وحوش الراب

Tobayabooya

https://www.facebook.com/Latlateh

بو كلتوم
يابا صدقني الوضع سيء لما يكون راسك بيديه
فرفاع إيديك اسحاب السيفون و فضي
فقدت السيطره علساني لهيك مخي تيس
رافض السيطره مع أنو الفتيس بجنبي
صار الهم بلمنا ! .. بتوجع الفوته بالحيط
طول عمرنا منهرب بس هالمره الحيط لحقنا
مع أنو ما عاد في ولا حيط غير حيطان الفيس بوك
و جواز السفر مفتاح بس الباب مقفول
مين قال في بطاله في دورات تفكيك قنابل
و إلك إسم بشي شريط إخباري و خبر عاجل
مجتمعين بيحكوا شو ممكن و مو ممكن
و تحت الطاوله بيلعبوا فيه منظر دمنا شكلو بيمحن
فرفرت بأناني المي اللي عطاولة المؤتمر
لهيك بآخر اجتماع كان وش بنكيمون أصفر
قال هيك البروتوكول طلع البروتو ما بيتاكل
و السياسه ما بتطعمي خبز أخي المناضل
فاتح سحابي التحتاني مركب سحاب للتم
الإتيكيت مهم بيكرهو سباب الأم
سماع .. حط بتمك الغصه و قول لأخوك بلاع
نزلنا عراة عهالأرض فإذا أجبروك شلاح
صارت اللحيه ملحفه كما للحيه طوائف
عبالي جيب نخله و عيد إتفاق الطائف
بركي منعيف بعض مشان ما نبيح بعض
حبلت الأرض و جابت الغضب و الويل ضعف
حافر قبري بنفس البيت الفيه ساكن
مو ضروري أطرق مشوار مطرح مافي كاهن
أو شيخ يبارك جثتي أو يلحقني اللي حاملني
و يلحقو اللي حاملو و هيك ليموت ابني
إن ما كنت إبن البلد أرجوك لا تتفلسف
تعا بالأول كول من نفس صحن الخرا المألعط
أنا واطي بعرف لأن القانون فوقي
بعدين تقل الحمل صاروا البيانو و القانون فوفقي
أنا ملزم بالإشاره بس مو لأني أخرس
لأنو الطريق مسكر و مشكلة الشوفير أطرش
الرصاص كثيف بالمطقه
لح لبس أختي عالمدرسه كيس خيش و مدرعه
صار السلاح عالبسطه طعمة الرصاص بالربطه
كل لقمه بغصه بيستفزني مذيع النشره 
بحسو رافعلي بعصه و هوه عم بذيع أعداد القتلى
كل ما بتغمضلي عين بتخيل أمي ثكلى
خلص البيت و ماني ساكت
عم حاول أرسم بالبارات علام خط تالت
منعوا قلام الرصاص بدلوا قلام برصاص
صاروا لولاد انصاف رجال يتنادفوا رصاص
نصيحه حط الفهم تحتك لما تشخ
لتريح راسك من قواعد مجتمعك هج

طقطوقة رقم واحد -إباحي

بعتذر فيروز بس رح ضلني شوفك كافر
بخلط سياسة و فن بعكس الوسوف و ماهر
انا بالغ قادر على الانتقاء , اي تطرف هو بعد جديد عن اي نقطة التقاء .
عدوي نفسو بس طبيعي يزيد على عدزي عدو ...
طالما علقانين بساحة بدينا و بدو ...
بعدين قلي كيف .. كيف انا الخارج عن المألوف ...شو منعتبر المواطن الطبيعي يكون مخلوف ...
يللي ...
سرق و باع ارضي يللي دنسا و قدستها ...
طلع نفس الجحش القاصف غزة عم يضرب حرستا ...
عيب يا حمار مو العيب سبك فيك العيب ...
لما كنت احضر بقوش انت كنت عم تحضر دريد ...
بقللو راحت الأرض يا تيس ...بقللي فداك ..... لو الثورة شيطان كنت بتلاقيني مرجوم منتاك ....
عم واجه الصراحة بالوقاحة , متل لما بتقارن بين لتلتة و اوباما بصير دراما ..
فصرت عم عض عالضرس ...فلتت البلد عد كم عرص ..سحب لون وشي بس تعودت عالأرص ....

انا سوري هاد ما بيعني اني قابل للاتلاف
بالعكس مرن كالبفلات ...
زتني بشارع قلي فلات ....
انا سوري هاد ما بيعني اني قابل للاتلاف ..
ولا تزال السردة ة لا ازال انا معها ..

ما عم سب لا فنان و لا فن .. و لا سياسي ولا كلب ...ماني مأذي بس حظي مخفي كالنرد ...
عاشرت قوم جبت قوم انا حربوء بدي مين يهديني ... آدمي عشوائي عشوي رح ينادولي المهدي بديني ..
بهذي بتحياتي فالسلام عاللاحق الهدى ....
رجل دين بيحكي الهبلة منكرها هبل ...
هبت ريح أكلت هوا أخدت حبة و طلعت اتظاهر ...
"تريب غير شكل ..لتسرد خود شي دوا "
مطول اضافيري مشان مكش مشاكل تحتا فركود ..
البقر عاليمين ليش رايح تحلب بالتور ..
ذكور الموت بيجيك راكب عالتابوت ..
كيف بتخبي راسك تحت الحرام و الراس كاشف المحجوب .
خط الكاسة بالمقلوب ..نادي ويجا بيطلع ضابط ....
بالبلد المضروب بيناتنا هو بيطلع ضارب ...
و حل اذا بتحل المي السخنة كتا بتبرد ..
بين النصرة و النصرة رح ضل كل حياني اسرد ....

انا سوري هاد ما بيعني اني قابل للاتلاف
بالعكس مرن كالبفلات ...
زتني بشارع قلي فلات ....
انا سوري هاد ما بيعني اني قابل للاتلاف ..
ولا تزال السردة ة لا ازال انا معها ..

تالف

المشهد رقم ٩ - إنتاج بو كلثوم - Scene Number 9 - Prod.by - Bu Kolthoum

Lost & Found

Taqtouqa (Remastered 2024)

Photo courtesy of Muzaffar Salman
الصورة لمظفر سلمان

prod. by El Rass
إنتاج الراس

المفروض كنت اسكت المفروض كنت اسمعهم
المفروض كنت اكبت المفروض كنت اشبههم
المفروض كنت ابعد كونه مش بظهري مذهب وحزب طايفة وتيار
المفروض كنت  اختار بين 
سم برا وذل هون علق علم عالبلكون احزاب قصيرة وعندها عقد نابوليون
المفروض كنت خاف من التخوين اتجاهل التنوين اكتفي بالتزيين
وجوا الخطوط التلوين
الرسمة هي ذاتها هو شعار الكتائب بس الاذواق بتفرق
كلها بالله بتمرق سبحانه قلبه كبير
المفروض نام بكير وفيق بكير وشوف الصحة كيف بتصير مع الوزير
هيدا تشويش يا رفيق، مش قورش رجع من جديد وابن الوليد وحيد؟
فحصلي سفاين هالنواب شفلي مطابق هالتمديد
المفروض كنت سلم واحبط لما انهزمت الثورة إعلام وسياسة أول جولتين
المفروض كنت انسى شو ثورتي ولمين
اتخبط بال"عمين"، غرق بالحنين شط المثالية الأولى
خاف من السكين كونه الفاشستي بيعشق طولها
المفروض كنت خاف لما قال لي من شو خايف إذا بدنا ياك بنجيبك من الفرشة
من الفرشة؟ طيب وبابي؟
المفروض كنت اتخصص بالندب عالارهابي
11 لاعب كله راكض ورا الطابة
سباق جرادين بغابة
المفروض غض الطرف عن كذبهم بالخطابة
رد السلب بالسلب أسوأ أنواع الضحية
المفروض احتراما للبعوض، ما استشهد بالبقرة
وما الحوقلة؟
المفروض فوقي الدولة، ومن فوقها؟
المفروض حلقي يجف، مين رواه؟
المفروض ما يكون حولي إلا الفاقد محتواه، سكر بدون نواة
المفروض بالمبدأ يكون الجوع احتواه
المفروض بالعين يكون التلفزيون مصها
المفروض بالxanax كان يخدر الغصة
ينسيني الحصة
اللي إلي بكل نفس إلي اوكسجين فيه
والقصة اللي ناطرتني مع كل شي كل شي كل شي كل شي


مين الفارض؟
عقد اجتماعي فارط
دولة ميتة بس الورثة متكتمين عالجتة بانتظار يجي قرار
من مكن اقليمي فالت بنظام عالمي فارط ظالم، فارض ظالم
تنافس وسطاء بس المصرف حاكم
سلطانك عالعميان، انا سلطاني ابن الفارض
ايقاعي من القرآن وانت الأوزان بتطارد
سوفياتي بارد، ليبرالي بالتغريب بس 
عشرقيتك سارد مش عارف مش فاهم
المفرض كنت كونك بس كوني كوناكول
كل مين الفارض؟
كمشة اسماء وقواعد
قانون فن ودين
مين اصيل مين بديل مين ببيع ومين لأ؟ مين سميع ومين لأ؟
تعا شوف القاضي طبل والمتهم رق
تعا شوف الثورة جبل كسارة المعارضة
فتت كيلو الصخر بألف عم يرخص الحق
حريتنا وشم جيني وانتم الطفرة العارضة
كيف بتحارب داعش وانت رافض تناقش مصادر فقه داعش بالسنة والكتاب؟
مصانع وحش داعش، صيدنايا ابو غريب؟
ولكل مقص حدين تالمقطوع يتحاصر
كفين عالخدين تالراس يظل معتصر
فصل بين المخين تالواقع ما يتعاصر
بدهم ياني قطبين وانا رافض كون مختصر
بدهم يانا ملتزمين بقوانين هني علمونا إنها مبتحمي الضعيف
بدهم يانا بالربيع والباسمين وهني اللي ربونا على الدم والخريف
عبدونا الخسيس رجعوا كتبونا شعر عن كرامة الشريف
شربونا الأسد قدوة وبدهم يانا خواريف
ابناء الرعية
بدهم يانا بهوية وهني مسارحهم برا، عمر الشريف
بيسبوا سايكس بيكو وبيشمولنا حدودهم مقدسات الوطن، بدهم يانا مسلمين بقلوسة مش بالكفن
يعني واجباتك هون وحقوقك بالجنة
حط بوط بتمك بكرا مع الحور بتغني 
بدهم نحفظ القرآن نرجع ننسى ربع السور
تبقى عبر التحريم والحرمان
بدهم يسوع الإله ننسى يسوع الإنسان
بدهم فوت عالحمام بإجري اليمين وكل ما آكل كف دير خدي الأيسر
ما للناس لله وما لله لقيصر
بدهم بعث وحدة أمة والبعث هو مبعثر
بدهم يدرأوا المخاطر وبالفعل هني الأخطر
بس انا بعمر الذاكرة وكان غيرهم أشطر
كان غيرهم أشطر



الراس - المفروض

A single presence stands silent, bearing the weight of ashes and the glow of a hidden fire. Shapes fracture into ritual and steel, where echoes float along forgotten paths and prayers dissolve into the void. From the ruins of silence, a spark lingers, transforming into embers that refuse to die. In the end, the light bends into a halo, and a lion remains: untamed, eternal, unbreakable.

Iron Rivers

عمين ترمي الملامه ارميها عليا
راحت البلاد يا وليدي ارمينا عليها
العروبه كذب يا وليدي ارميها ليهم
غربان احنا يا وليدي تقطعنا دويلهن
كل ظني انا يا وليدي ان اللي لينا ليهم
بس البان علي يا وليدي ان بس الله اللي لينا
عمين ترمي الملامه ارميها عليا
راحوا ولادك يا روحي و الحمل علينا
لو كان بيدي يا ولدي لكانوا عيوني
سهرو للمرجه و ساروجه و ذابوا فيها
يوم ينخر الدود عضامي واروني فيها
و ازرع بالدحداح حروفي ان عاشوا فينا

بو كلثوم - وليدي - إنتاج بو كلثوم - Bu Kolthoum - Wledi - Prod.by " Bu Kolthoum "

All the beats are produced by Bu Kolthoum

The album is mixed by Al-Nather and Bu Kolthoum

Mastered by " Al Nather "

Artwork by " Ahmad Barqawi "


4 - W Enteh - (And You)| و أنت

2 - 2+2=3

1 - Khod Nafas - (Intro)| خود نفس

Darwish - Ibn El Kabt
Prod. by El Rass
Mixed and mastered by El Rass
حم 2016

ابن الكبت:

"براسي ألف مطلع، وولا قصيدة
براسي جرة غاز جديدة.
فيروز عم تحكي عن ليل وأوضة منسية
وأنا عم جيب الأجرة بحس الغنية بليدة.
التكرار عم يقلي صار فيني أعمل عن حالي نسخة
وأنا عم قله أنه المطر حلو بس المي وسخة
قال حاج تستعير أحكي دغري
ف رحت على علاقة الحشيش، بالحارات المخنوقة، ومحروس الشغري.
الكسل مغري، فسألني عم تعترف؟ قلتله نعم
أنا اللي قتل الراعي واللي سبى الغنم
قصر حكمه الخدم، ذرّة شك بالوجود خلق يقين من العدم
أنا اللي راح بقارب موت أنا اللي بقي وانعدم
لو فيني خبي كل احبابي ببقجة مالها علم.
قلي التكرار: بس!
براسك في تلت بقرات وذاكرتك من خس
أنت طفل نام علقوا حرب تحت شباكه وما حس
حالم فالواقع بأحلامه اندس.
والعث عم ياكلك أيامك قماش
تمك بيصرخ ساقط وأفعالك بتقول عاش
عراسك خيمة نازح، إذا ما رح تنسى رح بتسامح؟
طب جربنا نحتكملك لما حجرك طاش
عراسك التناقض تاج، متل سفاح مشى عاللي راح صدقة
متل أهلي بيعرفوا الكذاب وبعد كل خطاب بيقولوا صدقَ.
قلتله: أنا ابن مدينة طلع مزار ع شبقها ورفضت تصلّيلي
أنا ابن النار اللي بطّلت تصليلي
ابن أكتر من ريحة بس نفس التتبيلة، أنا ابن الكبت....
فبحاكيها وبتوميلي.
ابن مآذن نايمة ع ثار قديم وفايقة ع ثورة ما بتعنيها
ابن شوارع ربي عطشنا فيها ومي الأرض ما بتسقيها
ابن شجرة عيلة فانشقيت عن فيّها
ابن حكايتي اللي بتخاف تعيد حالها وبدها تخلق سرد جديد
سميني مهووس بالخلق، عن التسمية بفيض
خلّصت كتابة المقطع، قلّي التكرار عيد.

اعطيت حنيني للموت، والموت اعطاني ذاكرة
اعطيت بردي لابتسامة فاترة، اعطيت المدينة حاضرها
كانت مُحتلة وحررها صارت مُحتلة وحررها
أكيد سمعناها قبل، هالغنية مكررة.


الدرويش - إبن الكبت | إنتاج الراس

https://soundcloud.com/the-synaptik (Synaptik)
https://soundcloud.com/emsallam (Emsallam)
https://soundcloud.com/kristmmd (Krist)
https://soundcloud.com/wesamalatom (AlWesam)
https://soundcloud.com/yazeedofficialmusic (Yazeed)

Fog (ft. Emsallam, The Synaptik, Krist AlZou'bi, AlWesam, Yazeed) [Prod. Smokable]

Prod. by @el-rass-the-head

كلمات:
@al-darwish-963
قال إني معكم
قال ترصّدوا.
فلت الحبل وقال تمسّكوا
تركوا الحبل تنسّكوا
فالمشكلة مو بالخط، بل بأحاديته، وكمان في مشكلة تكمن بفعله بالزبط.. مو بنيته.
بيخاطبونا من منابر الديموقراطية.. بيموتوا بالفيتو
مع الراس يفكّركم لو نسيتوا، لما تشتلوا عن الأصول الأصلي بيحرّك حجار الأصل، من بعد الاسطبل لقبل رأسماليته..
موقف زمني فمحتاج اكتر من حلقة لنشرحه أو نخوص بدراميته..
فمنشوكم برمضان الجاي
ومنأجل الحديث لبعد التحلاي
حول نكسبك عكاسة شاي
أو نخسرك لأنك من جماعة اللي راح راح واللي جاي جاي
نحنا بالخطوة ثابتين فلما اتعب بوصل لساني برجليّ
بشد الكآبة عالفيّ..
ما بعاديك لما اعديك وما بهجيك لما أرثيك
صاروا الشركا زيادة ونقصنا شريك.

@el-rass-the-head
لما تناموا بنفيق بنعلي بنطير وبنجرح وبنمرح
لما تلونوا الوجوه بنجرب نتعرى ونجاهر بوحوشنا عالمسرح
لما يغمض عينيه بنسلحب وراه وبنهرب سعادة من مطرح لمطرح بمطرة
حواش قبل ما تطرح، اجمع قبل يطرح كسور
حطوا خفاش عجيوش العرب نزلوا النسور
ربك رؤوف شيلوا الشهادة خلوا السيوف
حطوا ميم ماكدو خلوا علم اميركا يزيد نجوم
طلع انين الناي بيفنى بس البايس بيدوم
آخر واحد بيلم أول واحد بيلوم
ملفوف بضباب مفكرهم الغيوم
من الطبيعة بستعير تما انكت جرح المدينة
ياللي احترقت بالحشيش وشربتها ببلعة القنينة
قديمة تنييمة الفعل بتنغيمة عالعبث والحزن
بتمجيدة الجهل والفشل والبؤس والناس العم تموت وانت عايش
والناس عم تخون وانت قاعد، والنار العم تنوس وانت بارد منذ الازل
يائس تاجر أمل، زرع شوكي حصد شلل
عاش المعنى الواحد إذا تسطيح البدل
إذا الالوان كلها مسروقة تحيا البدل
مش مستعلم عن موضوعك مات الجدل
بيهجوا العلم بثقة خاصة بضعف العلل
كان فيه غزل بالجاهلية صار للجهالة الغزل
اجل

@yazenalasli
ساردين عل ايكوتريب نفاق ع حساب الكاركترستيك
لهيك الأصلي، و ينصهروا امسيز بلاستيك
بيتهجّى الكلمة بتئتئ بحروفي بتكتك
تعطيه ايقاع ليتف بتلاقيه ع اول كيك بحكحك
برا نَيّك ،انا مسخ حفيد صعاليك
حرف حقيقي يضحكك ولا عشرة بكتاب يبكيك
مثبط ليأجل هجرة مش عل موت راح فيك
و قبل ما تعد للعشرة فكر بالخازوق ، جاييك
وين و كيف ما رحت مكان الارض بديل
بس الدليل ممكن تلاقيه بتخت
بنحت حاصل ضرب لاجئين ببعض
الناتج مزيد من القهر مش مزيل لنتائج سِلم حرب سرقة و نهب
القائل مثلك كلب لجموه و كل ما زاد سكوته رجموه
بعلاقة طردية بزيد جموح بالتالي لسانه عكف عن البوح
الصوت مش كافي و قد ما كان المعدن قاسي 
القادر على خرقه روح
العجز معجزة 
لغز مش مسألة
الفطرة أصل
اختصار للتجربة

#مسوخ
حم 2017

الدرويش | الراس | الأصلي - زمن المسخ

فِش حبل أفكار، الإعتذار ما إلوش داعي
بنطلع قبل النهار، الإنتصار في الزُوْر تاعي
صحّيهم يللا، الشرطة أخذوا على الدّور أسامي
فَتِّش بس انتبه قبل ما تخُش شو في فوق بابي
...وِقع البيانو على رأسه و رَبّاه
أعطاه وقت يفكِّر قدّيش مُخ المُطارَد مِش بَطّال
ماذا قال؟
نقطتين فوق بعض: كمسترا
دَفن بكرا
الانفصال في مرحلة انتقال
طال الزمن من جيبتُه و عَرَضُه
 قوس قزح بعد المطر؛ غيمتُه شَرَتُه
مَرَتُه غير مُدرَجة مُنتَجة من حقل
بِنت طَبِل، انتَقِل
مِد وَصِل لَعِند الفصِم
خيبته في مرضه
"إيفو" اختَرَقُه
افترقوا يفتشوا عليه، الكلاب بِتشمشِم
بس الإنسياب أدرج الاكتئاب مِتحمِّم
أُنوفُكُم ضعيفةٌ، ريحة كنافة بِتجنِّن
الناس بتسأل ليش بساوي هيك و أنا بني ادم متعلّم

بس فَهِّم لَتْفَهِّم؛ الدماغ مِتجَردِم 
مبَلِّم في دعايات متمكنة بتقدِّم ادّعاءات بتهدِّم خلاياك
يا ما أحلاك متمدّن 
في المُسَمَّيات معتِّم

الإعتذار مالوش داعي، صدِّق أو لا
مايكروفون خالي من سخطة الأَوْباء
صوت الموج عاد، جوّا الجَوّ ذاب
غَوْغاء
شغل مصارعة؛ بسامحوش حتى لو تاب
سوداء تلمع: تمتَّع بِما رأَيْت
توسَّع بما سَقَيْت، اخرس بِما رضَيْت 
قيء؛ بيض.. 
طَي، قاطعنا بس برضُه في كهرباء و مَي
سَطَلَ الطَّير، نِسي العُش اللي فوقه
مُفاوضات بِخش في سومو رَيْ
مَيْل العامود غير مُفَسَّر
باب العامود شوَي مسَمسَر
على الجانب قرنونة مخسَر
تكونِش أكثر من زبون لمَحضَر
ديمومة مستعمَر
مخدّرات ليمون مع زعتر
من يحوز الأكبر من الاْصوات في مصر قوّى عيْن حماس بس طِلع التصويت لفيروزتي أفخر
أزعر بِتشَبَّه عليه مليون جحش زَيُّه
بس الكبت هَيُّه بخلّي الأمور تهونلك أبكر

يادي الإلتزام 
ساح الجلد عن أيادي الاستسلام
عادة استخدام المخ حكاية انهزام 
في كثير شركات بتحط تحت مخدّتها رواية الانقسام 

تَأَقلُم لون المُستَفيد، حِربايةْ استغلال

Tamaddan تمدَّن ( Prod. Julmud إنتاج جُلمود)

Scratching DJ Stickfiggr

عم دوس دوريات أمنية كأني مقاوم داخل
مواطن الموطن خارج مواقع حمص وداعل
متابع عالطريق متل آثار الدبابة زارع
أرضي شهداء كنجوم درب التبانة طالع
من قمع الناس من ريحة حشيشة وكاس
من أصوات البواط عبواب كفرنبل لعقال
أشراف درعا الأبطال شامخ، صوت القاشوش راسخ
الثورة صلاة ناسك، ماسك بإيدي مقطع ناسف
لأقطع بقلمي الإيد اللي امتدت عشعبي
صوت الموت صار مألوف كلحن شعبي
الحفلات بباب توما الأكفان عبواب دوما
من الحي الكان مليان بقيان أوضة
بس بسلمية بيستشهد شب إسماعيلي
بتشييع شهيد سني بمقبرة للجعفرية
بتحرق حقول الشعب رح أحرق حقول نفطك
علق راسك مقطوع وأكتب على جبينك نحنا!

عم علق أنا عم علق عم علق
نظامي صار قديم ولازم غيره

الشعب مختار حيره، الغضب مافيك تسيسه
من ورق شغب ثوار لبلد مسروق خيتا فلسطين
على اسمك تاجروا فينا، خبينا البلد جوا ضلوعنا
ولادها هاجروا فينا.
أكلنا الكف كفينا كفننا قلوبنا برحمة الرب ربينا
عيوننا سدينا صدقنا الصوت سبينا
شفنا الخيم قريبة بين حجيرة وسبينة
عنفس الأرض صرت محتار بين رية وسكينة
وسكابا للشعب، واسكار مع هالرصاص
دق كاس القناص ودق عبواب الحراس واخراس
الشعب ثار حتى صار الشعب محكمة
خليك شايل سلاح رح أطعنك بالمقلمة
أمسح دموعي بمحرمة سوداء، شق الحبس بالنص
سكر بالبلد بشوية بحص وغص
التراب عتّم عالعيون، أكفان وناس
شواهد عالم عالتم.. ريحة دم وزيتون.. شمّ



الصورة من صفحة، عدسة شاب تافه
http://www.facebook.com/lensYoungsillysyr

المشهد رقم ٩ - إنتاج بو كلثوم - Scene Number 9 - Prod.by - Bu Kolthoum

Bu Kolthoum | بو كلثوم

Recent comments

Nawras Mouakkr

AYMAN.S

Abn Al-Mokhayam

Khan El Rouh

Related tracks