أنا جايلك من إسكندرية يا ست

كلمات الأغنية
وسط ناس غاوية العقد والكلاكيع
قررت انا اعمل مزاد وفيه ابيع
كل البدل اللي ف دولابي والساعات
واللي باقي في جرابي من حاجات

تاخد نصايح أو معلومات
للبيع كمان مالية جيوبي الكارنيهات
ومفيش رسوم ولا حد أدنى للمزاد
شرطه الوحيد ممنوع تفكر ف العناد
ولا اخره ايه وازاي وليه

وارتاح انا والحق نصيبي من الحياه
من كام سنة وانا همي واصل منتهاه
ويفيد ب إيه ابقى بيه
وانا جوا سجن سوره الروتين والخوف ملاه

دانا من زمان نفسي اكسّر العادات
ولا اتربط في ساقية وأرضى من سكات 
ولا اعيش كألة انسان كمالة
قرّب تعالى بدأ المزاد انا صبري مات

Lyrics: Islam Essam
Vocals: Ahmed Saif 
Lead Guitar: Mohamed Baz 
Keyboard: Hassan Mekki 
Bass Guitar: Mohamed Yasser 
Drums: Selim Hamdy

Band Manager: Fahd Abdelhalim

Recorded At: 
Code Masr Studios 

Mixing and Editing: 
Code Masr Studios

Music Production and Arrangement: 
Code Masr

El Mazad

El Mazad | المزاد

مزيج - كل ما يكسر قلبك

ليلى مراد - (طقطوقة) رايداك والنبي رايداك ... عام ١٩٥٠م

الشارع
قميص يوسف 
شاهد دم ع الذنب وعالبراءة 
على معنى الأخوة، والأبوة
وعلى رد الإساءة..
أوقات يكون صباح الخير مستعجلة
من غير ما تسمع ردها
وأوقات يكون مساء الخير
اوزن لي كيلو من أختها..
وبين المساء والصباح 
الشارع كان زي ما هو..
ما بيفرقش في القسوة وقت المنابات
ما بين طبلية وسفرة، أو أرض وكراسي
وكان اللي بيأذن في الزاوية تحت بيتنا
صوته..
ما يمنعش مجرم عن جريمته 
ولا يأنب ضمير عاصي..
لكن ولمده على استقامته
بيليق بشكل عجيب مع دوشة الشارع
وبيوقف لعب العيال ندا ربنا بلغوشة
من ميكرفون الجامع..

والجامع..
صديق ثانوي القديم قبل ما يصبح جار
وطريقه أسهل صحيح من سكة البازار
وليهم نوادر التلاتة ومالهمش إختيار..

لكن..
الخمرة والجامع ما يجتمعوش حتى في مفارقة
وفي دي الجميع اتفقوا على إختلاف كل فرقة 
وصاحبنا كان متهم في كل حادثة سرقة..

هل عشان كده كان بياخد جنب؟
هل مات بدري لإحساسه الدفين بالذنب؟
هل لأنه لما راهن على كل شيء
فضل محتفظ بالقلب؟
كلها اسئلة مالهاش إجابات
خاصة 
لو تجتمع بالشرب..
لـ اللي ليلاتي كان يسجن في روحه
بعد ما ينصُب محكمة..
الأب مات قبل ما يشم في قميصه
والأخوة..
بردو روايتهم مُحكمة
أما الأم 
الشاهد العيان، والأولى بالمظلمة..

٩ سنين حدوته ودبايح
٩ سنين ودا جي ودا رايح
٩ سنين م الشُرب ما كويتش جرح
ولا دارت روايح..
٩ سنين!
وإيه اللي لسه ما اتعرضش في أسواق النخاسة؟
ولمين تآمن لحضنه لو ربى كلب حراسة؟
وإن شموا ريحة الكحول
ازاي هيشموا المصحة 
٦ شهور في ٦ شهور
في إنتكاسة؟

مذنب؟
نمسك رقبته للحدوتة تدبحه
بريء..
نقراها بشويش لـ كلمة تخرج تجرحه
معنى..
الناس احتارت في تفسيره
معني..
لكن الدم دا دمه
مش دم حد غيره..

ننظر في أمره ونخوض في موضوع 
ونطلع قلبه المدفون جوه في ضلوعه
ونشهد الأتنين إبليسه ويسوعه
لكن هيفضل سؤال..
لو كلكم شاهدين على لسانه
مين يشهد على دموعه؟

بكتشف المعنى ولا بستكشف القيمة؟
ورقة جديدة في كل هدمة قديمة
كنا إيه غير أسئلة 
بنعيد إنتاج الأمثلة
نضحك سوى على مشاكلنا
ونبكي على فيلم في السيما..

حتى في العزا
تخيلتك بترمي إيفهات ع العزا
وعزاني..
ما أذاني غير منظر المقريء بيضحك للكاميرا 
وللمقريء التاني
وطعم البن من غير النوى في لساني
خلاني بعد الربع أسمع ربع تاني..

ودورت عليك بين الوشوش
ولقيتك..
مش كبرنا ع الإستغماية!
لو كنت اعمى كنت لومتك 
وقلت بتستغل عمايا
لكن مفتح..
مش قصدي زي الشهدا
أقصد زي عيني في المراية..

ازاي رسول من غير رسالة!
علشان ما يعني سيبتنا بنفس الحالة؟
والحرب دايرة على حدودنا الشرقية 
وفي الجنوب فيه حرب أهلية
في الغرب ليبيا لسه ما اتردتش
أما الشمال..
يكفيني م السببين 
إنهم بنوا سور على بحر إسكندرية..
كل الجديد اللي فايتك 
إني كتبت لك قصيدة
مش أغنية..

كنا ببراءة هتاف العشرينات في الثورة
حماس المناقشة والإيمان بالناس
علموك الكدب بدري
وبقيت تقول دا آخر كاس..

شوفنا الوباء والثورة 
موت الصحاب وسجنهم
شوفت المصحة، وشوفت الجيش
اليُتم بدري والتلطيش
كنت العقل وكنت الطيش
مين يفهم المعنى وبيعيش؟
..

في الفجر 
ابتسم الإمام نُص ابتسامة 
لما شم ريحة الكحول في الركعة الأولى هبت ع المكان
كانت اعذب مرة يقرا فيها صورة الرحمن..
وكأنها..
رقوة وحيد الصف التالت 
طافت صفين خدهم فضولهم خلفهم
كانت ودنهم مع الإمام، وذهنهم مع الغريب
مشهد مهيب..
وكانهم صفين ما بين إمامين..
وكان الكحول متوزع زي الأسباب..
ما بين ريحة إسلامي، وڤودكا رخيصة
هنا..
من مُستصغر الشرر
تبصر آيات العذاب..
والمرارة اللي بتسكر الناس في همومهم
فوقتهم في الصلاة من نص نومهم..
ممكن تقول: الكل سارح في الصلاة
ممكن تقول: ماصدقش حد إلاه..
لكن مش ممكن تقول
غير إنه كان في الكادر أو براه
غير مقبول..
وإنهم بعد ما سلموا ولفوا 
كان مشي على طول...

دبايح الحواديت - حازم عمر

جلسة نادرة ليلة العيد 2023. (ارتجالات موسيقية غريبة من نوعها).

مولود في فلسطين - آمال المثلوثي

جوابات
كلمات : محمود حامد
الحان وغناء : أمير عراقي
توزيع احمد امين
هندسة صوتيه : زين داوود
بيز جيتار : على احمد
بيانو: احمد امين
جيتار : أمير عراقي

Gawabat

أمير عراقي جوابات

عن انسان - كاميليا جبران - شعر محمود درويش

يمكن يا نفسي هتتراضي - عمّار الشريعي

من عذابي في هواكِ
اشتهي فيكي العذاب
يا خليلة و الخلايل
في الهوى ري التراب
ينفني من داس وهوا
منفني فيه الشباب
العذاب تسبيح بحبك
و الألم فيكي صلاة
أعشقك و الجرح يكبر
و الغرام في منتهاه
يا حبيبة ...
في عبيرك
ريحه من ريحه الهلال

أنتي في قلبك أصلي
و العبير منك وصلي
رغم كل اللي حصلي
بأنتظر منك جواب
يسعد القلب اللي دايب
في هواكي يا سلام
ده أنت مصر اللي عشقتك
و أنت اسمك في الكتاب

جلسة نادرة ليلة العيد 2023. (ارتجالات موسيقية غريبة من نوعها).

آية - СТРОФА

Recent comments

زِينة

بتول

Related tracks