طالباب - Talibab

.لطخ: قصة 
تأليف وصوت: عبدالرحمن الدسوقي

لطخ

الكلمات:
٢٠ سنه؟
والله و كبرت يبو حميد
و الزعل راسم ملامحك
لكن جميل والله لو تضحك
تعرف يا واد
انا مش مسامحك ع اللي فات
٢٠ سنه فارد كفوفك للي جاي موجوع
ومدارى وجعك
٢٠ سنه تسمع حكاوي الخلق بالتفصيل
ولا حد سمعك
٢٠ سنه بتخاف تجرّح ف البشر
ف تزيد ف جرحك
***ء
زي اناهرده كنت حته لحم
بين الحياه والموت متشعلقه روحي
شاء ربنا يطمن قلوب اهلي..ويبتدي نوحي
امي اللي قعدت فيا تولد نص يوم
وكاني متشعبط جواها وكاني
 شايف وعارف ايه اللي مستني
زي اناهرده خوفي كان يمكن اقل
حزني كان يمكن اقل
وبكايا سهل
يدوب هجوع.. ف ابكي
ليه اناهرده بعانى لما اشكي؟
 زي اناهرده ابتدي المشوار
رجليا حافيه والطريق مفروش ازاز
عيل وعايش ف الحياه زاهد
مقطمش ضهره الا اما جه يوم عاز
***ء

٢٠ سنه؟
كانى كبرت..
وبقا ينفع اقول واحكى وأتذكر
من خمستااشر سنه
اول مره اشجع كوره.. امم افريقيا
ومن عشره..
ثوره.. ومئويه اعظم نادي
ومن خمسه.. كان حب اعدادي
كاني كبرت واصبح عادي
يشوفني العالم بنفخ دخاني.. وميلومنيش
كاني بواجه اول مره الشارع م الشارع
مش من ورا شيش
الذكريات بنت الحرام
سكينه تلمه ومخي اضحيه
لا منها حلتني ولا قطّعت فيا
كتفي اللي كان بيشيل همومي جبال
خدّل خلاص وهدومي حِمل عليه
زى اللي واقف يبكى ف الصحرا..
نبّت ف مطرح وقفته صبار..
ودى صوره مش افيه
صبار بيفتح حضنه للعالم
بس البشر بلالين مبيحنوش
ف يطاطى راسه ويمشي متاكد
ان الوصال زى الورق.. وسط دموع بيبوش
***ء
خايف من امبارح
بجري علي بكره
بجري وكانى.. عارف السكه
سايب ورايا ضحكه بِكر وحلم ف اللفه
عيني عليهم ، ايدي ع الاوكره
جوايا كتله اسئله ملهاش جواب
هعرف اقابل ضحكي خلف الباب؟
حلمي هيكبر ولا يتحول سراب؟
جوايا كتله اسئله مؤلمه 
سكان قدام و بيوتها متهدمه
و وشوش كتير واسامي متلخفنه
يدعولي اعمر ١٠٠ سنه
ازاي يجيلكم قلب تدعولي.. افضل هنا؟
وبأي منطق يبقا عيد
يوم بيا تحتفلو
و ٣٦٤ وحيد
وافرح معاكو بكل كدب
واحزن بعيد
يا حزن بَشري وناس فشوش
يا عُمر لسه معيشتهوش
يا دهر .. سبحانك
يا رب بستسمحك
زودلي نايب الصبر
واجعلي سيره تعيش
فوق عمري ٥٠ عُمر
واجعلي رزقي من الدموع هيّن
واجعلني كما صبار
صبار لكن ليّن
وارزقني صحبه تعيش
يستحملو شوكي
وميكرهوش حزني
وظنوني وشكوكي
وابعدني عن كل اللي م البلالين
وان كان في نيه عشان.. افضل مكمل هنا
اديني طاقه اعيش.. ٢٠ سنه تانيين

صبار🌵

مساءك خير او
مساءك شر
على حسب 
ما لجأ اليه من مستقر
انا جي أحكيلك حبة
عشان مالقتش مفر
وإن كنت هاتمشي يا صاحبي
هاقسمني لنص ونص
وهاقول للنص التاني
إني يا صديق وحداني
والبؤس مكبل فيا
توبه مطلسم وحدة
محبوس جواه وحديا
منحوت في ملامح وشي
مظبوط البؤس عليا 

والحزن طارح نخلته جواي 
وأنا قلبي اصلًا منطوي وبكاي 
والكون دة اصلًا مأسوي ونساي 
بينسالك بإنك يوم 
كنت ترس في بهجته 
ويرمي عليك هموم 
في هموم 
وكأنه همك نشوته
.......
تفتكر يا رفيق 
هل هذا الكون هايضيق؟ 
¬
نضحك في الحاضر حبة! 
ونرتاح أيامنا الجاية!
ولا إحنا يا صاحبي غلابة 
مغمورة حياتنا كآبة 
ولا إحنا يا صاحبي كآبة 
والكون متعته يكائبنا 
او ممكن برضو يا صاحبي
عفاريت الكون ركبتنا 
ويجوز الكون زعلان 
أصبح فاضي من الناس 
أصبح من الفضى ملان
مافهوش نص ونص 
يجوز الكون يائس 
عشان مالهوش غيرنا 
يجوز الكون بائس 
ساير علة سيرنا 
يجوز كمان حزنان 
قتل شعور الفرح
زودلنا الأحزان 
... 
تفتكر يا صديقي 
إيه شكل النهاية؟
هل هانكون للكون كفاية؟
ولا هايزود عذابنا 
هل هايمزجنا في حكايته 
ولا هايزيد اجتنابنا 
هل هانكون للكون كفاية؟
أتمنى يا صاحبي نكون كفاية

آسف لو طولت 
وإن كان وراك مشوار وعطِلت 
اعذرني!
كنت هاجن ان مُش حكيت 
آسفي شديد يا صديق لو من شكواي مليت 
ايه دة هو انت مشيت؟!

شيزوفرينيا ~ schizophrenia

عَجِبْتُ منكَ ومنّي يَا مُنيَةَ المُتمَنّي
أدنَيْتَني منكَ حَتَّى ظَنَنْتُ أنَّك أنّي
وغبتُ في الوجدِ حَتَّى أفْنَيْتَني بِكَ عنّي
وإن تَمنَّيْتُ شيئاً فأنتَ كلُّ التَّمَني



غالية بنعلي -عجبت منك ومني

علي طاليباب Aly Talibab - يمكن

للأيام اللي بنصحى فيها شايفين الشمس بعد وقت كبير في الضلمة و بنمد ايدينا للنور اللي في اخر النفق ومنطولهوش..
للأيام اللي بتترفع فيها كل الستاير اللي حاجبة الضوء، وتتفتح كل الشبابيك اللي مانعه الهوا ويدخل ويطير شعرنا ويحسسنا اننا لسه بنتنفس..

ونبقي ممتنين لكل حاجة..
لشعاع الشمس، لريحه الجو، حتى التراب على السور  للزرع، للطيور، للون المايه، ولصوت العصافير ..

لصوت موسيقى من الافلام اللي بنحبها، لكل الاغاني اللي بنحبها اللي بتشتغل فجأة من الراديو او من اي مكان مش معروف مصدره وتخلي كل حاجه اجمل

لعصير الليمون المفضل..
ولكوباية الشاي بالنعناع بالليل وانا ببص على قمر على امل انه زي ما بتمني من وانا صغيره يكون لسه بيوصل كل الرسايل..
لشكل السحاب والنجوم في السما..
ولضحكة ماما ولحضنها..
لكل حاجة حبيناها كأننا بنخلص حبنا ليها كأنه اخر يوم في العالم.

للايام اللي بتأكدلي اني لسه مش عايزه اموت 
وإن في حاجات اكتر في العالم محتاجه ابقا ممتنالها هي كمان مفيش سبب معين للايام دي غير انها بتيجي علشان تقولنا منموتش

وبيباركها أصوات حبايبنا  واحضانهم، اصواتهم طول الوقت وفي كل مكان
وأحضانهم علي  قد ما بنطولها..

موسيقي فيلم أحلى الأوقات

للأيام - سارة طارق

رسيني يا ساقية عذاب…فين اللي راح فين اللي غاب…قوليلي راحوا فين…واشكي الفراق لمين…واروح لمين…ايه اللي باقي من بعد اللي راح… غير الجراح…انده عليك يا حبيبي ولا انت داري بي في بعدك

مسجونة في العمر اللي فات…من بعد ما روح قلبي مات…خد كل العمر معاه…مخادش غير الآه…وعذاب الآه ليه يا موت تحرمني من الأحلام…مش حرام…دبلتني في ربيعي…وشوفت خضوعي في ردك

ليه يابني تسيب حضني ليه؟…في ادفى من حضني ايه؟…روحت فت وحده مره وليل طويل…روحت وخدت قلب كنت بعيش عليه…وفردت بعادك شراع…من غير ولا كلمة وداع…آه يا ريتني أعرف بس روحت فين…كنت أمشيلك كل خطوه برمش عين…خد كل العمر معاه…ولاسابش غير الآهرسيني يا ساقية عذاب…فين اللي راح…فين اللي غاب…رسيني يا ساقية عذاب…رسيني

- فتحي سلامه - غاليه بن علي - مكتبة الاسكندريه 26.07.2014  رسيني يا ساقية عذاب

أغنية حَلّوا المراكب من كلمات نجيب ســرور وتلحينه
يغينها الشيخ امام بعد وفاته و يترحم عليه ..

حلوا المراكب- الشيخ امام

ع الي حكم ارضه ف ضل و فجِر

هوس باند - حكاية الامير  |  Hkayt al Ameer - Hawas band

Ghalia BenAli  - Emsk Dmo3k- غالية بنعلي - امسك دموعك

الثورة كدبة كبيرة
الثورة مالهاش وجود

العفن _ علي طالباب

Lyrics: Aly talibab, Youssef Tawfik
Vocals: Aly Talibab, Youssef Tawfik
Violin: Ahmed Adel
Bass: Mohamed Hassan
Guitars: Haitham Elfaham, Ahmed Sameh
Drums: Sherif Abdalla
Sound engineering and production: Youssef Ahmed
-Recorded at Vibe Studios-

Serenade feat. أنت موجود - علي طالباب

الحقيقة ملك للوجود. مش ملك دراع طويل فى عقلك ممدود . نفس التفكير المحدود..اعتقاد الجسد بالعقل كاسر القيود..
بجناحك طير متهمدش..اِكتب عن عالم ميعلمش..حاكم ما بيرحمش.قاضى ما يعدلش. واكتب عن راجل دين مايئمنش
داوب سطورك عن الضلمة ناقى نفسك م السموم 

علي طالباب - الحقيقة ملك الوجود Ali Talibab - El Hakika Melk Lelwgod

غاليه بن علي | في البيت موال | رُبما تُهديك الحياه كل جمالها في شخص ..!

استعيذ من الشيطان...متسمعش


فيديو لماجد نادر: http://www.youtube.com/watch?v=myK8wzBtZ8Y
للتحميل: http://www.mediafire.com/?4b9pnhp7bzw7sr7

١٧٧٢

بجناحك طير؛ ما تهمدش. إكتب؛ عن عالم ما يعلمش, حاكم ما يرحمش, قاضي ما يعدلش. وإكتب؛ عن راجل دين ما يؤمنش..

علي طاليباب Aly Talibab - يمكن

Kareem El Botout

Related tracks