عربي شبابي

Capo

7biiiiib 2lby :D

revol

TimE

yehia

اسرار

energitic

Pepsi & Chipsy حسن الشافعى - مزيكا اعلان

متقلش لأ
قول ليه لأ
سيبك من كل الناس
وبنفسك إبدأ

إكتب من تاني حكاية
ده كل يوم بداية
صالح الناس وسامح
عيش لبكرا وإنسى إمبارح

متشلش الهم
إفرح واحلم
إنسى كل اللي فات
وبلاش تندم

صدق نفسك تتصدق
إنت السر والمبدأ
إشخط في يأسك
وقول لكل حاجة مشية عكسك

مكملين متجمعين
بكل أشكالنا وألوانا راجعين

بكرا الأحلام
هتكون أيام
عشناها بنرسم فيها
حقيقة مش أوهام

الدنيا مش أبيض يا أسود
دنيا كل الألوان
حطي لوني على لونك
نوصل أبعد مكان

كل حلم وله بداية
بس شرط تكون معايا
إختلافنا لما شفنا
قال متبصو في المراية

إحلم وقوم حقق
الفكرة بحلم بتبدأ
بكرا لو مهما كان
مستنيك لو هتلحق


Mkamleen (Leh La2) "full version"

Vote for Andrew Rayel in DJ Mag Top 100 : bit.ly/voteRayel2015

Follow Andrew Rayel on:
www.facebook.com/Andrew.Rayel
twitter.com/Andrew_Rayel
instagram.com/andrew_rayel
vk.com/andrewrayel

Faithless - Insomnia ( Andrew Rayel Remix ) Live @ Global Gathering (United Kingdom) - 27.07.2013

Faithless - Insomnia ( Andrew Rayel Remix )Live @ Global Gathering (United Kingdom) - 27.07.2013

Ahmed Mekky Ft. Fatma Eid - Esma3 Menii - [AlKabeer 3]

يا جارة الوادي - نور الهدى

معنى الحكاية


رَماني الدّهرُ بالأرزاءِ حتى
فُؤادي في غِشاءٍ مِنْ نِبالِ

فَصِرْتُ إذا أصابَتْني سِهامٌ
تكَسّرَتِ النّصالُ على النّصالِ

وهانَ فَما أُبالي بالرّزايا
لأنّي ما انْتَفَعتُ بأنْ أُبالي
.......

سألتْ جروحي عنّ معنى الحكاية
مافيش غير الصَدى جاوب سؤالي

مانيش عايز أكون ضحكة فـ مراية
ولا مراية لملامح مرسومالي

أنا رافض يكون الخوف دوايا
وما اقبلش الحيطان تُسكن خيالي
.......

رَماني الدّهرُ بالأرزاءِ حتى
مافيش غير الصَدى جاوب سؤالي

فَصِرْتُ إذا أصابَتْني سِهامٌ
بالاقي إن السهام متألمالي

وهانَ فَما أُبالي بالرّزايا
وما اقبلش الحيطان تُسكن خيالي

أنا رافض يكون الخوف دوايا
لأنّي ما انْتَفَعتُ بأنْ أُبالي




-----------------------------
كلمات
الفصحى : أبو الطيب المتنبي
العامية: أنطونيوس نبيل
الحان : أنطونيوس نبيل
توزيع : وليد ميمني

معنى الحكاية - جوني و عبير صنصور

Zap Tharwat - Mahmoud El Eseily - Kam Wa7ed

Helmy - Zap Tharwat - Sheriene

الحشاشين - التحفجية
من حفل مكتبة الإسكندرية

كلمات:  بديع خيري
ألحان: سيد درويش

محمد محسن - الحشاشين

اغنيه هلا بريحة هلي كامله للفنانه الانين

هلا بريحه هلي . الانين

Hossam Habib - Ew3a - حسام حبيب - أوعى

قربتي مني يامدتني وعدتي من تاني حبيبتي .. ودبنا في لحظة صفا



منى عبد الغنى- لحظة صفا - يا مدينتى - Mona Abdel Ghani- Ya Madinty-‎

تامر عاشور مبقاش


احــلـم مـعـايا ... ببكره جاى
و لو ماجـاش ... احنا نجيبه بنفسنا
نبدأ نحاول فى الطريق
كتر الخطاوى تدلنا على حلمنا

مهما نقع نقدر نقوم
نشق نتحدى الغيوم
نلاقى ليلنا ألف يوم

بس احنا نحلم

احلم معايا يا صديق
تطوى الخطى أرض الطريق
يهمنى حلمى البرئ
مهما يكون

يفضل بروحه جمبنا
مها يطول بينا الطريق
لو حتى توهنا يا صديق
يرجع لقانا يضمنا

على حلمنا

بس احنا نحلم


احلم معايا

يا كل حاجه كسبتها
أو سبتها
و ملحقتش اشبع منّها
اكمنّها
قالت “حنروح من بعض فين؟ "
يا ناس يا عبط يا عشمانين
ف فرصه تانيه للقا
بطلوا اوهام بقي
وكفايه أحلام واسمعوا
عيشوا بذمه و ودعوا
كل حاجة بتعملوها
وكل حد بتشوفوه
وكل كلمه بتقولوها
وكل لحن بتسمعوه
عيشوا المشاهد ,, كل مشهد
زي مايكون الأخير
واشبعوا ساعة الوداع
واحضنوا الحاجه بـضمير
دا اللي فاضل مش كتير
اللي فاضل مش كتير



‫كانت هتفرق فى الوداع ,, مصطفى ابراهيم‬‎

A7med Nader-3ashet ya za3eem (long live mr.president) 
lyrics: mahmoud diab
composed by: shady hussin
music arrangement by: A7med Nader
a sarcastic song about the Egyptian revolution and how we have been fooled


3ashet ya za3eem

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

مصطفى إبراهيم - دولة الثوار

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم


الشاعر/مصطفى ابراهيم
ادين بدين الجدعنة وبدين رفاق الدرب 
وبقوله احنا مش انا فى المعمعة والضرب 
وبدين ماكنت مصدقة فى المعركة الأولى 
وبدين جثث فى المشرحة اساميها مجهولة 
وبدين من ساب على الأسفلت اخواته مقتولة 
أقول التوبة مقبولة الا فى وقت الحرب . 

الشاعر / جرجس شكرى 

زينو جسمه باللى عندينا 
ما احنا سبايا وراحوا أهالينا 
زينو جسمة باللى سابوه 
خربوا بلدنا والطفل قتلوه 

الموسيقين
الحان وغناء / دينا الوديدى 
بيانو / محمد صالح 
جيتار / محمود صيام 
باز / سيكا 
كمانجا / نانسي منير 
اكورديون / وائل السيد 
درامز / محمد رأفت 
شكر خاص لمهندس الصوت 
وماستر وميكساج 
محمود ديااز 

وشكر خاص 
استوديو الحجار تسجيل 
استوديو وسط البلد ماستر وميكساج 


ادين بدين الجدعنة

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

. روح منك لله 

من أجمل أغانيها 

ليه خلتنى أحبك - ليلي مراد

لطيفة و زياد رحبانى - معلومات اكيدة

Sharmoofet - شارموفيت

:) من فينا مايحبش اللمة.. ده احنا عشرة واختلافنا قشرة 

Helmy - Zap Tharwat - Sheriene

Axeer