Bo'Bo

Bu Kolthoum

بتلموا ناموس أكتر من ضو بلديه
فصل تابوت تفصيل على قد حجم الإيغو فين
وقفوا طابور واحد واحد عم وزع بارز بالكيلو
دخنة طرطور بلا نار بس الحساب كاش عالنيه
للمجرمين الحق بالتصويت مدام صاروا رؤسا 
صار وقت غضب بعبع، هجرت ساحة البؤسا
عم خربط بينكن مصبوبين عنفس المكبس
شو ما حكيتو بسمع ترم تيري تم
ما حدا معو ياكل الكل ناطر البحبوحه
فسمينا كرم ضيافه مدام رجليه مفتوحه
الكل عرفان يشتغل بيضل يربح لما بيخسر
و انا معي فراطه عم بيض اموال بكوريكتر
انا من النوع اللي بيتصل بصاحب الشغل عالڤايبر
ما عادي نحنا اللي عملنا من الهونداي لورايدر
صار في مصطلحات جديده مع ان لساهن Noobs
ما بعدي انا و بو ناصر، الكل آبز صاروا بوز


ينهش فيك ديبين، لو كان فيك دينين تسمع
نكسّر فيك إيدين، نحشي فيك إيديك ابلع


اسف بعتذر اذا انهنت
في نوع فانز اذا ما انعطى وش عالوقت بيقلب سوبر ڤيلين
سوبر feelish دوپر finish هاتلك مينيت بقلب مينيس هلس
عطيه الفلاش لايت و ما قصدي تبع الضو فتح
مدري ليش حتى من المتاوبه بيغاروا
و قلبت depate بالبيت مين اذكى جحى ولا حمارو ؟
طب تعال نقارن انته بتاخد سلفي
اذا مالك حدا يصورك و انا ان ضوعت الدرمز بعملهن بتمي
عم اطبع كاتالوغ كيف تكون فنان حدق
 واحد ارسم وحده زلط الها Paperoni Nipples
تنين كون كول إناف قبل كل جمله حط nearly
و ما حدا بيفوت معرضك ان مو معبي وشو بيرسينغز
فرق بين النايم و المنوم،  البنج
بتلموا بسعر التكتس لتبرعات لبنك
هالكم دقيقه لأوصالكن ضعضع
تحضير نفسي للي لح يجي بألبوم بعبع

Bo'Bo' - Do’Do’ - Prod.by(Bu Kolthoum) | بعبع - ضُعضُع - إنتاج بو كلثوم

@el-rass-the-head

بطريق نضج بطريق مسخ
قص جناح حط محله سيف ناوي عاكتر من خدش
تطرف بالموسيقى زكاة وخمس.
 مغرورين فنهم حقد حرفهم نجس 
روح تطهر للكتاب شرط اللمس
كلنا من  ايات الله جاييك بحكم النسخ/نسف
لو بتحرس قد ما بتنبح حاج تقروشوا
بجيب التاج بحطه تحت اجري بدعوسه
برغش حمامات بتوزوا ما بتعقوصوا
بتنتهه بصفعة واحدة ما بتلحقوا تنعوصوا
راسهم ناشف قال  ايه بقرمشه
سناك خفيف بين الوجبات بلقمشه
حسيت بلمسة فعلا طلع قصدهم يبكسوني مفكرهم عم يلحمسوا
يا سم يا تزلف اصواتكم عورة افواهكن ثغرة بالتصميم يا بتعضوا يا بتلحوسوا

ما شغلتي سامحهم سامحهم ابتاه عقلي بيعرف انه القلب مش اله والتعالي مش مواجهة ما بنعلق بسماه طير ارض ارض بنصف وجهن منتهاه
ما شغلتي سامحهم سامحهم ابتاه عقلي بيعرف انه القلب مو اله والتعالي مو مواجهة ما بنعلق بسماه طير ارض ارض بنصف وجهن منتهاه

الباب الكن تاركو
البعبع من حيطانكن و من تحت تخوتكن عم يحفر مساربو
عليه فقدت السيطره و فيك تعرف من ملامحو
اتشكر البادي الأظلم و أنا عم بفرط مسابحو
رصاصكن ما بيقتلني وفروه
سقفا ان بدي احتاط بلبس قميصي الداخلي بالمقلوب
فايت بالبرج طحن ولو فيكن ألف عنتر
كل ما افتح صفحه جديده تاكلوا فوقها زيت و زعتر
أقلامكن تنهرس بس تبعبصوا بالزيق
بس نجيك تصير بجنون تخبط عالكونترول زي
البعبع مو ملاقي ياكل مونة روسكن بالفريزا
مرتبهن عالحجم عنفس رف الفروزين بيتزا
بس نزوركن بالمستفى بعد مرحلة الندامه
قلكن مسميه المسالم تقوموا و تعدوا بالسلامه
ما لقوك عند الباب نسيوا يثبتوك عمحنتك
مو مشكله منرجعك لسا العنوان عرقبتك

أنشودة السلام الداخلي - بعبع و البطريق - إنتاج بو كلثوم

غير للخاوا ما عاد عندي أي سبب عيش
الهوموسيپيان جواتي طلع عم ينتؤ حشيش
الرافض لأتمان النعم ناكر بينكر نكير
الضابط لإيقاع الوجع قاتل بيضرب عالنيع
نحنا ربينا تحت الضغط تحت الأرض ولد ماس
بس في ناس تحت الضغط بين كتافا ولّد ماس
ولّد ناس بلّت ناس ابتلّت ناس اتبلّت ناس
و ناس و فاس و راس براس رصاص قواص و عد قصاص
عم غني وحيد الروح مع البلى هوينا
القلب مشلخ نص مع أهلي و نص مع بنت السويدا
عد سنين و وسع معهن الشرخ اللي بينا
و المطلوب مني اني ارتوي من نهر من زيبق
قال ليش بتسب أوروبا غيرك متمنيها شريك
ما الجنه مو عالارض فمو بقارة البلاستيك
إن إجى نهار لحقت حسن رابح ما تنصدم
هالتراك قشه معلق عليها نَص الحلم

راح كتير يا عنيدي
غضبي نتف حيلي
لو كان فيكن بيتي
ما بتشقوا قليبي

من كم يوم كنت عشعره رامي تحت قطار
أرمي كلشي ورا ضهري و ابدا برا هالإطار
بس بما إني بشيل حمل عن الظالم إذا بروح
ضالل بس بهدف أنفخ هالجهنم باختصار
معلق عيني عغير سما بحلم بغير كابوس
عم أستعجل آخر نفس إلهت لبين ما روح
كلكن صرتوا مخاخ غطى الكره تلافيفو
أنتوا اللي عملتوا الضجيج هالمجره ابتلت فيكن
بنوا الوسط عالطراف و قالوا ما بيوقعوا
و أنا طرافي تشد من الوسط و قلبي الوسط عم يوجعو
أدهن طرف بدمي مسّح بياض بتنر
اخر شي يا بنتحر يا بقلب سيريان كيلر
إن بدك تحكي بالجوع للجوعان جعلك شهر
و ان بدك تحكي بالوحده و الشتات انتكلك دهر
إن اجا نهار لحقت نورهان حمود لا تنصدم
هالتراك قشه معلق عليها نَص الحلم

Bu Kolthoum - Qasheh (Prod. by Bu Kolthoum)|(بو كلثوم - قشّه (إنتاج بو كلثوم

النص:

عم بكّس حيطان المهجع مكبوس عنفسي
الكل قبل ما يفوت عم بيدوس عطرفي
عامله مسّاحه و الحلاق عشنبي
كل يوم عم يكبر عجنزيري وحش غضبي 
خايف عقلبي عم ياكل كل ساعه شقفه
تكتر الاسباب اللي كرمالها جاهز اقتل
كياني لح ينفجر ما بكفي مية فلا
عم صرخ من ملا صدري ما عاد اعرف مين انا
ما عاد همني خرا فيكن مين بينافق
عم حارب علقان بين موسيقتي و الخنادق
كلنا محابيس السيستم و سيرته بنيرتو
منا اللي محبوس برا و منا المحبوس بديرتو
قال بو ليش غالباً مكتئب
لا يا خال بس للسلامه بستخدم موسيقتي لانبحت
قبل ما تنهش فيني سمي
صدقني ما منعرفني بالموسيقى كافيكن و نفسي شري


لح ضل حي لو هالجسد فنى و ما ضل غيره حي لح ضل حي
لح ضل حي لو هالمطر بطل مي لح ضل حي


لما ما عاد في شي تخسره
بتصفي عايش لتشوف الأذاك وش لوش و راسه تفتحه
 ولاد مخيمات متلنا متل غيرنا
شفناه الموت الف مره لصار الموت متل ايرنا
انفلج يوم الشافني بصلّي
ما ناطر يوم الدين بس لروح اشكيكن لربي
ما عرفنا طعم النوم من يوم ما غفينا بالقاع
قال بيحبونا نسيوا يحطولنا السين قبل الواو
ما عدت متحمل تنظير احشيها المكتبه
صرنا منعلم ابوك دورة حياة مكثفه
قال البصيره عند الاعمى بلى فكف بلاك
عودتونا عاليوتوبيا و العلاك مالكل ملاك
الوسخ مسالم بس لأنه ضعيف بيرضخ
و انا ناطر كسر راسي لأن رفضت اضعف
أنا باقي ان ميت ولا حي
ولو كان الذل رجال كنا اكلنا لحمه ني


لح ضل حي لو هالجسد فنى و ما ضل غيره حي لح ضل حي
لح ضل حي لو هالمطر بطل مي لح ضل حي

أنا و أبو سفيان سوا يوم ما اتسلمنا للشرطه
ما بيناديه مخيم بيحس كلمة "كامب" ألطف
سوري الروح أكتر مني، من المخيم 
كنت أخوه الصغير متل ما هوه خيا
الشيخ عمر فايق طول الليل بالمخيم
عيونو منفخين كحل العين بالمخيم
و نمر دير الزور اسمه الطير بالمخيم
كنا نحنا وهو نحمي ضهور الغير بالمخيم
كنت نزل سكين عالحمام بالمخيم
لأن شاهد صريخ حالات الاغتصاب بالمخيم
كلياتنا و الصدمه جيران بالمخيم
شهور و شهور تربى مع الفيران بالمخيم
ابراهيم ينزل لبج بخزن التنك بالمخيم
بركي يعصر من فتحاتها شوية أمل من المخيم
محمد كان منيح فقد عقله بالمخيم 
يحاكي حاله يطلب عفو ربه بالمخيم
ما عاد ترويض صار اسمه كسر بالمخيم
لا تسألني الفرق بين الحبس و المخيم
فكرت بالانتحار ٣ مرات بالمخيم
و كتبت هالتراك بالمخيم..

لح ضل حي.

Haii - Bu Kolthoum - Prod.by- Bu Kolthoum   |  حَي - بو كلثوم - إنتاج بو كلثوم

النص

ما بثق بحدا فيكن زيف مغطيكن سيف يصفيكن
دين يوفيكن اللي فيكن
دان دارك بتشمت الفال دارك "نوك نوك" فتاح الداء زارك
هاللسان نارك حاره
حاطط فخاد عند فخاخ قلو فشاخ للطرماخ عالنافوخ طراخ بركي ان داخ بيصحى صراخ
يا ولاد الطرطبه هذه البلد لمن
للبيض ولا ألنا لولاد غيتوز دمشق
اجري بطيز السين و ابدا بحرف السين
جوابي مسمحلي طير أسبابي بي تي اسدي
انا طيب لكن خابطك كف
اذا بتغلط ما عاد في شي نخسرو من ايدي بتطلع ناقصك فك
بثق بخيري و بس و ما بيثق بغيري و بس
المشهد يثق بفيض المد و أنا غرقان بتف
خلاصة البار إلخ مسطوح معطوب بتخت
تعلم الامتنان يا مدلل ان كان حاويك سقف

الجحر في ضب ضل 
ماسك مايك و شكلو كيوت و تيديري دام دام

الجحر في ضب ضل
البعبع هون من نيعو يشدو و تيديري بام بام

يزبط خط الكوك ببزنس كارد
ايدو بسفلك عم يحركك مسرح دمى بيضرط نار
من غابة الاسمنت من مخيمات الرمل
من مسلمات الهم بيتمنظر فيل و طار
البو مسالم صح بس باقي كابس عنفسكن
حلقت الدريدز مشان حتى شكلاً ما اشبهكن
قلبي حي ذكراً قلبك ني يؤكل
 سبرايز بيتش الزيت صار يصنع يتبع..
حاكا والي ان طال ، حاك لوالي بنطال
حكواتي بالطاء، ان لراسك قنطار 
فلساني كاوي بالنار، نحنا سواسية 
ان بتدق بالشبيبه حتموت حذاري
لبس ديبو عنزه و قلي لحمس ما بعض
جابوه الإن جي اوز لهون ليك شو أبيض ما في ضر
وقعتوا بالحاره الغلط مناكل زفت عالريق
جيبوا الكبش فيل مجنح منعمل بكرا عيد

Alpha | آلفا

One two one two kickin off the beat like kong fu 
Its like what u gonna do when they come for you 
GQ playin mean b spit بنزين ع السين 
اماتراسو تحت التاج ممزوجة بسحر راسبوتين
Head banger sick slang من كتر الخبط you get concussion 
Bullet after bullet on the drum beat like percussion
بلعب بالفلو بالتكنيك پانش لاين ملعون
تراك repeated م الصدمة اغشيناهم لا يبصرون
الملكة has the high heel  عالمترونوم clap clash 
Show off im a big deal on ur knees whip lash 
تسديد جماعى in ur face like bang brothers 
GQ ضربة فمقتل better hide under covers 
عالم سمسم الراپ night mare before christmas your business 
اعمل الغلط معاك من غير ديس
Gq قطة سامة نوعها غنى عن التعريف 
Bu kolthoum sean p وأد الراپرز فى اتون عظيم


مخاطي فوسفور كمامي بتضوي بالليل
ما تناقش التور بتقصقص قرونو بالدين
مافي شي بيأثر فيه عالأقل أحسن منا
بس ساكن مداخن بيوزع فاكس عالكريسماس
منطق منطَقكن طري مالو شرش ليوصل
متل اللي بيمحي كوكيز البراوزر لينحف
مو كل طير بطير بس كل الطيور تؤكل
من شباك الاستديو عم برمي بكمشات حنطه
 الأضواء بتعميني فمو الحلم صير نجم
بعمل موسيقى من غرفتي بس لأقتل الديبرشن
مادين السماعه سناره أنا و الدرويش
عم نحاول نأنقذ السمك يغرق بالمحيط
الكل صار فنان تشكيلي و كل الفنون تشكيلك
أنو الفنان و الفن زتوا حالهن بالمحيط
أنا بعبع كابوسك الطحل طاف من الابريق
كل ليله بس تناموا آخدكن تريپ عإلم ستريت

Elm Street - Ft Ghetto Queen | إيلم ستريت - مع غيتو كوين

النص :

دلّوني يابا دلّوني على شطي ال من لوني
دلّوني يم دلّوني رغيف العيش دلوني
دلوني ولا دلوني درب الحر دلوني
دلالي دل بكفه بين عيوني، بين عيوني

لشغلي بعطي كلني فلا تحفر بسكتي
عم حاول عيش حط صحن أكل عطاولتي
ما بدعس طرف غيري لغيري يصد بوشي
يتعرفوا عجثته على ضفة نهر مرمي
مابحاكي إيغوز ولو ضجيجكن أقنع ناس
ما بتقنعني ولو بالع و بتتقيأ ألف كتاب
اطلعوا من راسي و سكروا الباب 
أذلاء أذلاء
لحد ما تحت الشمس من كتر الحني ضهرن ساخ 
ولاد حارتي كانوا يشموا غاز بين بعض
 كنت مدمن "ريتالين" كان عمري ١٣
على حفة البلكون من حسرة الضرب
على شفا الإنتحار كان عمري ١٦
كنت أشتغل صبي توصيل لحد ما رجليي يبسوا
لأصرف كل قرش تحت فراشي عوقت باستديو
لا أعذار للشطار ذكر اللي نسيوا
كلنا رسامين و كل واحد بيشخبر قصته

دلّوني يابا دلّوني على شطي ال من لوني
دلّوني يم دلّوني رغيف العيش دلوني
دلوني ولا دلوني درب الحر دلوني
دلالي دل بكفه بين عيوني، بين عيوني

أول شي بيسألوه عليه قديش ربح
قديش حلو الشعور مطرح ما هوه وصل
بس بينسوا يسألوه قديش كان تنح
لما كانوا نايمين هوه انتاك كم سنه
كلنا شجر كل منا بينموا بترابو
في فرق بينا أنا موسيقي أنتوا بترابوا
ما بتستخدموا المنطق جنابو متل طنابو
أنا بيني و بين ربي بصلي أنتوا بتراؤوا
تارك كلشي و ماشي تاركلكن قشر بزر
أنتوا بتشموا الأتنشن أنا عم دور عالخبز
ماشي و بعيوني الهدف وحش صرت
واعد حالي و ترحالي و رابط على خصري ألف ندر
درب معبى دموع و دم و لسا ما رسينا
على طريق الحلم بنهر الجوع مار فينا
قال عيب الرجال تبكي و بتسأل ليش قسينا
عابوا الرجال بقلبها و قلب الرجال زينه

Bu Kolthoum - Dallouni | بو كلثوم - دلّوني

Video : 

https://www.youtube.com/watch?v=k9T0SuZ-xFg

النَص :

زمّلوني زمّلوا و طفّي بردي يا بو حور
زمَّلوني و زمَّلوه و على صدري حمّلوه
يكفّي يوحي عكفّي روحي كفّنوني يالعيون
حنى طيني بكفّو ليني يعلم القاسي الحنو
سند أنثى بألف رجال تبني بضهرو سدود
ربينا عسود الدور تضوي سمانا نجوم
لما تطغى براسي نفسي و تبدا تنهشني الوحوش
غيرك عنهن ما بحوش
 فبخوفهن فيكي

ما علمونا ما علموا أنو بلاها بترجعوا
أنقص كيان مو بس ضلع اللي انسند عنها وقع
قومي يا طوفان الروى علمي العطاشى ترتوى
عمّروا فيه عمّروا جيل و أعطوا عمر للما روى
ما بخافوا الدم ولا بهابوا الموت
بس بخافوا اللي بيحب يطلعلو صوت
فبخوفهن فيكي
بيكبروا فيكي
بعلمهن فيكي..

Artwork by : instagram.com/sedkialimamstudio

Bu Kolthoum - Zamilou | بو كلثوم - زمّلوا

النَص:

لا تنسوها، بذوركن جوانا و ما تسقوها
ولا تنسونا، 

لا تنسوها، ورودكن جوانا و ما تسقوها

انتوا ازرعوا و أنا بس بقبّع شوكي
فوتوا لقلبي و أنا بعيني بقبّع شوقي
مع تراما الصغر عندي رانديڤو
 من أنصاف أحلامي أنا بقبّع نومي
من تقل جفاهم بقطع توبي
بنام بس لطيفهن يقطع صوبي
مع الوحده عندهن ران دي لوپ
و أنا مافي غيري بصفوفي
ولسّاني يا ممرجح، طفل و لسّاني بتعلم
ولو قلبي بالشوك تفخّت لساتني بسرعه بتعلق
لا تنسوها.

يلي مبارح طمره جبيني
اليوم عرقه شرّش فيني
وين روح، وين روح ؟
و بعد جفاكم مين يرويني ؟
مقطوع من شجر داري
قلب أهله حجر قاسي
ف عالساكت بعاني، و أنا عيوني بداري فيها..
يا بايعه الورد غالي.
يا زارعين ورد حالي،
دموعي تجري بترابي، و أنا بسقي وردي فيها..


Bu Kolthoum’s Instagram : 

https://instagram.com/bu.kolthoum

Music Production by : Bu Kolthoum

Piano : Faraj Suleiman

https://instagram.com/faraj_suleiman


Guitar : Mesbah Al Sakka

https://instagram.com/mesbah_alsakka

photo credit : Farah Bahgat
https://www.farahbahgat.com

Mixing and Mastering : Bu Kolthoum

Bu Kolthoum - Jouwana  | بو كلثوم - جوّانا

Follow Bu Kolthoum on Instagram:
https://www.instagram.com/bu.kolthoum/

Cover art photo taken by Farah Bahgat:
https://www.instagram.com/farahbahgat/

Music Production, Mixing & Mastering by:
Bu Kolthoum

النص:

بكره الناس الإنتايتلد، المّقيفين
حدا يشيله من قدّامي هاد الولد إبن مين؟
حجمك البراسك مش شايفه، كيروسين
بستحون فيك قداحه، فدايماً شايل كبريت
تغيّر الموضوع، نفسه نوع المسكنه
تغيّرت القاره، و نفسه قاضي المحكمه
بدهم غير أجوبه، لنفس الأسئله
و شو بخافوا يغيروا الأسئله!.
i’m smooth as a motherfucker
صيّاد بس رامي الطّعم ورا
الحقيقه الحلوه بس مشكلتها الطعم خرا
أنا الفزّاعه بسين حقل دره
 قتلوا العقل و نسيوا الديّه
حجر بالإيد، و الهدف ميّه
في الماكل كتف و الماكل ليّه
ناطرين نحس إن this might be it لنصفّي النيّه؟

وين ما دوس، وين ما بدوس بلاقي روس بلا روس
و أنا لما بدوس بروس بدوس
أنت عد و أنا بنهي نجوم نجوم
من صوري بقص وجوه

آي بي إيغو كيلين و أنا بإيغو ترپن
أنا بإيغو دربل و أنتوا إيغو ترپل
عقد ما كبر طفطف يور إيغو درپن
طبيعي لما كلشي بتعمله هو إيغو درڤن
أفواه سانا، 
عبيد و بروسهم ساده.
غلاظتك خليها لناسك،
لا تطالبني طابق صورتك عنّي براسك.
خلّيك بعيد لأن حتضيع كتير هومي
لكل حدا ليميت، و أنا مش واضح كتير هومي
الديل ديل لا تناقش أو تخزق معي ديل هومي
لأن في مين حيدق بابك و راسك يشيل هومي
ياما في ناس بتعيش، و عمرها ما بتشوف
أنته البتربّيك إن أهلك ما ربّوك
ياما شياطين، بتصلّي و بتصوم
ياما شياطين بلا قرون.

Bu Kolthoum - Nujoum | بو كلثوم - نجوم

Bu Kolthoum | بو كلثوم