كلمات وإلقاء : هناء صبري
www.facebook.com/HA.SabRy

ملياش نِفس للدنيا
عايشها غصب عني عشان
قالولي فـ يوم هتضحكلك
ومن يومها وهي مكشرة في وشي
مفردِتهاش فـ مرة حتى بالصُدفة 
قالولي اضحكلها تضحك 
ومن يومها وانا مسخسخ 
على الفاضي و ع المليان 
ياريته حتى جه بفايدة 
ده قالوا عليا واد غلبان
وتايهة منه ع الآخر 
وضحكوا عليا وقالولي 
ده شُغل جنان 
وقالوا فـ يوم هيجي الشَهد
وتدوقه، تنام شبعان 
ولفيت يا حياة فيكي 
ودوقت كاساتك الفاضية 
وطلعت كلها حرمان 
يا دنيا يا قايدة في ضلوعي
كما البركان 
قوليلي بس اعمل ايه ؟
ودليني على العنوان
تحبي إني اضحكلك ؟
واغنيلك 
واشرب تاني من نيلك
ف ابات عطشان ! 
تحبي كل أحلامي 
تكون كوابيس 
وبرضه افردها ع الآخر 
واقول فرحان ! 
تملّي لما بضحكلك 
أبيّن صفين السِنان لولي 
واخبي الناب 
عشان كده ضحكي بيبانلك 
ساعات كداب ! 
تحبي اللي يكشرلك 
عن الأنياب ؟
مبعرفشي أكشَّرهم 
معلمونيش اكشَّرهم 
يا دنيا إزاي ! 
معَرَّفونيش مَدى للصبر
وقالوا انه مداه الفَاي ! 
و فَاي يعني مالا نهاية ! 
يا دنيا ياللي رغّاية 
بترغِي ف ودني بالأيام 
كفاية كلام ! 
انا غلبان 
ملياش نفس اعيش فيكي 
وبَطَّلت إني اكون عشمان 
وعايش فيكي بس عشان 
في يوم تاخديني لـ الجنة !

ملياش نفس للدنيا "بالموسيقى" / هناء صبري

يوسف عبدالله - اسيبك لمين

الحكاية باختصار .... كلمات : عمرو حسن

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

لو كنت بس ساعتها عارف  #Konsowa

Lyrics : Muhammed Diaa Samy
Composed By : 3mr U-Sef
Writing Date : 28 Dec. 2015
Primarily : Ajjam

Waga3teny - 3mr U-Sef

راحت ي خال ايبك عطاله و بسام عمر جيتار.m4a

[www.mp3gfx.com] - الحكايه بأختصار للشاعر عمرو حسن.mp3

وكأني دوران السنين على روح بتخرج من جسد

و كأني هفضل للأبد

#كنا_سبعة "حازم ايهاب"

وانا قاعد سرحان و حزين
بالصدفة الباحتة لمحت اتنين
ماشيين ف شارعنا الفاضى
فندهت الاقرب ليا
بقولك يا فلان ...
محتاج افضفض حبة معاك
وقتك يسمح انى أتكلم ؟!
- أتفضل قول .. و انا وياك
انا ليا كتير عايش وحدى
ساكت سارح .. دايما مشتاق
انا كل حياتى .. فراق ف فراق
انا خايف أقرب من بيتنا
ليكون حايش جواه ذكرى
فتزيد شوقى .. و انا مش حمل زيادة بجد
انا دايما باصص فى الارض
انا اول مرة ارفع عينى
و دى اول مرة انا بحكى لحد
عارف يا فلان
انا ليا زمان مسجون فى الحزن
و ان حتى ان عوزة احضن نفسى
ممنوع م الحضن
انا ياما حاولت اهرب لكن
برجع تانى
انا نفسى الشوق يوم ينسانى
بقولك يا فلان ...
الاقيش وياك حبة أفراح
الاقيش وياك ..
أستيكة بتمسح اى جراح
الاقيش عندك وحياتك
ماحى لعقلى و لكل ما راح
الاقيش نسيان ..
طب اى مُنبه للسرحان ؟!
- والله ما فيه
يا خسارة خلاص .. شكلك مليت
عموما شكرا على ذوقك
تقدر تمشى ..
- شكلك تعبان
انا هخطف عينى لتحت و انام
و ان شاء الله انا هبقى تمام
شكرا يا فلان ..

Facebook : https://www.facebook.com/Brado11/

قصيدة حزينة بعنوان فُلان لـ عبدالرحمن محمد

بقول الشعر عن نفسي
وعن نفسي.. ماصدّقتوش

و كأني هفضل للأبد

Bassem Atwa