Baqdones podcast

The Upload

بودكاست انساني للانسان وعن الانسان تابعوه او لا عادي فاهم؟

بقدونس بودكاست: الاستفتاحه

اتفرقو الاحباب 
واتجرحو كلهم 
نص القلوب جاحدة
 ' حاسب هترتحلهم 
اما القلوب الصافية متحبوش ' 
محدش واخد كل حاجة
 وهو كان لى كل حاجة 
ومنطقي مخدوش
مخدوش ف قلبي
 علامه من فترة .. 
وعشرت ناس 
بياعه بالفطرة ،،
شوفت الصحاب 
ف السوء وف الحسنة 
ف مشت مع السيء 
وع الجمال دوسنا .. 
وحقيقي شوفت الغدر
ف ياقلبي بلجألك  ..
بتقولى فين عقلك ' .. 
العقل مش قوام . 
 انت اللى متسرع 
بعد اما كنت الاصل 
. اصبحت متفرع .. 
مكتوب على الهامش 
 سكت ليه قولهم ! 
 دهنوك على قلبهم 
 ف بقيت مابين
 الجبس والبوهياهه ' .  
صعبان عليك الدم والذكرى  
صعبان عليك الصحبه والفكرة 
ياسيدى ما ف داهية 
خدت اية م الدم غير تسيح
خدت اية م الصحبة غير مراجيح 
سلمت عضلة قلبك جعلوها مكسورة 
خدت اية م الذكرى غير صورة 
بدونك تكون فاضية ' 
فاكر ياحب زمان
انا كنت بيك راضية 
هطلب بظهر الغيب 
فكرنى عادى مش عيب  
قولى انه مش حقي 
قولى اني حمل كبير 
وتعبت من زقي 
قولى ان انا مش ليك ' 
قول اني عشت معاك 
عشان اموت بعديك 
قول فوقي مش لييكي 
وانتي ياصاحبه عمر 
بموت على اديكي 
سبت العيون ليكو 
وعيشت عمري ضرير
سهرانة طول الليل ..
مش قله نوم قله حيلة
مش ممكن اموت م الجوع 
لاكن كان ممكن اموت غيره
..
بس عادى مكتش صدمة ' 
هو كلب وشفله عضمة ، والخسارة مكتش فيهم .. 
كان غريب تسند عليهم 
تقع'.. وهما لسة فـ مكانهم 
ابعد بعيد عنهم 
خد ليك بقي ساتر 
يارب ياساتر
 دول اللى حبتهم؟ 
اقنعوك .. يبقو جنبك ، 
يبقو عمدانك فـ هده
مين معاك ف وقت شدة ؟
اجبروك تبقي باهت ' 
باعو فيك وكنت لامعة 
و افتكرك بـ يا لمونة
 وانتى كل عصرة بـ دمعة
..
كان ليا صديق اخر يتحب . 
كنت لما اقول يارب 
مالقي غيره قصاد عنيا . 
خدته عرفتو على .
كل  اللى ليا
فجأه قرب حد تانى . 
محبتش اكون انانى  
سبتو بينا وقولت طيشة ' 
خد مكانى 
وطيرونى بحكمى ريشة 
مش هتقدر ع الميزان ' 
لا كمان
 قالو عني كلام فـ ظهرى ' 
بعدو واما سألت لية
قالو اسفين عذر قهرى !
مش هلوم الا قلبي
 اللى دخل بينا جاحد 
عارف اني ما ليا غيرك
 اخدك انت وسبني واحد
.يارب تبقي فهمت
 'ان انت مش زيهم 
قلبك اساس صافى
 عاكس سواد قلبهم
متقولش بقي صاحب 
ولا عشرة من بدرى 
متقولش مش زنبه 
وانه اكيد قدرى '
حطيتله قلبي ف كفه ' 
وبرضو ماطبش
دة القلب لو يقسي' 
ولله ما حبش
والعين اذا غفلت 
عن حُبها خانت '
والروح اذا هونت 
عن نفسها مالت 
للبعد والهجرة ' 
تعالى خد فكرة
من شخص عاش علشان 
يستنى امتى يموت
زهدت الدنيا من بعدك
 ،، بفكر اموت 
وجهت اقدارى او هربت  
من حقي عادى اقول تعبت
وتعبت منهم كلهم 
اسمعلي مرة ياقلبي 
وكفايا تسمعلهم 
الطيبة كان ليها غرض 
تأثير على فكرك 
خايفين عليك م المشي
 ف يكسرو رجلك ؟
اتعب بلا جدوى
 واكتم كتير جواك 
عطشت وسطيهم
 ولا حد حتى رواك
عوضك على ربنا 
والحزن هيجلهم  
الخلق مش زينا
 خليك بعيد عنهم
حافظ على عقلك 
وكفايا قلبك داب
طالت ليالى الالم 
واتفرقو الاحباب

https://www.facebook.com/profile.php?id=100013622326030

تأليف والقاء : رضوي إمام
هندسة صوتية : محمد علي

وأتفرقوا الاحباب - رضوي إمام

السنه اللي فاتت كانت مليانه بقدونس  وشله بقدونس حاولت تلخصها في كلمتين بس هل يا تري يكفي؟ ..

بقدونس بودكاست:2019 في كيس ..قماش

شم الياسمين - مشروع ليلي
A MILLION YEAR AGO - ADELE 
كتر الوجع - دينا الوديدي
سيره اراجوز - عمدان النور
لفة في الراديو
من مزيج سكرات الحياة
مشهد من مسلسل ادم
بحاول - هوس
 من مزيج لقد تحطم كل شيء
A LESBIAN GUY 
كانت عيني وجعاني - احمد الطحان 
BITCHES BROKEN HEARTS - BILLIE EILISH 
ما تفل - مايك ماسي 
ما في منك - عزيز مرقه 
THIS MOUNTAIN - FAOUZIA
راحت يا خال 
العيب في الضي - احمد ذكي
يمسيك بالخير - تريز سليمان 
وانا اتهديت - اية متولي
بيا ولا بيك - رشا رزق
سكات الليل - محمد فاضل
مشهد من مسلسل موججه حاره 
حيطانك عالية - دينا الوديدي
ENJOY GUYS *-*

مزيج - كل شئ لا يستحق الفناء

من  0:00  الي 0:46
حوار بين عم موسي و مصطفي عبد السلام

من 1:25  الي 3:26
مقاطع من حوار بين احمد عشري و ابوبكر عمرو

من 4:34 الي 5:38
حوار بين عم موسي و مصطفي عبدالسلام

لهم كل الشكر

لسه بتحن ؟

لسه نور الشمس بيعدي عليا كل سنه 
سميني رمسيس حتي لو فضلت زي ما انا 
من غير حروب و بدون خصوم و جنود و اسري حرب يهود
انا بغرق في اليم عشان اطرد موسي الحدود
ده اسلوب بتمرد بيه علي توزيعه الكروت
جلد الذات في فتره اشبه بفقره في السيرك لترويض الاسود 
انا موجود علي النهود بمضي اسمي بقلم روج
و لما يروح ما بتنسيش زي تاتوو علي الجلود


سنه كئيبه كلها 
عشت كل لحظه فيها بقارن نفسي بالسنه اللي كانت قبلها 
بعيد الشريط من الاول و اتريق علي الاخراج 
بحاول اكون سعيد حتي لو بالاكراه
من جوايا بمتلك اجرام من السما سديم 
مهما توهت لسه عيني علي نجم الشمال القديم 
مش بجادل الحياه اساسا ظالمه 
بس مابقتش استنكر اي وحش خلفته في الضلمه 

من و انا صغير بشاور بالدبح للي كسر لعبتي 
مشاعر الحقد بتكسر في سكتي 
بطلت اشتكي لو ايد القدر فركشت خطتي 
و اللي الحياه تحدفه هقبله و اعينه في جعبتي 
فاتني سروب كل نزوه سببت ندوب 
حصل و اتعلمت اقدر نفسي من غير غزو للجنوب 
و لو الظروف وصلت لاعلي الكيرف في القسوه 
بردو الايام بتثبتلي ان لسه في الاسوء

ياللي ناسيني و فاكرني موت هناك 
شهور نايم علي الكنبه اللي ورا بمرجح الاولد ستاج
بخرج ايدي من الشباك و اعمل موجه عكس الهوا 
اوتوستراد بشوف الطريق طالع طوالي للسما
لو طال الوقت من الزهق برسم علي الورق و انا ساكت 
موسم بدلت فيه النسوان زي الجواكت 

و انت ماتفرحش اوي بدبله الخطوبه ياض يا لطخ
انت شحات انا رميت النعمه  و انت خدتها من الارض 
ماتعرفش ايه اللي مؤسف بالظبط !
اللي غنتهولك غنتهولي قبلك اكسكلوسيف علي الواتس 
بعدي الايام كأن شيء ماحصلش 
و ان اللي وقع مني ممكن عادي مايتعوضش 
و لو مش هشوف نتايج مجهودي اللي ف الكواليس 
هعتبر نفسي في حفله عمي كفايه صوت تسقيف 
بفتح صفحه جديده مع نفسي و هبدأ اشغبط فيها 
دلقت علي الخريطه حبر و رزعت الساعه في الحيطه

بقدونس بودكاست:2019 في كيس ..قماش

Asmaa