جميع أغاني هذا الألبوم المريض تم إنتاجها موسيقياً من قبل بو كلثوم بذات نفسه، قبضاي/ه.

All the tracks of this album were produced, written, mixed, mastered by "Bu Kolthoum".

Scratches by "Dj Takonedoe"

cover design by "Ammar Khattab"

Bu Kolthoum - Bo'Bo' | بو كلثوم - بعبع

النص

ما بثق بحدا فيكن زيف مغطيكن سيف يصفيكن
دين يوفيكن اللي فيكن
دان دارك بتشمت الفال دارك "نوك نوك" فتاح الداء زارك
هاللسان نارك حاره
حاطط فخاد عند فخاخ قلو فشاخ للطرماخ عالنافوخ طراخ بركي ان داخ بيصحى صراخ
يا ولاد الطرطبه هذه البلد لمن
للبيض ولا ألنا لولاد غيتوز دمشق
اجري بطيز السين و ابدا بحرف السين
جوابي مسمحلي طير أسبابي بي تي اسدي
انا طيب لكن خابطك كف
اذا بتغلط ما عاد في شي نخسرو من ايدي بتطلع ناقصك فك
بثق بخيري و بس و ما بيثق بغيري و بس
المشهد يثق بفيض المد و أنا غرقان بتف
خلاصة البار إلخ مسطوح معطوب بتخت
تعلم الامتنان يا مدلل ان كان حاويك سقف

الجحر في ضب ضل 
ماسك مايك و شكلو كيوت و تيديري دام دام

الجحر في ضب ضل
البعبع هون من نيعو يشدو و تيديري بام بام

يزبط خط الكوك ببزنس كارد
ايدو بسفلك عم يحركك مسرح دمى بيضرط نار
من غابة الاسمنت من مخيمات الرمل
من مسلمات الهم بيتمنظر فيل و طار
البو مسالم صح بس باقي كابس عنفسكن
حلقت الدريدز مشان حتى شكلاً ما اشبهكن
قلبي حي ذكراً قلبك ني يؤكل
 سبرايز بيتش الزيت صار يصنع يتبع..
حاكا والي ان طال ، حاك لوالي بنطال
حكواتي بالطاء، ان لراسك قنطار 
فلساني كاوي بالنار، نحنا سواسية 
ان بتدق بالشبيبه حتموت حذاري
لبس ديبو عنزه و قلي لحمس ما بعض
جابوه الإن جي اوز لهون ليك شو أبيض ما في ضر
وقعتوا بالحاره الغلط مناكل زفت عالريق
جيبوا الكبش فيل مجنح منعمل بكرا عيد

Alpha | آلفا

One two one two kickin off the beat like kong fu 
Its like what u gonna do when they come for you 
GQ playin mean b spit بنزين ع السين 
اماتراسو تحت التاج ممزوجة بسحر راسبوتين
Head banger sick slang من كتر الخبط you get concussion 
Bullet after bullet on the drum beat like percussion
بلعب بالفلو بالتكنيك پانش لاين ملعون
تراك repeated م الصدمة اغشيناهم لا يبصرون
الملكة has the high heel  عالمترونوم clap clash 
Show off im a big deal on ur knees whip lash 
تسديد جماعى in ur face like bang brothers 
GQ ضربة فمقتل better hide under covers 
عالم سمسم الراپ night mare before christmas your business 
اعمل الغلط معاك من غير ديس
Gq قطة سامة نوعها غنى عن التعريف 
Bu kolthoum sean p وأد الراپرز فى اتون عظيم


مخاطي فوسفور كمامي بتضوي بالليل
ما تناقش التور بتقصقص قرونو بالدين
مافي شي بيأثر فيه عالأقل أحسن منا
بس ساكن مداخن بيوزع فاكس عالكريسماس
منطق منطَقكن طري مالو شرش ليوصل
متل اللي بيمحي كوكيز البراوزر لينحف
مو كل طير بطير بس كل الطيور تؤكل
من شباك الاستديو عم برمي بكمشات حنطه
 الأضواء بتعميني فمو الحلم صير نجم
بعمل موسيقى من غرفتي بس لأقتل الديبرشن
مادين السماعه سناره أنا و الدرويش
عم نحاول نأنقذ السمك يغرق بالمحيط
الكل صار فنان تشكيلي و كل الفنون تشكيلك
أنو الفنان و الفن زتوا حالهن بالمحيط
أنا بعبع كابوسك الطحل طاف من الابريق
كل ليله بس تناموا آخدكن تريپ عإلم ستريت

Elm Street - Ft Ghetto Queen | إيلم ستريت - مع غيتو كوين

انا و الناظر داكن قادم
هلا بالثابت ناسك رابط
خرا بالحاقد زائد ناقص
حلب التور و يجايه يفاصل
مانا بالزور ملاقي اكل
كبسك كف و جايه تناقش
أنا و السالب أرض و حائط
كذب النوم ما الموت الصادق
مارشال ارتس بلساني اخد
و الفيلاني ان ملاني ماتت
و الخرا فيك الأنامي الفاشل
و الوانابيز و السكني الغامق
انغزايتي و الذكر النافع
مو زمني ف تختي دافئ
حل عني البشري الكائن
مو مني فالساكن آمن
وا أسفي "تنترتي" تابع
كان زعلي على غضبي غالب
صار غضبي على زعلي غاضب
ما دام فيني قلب نابض
فيه المولى يشهد قائم
و الصابر للصابر صابر
و الماكل للساعي طافر
و الطائل للتاني كافر
سوا لنتاجر ٠٠١ مهاجر و الفاجر عالوجع مآجر
بلى عالساهر سحر الساحر و الڤودو عالسقف تنازع
ملكوتك بركات الطائع مسحونا و الباقي السامع
تمسكني عالنطه مكابر

Emkabe | مكابِ(ر)

راسكن تحت الأرض بس روس نعام
مستلمين الديليڤري روح تعال عبي سطر و نام
بنص الحفله يطفي الضو تختفي عن الستيج
تفتح عيونك مربط راسك غارق ببيديه
أنا البو درويش و خادم شيبكن
تدوس لي عطرف الخرا يسفق مروحة بيتكن
هاد مو دس لحدا للي بترمي فتّيش
هاد لنحط و نشعل فتيل فتيشك بين رجليك
أنا و أخوتي نحنا كتار هون
لعب ولاد موت مافي ولاد هون
نعمل منك بلاك هول
١٢ دوا بنهار مرضي جاب موت
ماعاد إلي جلد للعي و القال قول
محتاج تكون وحش لتعيش و بالذات هون
شيب راسي بعد دروس الدح فبلاع لوم
ما حدا معلم عحدا كلنا طلاب هون
ما حدا أحسن من حدا كلنا عباد فوق

نتاج انفجار تحت الضغط
أفعال الصفه من أول سطر
صوت الهدوء قبل الدبك ثم
ابن امي رجّال أوفى الأجر

بشوفك قاسي من برا طري من جوا ، جيلي بينز
سين حفلة هلويين جوايي مهرج بسكين
مو بإرادتي مجبور حارب وحشي يصيروا تنين
اضطرابي لأن دافن نص صحابي بهالإيدتين
‎علمني الوالد إبدا ببسم الله و حط لبنه
‎شوف الدنيه بعيونو بعمري ما صدق كاميرا
‎مو كل مموه مسؤول مو كل دين بتول
‎مو كل حدا كل حدا بس بلوى كل انسان رسول
انته وين ؟ أنا سابقك ، أنته ديل أنا ساحبك
أنته حيط أنا هادمك أنته ميل أنا آلفا
راكد عم لمكن ابلع امسيز نقاط باكمان
سود من برا بيض من جوا باتمان
عصفور بحجرين للمشهد جانب أحول
الشاطر مين الينكشني بابا البو جانب أسود
فما حدا معلم عحدا كلنا طلاب هون
ما حدا أحسن من حدا كلنا عمال طوب

Alpha | آلفا

Bu Kolthoum | بو كلثوم