تعرف انا ايه؟
انا صوره...
صوره من بعيد حلوه
 طب جربت تقرب منها؟
متجربش..
 هتلاقي برضه اللي فيها مش مفهوم 
اصلها مجرد صوره محطوطه في وسط البوم 
فيها وشوش جميله 
و وشوش في ضحكتها برضه مليانه هموم
بس بالذات الصوره دي 
محدش جرب ياخدها ليه
او حتي يمسكها في ايديه 
محدش فكر يقرب منها او يفهم ليه
طب هي فيها ايه؟
صوره مش باين فيها ملامح 
بس باين فيها انسانه 
مش مفهوم هي مرتاحه والا تعبانه 
محدش عارف هي لسه عايشه والا ميته
بتعيط قبل ما تنام والا كويسه
 لسه بريئه و في ضحكتها طفوله 
والا مقضياها ضحك و من جواها مقتوله
محدش حاول يسأل هي فرحانه والا مكسوره
صوره..
صوره فيها عيوب 
و منهم مش عارفه تتوب 
جرب كده تسيب روحك فيها تتوه 
هتلاقي النغمشه اللي فيها بدأت تروح 
هتلاقي في ملامحها حبة براءه علي شويه كسوف جواها كتير معاني 
و في نفس الوقت باب بالمفتاح مقفول 
في نظرتها شوية اماني مع حبة احلام بتبوح 
في عنيها كلام كتير 
خايف يطلع في مجتمع الرأي فيه مش مسموح متبعدش.. 
متبعدش من اولها عشان حسيت ان اللي جواها لسه مش مفهوم 
دي نفسها حد يحس بيها 
في اقل من لحظه هتبقاله كتاب مفتوح  
بتدور علي حضن دافي صريح مش مغشوش 
تداري في ضعفها 
عشان شايفه الناس بكلامها زي الوحوش 
دول..
دول عالم مبيرحموش!

صورة بهتانة

Maya Helal