LYRICS :

#V1 : AWNEY ADEL 

و كَأنّي مَكُنتِش عارِف إنّي فـ مَلطه بَدَّن
كُنت بَحزَن , كُل ما تيجي سيرتها بَقول أنا هَبقي أحسَن
كُنت عاجِز .. قُدّام أهلِك فا سيبتِك تمشي
و ابقي قولي لـ ولادِك إن أبوهُم عَنده فلوس توزنّي

و أنا .. مَكَنش حيلتي غير الوَرده
فا اترَمِت فـ الأرض و كُله داس عَليها عَلَشان تعدّي الزَفه
عيني ، عَلَي اللي يوم الفَرَح كُله فَرَح
بَس هو خَدله جَمب لوَحده و كانِت عينه بتدمّع

فـ إنتِ مشيتي و مشيوا , و الكُل رَوَّح
كُنت بفَكَّر ازاي مُمكِن حَد غيري فـ يوم يلمسِك و انتِ عَادي 
مَتفتكريش احساسِك جوه حُضني
أكنّي كُنت نَزوه , أكنّي كُنت مُجَرَّد وَقت و فَتره

يا عَشمانين أيامكوا ترجَع .. مَعتَقِدش مُمكِن 
ما أنا مِش قيس ولا كانِت لَيلَي و آخر القِصّه هَنبعِد
كُل اللي كان ما بينّا طار فـ الهَوا .. الحُب سابنا 
 .. حَبّيتها و اتفَرَّقنا
__

#V2 : ZEYAD EL-DASSAS

و كتير بحاول أنساه لَكن لقيته وَحشنى
مَلقيتش سبب مُقنع لكن لَقيت و حَاشنى
قلبى طاردِك عمره ما طَرَدِك ، حُزنى جالى و قال من طَرَفِك
مَتطبطبوش أنا مش بَعيَّط بس عينيا اتطَرفِت

خسرت كل حاجة حتى صحابى باعونى يا سَمرة
معادش عَندى عيلة بَقيت زى المَقطوع من شجرة
راضى و مش بتبطَّر .. بطلت أحب قَلبى اتعطَّل
الكفن إتفصَّل .. و دى " قَهوة سادة " اتفضَّل

مَعَ السلـامة .. كُنت بارد قَلبَك عُمره ما عاني
خدت معاك الـإبتسامة و هتتمنىَ تكون معانا
و لية الملـامة .. تِعبنا يا قَلبى و اللى تَعبنا ما جانا
و لية الندامة .. على شَخص باعنا و هيتباع مَجّاناً

باعوا قَلبى فا عيشت فـ غابة ، أنا اتباعت فـ مزاد فـ السوق
كلهُ خدعنى و كله اتغابىَ و خيره ما زاد و جزانى بـ سوء
احنا اتفقنا مَفيش خَلَف لـ وعود مَهما اختلَفنا
البُعد كان أهون .. و أدينا بِعدنا و ا تفَرَّقنا
__

#V3 : OMAR KIVOCK

مَفضِلش غير حُكى , أنا بَكتب بُكى و أنده قَبرى
مَليش غير ضِلّى و بُن القَهوه و دُخّان قَمَرِى
يَعنى لحالى عيشت , شيبت , من بُعدِك شربت
سِكرت فـ بارِك .. يعنى كُل كاساتى مَنَسّيتش , فا أنا بردت

خُدينى فى حُضنك عايز أرتاح من هَمـ العالَمـ برا
تَخيَلى أنا و إنتِ لوَحدنا فـ القاره
و أنا بَدمَع ' كُل اللى فاتنى وَدّع , كُنت بَهزى و أضحَك
خناق فـ عَقلى مَقتَل , قَلبِك أسود , قَلبى توبه تسبح

مش سَهله , يُحضُن إيدك و أسقّفله يومـ الزَفّه
كُنت فايِق بَس أسكَرلِك أحلى
مَسكَرتِك سَحله ، كُحلك عمانى فـ زَحمه
مَشوفتِش حد فـ بُعدك , قَبلك " بارد " بعدِك " تَلجه

و بَهدى , اكمنى طيب توهت فيها و أسأل
لـإمتى هَفضل كده '!? , أنا مش عايز أعود للـأسوَء
دى وَحله ، أكيد هتغير مـ الروتين و مـ الليالى الزَرقه
كُنا بـ خير بس افترَقنا و اتفَرَّقنا  
__

#V4 : OSAK'KAA

بين كُل ده و ده سِحر الدُنيا حَرَقني
القَطر لما فاتنى خَرَّج دُخَان فـ الهوا و خَنقنى
كان فَرق البُعد بينّا مَسمَّعنيش و هى بتنده
كأنى فـ سيرك جوا قَفَص ، أنا مَحبوس و الناس بتضحك

جَدير بالذكر .. كُل اللي وَجَعنى حِبر
تَخَيّل إن أنا بَغرق بَس مَفيش مـ المَيّة شِبر
وِسط اللمّة بكَون فـ سِجن .. شيبت و قَلبي لِسّة طِفل 
أنا صِفر جَمب صِفر جَمب صِفر جَمب صِفر

كان وَصف بارِد .. الحبايب كانِت بتفارق
كُل اللي كان بيسابِق سابِت الوَقت عَدّي لكن بـ السالِب
الليل كان يومها غالِب وَقت ما كان نسيانها صَعب
كُنت أقعُد لوَحدي فـ أوضتى و أفتكر التفاصيل بالظَبط

و مَكَنش مَنطِق .. إنّى فـ أغلى حِتة حاطِك
و إنتِ فـ الصور ساعتها كان فيه حَد غيري حاضنِك
كُنتى أحلى .. لكن بَنسي اليوم اللي فيه اتجَمّعنا
عَلَشان مَنفعلكيش ولا تنفَعيلى مشينا و اتفَرَّقنا

__

كان آخر القصة و الموضوع بوّخ و طال
عيني ع اللي حَب واحدة مش مقامه و فـ الآخر ما طال
جَرَحونى فـ قلبي و جَرح القلب عمره ما هيتخيّط
متسمعنيش من فضلك .. لو مش عايز تعيّط
أنا مش حَطب بَحس بس سكرت مع دُخان
كُنت عايزِك تعذرينى علشان بكون بـ 100 مزاج
بتأسف .. أنا كداب و اللي اتقال كلام متألف
اللي كان عاقل فـ خيالى فـ الواقع انسان مُتَخَلِّف

OsaK'kaa - Wetfarraana 2 | أوساكا - واتفرقنا 2 Ft. Awney , El-Dassas , Kivock

the hunter | الصياد ✪