	
	ملحد
بتعمق جوه طريق مسدود  متأكد اني هوصل – استنشقت ورده سوده ريحتها مسك مُخمر 
شوكه دخلت جوه جلدي بسم و إمتصيته – حلمت اني مت مسكت كتابي قريته 
عني لوحدها بتدمع كل رمش في عيني هايش – بحاول المس اي حاجه علشان أتأكد اني عايش
بكلم نفسي بقول ده مجرد حلم يعني عادي – لما ابتديت استوعب اتصدمت صدمه وفثواني 
مسكـــــت كتــابي بشمــــالي
اول سطر عايش حياتي لذه ومتعه – بقول محافظ علي صلاتي و انا مش بركع غير الجمعه 
كفة ذنوبي طبت واخدت الصداره – كنت عايش في ايدي سبحه وفي الايد التانيه سيجاره 
خرجت منها من غير اي شئ يفيدني – ازاي هستحمل نار جهنم و ماطتش سيجاره لسعتني 
شوفت نفسي وانا بتوضي وشفت نفسي و انا بسكر – شفت صلاة الفجر بتأذن و انا علي النت بسهر
الكورس
امي كانت تقولي صلي كنت ماردش و اسكت – كنت العب كوره بالسعات اكسل اسجد
علاقتي مع الشيطان لطريقي لربي سدت – كنت مستني اشوف ربي علشان اتأكد 
كنت بتسأل فين ربك وجوابك بين ايديك – الاجابه اصلا كانت ف كل حاجه حواليك 
ولا احسن خليك في كلام الملحدين و السُطل – الارض لوحدها اتخلقت وخدت الكواكب اوفر 

كنت اشتم و اغلط اقعد بالدين اسب – كنت اجدع واحد في الحلفان بالله كدب 
كل شئ فـ حياتي مكتوم متكوم جوه اوضه – قعدت فتره من حياتي ملحد عشان قالولي موضه 
فكان تباطوء مجتمعي كل يوم عن التاني بيزيد – روشنه انك لذنوبك تعلي الرصيد 

كان دايما شيطاني يقنعني بفكرة بكرا – مع ان الغيب مش معلوم مغطي من رب الكون بستره 
فكرت ف لحظه من الشيطان اخد إستفادتي – علمني الكذب علشان اخلي كل حاجه تعدي 
راجعت و بصيت في جدول الحياه -  افتكرت كل مواعدي و نسيت يوم معادي معاه 
دلوقتي انا ميت وببص علي كل خساره – وصدق ربي بقول يا ليتني كنت ترابا 
			الكورس
امي كانت تقولي صلي كنت ماردش و اسكت – كنت العب كوره بالسعات اكسل اسجد
علاقتي مع الشيطان لطريقي لربي سدت – كنت مستني اشوف ربي علشان اتأكد


ملحد - Atheist Ak-twix

https://www.facebook.com/samar.tarik8

المدينة اللي في القفص الصدري إتملت دخان
مش م السجاير
في حريقة بتبتدي لما الشهيق يضربني
و يقوللي الغريزة بتنتصر

شُفت القمر طالع براسُه و مستعد
إزاى مكمل بعد كل ده
من غير ما ينهار لحظة
أو ينزل
يقوللي العضم سوّس م القلق
و الحزن مش هيعر حد لو انتحر

هحتاج أشبّه كل حاجه بحاجه تانيه
و أقلل م الإنهيار
أعلّق حجّتي الفارغة على شوية كلام
و أعاني لوحدي
زي ما الصبيان بيطرطروا جمب الجدار

كان في اضطراب
مع إننا ف مايو و ملناش علاقة بالشتا و البرد
الخيالات مصرة تظهرلي
أخاف أعيط يارب أعوّر حد
قلبي على اصحابي
و قلبي التاني إزاي هشيلُه من ع الأرض
بيحاولوا يتماسكوا
و مفيش مفر
واقعين في نُص المشكلة
ولا في اقتناع ولا شك
بمسح بإيد القنبلة
و بإيد بناول نفسي حاجه تبل ريقي
و أنا زي ربات البيوت المرهقات
كل أما بمسك حاجه ف إيدي بتترعش فاضحك

عرني بدني
سيبته في البيت
يقسى عليه السقف
و يصبره نور الطرقة
و نزلت
ورقة هتتملي طلبات
تدوس في المجاري
تتنازل عن الحقوق
وتدوش دين أبونا بالليل
عن الفخاخ المهينة
و الدم كله اللي اتنفى بره العروق؛
أماكن ماعدتش تصلح غير
مقابر جماعية للناس اللي ف حياتي ع الأقل
جثث
ماتلقّوش رصاصة
ولا حتى ماتوا بمرض
أحياء و إتحوّلوا
من قهر السلطات العليا
زي الدولة
و قبل منها الأهل
العالم بيتكرر
لأ
بيتكر
في وشوش العيال صحابي الهُبل
و يسيء لأي حد كامل الأهلية
و يمجد الداخلية
الرغبة عامية صحيح يابويا
و الفراغ برضه ابن وسخة
و أنا اللعنة الوحيدة اللي ف حياتك
مالزمش حد
ولا حد ملتزم بتكفين الجروح العميقة
ننشف ؟ 
دي مش خولنة لحظية ولا زهد
ولا إدعاء مأساة
أقدر أثبتلك أخيرًا
زي لص حقير
ماسك سيجارة ف بُقه
بيسرق المشهد
إن دي
أعراض الإنسحاب الأخيرة م الحياة

شفت المشاعر واقعة من كيس الزبالة
ضميري لسه صاحي وبيزقني للموت
معرفش ألوم حد
أنا اللي ارتكبت مجازر العالم
و الناس بتحلم ع السرير
باعرف بشر لسه
و اتراجع
عيل و نط بعنف م البلكونة عشان يطير
بستغفر ربنا ع الأكل اللي هيعفن كمان اسبوع جمبي
و احنا نتشوه
في سبيل اللحظات الجميلة
احنا ضحايا السلم قبل الحرب
في كل ضحكة إهانة
و ف كل طلعة نور من المشرق
في ضلمة بتتولد م الغرب .

سيجارة بتشرب بني آدم الساعة اتنين بالليل - سمر طارق

شعر : محمود عصام
عن ديوان : استراحة إبريل
توزيع : ميدو راشد


هي اختيارات 
وانتي اختارتي 
فـَ السكه تودّي يا بنت الناس 

السكه تودّي وماترجعش 

المظهر خادع احيانا
و الوش الطيّب مابينفعش

وان كانلك شئ جوه ضلوعي 
موضوعي وهوجدله حلوله 
بكتير الجرح شوية بن

ما هو الراجل .. راجل ليه 
مش برضو عشان مايقولش بحن 
ولا ينشر دمعه قصاد الناس 

فـَ ان كانلك رغبه انك تمشي 
السكه تودّي يا بنت الناس

وشك مكشوف .. عادي ياستي 
اسبابك فلصوا .. وايه يعني 
خليكي فريش

انا راضي بآسفه وكام معليش
ودموع لو فيه 
ولا بلاها

خبي التماسيح اللي معاها
الله يعفينا ويعفيكي 

من زيف الوهم اللي ماليكي
وينور ويقوي بصيرتك 

ويا ستي ان كان عالقيل والقال 
مش قيمتي اتدنى واجيب سيرتك

الناس بتمل ودي طبيعه 
في العالم اكمل مش فيكي 

فان كان احساسك متغير 
ارميلي الحمل اللي عليكي 

انا مدرك ومقدّر حالتك
مش هقولك اني اللي عملتك
ولا اني اللي بجبلك لبسك 

وبهنّي النطع عشان لبسك 
خليه يرتوّي من نفس الكاس

لو ودنك تعبانه اكتبلك 
" السكه تودّي يا بنت الناس "

ديوان استراحة إبريل

بُن - محمود عصام

عنكِ

(بنات)
عندنا دوشة للبيع.. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا .. بصوت جاهوري فظيع-
 و ميكروفون بيوشّ .. بنشاز عمال بيزيع
(شباب)
عندنا دوشة للبيع .. و رصيف مليان بلاليع-
 و كلاكس للعربية .. بيزمّر صوته مريع
عندنا بياع روبابيكيا ..بصوت جاهوري فظيع-
 و ميكروفون بيوشّ .. بنشاز عمال بيزيع
(بنات)
عندنا إيد السواق و تكاتك الوراق  (1)
و ميكروباصات في سباق بتنادي بولاق جلاء (2)
(صولو)
عندنا إيد السواق و تكاتك الوراق  (2)
و ميكروباصات في سباق (موّال)
 بتنادي بولاق جلاء
(الكلّ)
بتنادي بولاق جلاء - بتنادي فيصل ورّاق
بتنادي الحي السابع .. 
التامن.. التاسع..العاشر.. احداشر.. اتناشر
عندنا عيّل بيزيّط - و البتّ اخته بتعيّط
و امّه واقفة بتشلّأ - علشان مش عارفة تحلّق
لو ماشي في وسط الزيطة حبعتلك جملة بسيطة
لو كل دا حواليك الجملة دي حتلهيك - (2)
 انا مش سامع حاجة أنا جوة التلاجة (صولو)
الشباب: أنا مش سامع حاجة
البنات: أنا جوّة التلاجة
(دوشة)
موّال أنا مش سامع حاجة - أنا جوّة التلاجة



In The Fridge دوشة للبيع

Follow Me | تابعونى *-*
----
Facebook Account : www.facebook.com/3abdellrahman
Instagram : www.instagram.com/abdullrahmanbasher
SoundCloud : @bahr6060
YOUTUBE LINK : http://youtube.com/channel/UCvK_mPrFyL0NpDMg3m7vhuQ

B A H R - وداعاََ 2018

Rush of Arabian Knightz Feat. E Money on the Chorus
Prod. by Iron Curtain
Arab League Records
معاكو إتنازلت إتفاهمت استحملت إتساهلت

فخسرت لما فيكو إتعشمت فاتعلمت

إنو ٦٠ سنة سجن أدرى

تخلي الحيوانات الأليفة مختلفة  مفترسة شرسة

ثورة جزء تاني عالخرفان الاخواني

واللي خان الثورة بإسم جماعتو فينا هو الجاني

حزب وطني تاني بعد الثورة يطلع تاني

وتقولي رأي أغلبية يا ديكتاتور إسلامي؟؟

عنف عالسلمية يللي إغتلتو رموز بلادي

ولا لبست بدلة خلاص ونسيت انك إرهابي

اللي يسقط الفرعون ويجيب فرعون يبقى بيعرص

واللي يسكت عن الحق ياجاهلية شيطان أخرس

نظام دكتاتوري فلولي..ترتيب ماسوني

خارق للعهود والبنود أخلاق صهيوني

كلامكم شعارات والأفعال شايفها عيوني

كدب عالذقون والفجور ديني وقانوني

عايز تشيل اليلة زي خضر التوني

غضب الملايين بان فالقصر الجمهوري

ايد متعاصة بدمي تكتبلي أنا دستوري

بعد ما ركب الثورة رجع تاني نظام فرعوني

معاكو إتنازلت إتفاهمت استحملت إتساهلت

فخسرت لما فيكو إتعشمت فاتعلمت

إنو ٦٠ سنة سجن أدرى

تخلي الحيوانات الأليفة مختلفة  مفترسة شرسة

أهدرتو حق الشهدا بأدينا حنجيبو

بعترتو أهل وطني حق بلدي مش حسيبو

كرامة كل مصري مش مهدرة من اللي يسيئو

اللي اهدرها نظام شحات واخد أوامرو من سيدو

ميليشيات تلفيقات اعتقالات

لكل من يعارض أو يخالف الفساد

واللي يقول كلمة حق قصدهم في كلامهم عمالة

والثورة سرقوها ونسبوها للجماعة

كمل في إعتقلاتك ومجد الثوار

خللي العالم كلو يعرف إنو احنا الأبطال

ملايين رايحة جاية ملجهات الأجنبية

تعليمات أمريكية وتخطيطات ارهابية

ولا نسيتو إنو إغتيال السادات تنسيق أمريكي

ولولا تنفيذكم مكنش مبارك ده حييجي

وبنفس التنسيق انتو عميل أمريكي جديد

الدور عليكو الثورة رجعت من جديد

MAKSHOFEEN 2  أغنية ثورة مصر ٢٥ يناي  ٢٠١٣ مكشوفين ج ٢

احمد منصور - بكلمك من العزلة

رسالة لن تصِل - Nouran Fathy

مزيكة غنوه النهايه لمسرحيه رايحين على فين  ..لمدرسه الدلتا
مزيكا : اسامه الهادى
كلمات هانى سرحان
عود : احمد سعد 
غنا لايف في المسرحيه : سلمى رشاد 


Rayhen 3ala Feen ( Music ) - The Ending Song

written and performed by kerlos emad
contact Dara 

https://www.facebook.com/keroemad1234

Recorded at yanii studio
https://www.facebook.com/Yanii-Sound-...
produced by bassem
contact bassem at
https://www.facebook.com/profile.php?...
 Poster and montage by thomas ahdy
https://www.facebook.com/profile.php?...
montage by | marcelino nashat 
https://www.facebook.com/loka.tito.589
direct by mina wahed
https://www.facebook.com/profile.php?...

ملحد - Atheist Ak-twix

Ak Twix