هي الأيام لمّا بتخلص
بتروح على فين ؟ ..
مقصُدش نموت
أنا أقصد لمّا اليوم يعني
بيخْلَصْ و يفوت
و تعدِّي وراه أيام تانيين ..
و أما الأسبوع بيعَدّي أوام
و يقَفِّل سِت ايام بالطول
مع يوم بالعرض
بيروح على فين و يسيب الأرض ؟
طب فين المخزن و التخزين ؟ ..
معقوله تكون أيامنا هناك
مرصوصة فـ حبة كراتين ؟ ..
مليانة بـ إمبارِح و بـ أوِّل
و بـ أول أول و أنا راجع
لمّا أوصل سِن السَنَتين ؟ ..
طب هقدر أطَلّع م المخزن
إحساسي بنفسي و بالناس
و خناقي إمبارح في الزحمة
و أصالِح سواق الباص ؟
هل ممكن أزوِّد إخلاص
لعلاقتي بكُل إللي أعرفهُم
لسنين و سنين ؟
هل ممكن أدَوّر على فترة
ضاعت من سن العشرين ؟
هل ينفع أسجّل رغباتي
و أختار أما أكبر و أستكبر
أنا هطلع مين ؟
هل يمكن لو ....
أو هل جايز ...
بل لا يُمكن ..
إننا نعرف
إزاي الأيام دي بتنقَص
و أما بتخلص
بتروح على فين ...

على فين لـ نبيل عبدالحميد

مريض كانسر_اشرف عبدالهادي

.. هيسيبوك
وقت الوقوع
و ان كانوا زى الزاد إليك
بطّل تجوع ..

فانتازيا - عادل العش

العرض الأول +18     (تقى درويش) #تُقىٰ_Toqa

Darweesh | درويش

Lyrics | كلمات : 
هادي محم

Composing | ألحان :
شريف البهي

Arrangement | توزيع :
محمد سامي - VEGA studio

Lead guitar | جيتار : 
تيتو  طارق

Special thanks for :
هيثم محفوظ 
محمود عمارة 
شركة IAMY 


Lyrics | الكلمات :

أراجوز في سيرك كبير 
بكون بيلياتشو كله عيوب 
بكون كاره أعيش ع الشط 
بخيط دايب و كله كروب 

بكون كاره لكون الكارو مابتمشيش 
و كاره لكوني "البغل"  بالتهميش 
و اكون كاره لكون الكون يادوب كام لون 
بزق العجلة بوتر دايب بشوق ميت و نفسه يعيش

أنا أبسط شخص في رواية تملي بتخلف المكتوب 
 أنا راضي ،  بقلم فاضي ع المسرح وبمسح دور أصلا في الاساس ملعوب 
أنا أبسط منايا يعدي عليا فيبراير 
و قبل نصه بيوم يهاديني البشر دبدوب 

أنا محروم من الضلة و ضي الشمس جوا الشيش
يزود رغبتي في كوني أكون درويش 
بيسرح في الفضا و يسبح بعين داعية 
يا رب ،، أنا ميت بلا روحي و حابب عيش 

و حابب ضلمة في غروبك و مش عارف أحب الضي 
و كاره كوني بتنفس و بكره إني لسه حي 
بتوه في اللحظة 100 مرة و أحس بخوف 
يطمني و خوف يستقبل النور اللي جايز ،، جي

لا يجوز انك تكون شيء غير انك عبد لكلامنا 
فتسمعنا و تستنى لحد ماندي أوامرنا 
فتمشي بين جدور نفسك بتمحي شيء مش " احنا"
فتصبح مسخ في الدنيا 
عروسه خيوطها في سطوحنا
نحركها ، نبهدلها ، ، نفصص روحها بجناحنا 
يحرم عليك يكونلك رأي يخالفنا 
يحرم عليك تكون نفسك 
طلاما رضيت بشروطنا 
فتفضل مسخ في الدنيا 
وتفضل شيئ بيشبهنا
،

فتعالى نقول ،، و نعيد و نزيد في كلام مقفول 
و نعيش بنعالج حيط معلول 
و نعيش على طول بنداري حلول 
جوفي البائس يسكنه قلب أبأس 
عايش يهاتي ، يوماتي بالوحده بيتونس 
و بيشكي من كتر قوالة (لا)
و بيبعد كل خضوع ل(اه) عن طريقه بزق 

#درويش

Morphin

Darweesh

درويش - Darweesh | Hady mohamed FT sherief elbahey

النص دا للشعر | علي حسن

لَمّا - شِعر بالعامية .

شكلك من بعيد احلي | محمد العواوني

٧ اكتوبر | محمد العواوني

الوداع | علي حسن

قصيده:الحياه كات كدبه فعلآ..كلمات والقاء "رحمه ناصر "

مريض كانسر_اشرف عبدالهادي

ashraf abdelhady