عارف كرهتك قد ما احتاجتلك

عمر ما طفل اتربي بعيد عن بيت اهلو هيبقي سوي

كل ما اعدي علي البتارين يكون في نفسي بس معيش

كان عيل صغير بيعيط م خوفو✨

عارف.. كرهتك قد م احتاجتلك !.

الكلمات ❤
--------------------------
مش فكره اكتئاب وكده انا مش مبسوط
"عايز اغني كتير" لا "عايز ابطل" يمكن "عايز اموت"
بفضل كتير ف اوضتي افكر واتسحل ف عقلي
من اسبوع بكلم حد عرفت امبارح انه نفسي !

عايش ف اعراض انسحاب شخصيتي من جوايا
انا بضلم واحده واحده احلامي بتدفن معايا
احلامي؟ يعني ايه احلام اساساً
قصدك اتعشم واتخدر بالامل واضحك ف الشاشه

طب ما خدر بـ خدر رول ف جوب صب الشوت واشرب
طب ما حضن بـ عهر حب بـ ذل حل الكل ياهبل
متبصليش قلتلكو م الاول سيبوني فايق
مش مسطول انا مش مملعن عارف واحد واحد

انت بعتني برخيص عشانها بس عادي
"وانت "سطرت الي بينا نسيتني ف شمه" وانتو "كلاب
"انت "تربيه نسوان" وانت "عينك فاضيه
"وانت "كلت من عرق الحريم شنبك بطل ينبت 🙂

"وانتي "وسخه" وانتي "كلبة شهره" وانتي "كسر
عندي بنات كتير والمشترك مبينهم قله اصل
عملت الخير رميت ف البحر البحر استغرب
قالي اه لو تعرف الكلام الي بيتقال ف ضهرك

بس عادي .. انا بتغفل بس بمزاجي
قاطع النحله الي دايره بس بردو بقول ولادي
كلو هيجي تحت رجلي ف الاخر ومش هسمي
يكفيني ان جتتهم تترعش ف سيره " عمار حسني "

مالك ؟! بتبصلي بقول كلام غريب
مش دول صحابك الي فضلت تشتم فيهم طول الليل
قعدت معاهم كلهم كلو اتكلم علي كلو
محدش سالك متصدقش مصلحتك بتحكم

فلوس بتعمي العين انا اترميت عشانها بصي
كان الدنيا بتلوي دراعي بتستمتع بضعفي
وانا بقف علي رجلي نجحت ف حاجه مش عايزها
لما جيت ابطل قالو لا .. الناس مسيرها تزهق

وفضلت بكتب كل واحد شاف ضله ف حكايتي
وانا مغنتش لحريم ولا لرجاله انا كنت نفسي
بيدعو الزعل" عشان يصعب عالناس قلدني"
بقيت بشوف ف كل حته نسخ ماشيه مني

ويجو يقولو عليا ف الاخر مريض نفساني
طب بزمتك اديك سمعت مين فينا التعبان
انا .. بكلم دماغي انا انضفلي
انا .. بشرب عشان اسكت دوشه عقلي

انا .. عيان ومكتئب بجد فاهم ؟
انا .. بغني براحتي مش مهم اضايق
انا .. هوصل للسما دي بعد فترة
هنا .. هيجو يقولو نتصور من فضلك 🙂
--------------------------
بالشفا <3

مملعن | overdosed

Hell | جحيم.

Alcohol - كحول

' تقدر تتابع كل جديد للـ عقرب من هنا '
www.facebook.com/karimmoka666 ♥

YOUTUBE LINK ' https://www.youtube.com/watch?v=Qo9HSFmLvn8&t=1s '

Single

Sanatorium | مصحة (Cypher)

الكلمات :
تفاصيل حكايتي الي انا هحكيها مش هتهمك 
زي ما انا مش مجبر احكي انا مش جابرك انت تسمع
بس انا محدش سمعني و مش موهوب غير فالكتابه
بعد اذنك بعد ما تقري الورق ولع فيه و انساني

اسمي مش معروف مكنش مهم خالص
ممكن لو ضروري و عايز جت فـ فتره قالولي عازف
عندي سن فـ ورقه بلاستيك مش مصدق انه سني
فـ انا هقولك اني عندي الف سنه وحبه زياده يمكن

عندي سواد محلق عيني و اكتئاب مأتب ضهري 
وقت فات بيسرق عمري و حزن فـ قلبي كان كبرني
و كل ده لسه .. برسم ساعات ع الحيط مشنقه 
كل الحزن ده امتي اتلقي فـ قلب مكملش العشرين من سنه

ثواني .. الورق ابتدي يخلص و هسيبك
انا هروح مسافة السكة لو سمحت استني دقيقه
اهدي .. مكتوب لسه ده اول جواب
شكلي هدوق القهوه انا النهارده و شكلي مش هنام

------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
دلوقتي و انا بكتبلك كملت السهر يومين 
بدأت اتهته فـ الكلام و اسقط صوتي بان عليه
تعبان .. دي تالت رزمة ورق تتقطع و احرقها
بان فـ طرف الورقه كلمة انا مضايق قبل النار ما تاكلها

امي سألت النهارده عن احوالي 
و انا كالعاده كدبت عليها و خدت نفسي قولت تمام انا عادي
و هي خدت بالها و بصتلي و عديتها 
و امي عارفه ان انا مضايق وانا مضايق اني خيبتها

كنت لعنه لـ اي حد قرب مني كسرت نفسه
كان بودي افرحهم بـ ابنهم بس ده غصب بردو
كنت بصحي ابص فـ المرايه اشوف احلامي بتبهت
اطلع بره اشوف بصتهم ليا بكره نفسي اكتر

رميت شباك احلام فـ الميه و مصطادتش غير نحس
و كل الي عرفتهم كانو خيالات مأته و نص كرف 
كنت غريب فوسطهم كانو كام مشوار و مسيري اروح 
... هسيبك شكل الصبح هيطلع
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اربع ايام مبخرجش من الاوضه 
صحابي نسيو باين كل صورهم لمه و صورتي مش موجوده
موبابلي مرنش من زمان و عضم صدري ترب 
مش ببالي صحيح بس انا من البني ادمين بردو

جسمي خس من قلة الاكل و من قلة النوم 
انا قصرت فـ حق نفسي كتير يا رب انام ما اقوم
مكنش حد فايق خالص
كل واحد كان مشغول بنفسه و انا ببهت و بعافر

امي قالتلي ان انا هتحاسب علي جسمي الي بهلكه بهده
وانا مكنش عندي طاقه افهمها انه غصب بردو
هما ضحكو لما قولتلهم مكتئب 
فضلو يتريقو عليا ساعتها و انا كان نفسي اتسمع بس

فجأه الدنيا بانتلي متسعنيش بحزني
كل احضانهم مش كفايه كان كل الزعل عشاني لوحدي
اخر مسكن خدته من ساعتين و بدأت اصدع 
 هسيبك و انزل  خد بالك ع نفسك 
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اسبوع صاحي جسمي تعب همد
انا حاولت انام صدقني فـ دمي مهدئات تموت
قلبي واجعني .. مبقتش عارف اميز
بين تعب طالع من جسمي و تعب م التفكير بيجنن

قومت حاولت اجيب كوباية مايه وقعت خبطت شنطه
كنت بشيل فـ جيبها كل حاجه كانت باقيه منها
شوفت صورتنا .. وجمبهم صورك فـ فرحك
و انتي كنتي جميله عموما انا مكنتش لايق جمبك

عارف .. مش هكدب عليكي خايف
بس لازم اعمل حاجه عشان الدوشة جوه دماغي
ربطت الحبل .. شوفت الدنيا ملونه جوه عقده
و كان حلي الوحيد عشان انام و ابطل افكر

اخر جواب .. كان نفسي حد منهم يسمعني
كانو وقفو بيتفرجو و الاكتئاب بينهش عضمي
يالا سلام .. قولو للدنيا مات زعلان
بكره مش هيبقي تمام نهائي بكره مش هيبقي تمام :)

------------------------------
#Ammar_Hosny #عازف
بحب عمار حسني وبحب حزنه 💙

Ammar Hosny ' عازف ' - Letters  جوابات

Ammar Hosny " عازف " - Letters | جوابات

الكلمات :
#كسار
الحال بيسوء يا صاحبى والموضوع بيبوخ
قولى عن احوال الدنيا الزفت وليه ضربها بيدوخ
غطي بيا كفوف الخلق تطبطب فرحنا قوت تفاريح
متعقدهاش عالناس وتغنى عشان فى مهب الريح كلنا مجاريح 
..
ما جريح الا الغلبان يعم .. بتهد ناولونى هم كتير 
ومكنش حمل السم .. ولا دى دنيا عندها دم اكيد 
ملناش بديل .. وعرفتوا دا متاخر 
احنا 12 بيت براح هيساع احزانك لما عبابنا تخبط 
..
طيبين يا ليل لكن الزعل قسانا
اتهد لينا الف حيل سهرنا ف حانة كبرنا وبالأمانة
معادش فى احوال تسر ولا فى حمل نناهد بعض
قد ما المسافات بتنسي قد ما كان فراقك صعب 
..
كانت ترهات وغيابك كان يتهيقلى فى كوابيس
اخر ديسمبر ولى والمرادى حقيقي متشغلنيش
يااااه .. وادينى بقول كانت اوقات 
رغم ان كان خفيف وجودك سيبت فيا كتير علامات 
..
----------------------------------------------
#عازف
سيب المزيكا تحكي جنونك .. سوادي تحت عيونك
صدقني هتتباع من طوب الارض محدش هنا هيصونك
صاحبك صاحبي و صاحبهم صاحبي و كله هيغفلك
الناس امواس بتحضن جسمك كله هيمشي و هيعلمك

يالي انت مش هنا حلنا و رد  الباب وراك
انا عشت كل عمري لوحدي فحقي ان انا محتاجش ناس
احنا اطفينا فهتلاقينا بنسكت غصب عنا
بين دراويل حوارات حاربنا الدنيا لفت و احنا دورنا
..
----------------------------------------------
#نور_الدين
دورنا .. كعوبنا دابت جري خوفنا
نفوسنا تعبت هم وفينا ضحك الدنيا لما تشوفنا
متكتف من الي فات وبقيت اخاف من بكره
جوا مني صريخ من برا ابانلك ساكت وقت هدنه

درولني التعب خلق مني شخص حب الجلب 
اذوك بكل شر وكل خير زرعته اتسلب
منسي... وكتر غياب حبايبي كان بيقسي
سهرني في حانه زود كاسي اكيد فيوم هينسي

مفيهاش سلكان كل الي فات دراما جوه افلام
الخير هيعم داري عكس شرق الدنيا خراب هيحل 
تالت كابوس احكيلك عنه وانا بتأذي فسهله
رباني شارع ربي فيا سواد فمش هستهدي

مش اسف علي الي حكيته كتير علي المعازف
الزعل خلق مني نجم في كون لوحده سارح
وانا دمي شرقي اموت لصحبي في قلبي اتناشر
هان العيش والملح لما تسبلي سم في طبقي ده مش شطاره
..
----------------------------------------------
سيب المزيكا تحكي جنونك .. سوادي تحت عيونك
صدقني هتتباع من طوب الارض محدش هنا هيصونك
صاحبك صاحبي و صاحبهم صاحبي و كله هيغفلك
الناس امواس بتحضن جسمك كله هيمشي و هيعلمك

يالي انت مش هنا حلنا و رد  الباب وراك
انا عشت كل عمري لوحدي فحقي ان انا محتاجش ناس
احنا اطفينا فهتلاقينا بنسكت غصب عنا
بين دراويل حوارات حاربنا الدنيا لفت و احنا دورنا
..
----------------------------------------------

Nour Ellden "نور الدين" ft Kassar "كسار" , Ammar Hosny " عازف" - Blades I امواس

Ammar Hosny _ عازف _ - Mermaid _ حوريه(MP3_160K).mp3

الكلمات - Lyrics :

مشهد ضلمه عشان مكنش فيه مشاهد ضمه 
كان عيل صغير بيعيط م الخوف و الجو ممطر
كانت الناس بتعدي بس محدش كلف خاطره يسأل
من هنا اتولدت كـ توهه عمار متخافش انا فاضلك

اهدي .. لم دموعك مافيش راجل بيعيط
و حياة الي خلقني و خلقك لو هموت انا هاخد حقك
من هنا ابتديت اتوسخ و اعمل كوابيس ليل دلوقتي
مش ببالغ بس في بشر كل مناها  فالحياه تقتلني

حدفتني السكه لناس بتعبد ناس بنفوذها
البشر دي مش بتعبد رب قد ما كانت بتعبد فلوسها
هنا انا تحت تحت القاع .. كل شئ مأسوي
عمر ما طفل فصغره اتربي بعيد عن حضن اهله يبقي سوي

انا مش فخور  بس انا مش اسف ع الي عملته
كونكو انتو الي عملتو توهه فاظن انا عايز اسف منكو
عايز احس بـ اني طبيعي , مش عايز اكون لوحدي
عايز اشوفني ان انا مش مسخ انا بس حد الناس اذته فاتشوه


توازي بعد دماغي خل توازن العالم
أنا اكتر حد قريب منك بس انا اخر حد جالك
اخر واحد بعت رساله مع انك دايما معايا
اخر واحد كنت انا للاسف .. صلي عليك الجنازة

انا اسف .. عشان عمري انا ما كنت فارق
عشت دوبلير فحياتهم و مسكن دايما ببقي تالت
كنت زي ميدوسا قلوب الناس كانت بتبانلي حجر
داسو عليا مية دوسه و لسه واقف عشت بطل

انا .. عمار حسني كان شرف ليا اعرفني
كاسر عين الدنيا بحالها وكل الدنيا خصمتني
كنت جمبي وقت ما كله شافني مش نافع و اعييب
بكره تقولوا كان زميلنا و رب السما انا هبقي السما قريب

عارف .. كرهتك قد ما احتاجتلك 
كل مره كنت بضطر اشتغل فقهوه كنت اكرهك
كل اما اعدي ع الفتارين و يكون ف نفسي بس معييش
و كل مره ببص لحد و احس نقص انا ليه معنديش

انا مش عايز منك فلوس ولا عايز حضنك
بس بلاش تبصلي نظرة اني اعرك او خيبت املك
كان بودي ارضيك لكني مظنش اني هعرف انسي
ان انت اكتر حد اذتني و انا اكتر حد حبك

كرهت الغنا .. مع انه سمعني كتير
انا بسيط لدرجة اني بحكي حياتي فضلمه و هاند فري
موهوب لكن مغمور .. تعبان و مش هقول
البلد دي ملك الباشا و احنا يادوب بضاعه فـ سوق عبور

اخوك شواف .. و الشغله اخرها فالاستيفا
و الكرفه الي تجيب صحاب مش جدعه نصيحه مني ارميها
مش مستاهله ورب السما .. رزقك متحاشلك فوق
كنت اسمع ازان ربنا لكني مملعن مش بفوق

شوفت صحابي عماهم ضرب والابر برت شرايينهم
و الدبل زفرت ايدهم و الحريم فرقت بينهم
مش جدعنه .. ان انت بتاع حكايات و خالصه معاك
احسبها صح و اسمع مني بهدلة امك احسن م الاقسام

شقيت من صغري .. و كات مكتوبلي اكونلي اهل
عشان ملكش حد مش حابك تكون لوحدك زيي
و عشان الدنيا مبترحمش حد و وسخه 
هو حل من الاتنين يا تكون ديلر يا تعيش سايقها

سلم السلكان و نام و سيب وسختك تحكم احلي
سيب الدنيا خراب و كاحله كده هتدور و كده هتور النحله
مش بنهاب من بشر
لو عليا انا عندي زياد بالدنيا فغوروا مش هنقص من بشر

"كمال" دماغي فـ انها غاليه "دهب" و "لولي"
فكري عايش جوه "الدوحه" و"عوني" فاني كنت بطولي
"كان رفيق طريقي "حجر" جدع و انا كنت "فلسطيني
فتحي" لـ قدسي "نور" محتاجني اكون "كسار" و اهد سوري"

بشكلة" دماغي كات محتاجه مني شريط مهدئ"
اندرو" قالي بكره اسوء متركزش عشان هتتعب"
كل الغنا تعبني اكتر و اكتر تفتكر هتجنن
اعتبره "دبش" كلام مملعن

Ammar Hosny " عازف " - hallucination | هلوسه

the hunter | الصياد ✪

Recent comments

MOHVMED SHVBVVN

playgirlbamavvv

ههههه

iam

Related tracks