مطر

انتماءات صغيرة، وطنٍ واسع.

يالراحتي، وتعبي!

❤️

‎⁨غيابك طال عمرو حسن

اقول دعني واعني لاتخليني !

م الكون الضخم المتقسم بحر وديان
للقارة السمرا المليانة اشكال و الوان
لبلدنا اللي النيل ف جبينها بيزرع بستان
لمكان وسط القاهرة مأهول زحمة وسكان
للبيت اللي ف زاويته قاعدة اجمل
 واحده باجمل فستان
وبتملي مكان ف كيان الشاب التلاتيني
بهدي ل تالت المرة النص اليها
وبسيب ف ايديها جواب
ف بدايته وحشتيني
ولو كل اللي عارفينك قالولك ان خاب املي
ولو كل الظروف حالفين تفارقيني
وحشتيني
ويوحشني اللي من ريحتك
ولو ورقة
واحب الجاي من طرفك
ولو طلقة
واغير من اي شئ لمسك
ولو شعري
واسامح اي شئ منك
ولو باعني
تودعني الحياة
ومتمناش ف يوم صورتك تودعني
يا وردايه ف جبل روحي
يا اول شمس ف الدنيا
يا شئ well done
يا only one
يا زوجتي الاولي و التانية
معايا حتي ف غيابك
ومش شغلاني اسبابك
شاغلني انك لازلتي بخير
وده معناه بان الدنيا لسه بخير
وان الزهر هيفتح علي غصانه
وان النورس الشارد هيتمتع بشطئانه
وان خيالي هيطاردك باحضانه
ويطلق في سماكي الطير
شاغلني انك لازلتي بخير
ميشغلنيش سوي انك تكوني
كيف ما اقول عنك
وتبقي زي ما ارضالك
وتديني الحياة فرصة اسدد بعض افضالك
ولو كان فاضلك الاكبر بانك يوم قابلتيني
وحشتيني 
وتفضل فيا ذكراكي نسيم عابر
يا اجمل حاجه ف الاشعار
واجمل حاجه ف الشاعر
يا ست الجهر و الاسرار
يا ناعمة و الطريق واعر
بحبك مهما طال البعد
وقلبي عند نفس الوعد
وحتي الفعل من غيرك
كان بنعمله مع بعض
لا عمر نسيت تاريخ بينا
ولا ريحة ولا ذكري
بنام بالليل وكلي طموح
باني المحك بكرة
بتمحي غيابي بوجودك
وايدك تحضن الاوكرة
بقول لو حتي فات العمر
وصرت مسن ف السبعين
تساعني نظرتين عواجيز
وتكفي ضحكتين شايبين
ونسمع حاجه من فيروز
تاخدنا ليوم ما شوفتيني
وحشتيني ولو عيروني بغرامي
وقالوا عليا عايش وهم
اكون الايد إذا كيوبيد
بيطلق ف اتجاهك سهم
ولو عيروني بغرامي
ولو قالوا يعيني حرام
عشقها الواد وتاه فيها
هتبقي غصب عن عينهم
حياتي واغلي معاليها
ولو قالوا ده سحراله
وعملاله عمل بالشوق
ولو قالوا ان انا اتجنيت
بقسوة او بصنعه وذوق
فلو ده سحر انا قابل
ولو ده جنان انا قابل
ولو حبك اثر خمرا
محبش افوق
واه انتي نقط ضعفي
واه حبك علي عيوبك
واه ضلك
واه قلبي اللي فاضلك
واه ديما بطبلك
واه باشارة محسوبك
كلامهم عني مش فارق
ومش هفقد امل ف رجوع
مفيش مواضيع اقولهالك
غير انك وحدك الموضوع
وان حياتي نقصاكي
وقلبي سابني و معاكي
وان عنيا شيفاكي
فاول كرسي ف يميني
بتدي ضحكي للدرويش
عشان يلقي وحشتيني
فلو كل اللي عارفينك 
قالولك اني منفعكيش
ولو كل اللي عارفينك
قالولك بكرة تنسيني 
وحشتيني !!

عمرو حسن - وحشتيني ٣

عمرو حسن | حقك عليا للمرة الأولى من حفلة الساقية

حقك عليا | عمرو حسن

عمرو حسن | أوقات بتحس أن انت غريب

النص اختيار عبدالرحمن :) كل سنه وانت طيب

حيث في كل خطوة قمر مكسور - رياض الصالح حسين

لا شيء يتعبني بقدر القلب - جمانة القصاب

اترك يدي

2:49 PM

لماذا أخترتَني؟

النص للكاتب: إبراهيم الحسين
من كتاب يسقط الآباء حجرا حجرا

في رصيف على جانب الخط الأصفر 
عالم من الشاعرية
نخرج منه بنصوص أدبية
بصوت الغيداء

يخرجون من أصواتهم

هاوية للتعليق الصوتي 🎙️
اعبر عن مشاعرنا عن طريق البودكاست ✨

اقول دعني واعني لاتخليني !

بودكاست ضوضاء | بشاير