Lyrics: Ak twix
Prod by: Ak twix
Cover designer: Mohammed Belal
FB: https://web.facebook.com/AtefTwiX
                        لذكري المرحوم: محمد عاطف عبد الجليل      3 دقايق
من غيرك زمان كنت بضعف 
لما انت مشيت قعدت فتره من حياتي مش بعرف اتصرف 
فضلت اقوم بعد كل مره كنت بقع 
ده انا حتي لو كنت جبل  كان صابه الصدع 
انا اسف ان عدي عليا فتره مش بديلك حقك 
انا سهل اكلمك بس مستحيل ان اناقشك 
اسف ان الدنيا جرفتني وحبيت اللهو
ونسيت خالص جملة ولد صالح يدعُ له 
كام فجر راح عليك كنت ممكن اقولك صليه
اسف ساعتها كنت صغير مافهمش قوي في الدين 
بس انا دلوقت ما بسبش فرض وانت وربي والناس اللي معاك اكيد شايفيني وعارفين  
ليه كل ما اجي اكتبلك ورقتي بتدبل 
هو انت زعلان مني اجي اكلمك لساني بيتقل
 ليه ذاكرتي بتضعف –  حبري بينشف
ليه الكل بينسي – و ليه الحبيب بيبقي غريب و عليك بيأسي 

ليه بقعد طول الليل اكتب ليك رسايل
و ف الاخر اتردد وقول خلاش مش قايل  
سامحني انا غلطت كتير بعتذرلك 
متزعلش مني لحد ما ف يوم هاجي وانزلك




 فاض بيا مابقتش عارف ايه اللي انا بعمله 
هو انا خلصت الدرس ولا لسه بتعلمه 
مقدرتش ف كل رساله اطلع اللي جوايه 
نفس الاتجاه وحبر سري ماكانوش كفايه
 بس انا دلوقت اتعلمتخلاص  و عرفت 
ماعدتش تاني زي زمان ارجع لنقطة الصفر  
 كنت ساذج قوي بقيت بضحك لما بفتكر
خلاص الوقت عدي بسرعه وابنك كبر


بس انا محتار نفسي افهم ليه الدنيا ماشيه بالعكس
ليه حب الجسد خلي الناس ينسوا حب النفس 
عرفت ناس كتير من كتر الترحال
في منهم حبوني والباقي متمناليش راحة البال
 
 محبوليش الخير كانوا عايزني اكون اسوء مثال 
ف عالمهم كانوا ملايكه و  بالنسبالهم انا الدجال

بس عادي ما وقفتش كملت خط سير 
ودلوقت مش بفتكرهم غير بكل بالخير  
قصص كتير فضلت برده مكمل طريقي وسايق 
مش هقدر احكيلك 10 سنين ف 3 دقايق 
بس انا ممكن اقولك جمله تلخص ال سنين
معظم الناس اللي عرفتهم ماكانوش مخلصين
 
اتسرعوا معرفوش حبي ليهم ربنا وحده عالم بقلوب الناس  و عالم بالدهر 
كان نفسي ايوب يكون لسه عايش يمكن في يوم من الايام  كانوا اتعلموا منه الصبر
بفتكرك دايما وعمري ما كنت  ناسيك – انا انسي الناس كلها  وفاكر كل حاجه حلوه ليك

قلتلي الناس بتتغير بلاش تضيع وقتك 
فعلا معظمهم نسيوك و انا الوحيد اللي فاكرك 
في منهم  نسي صورتك  و في اللي فاكر ملامحك 
في اللي ماشي بمبدأ الحي عن الميت ابقي 
مش بلومهم ومش بقولك انا غيرهم 
لاني عدي عليا فتره و كنت واحد منهم 
اغلبية الناس عالارض بقت منافقه 
بقت معرفتهم ببعض بس مجرد ثفقه 
انا فرحان انك مشيت واسف لو خاني التعبير 
انت دلوقت ف مكان اقسم بالله انضف بكتير  


3 d2aye2 - 3 دقايق Ak-twix

Ak Twix