كاتب ليكي جواب اتمني يوصلك كاتب فيكي جواب للحب يوصفلك كاتب فرح و احزان كاتب جرح و احﻻم كاتب كل مكان و اللي لسه جايلك كاتب حاجات كتير واصف قلبك الكبير  و ضحكه و جمال و عيون تشبه السحاب بنظره تفتح كل الابواب ولو سألتيني عن الاسباب اجاوبك لسه معرفشي..   #اسﻻ

cluster

Blood Orange

#حكاية_مرايا
V.1
مرايا مكسوره ضى فيها مش وضح
اتكسرت المرايه لا ما في ملامح
وعاكس نفسى ماشى زي صورتي فى المرايا
بقول كل شئ وكل شئ جوايه 
موت ابديه بشر استغلاليه
ازي هتعارف ماهي ماشى عاكس السريه
كفايه موت كفايه سكوت كفايه جروح 
والروح هتروح لليدويه رب العرش نفخ فيها
انا اللى بقول الحاجه وبتحصل بعد فتره
انا اللى خوفت عليك من ساعت اول نظره
قولت ابعد هتشوف ايام غريبه و سودا
كائنك محبوس وسط ضلمه جوا قضه
عقلك ده راح فين ومين اجيلو منين
افهمك ازي اني مش عايز منك حاجه
كل الحكايه خوفت عليك بزيده

------------------------------------------------
V.2
نص بيضحك التاني زعلان
فى الحياه شوفت حاجات كتير مافهش غير الام
مليون فكره فى دماغي بتشوشني
مبقاتش عارف انا مين ومين عارفني
خسارت كل حاجه واقرب الناس ليا
ضايعت نفسى بنفسى وهي دي القضيه
ضعيف جوا مليون اه بص للحياه من غير مايبص وره
فكر يبقا حاجه وغناه دي البديه
نص الناس معا والنص التاني مش وريا
اصاحب بلاه احساس مهمهوش الناس
جروح تروح لناس مالهوش اى اساس
بس الفاكره معا دايما بيحس بيها
لكن الحب عمه ونسها اللى فيها
موت روحو فى قلوبو وبص لنفسو مش لقيها
كان نفسى يروح لحد روحو من جوا يدويها
V.3
ايه معني الحياه
صعب عليا لمه احس احساس غريب
ببقا نفسى اهرب ايوه واروح لبعيد
لكن جواكي حاجه الحاجه دي بتموتني 
لمه احس انك بتفكرني فى اللى فات
قلبي يضرب ينبوض يدخ دم مالاهات
لمه بنقعد فى اقعده وفجاه تجي سرتو
بحس انك فرحان وانا صاحبه اللى خسارتو
قلبك كان مدينتي روحك دي سفنتي
غصب عني موتي روحي يااللى مني
مرايا مكسوره بشوف جروحي فيها
بدور عليكي فين هي مش لقيها
عمرك ما كونتي كده ليه بقتي كده 
عاكس روحي انا ليه بعمل كده
موت موت موت ابديه
ليه ليه شخصيات استغلاله

حكاية مرايا

دعاء لؤى 'يارب انت الشافى المعافى'

قصيدة اسكري للشاعر سامح حسن

كلمات والقاء : سامح حسن
فوكال وغناء : كريم عبد الرحمن
تقاسيم عود : احمد الرفاعي
الحان اغنية القصيدة : كريم عبد الرحمن
رؤية موسيقية : حمد الرفاعي
رؤية فنية : سامح حسن
تم التسجيل في استديو الشاعر سامح حسن
مكساج وماستر : لاتينو

تابعونا علي

Official Youtube : https://goo.gl/x6eQ1n
Official Facebook Page: https://www.facebook.com/Sameh.Hassan.Page
Official Facebook Profile : https://www.facebook.com/same7zo
Official Soundcloud : https://soundcloud.com/sameh-hassan-56


كلمات القصيدة

مع اني واد من طين ولب
وليكي ضحكة وتسلية
انا شوفت عينك اولية
ومجاز لكل الصالحين
وبراح لكل العاشقين
انا زرع كان عشقك روية
وطفل ضايع مش لاقيه
كنت شايف فيكي بكرة
 وكنت شايفك حلم فيه
كنت شايفك شمس
وبتشبهي لوني
يا جنة وحته من كوني
ليه اديكي
سابت الشوق اللي سارح جوة مني
وبكت عيوني
وانا عيني فضة
ياللي سحر عينيكي صدا
علمتني عينيكي فض
فَض نفسي من القلوب
ماشي براقب كل شئ
الفترينات والناس وايدهم
كل الأحبة مبقتش اقدر تاني احسدهم
بقيت بشوف الناس وجع
والشوق ضياع
انا اكتر حد حب
واكتر قلب ضاع
كل البنات عرفوني منظر
حبوني منظر
عشقوني فترة تسلية
انا النحس
انا حد لاحس جرحه لحس
وبقيت بحب ادوق جراح متشكلة
البنات ما بيشبهوش الأسئلة
انا بكرهك
انا جي أحكي وأفضحك
واشردك ..
وهجيب في سيرتك .. اجرسك 
ياللي أخر شرخ عيشته
وشبعت من طعمك ودوقته
وسِكِرت من كُتر الجراح
صِدرِك المجدول دليلي ع اللي راح
واللي مش مسموح
بيه هَـ بوح
وادي الهوا معزول بطعمك يا أمُ قلب بنص روح
علمتني عينيكي فَض
فَض نفسي من القلوب
علمتني عينيكي بُكرة
علمتني ازاي أتوب
والتوبة م العشق فرض
وانا بشبه القلب الجريح
بيقوى لما الجرح يبرد
جسمي يشبه للنحاس
يتشد لما يدوق وجع
وانا من فولاز
ياللي جفنك كان مرايا
كنت بجري في ضل حُسنِك
خطوة ترميني في صبايا
عارفه ليه الشمس اجمل من هواكي
الشمس مهما تغيب تعود
وانا من طفولتي
أدركت ان العاشقين بعد الوداع
مبيرجعوش
وكأن عقد الحب بينهم عقد إنتفاع
مبيرجعوش
في لحظة يبقا العشق ذكرى
مبيرجعوش
اما الشموس
مهما تغيب بتعود
الشمس أصدق في الوعود
اما انتي سايبة ميت حكاية
تتعزف علي لحن عود

**
انا فاكر ان الدنيا كانت لونها روز
مع اني مـفهمش في دَلَعكُم
بس سامع حبة من الوان غريبة بتنطقوها
حَبيت أجرب يومها أشوفني بنت
واعض شفايفي تِحّمَر
وابكي يلمع نِن عيني
والبس الخُلخَال واغني
اه ياليلي واه يا عيني
وارقص السامبا وخِلافها
واحلم البيت المزخرف
وابقى أحلى عروسة شافها
إيدي تلمس يوم إيديه
جوة عالم من براح
وابقى نعنوشة وشقيه
قلبي ما يدوقش الجراح
وابقى طيف او زي نسمة
تمسح الحيرة اللي فيه
عيني بسبوسة وتدوّب
لما تيجي قصاد عينيه
وابقى أجمل شئ في كونه
وابقى اول جرح ليه ... !
نفسي اجرب نفسي بنت
ونفسي اسأل نفسي .... ليه ؟
**
مع اني طين
وايديكي ماية
لكني مش عطشان
قلبي اللي اتقتل
بردان
والوجع متغطي بيه
برفضك
من وسط قلب السم فيه
الصبح كان طالل عليه
بيكفنوه
والملايكة في المعاد
الحب اجمل في البعاد
ان كان باقيلِك في الحياة حبة سنين
دوقي الحنين
واشتاقي ليا ودمعي
انا مش هسيبك ترجعي
انا سيبت نفسي زمان لعينك
فـ ان كان البعد ذنب .. فينك .. ؟
التوبة بابها بيقفلوه
وانا مش هعودلك
ياخي يلعن الحب وأبوه
فوتي يا أمُ الكبرياء
إملى كاسِك من خموري
واسكري واهو بكرة تقسي
بلّي ريقك يلا وانسي
وارجعي مَطرح ما جيتي
ياللي قلبك كان لي بيتي
إسقي قلبك م الوجع
وانسي مَزِةْ قلبي خِلصت
كنتي ملكة لابسة تاجي
وانا كنت واد من طين ولب
بس بمزاجي

Eskary - Sameh Hassan | اسكري - سامح حسن

بفكر فيك و مش بنساك .. Esrraa Nasserr

في بنات خسارة فيها الوجع

في بنات خسارة فيها الوجع 
والزعل أكبر من قيمتها 
ما هو أنتي ما كنتيش بنت السلطان 
أو حور عين ع الأرض ربنا باعتها
كل الحكاية كنتي فكرة 
وخدت أكبر قرار غلط في حياتي وحبتها

أنا مش جاي أسمع منك أي رد 
في أوقات لا ينفع  فيها لوم أو عتاب 
فبلاش تحكي عني كلام مش ولابد 
قاتلتني كلمة حبيت واحد كداب

بس أنا عمري ماكنت كداب  
وكلامي معاكي كان متصدق 
أصل الحكاية مش انتي 
الحكاية حكاية مبدأ

 انا عمري أكدب على قلوب الناس 
أو قول حاجات مش فيا
عرفتك الحقيقة من أول يوم بس مش ذنبي 
انك كنتي معمية 
 
فبلاش سيرة اني كنت كداب 
انا يدوب خبط 
وأنتي اللي فتحتي الباب 

أنا عمري ما قلتلك كلام مش صح
 وده مخليني في حكايتك مستغرب 
معرفش ليه محساسني بجرح
و اني وعدت 
و دلوقت بهرب 

عرفتك دورك في الفيلم من أول يوم
قولتك مشاهدك في القصة محدودة 
وكل الطرق اللي بتحلمي بيها معايا 
مسدودة

أنا ساعة لما جتلك كنت مستني منك تصديني 
أو تبعديني عنك بأي شكل 
ماكنتش عايزك تحبيبني 
وياريتك  حكمتي بينا العقل 

أنا كنت مستني منك ساعتها مليون رفض 
او حتى الوضع ده مش هيكمل 
 هيئت نفسي أسمع منك اي كلام 
و كنت وقتها هتحمل ..

 
بس انتي قولتي أنا كنت مستنياك 
وكان نفسي أبدا حكايتي معاك 
و حملت منك بواد وبيت 
وعمري لغيرك ما حنيت 

كنتي عايزني أقولك أية وقتها 
وانا شايفك بتبني حياة وبكلمة مني ممكن أهدها
غلطت وقولت بحبها 
بس هو ماكنش حب او فراقنا النصيب 
أنا كنت من غير أي حاجة لازم هسيب  
 
وكنت عارف انه هيكون فيه فراق
انه هيفوت شهرين تلات ويقل الاشتياق 
ما هي الواحدة لما تقرر ما تبقاش 
 كل حاجة غالية عندها ببلاش 

انا سايبك في أكتر وقت كنتي فيه عايزني 
بعدت .. وماجاش في بالي أنك تعرفي حد تاني 
بصراحة .. ما بقتش عليكي بغير 
وشفت حكايتك عادية.. وملتها 
وفيه منها كتير 


عارفك لما تسمعي الكلام ده 
هتقولي نبرته بقيت حادة كدة ليه ومافيهاش مشاعر
ما هو الذنب ذنبك يوم ما زعلتي زعلتي شاعر

فمن هنا ورايح استحملي قسوة الكلام 
أصل وجع القلب بيعيش عمرين قدام 
انا كنت شايفك حلم 
بس طلعتي مش قد المقام 

فبلاش تحكي عني حكايات مش ولابد 
وعادي أعتبرني دخلت حياتك ومشيت زي أي حد 
بس أوعي تقولي أنه كان كداب 
أنا يدوب خبط 
وانتي اللي فتحي الباب

في بنات خسارة فيها الوجع - أحمد صابر

الدُخان بقى مالى البيت وكإنه..
شخص رزين بيحاول إنه ،
يخلق وجوده فى وقت الوجود بقى تايه
بين الصيف والخريف والشجر
بين الشِتا والسحاب فـ المطر..
بدأ الممثل فـ الفيلم القديم
يسحب صورة من ذكرى ماضية
وحِس حليم كان طالع من ركن شمال ع الطرف
فتح الظرف ، وبقى يقرا الآتى :
" الشوق من كُتر كُتره ، بقى وشه حزين
كان فين وقت الحنين لما غبت؟
أنا عمرى فـ يوم مافكرت أسيبك لكن إنتَ إللى سبت
جبتلك الحُب لحد عندك
لكن قلبك الغير مُتاح فيه الإحساس..
إنداس من فترة غايبة "
وفـ عز تركيزه مع الماضى ،
كان حِس حليم بيثبت وجوده عليه بالزور
" فـ حبيبة قلبك يا ولدى نائمةٌ فى قصرٍ مكسور "
إنسحب نحية الصوت بهدوء
وبدأ يهز الجرامفوم من تحت لفوق
لحد ماوقع جمب رجله ع الأرض
وسجايره الفرط بقت منتشرة ف كل مكان
ولع سجارته وبدأ يفكر مع صوت الأذان :
جايز الدُخان ينسينى هم الذكرى ؛
جايز الذكرى تنسينى مرض الدُخان..
الموت البطئ مفيش أصعب منه مرض
حتى السرطان مايعرفش يثبت وجوده عليه
مرّ برجليه ، وغمض لثوانى ثم فتّح عينيه
لقى كَدر المشهد بيعيد نفسه..
والمُشاهد بيعيَط على حاله
بيعيَط ع الإكتئاب إللى جاله من سنين فاتت
مذهول بالفيلم وتراكيبه!
بيعيـط على حبيبته إللى ماتت
وصحابه إللى ناكرين وجوده دايماً بالسؤال
أهى المشاكل حضرِت قبل الأسباب
أهو المبتدأ جه بعد الحال..
إدمان الوِحدة بقى شئ عادى
من غير أُسرة ولا حتى صديق
من غير سجاير ليل ولا أى شئ
شوفت يا صاحبى..
البيت الرزين إتحوّل لزنزانة فارغة
وحيطان البيت أصبحت أسوار عالية
لا مِنك تقدر تخَطِيها
ولا تهِد معانيها..
فكرتنى بشكل الفنان البُهيمى زمان!
كانت روحه بترسم الألوان
وشعره المنكوش متقصف فى كل مكان
من كُتر حُزنه ع اللوحة إللى راسمها
ماكنش نضيف..
كان مُجرد روح فِهمِت طباع البشر
نقدر نقول إنه إنتصر لما شافها فـ حياته داخلة..
الصدفة تجمعه مع.....
مش بنى آدمة..
كانت مُجرد روح خطفت قلبه فى أقل من ثانية
ساعتها الوقت كان واقف بين الدقيقة والتانية
كان شايفها ألوان وسط عالم إسود بهتان
بصتلها وقولت..
أنا إللى كنت دايب فـ تفاصيلك إمبارح
وفـ لحظة ، لفتلى بـ نص وشها
وأنا إللى فـ سرى قولت الله فـ وقتها
إزاى ملاك يمشى عادى وسط البشر!
قالت كلام كتير كله سكوت
وأنا إللى زى الطفل حسيت إنى من الفرحة هموت
مشينا طريق طويل قد الليل
وماعّداش قَلِيل ، كانت مشيّت فى لمح الدُخان
ومشى الفنان طريقه هو..
وقلبه كان بيرقص من جوة
والشِتا كان لسة بيحاول يثبت وجوده فـ وقت الصيف
عارف ياعم..
أنا نفسى أبطل غمّ ؛
من ساعة ماشوفتها وأنا عايز أرسِم فرحة
مانتوا ماشوفتُهاش لما كانت بالطرحة!
وإبتسامتها ف عِزّ حُزنها
وضحكة عينيها فـ وشها
وملامحها إللى تشبه فاتن حمامة فِـ فيلم عربى قديم..
ولا وحدتها وهى ماشية من ميامى لِـ جليم
ولا صوتها إللى يشبه حِس حليم
كُنت ساعتها قاعد..
والدم فـ مُخى فى التفكير فيها فاير
وفـ إيدى إزازة الڤودكا والسجاير
ولسة بفكر فى فراق شِتا يناير
والدُخان إللى بيتجسد ويتألِم فِـ الروح
والماضى إللى أصبح فُراق وجروح
لكن من النهاردة..
قرر يعيش بيها
يِحىَ بإبتسامتها وأراضيها
يحلم فيها ويتخيلها أمه ، إللى الظروف حرمته مِنها
أنا كُنت فين لما كانت فينها؟
وكُنت ليه لما كانت هى مش موجودة!
بس لما جدت وبقت فِـ حياتى..
قررت أقفل الحدوتة.

#فى_لمح_الدخان
4 jan.

فى لمح الدخان

All rights reserved to Eslam Ezeldin
حيالله كسرتي قلبي

حيالله كسرتي قلبي
عكس قلبي كان قلبك. قلبي كان بيحب حبك، و بسهوله كسره الزمان
بس عادي
لسه عايش، لسه بضحك، في نفس المكان
نفسي اهم انتي ليه كارهه وجودي؟ انا خلاص عارف حدودي، عارف اني عندك ذكري
طب و بكره؟
اعمل ايه ؟
انساكي عادي و اعيش و اكمل
ولا احزن ولا اعيط ولا اقول لا مش متحمل؟
القرار ديما في لحظه و الندم باقي الحياه
قررتي انك تبعدي و انتي قلبك يا حول الله
لو ندمتي و جيتي يوم تتاسفي فأنا اللي اسف
اسف ده مش مقبول
انا حر مانيش قابل انا عاقل و مش مخبول
ولما بليل تسهري و تفكري انك كنتي في قلبي بتجرحي وتفرحي
ويبقا نفسك تكوني جمبي و تنادي اجي ألبي
اتاسفي
انتي يعني كسرتي ايدي ده انتي حيالله كسرتي قلبي
وان كان في يوم في احتمال يبقا لينا في بعض امل
انا بوعدك من انهارده كل باب ليكي في حياتي اتقفل

#حيالله_كسرتي_قلبي
#اسلام_عز_الدين

فى لمح الدخان

Assem Farag