رحمة الله عليك يا ابي ونسئلكم الدعاء 
النص ...
.......
بدفني فيك 
واحييك
تعيش فيا 
خبيت سواد الدنيا ف عنيا 
وفتحت نورك للمشاع تشرب 
مديت وكانت خطوتك اقرب 
مقدرتش اهرب م الجسد قبلك 
او حتى اقبلك قبل ما تسبني 
حتخوني كل حروفي مهما حكيت
لله غيابك عن ضلوع البيت 
لله وجودك ف الكلام عني 
" ابنك ميشبهلكش غير ف الشكل " 
كنت اختصاري لما اقول الاهل 
والسهل وقت ما كل شئ يصعب 
بهرب اليك مني ف وقت الخوف 
بهرب اليك من عجزي وقت الشوف
دلوقتي بهرب للحروف منا 
صوت دعوتك / بوابة الجنة 
والحنة تحت خطاك بتكسي الارض 
كانت صلاتي قصاد غيابك فرض 
وفشلت اكفي سُنتك بعدك 
لله خطوط الصبر فوق ساعدك 
ولا حد ساعدك ف الشقى غيرك 
مغزول يا نور ايامي من خيرك 
ورماني سيرك ف السكك وحدي 
لله شقوق الدمع فوق خدي 
وياريت بكتر الدمع راح اردك
عايش لوحدي وانت مش وحدك 
وياك سنين م الذكر والصلوات 
خطوات ف جوف الفجر للجامع 
راجع تحني الصبح بالدعوات 
كلمات تنور ضلمة الشارع 
رافع جبين العز ف الازمات 
حكايات ترد النبض للسامع 
ولهذا بحسب نفسي م الاموات 
واحسب غيابك رحلة الراجع 
واجع لساني حرف محكتلوش 
واجع عيوني دمع مبكتلوش 
جتلك لبيتك بلعن المسافات 
وعنيك قصاد عيني ومتقبلوش 
كانت ما بينا غربتي ف جسمي 
اسمي اللي لسه تحت حكم الطين 
وانت اللي حر ف رحلة السموات 
ولهذا بحسب نفسي م الاموات 
ملياش دليل ف التوهة غير ضلك 
ضليت وخبت وعمري ما بضلك 
طب ايه فضلك فيا من نفسي 
وانا حتى نفسي فيا من فضلك 
وفاضلي بعدك ايه سوا الاحزان 
انسان مفهوش ما يشبه الانسان 
ملياش مكان الا ف كلام عنك 
او صورة خبت  ضحكتك م الموت 
حتكونلي باقي وكل شئ حيفوت 
وحكون معاك مهما الزمن حيطول 
مستور ف ريحك من جفا الاوقات
ولهذا بحسب نفسي م الاموات 
مهما السنين ف ضلوعي كات حاية
حدفني فيك 
واحييك تعيش فيا 




نُص النهاية - محمود صابر

موسم الهجرة إلى الشمال للطيب الصالح

علي طاليباب Aly Talibab - يمكن

Rani rayha cover

Composed, performed, mixed and mastered by: Omar Sheshtawy
Art cover by the amazing: Ahmed Hany (hanhoon)

Reproach

Reproach - عتاب

رسيني - جمالات شيحة وفتحي سلامة

Lyrics by Ahmed Fouad Negm
Music by Ahmad Elsawy
performed by Marwan Al Azab

أغنية فيلم زهرة الصبار- Cactus Flower theme song

جدل - اذا احنا رحنا-لايف

"The Last Road Trip"

collected and mixed by: Gehad Mostafa

RoadTrip (mixtape)

Senica, Franz - The Truth/الحقيقة

بياع يا خال
بياع وبايع فرحتين عمرة في شوال
ورثوني حي ف فرشتي ولاد الحرام 
والدنيا فاجرة وبطنها حمال عيال
وانا وحدي بشبه للقمر
او يمكن احلى بحبتين
خد حبتين الانس واسكر عندنا
بياع يا خال .. بياع يا خاااااااااال

لساك هنا!
دة الكل سابني ولسه انا في اول نفس 
عاجز ولكني فرس
خيال بيرمح في الحواري وفي الغرز
وبيزنوق في الحيطة حد ما تشتكي 
وان قولت اة يقولوا شوفوا الواد فجر 
بيقولوا عنه انه اتلبس
مجنون وعقله طق فيه

وانا مش سفيه
انا حد فاهم في الحياة باتنين جنيه 
تؤمن بكام؟
بياع خيام وسط المدينة يكسب منين؟
يكسب اذا جابت حكايته الف شير
لله يا طير
اولد فراخك عندنا وبسمل وكل
رغم العفن انا ريحتي فل 
ومنظري مليان جمال 
مين يشتري؟

طب يلقى نظرة قبل ماتش الاعتزال
طب يلقى نظرة قبل ماتش الاعتزال
بياع يا خال

علي طاليباب Aly Talibab - يمكن

Kareem El Botout