Sout El Share3 |Ya So7bgya ياصحبجية فرقة صوت الشارع

مصر هى امى

شباك النبي على باب الله
ولا فيش أجنبي على باب الله
يا صبيَّة الصَبي على باب الله
هَاوْدِي وقَرَّبي شربات تشربي
ونْلمْ الشَامي على المَغرَبي 
على باب الله
شباك النبي على باب الله
و الخير مطلبي على باب الله
يا صبيَّة الصَبي على باب الله
هَاوْدِي وقَرَّبي شربات تشربي
ونْلمْ الشَامي على المَغرَبي 
شباك النبي على باب الله
علي الحجار
------------
على باب الريح ربِّـينا نَسيم
يكبر بالجمع وبالتقسيم
ويلم الشعر على التقَاسيم
على عطر وسيمة وصَدر وسيم
خلّيكي معانا إزاي تذهبي
وإنتي الحنية في نور مذهبي
شباك النبي على باب الله 

شيماء سعيد
----------------
على باب الجنَّة بطَعْم التوت
أنا ممكن أحب لَحّدْ مَـ أموت
وأزرعلِك جُوُّا البحر بيُوت
وأخلِّي سنينك صَعب تفُوُت
أنا اشيل الشَقَا وإنتي تطبطبي
وأتعبلِك وإنتي بلاش تتعبي
شباك النبي على باب الله
هانى عبد الفتاح 
----------------
علي باب مقفول أو باب مفتوح
حَـ اكتب مواعيد اللقا وأروح
وارجعلك تاني شعاع بيفوح
وقتيل فـي الحب .. ومش مجروح
قادر علي طعن الليل الغبي
بس انتي أؤمري .. أو حتي ارغبي
شباك النبي علي باب الله
امال ماهر
-------------
على باب العيد بالهوى ضَحِّيت
دٌقت الحرمان .. قُلت إتغدِّيت
رزق الغلبان .. يحْرَم عَـ البيت
ده الدُنيا قالتلي إبكي .. ما بكيت 
سهّلي .. سهّلي ليه بتصعَّبي
ده أنا مهما جَنيت عارف مكسبي
شباك النبي على باب الله

محمد العزبي
---------------
على باب الشُوق من غير توصيف
عدينا ربـيع ودخلنا خريف
البرد في ليل الحُب ضعيف
والورد بـ يهرب مـ التقطيف
وإنتي ولا بتقسي ولا بتهربي
ولا يوم بـ تلبِّي سوى مطلبي
شباك النبي على باب الله

محمد الحلو
-------------
على باب الخَلق وباب النصر
صلّيت الفجر ضحكلي العصر
تعاليلي العِشّة .. أبنيلِك قَصر
ده أنا أطيب مصري .. يا أجمل مصر 
أحْلِف بالشافعي مع الزينَبي
وعينياّ تميـل ويـشيل مَنكَبي
شباك النّبي على باب الله

غادة رجب
-----------
على باب الله بساتين بساتين
شوفنا الزيتون ف مَقام التين
والناس في حليب وعسل فايتين
والظُلم ضعيف والحق متين
قرآن الفَجر تلاوة أبي
وآياته تملِّس على كوكبي
شباك النبي على باب الله

على باب الغار بتبيض يا حمام
حـَ أبنيلَك بَدَل العِشْ مَقَام
كُفَّار اليُوم عايزينها سلام
شرط الصّديق ينسى الإسلام
لكن ماتخافش الخوف ارنبي
وانا لسه شُجاع سيفي ومأربي
شباك النبي على باب الله
علي الحجار
-------------
على باب إسرائي بُساط أحمدي
كُل الأنبيا ويّا مُحمدي
بيصلوا صلاة القلب الندي
الأقصى قريب لو يوم نَهتدي
من باب أندلُسي لباب مَندبي
نفتح شباك عَـ الزمن الأبي
شباك النبي على باب الله

شباك النبي علي باب الله

أحمد سعد_دستان_أشعار أحمد فؤاد نجم_فيلم الفاجومى

كلنا عاوزين سعاده

أنا بترجاك الله يجازيك .. ياشاغلنى معاك .. وشاغلنى عليك
وان غبت سنه .. أنا برضه أنا .. لا أقدر أنساك .. ولا ليا غنا
ولا أتوب عن حبك أنا

محمد محسن - سماح - أنا اتوب عن حبك

يا بهية و خبريني donya massoud...

اذكريني.الحب و السلام

يا أم المطاهر رشى الملح سبع مرات
ومع الزغروطة احكى حدوتة تعلب فات
الا المطاهر شافها مظاهر طب سكات
وبايديه شرخ ..
بنيان وصرخ ..
وكتب .. وترخ ..
ما احناش .. ما احناش بقرات
يا ام المطاهر ..

يا أم المطاهر رشى الملح وخبى عينيه
اتولد الحر ف ساعة ضهر وياختى عليه
لا يطيع ولا يسمع ولا بيصدق كدب وليه
بيبص لأبوه ويقول هوووه , ماله مغمى عليه
وهتنطق امتى يا بابا ..
وتقول ان احنا فى غابة ..
وشريعة الغاب مفرات
يا ام المطاهر ..
أصل الحدوتة يا خالة ستوتة الواد جاى لأمه
اتشحطر ياختي ومين بقى يقدر يوم ويلمه
وأبوه قال ياختى جاى وعمه كان هيضمه
قال ابعده عنى سيبونى أغنى
اقول يا مغنى موالك مات
وان كدب المغنى يكون المعنى التعلب فات
وان فات التعلب يبقى فى ديله سبع لفات
اللفه الواحدة يا أم مواحده دول ربطولنا عشر نكسات
يا أم المطاهر ..

 كلمات: محمد جاد الرب
 ألحان: الشيخ امام

يا ام المطاهر رشي الملح سبع مرات  - الشيخ إمام

مونولوج (هنا القاهرة) محدش شاف 
تأليف : فتحي قورة 
ألحان : منير مراد

منير مراد - مونولوج (هنا القاهرة) محدش شاف‎

انا اللى ببيع ياسمين - دينا مسعود

Beno Abdallah, a skilled musician & DJ from Chicago, started his musical journey in Egypt in 2007.

Sout El Share3 |Ya So7bgya ياصحبجية فرقة صوت الشارع

Beno Abdallah

Recent comments

نعمه جمال جمال سليمان

Audy Flash Z

Devo mokhtar

Dalia Mohamed 58

Related tracks