాగమే నను దోచెనే - 2 
నీ కృపయే నిత్యత్వమా - నీ స్వాస్థ్యమే అమరత్వమా - 2 

3. జగదుత్పత్తికి ముందుగానే - ఏర్పరచుకుని నన్ను పిలచితివా - 2 
నీ పిలుపే స్థిరపరచెనే - నీ కృపయే బలపరచెనే - 2 
నీ కృపయే ఈ పరిచర్యను - నాకు అనుగ్రహించెను - 2 

నీ కృపా నాకు చాలును..(Nee Krupa Naku Chalunu..)

జీవజలమా ఆత్మనాథుడా - ఎండని నదిలాగా రమ్ము బోధకా - 2
రండయ్యా బోధకుడా.. - 2
ఎండని జీవనదిలాగా.. - 2

1. పాదాల కొలత సరిపోదయ్యా - మోకాళ్ల లోతు సరికాదయ్యా - 2
ఈతలా మునిగి లేవాలయ్యా - 2
తేలి తేలి ఆడాలయ్యా - 2
"రండయ్యా బోధకుడా.. "

2. పోవు స్థలమెల్లా ఆరోగ్యమే - పారు చోటెల్లా పరిశుద్ధమే - 2
చేరు దాపంతా సంతృప్తియే - 2
నిలుచు మేరంతా పుష్టికరమే - 2
"రండయ్యా బోధకుడా.. "

3. కోట్లకోట్ల జాలర్ల గుంపు - పరుగు పరుగున వల వేయాలి - 2
పాడి పాడి చేపలు పట్టి - 2
పరమ దేవునికి ప్రజను చేర్చాలి - 2
"రండయ్యా బోధకుడా.. "

4. ఒడ్డున చెట్లు విస్తారంగా - పండ్లు ఇవ్వాలి ధారాళంగా - 2
ఔషధమవ్వాలి ఆకులన్నీ - 2
ఆహారమవ్వాలి పండులన్నీ -2
"రండయ్యా బోధకుడా.. "

జీవజలమా ఆత్మనాథుడా..(Jeeva Jalama..)

Asher's SongsBin 06

Related tracks