touffar

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

Lyrics:


‎عشر سنين، ولي
‎شو كنّا معنا حق، ولي
‎شو كنّا معنا قوة، ولي شو كنّا غلطانين
‎عشر سنين، ولي
‎شو كنّا معنا حق، ولي
‎شو كنّا معنا قوة، ولي شو كنّا غلطانين
‎بحق القوة ال كانت معنا، ماهو البركان اللي صنّعنا
‎منعنا يكون في غير البارانويا بتجمعنا
‎فجأة بصير. عندك شي تخسره يا كبير
‎من ولا شي جينا، من ولا شي. ولا حُب ولا أيّ شي
‎نرفع راسنا فيه، ولا حدا علّمنا كيف ننحب
‎غير من أمّ عم تطبخ وبيّ بعيد
‎أخدنا كتير
‎كره الذات قد الأنانية كبير
‎والذنب مزيد تبرير للوَسخ
‎يحمل هوية، ونضمن انو نضل عبيد
‎احساس كئيب انو ما منستاهل
‎مين حطّنا هون؟ شو ضوّ مسارح؟ 
‎جرذ الباطون وفأر المكاتب
‎طموحي جنون، شكّي اكتئاب
‎بحط مصاريني ع تراك، وبخبّي ال بقلبي ع أحبابي
‎شعرة جنون وشابت، غندالف. فايت غيّر تيابي
‎لا لن يمروا، رح موت شويّ وراجع
‎شعرة جنون وشابت، غندالف. فايت غيّر تيابي
‎لا لن يمروا، رح موت شويّ وراجع راجع
‎شعرة جنون وشابت، غندالف. فايت غيّر تيابي
‎لا لن يمروا، رح موت شويّ وراجع
‎شعرة جنون وشابت، غندالف. فايت غيّر تيابي
‎لا لن يمروا، رح موت شويّ وراجع راجع
‎ركّبت سلاح تاعيش، ضحّيت بسنين تعنّه دافع
‎كان بدّي الهمن خواتي، صار بدّي ابهرن أعدائي
‎والسمّ ينسكب عبوابي، والكزّ يتراكم ع حناكي
‎كسارى البندق مسختني عبيدق عرقعة ثنائي بدماغي
‎كوابيسي وأحلامي
‎ولا واحد منن أنا
‎ولا واحد منن غلب
‎ولا واحد منن صدق
‎واللي صدق، ولا كان أصلا على بالي
‎آه ياني يالاستهبالي
‎آه ياني يالاستهبالي
‎عشر سنين، ولي
‎شو كنّا معنا حق، ولي
‎شو كنّا معنا قوة، ولي شو كنّا غلطانين
‎عشر سنين، ولي
‎شو كنّا معنا حق، ولي
‎شو كنّا معنا قوة، ولي شو كنّا غلطانين
‎عشر سنين، ولي
‎شو كنّا معنا حق، ولي
‎شو كنّا معنا قوة، ولي شو كنّا غلطانين
‎شو لازم نعمل، ما حدا خبّرنا
‎لكل هالقذارة ما حدا حضّرنا
‎فارتجلنا، كونه هيدا بين ايدينا سلاح وحيد
‎وافترقنا بالخيار، قد ما منفرق فوق الbeat
‎خِلقت سين، آي بتوجّع قد ما حلوة
‎آي لاف يو فرانكشتين
‎باخ الجو تبع ايد بايد، صار الكوول انّو عين بعين
‎طب أوكي زيح
‎جيتك جيت
‎بس ما بترقى للتصنيف
‎جحش العيد
‎هيدي الصنعة، ومتل الصلعة بتقفز جيل
‎جاي زغار ع ظهور الفيل
‎يعلّوا بصوتن للتغيير
‎ومصاري stream
‎صدق ألوو تانغ ب كريم
‎طويلة لسة طويلة
Rest in peace أنكل حليم
‎عملناها نحنا، تركها تعيش وعيش انت
‎غرقان بفشلك، بس بتكسّر بمقاديف
‎وما بتفوش، وانت رووق
‎كبران الخس بكمشة روس
‎من هون بديت أمجاد
‎وبتخلص هون يا برو
‎فبشرفك روق
‎على وضعك،
‎غرّك بضعة لايكات غمزات
‎شوية فتيات، بيّن اصلك
‎لو بتدووم كانت أصلًا ما وصلتلك

Gandalf - El Rass | غندالف - الراس

أنباء هامّة - موسيقى جواد نوفل(مونما)
كلمات و أداء : بو ناصر الطفّار و مازن السيّد "الراس"
من ألبوم الرأس و مونما : "آدم داروين و البطريق" 
الالبوم الكامل على : http://elrass-munma.bandcamp.com/releases

الثورة مو عالشاشة / الثورة عالطريق
الصورة من أعمال بانكسي

أنباء هامّة- ناصردين الطفّار و الرّاس

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

مغفرة - بعدني قاش - مزاج - إنتاج مولانا

يابي - بو ناصر -انتاج الوتر / كلاسلكي

#hiphop
#boombap
#lofi
#beatmaking
#beatmaker
#rap
#remix
#rmx
#bennythebutcher
#griselda


Benny The Butcher - Legend (Je$u$ RMX)

إنتاج الراس. 2015


خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هيدي مش ضريبة للحكومة.

ناصردين الطفّار - بو ناصر

هوّي الصيت للخندق بس الفعل للي فوق واللي فوق أمروك إنك تهرب من حدود و تلاحقنا ببيروت تكون عبد و مأمور
عبد و مأمور عأنفاسك ما بتمون يمكن يأمروك تقتل خوك يقبضوا ملايين ويسرقوا ملايين بنت النايب بدا حبوب إبن الظابط هيرويين
و الحيط عالحيط
فوق في نجوم غرقانة بالوسخ و تحت في عقول مقفلة بمعاش
بدلتك و رتبتك و سلاحك مو الك، طيب قلي يبن عمي هاي روحك مو الك؟ عيد مين بدا تروح؟ اللي بيترقى عدمك و بحياتو مو مجروح؟
حامي الوطن مسعور لصهيون حطّوه ناطور بسوليدير حامل أخمس عامل أخمَس طابور
نفّذ ثمّ اعترض
عمالة ما بتصيب الجيش الا بأعلى الرتب ما الخبرة هيي السبب و انت قناني عم تنضرب
كل ما زادوا النجوم يبن عمي زاد الطمع كل ما ينقتل زحاف بدلة ظابط صارت ألمع
مين قدامك مين وراك؟ المشنوق من الفقر أو مخنوق من خراه؟
المفلوق من طاووق أو تسميم صدور عراة؟
طائفي بمولوتوف يا إما ثائر سلمي؟
غاز مسيل دموع، بشوطا أو بعطيها "حل علمي" ؟
خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هاي مش ضريبة للحكومة.

الراس

عروف مع مين عم تحكي
سيكارك بدنا ندخنه بيضل صوتك واطي قد ما تتخنه نشاز قد ما تلحنه راسي بارد قد ما تورمه تسخنه
منعمل فحص البول بس هني اللي تحتن شخّوا
بصلتي مش محروقة فبيصير الغاز صديقي
طرابلسي بالساحة قصير مش أسير أنا مش متنكّر أنا مش متل تحريتك ساعتك تك تك تكّت تك تك تكّت بينت معادنن لمّا دروعن انحكّت و ركابنا ما سكّت ما رح تقدر تسكّت
مبسوطين مكيفين بالمي مبوردين كونو عنّا مقطوعين من المي من الضو ولو
ما في ريحة بسوليدير ما في زبالة بسوليدير هيي الزبالة سوليدير هيي زبالة سوليدير
و العمامة مش لالله اذا حبلا بإيد الغير
اللي حرر الأراضي عم يستعبد البشر و اللي صب ابريق الشاي نزل فينا بالعصاي لما انحشر فشر
سنة شو و شيعة مين مان؟ اللي وحد الاله ما بيقسم الانسان
لا سعودية و لا ايران نحنا و الزبل جيران
لا عونية و لا قوات نحنا المسيح عالخشب عم بنفيق الأموات نحن البيت و اهل البيت نحنا النار و صبّو الزيت عن الطائفة انشقّيت
عن الطايفة انشقّيت

ناصر دين الطفار و الراس - نحن والزبل جيران

Prod. by El Rass

الرسم لعليا الخيمي عن موقع "رصيف 22"

لما ابليس خلق كنا عم نضيف مغلي
سجل اعترافي دغري. علمته التمرد بس ركب راس تيس 
خاب امله من الناس ملاك عقل كامل لا رعشة ولا احساس كان بده يفتح عينن صار بده جلودن يغلي. قبل الشجرة العري طبع بعد الشجرة عورة بتغري. كيف وصلنا عبتغرين؟ رسموا شوارع السياسة فوق شوارع القوافي صار سؤال من نحن بودينا عالقذافي. قلبوا الموازين صار رابر التنوير هو رابر الخرافة. والفشل بالابداع هو الوفا للثقافة. جاز الرحباني اصالة بس علينا الراب عمالة. الراب مستورد متل الكمنجة والاسلام الحالي وفي بالراب جهاد عقل وفي بالراب عبده داغر وفيه بالراب عقل غزالي وفيه عقل تكفيري شاغر. وفيه مهرج وفيه ساحر. وفي ممثل عايش دور محمود حميدة بالمهاجر وفي شرشبيل وفي سنافر. ارخبيل مختبرات عندك من ارخميدس لحديت زين الاتات. وفي افلام التسعينات عاشوا بسبات ونبات وجابوا صبيان وبنات عاشوا خيبة هالافلام برا الشاشة بقلب البيت. نطه عالسكر نبات
تتصير الشاشة جوا وتتكرس الحكايات بالاجساد. العمى. بس بتلحقك البلاد. عالسما بيشفطك التراب. واذا بتحكي مع الارض بيرجموك الولاد. بدك معدة من بولاد. لما يكون ضهرك مكشوف شو بتفرق عيشة لبنان عن القعدة بالدولاب

بحطك بالدولاب وليه وليه ما نحن بالدولاب وليه
لبنان 
محافظة ذات ميول موالي طرطوس يعني
هويتي بطرف قلم مامور نفوس يعني
ما تنبسط من خفتك كونك بتفوش دغري
يا بنعيد تعريف لبنان يا بيهمد الطوفان وبنفيق ميت شقفة
عشط غرق بس ضل صخري حلم كوبس بس بعده مغري حتشوفه هلق افلس بس الكل رح يرجع يشري بتقطع لحظات وفا بس الكل بيرجع يشلي لكن تعميم الكحتنة لا يبرر بخلي انا مش مترجم علمنة بعرف ازرق من كحلي لبسني الليل عمر فلبست الليل كحلي كتار بيفتحوا الكتاب بحس الكتاب انفتحلي شافتني اختي ميت عمر جديد انكتبلي شافتني امي زعلت ذنب جديد انحسبلي جادلتها بالتي هي احسن وطبعت عايدها قبلة هي عالارجح ما قبلت بس المحبة بالخلاف قبلة للمتصالح مع نفسه ومستقل باختلافه احترام مش انصياع لاسلافه نصيحته عن اهدافي مش توجيها لاهدافه بين ابليس وبين الحر شعرة حب

الراس - إستعاذة

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy .. 

رح استفيد من وقتي بغير شكل 
استثمر بذري بخير حقل
قبل التوحيد ميزان العدل كان عضو بعل.
فالمنظومة تلفانة أصلاً
شكراً!
وضعك بالسليم لما تستخدم مصطلحات ما بتفهم اصلها
ايدك طالت قصّرها
كانت رقصت الملكة بس فالت خصرها من الضحك عمالك قصرها
نزلت عالسوق تتمشى ومالت عثالث بسطة وخدم لعتالة بسطها
فيي ركّب لسّا الفين جملة بلا معنى.. خلصنا.
ما تقلّي فلّتك شو رابط!؟ هادا اللي عم تدافع عنه إذا لقطك بسورية عافظك.
فمشينا من ركاكتك خيو، بحر الدم ما بينفات عليه بمايّو
اشلاح وجهك خشّ رطوبة بالفكرة خلّت جبينك ينشّ
اذا في فري مايسن فأنت "ست كوم" لاقطينك عدشّ
عالمسرح بتكشّ بالفيديو بتكشّ بالصور بتكشّ
شايفك خال، عشفايفك غال
ذكرني ايمتا غيّرت سورية عنوانها من الشام للغال؟
تعا افقك مؤامرة انه لما تم نفي السامرّائي صار الأنكل سام... عال؟
تأثير البرشام زال، بأوروبا سارد عحزام ناسف والبلد بترتي بردها الألغام شال.
اسأل اللي تعبوا من الترحال، اسأل اللي ما رضي يصير تمثال
اسأل اللي بردوا بالشمال، برد السويد أو برد عرسال؟
عرصات ولك! خصخصات للوجع
عم تعرج بحارة الرجلين بتكتب فيها سجع؟
زت الودع يا لوح، تخيّل ضايع بغابة وبتغنّي للضيع يا روح
التطبع بالطبع يا روح بالطبع يا لوح!
كيفك يسعدنا تشريفك
شوارعنا بتاكل اولادها وإكرام الضيف دفنه بضيّفك؟
شاطر تتقاوى عبيوت اصاحبها براتها عيفك
نفسها اللي خبزتلك.. حمص شخّت برغيفك.

والموسيقى مينا، طزّ فيي وفيك وعمبدأ إيد وحدة طزّ فينا
سفنّا مصرة تغرف والموسيقى مينا
طز فيي وفيك وعمبدأ إيد وحدة طز فينا.

8 - 3aftak Feat Darwish - عافطك مع الدرويش

جندي مجهول - طائه - انتاج الرأس 

الكلمات:

مبسوط رجليك مندندلة .. عكتافنا, ناقصنا بهدلة. 
زوايا قضيتي بقيسها بلا منقلة 
يللي ناوي يمحي اسرائيل ماشرط يكون جوزيف منغله 
 حد السيف كان فتح .. ما تعلمنا كلمة ملحمة 

كان ناوي يعمل جندلي .. و ياريت الجند الي ..
ما كنت سمعت بصواتنا خنخنة , رايحينلا دحكلة 
الوش غميق ف منخبي الضحكة منلجأ ل لتلتة 
على امل كون امل …. بضوي عالخلل …. فاتهموني بالعكرتة 
اخوات المنيكة
مفكرين الصواب سلاح السواد اصلاح 
بس سواء كنت هون او هون ولو مرتاح خياراتك محددة
و ان كتبت نصك بايدك بتوصلنا الورقة معدلة
شكلك دولة , بدك تخلص من راسها لتجيب دولة مكركبة
بتفتخ طائة موت .. عادي 
 منفتح طائة صوت عالي
جابولنا حمار بلحية ليتنصب والي
مو مفهوم مين بغير وادي 
صرح قد ما بتقدر , صرخ عالشعب , صوتك فاضي و الاظلم بادي 
لو الموت بفيدنا كنت اول بقتل حالي
منضل ندور لنشوف نزول كرسي تاري 
نحنا بحاجة علم ,مجلس حقوق مرأة مو للزلم 
كلنا منسرق حلم , الطيب طالع من خرم 
و الطالب حقه جرم 
  طيب حقه جرم قال؟
والظالم زته ببلم ما بفوش  الغلط ما بدوم بس  الصبر مات 
فمطلوب ثباتنا , الضحية انت لما تشوف حياتنا مسرحية
بيحسب خطواته عقد النية هي لو 
هي لو يللي كسرت لو من عمل شيطان لو كان بأثر 
او كان من عمل استيطان 
الحدث نفسه .. منتابع اخبار بس مو لنغير
كرمال وقت السكرة ان طق حديث الثورة الكل بعيّر 

بس … عطيه مساحته 
يعبّر ,المسموم من نظامه مسؤول عن انو يحدد اتجاه 
مافي مصير جاهز .. نحنا المكتوب ..
مابتولد عرص كامل الا ان كنت من ال مكتوم 
ما بيفجر غير المكبوت ..
 ضليت تحني لركبوك 
بتستحي تقول يللي براسك .. مع انو الراس مسؤول 
ما قادرين نمحي ذكرة راكدين لنمحي حدودنا 
المحصول محروق ,, بدل  التمرة منفطر عجنود
الاقوى مو يللي بضل عايش الاقوى مين عندو جيوش 
نسيوا يفرجونا الخيل ,, بس تعلمنا ركب الخيول 
نسيوا يعلمونا الخير , فتفرجنا كيف مات الحيل 
تع ما ننسى ؟؟ 
منضل منقاتل ببعض لنفنى 
 , منضل نزرع ورد ناطرين تجي الدولة و تتلفنا ,,
هدفي نغيّر 
حتضل تتسائل  ليش بحاجة عيط ,,؟
..  ان الحاكمني ما عاطيني حق لصوت لو كنت عم قول     
 فبفضل بس موت تكتي عالشاهدة كان جندي مجهول

جندي مجهول - طائه - انتاج الرأس - Jundi Majhul - 6a2ah - Prod By El Rass

طفّار - من الأوّل
الإنتاج الموسيقي : جعفر طفّار
ميكس : رائد خازن

2012

Touffar - Min Al Awwal
Produced by: Ga'far (Touffar)
Mixed by: Raed Khazen

New track to be released on an upcoming Khat Thaleth compilation.

Min El Awal - touffar من الأول - طفّار

Music by Munma
Vocal recording and mixing by the Munaqresh (Stronghold)



عمو وين بتروح الناس لما تموت؟
هلق عن جد أمي وبيي بالجنة؟
سألته وما جاوبني حاطط راسه بين ايديه وعم يغني
غنية بتبكي قلبي عم يتفكّك
عمو فارس كان بيته حد بيتنا
ويا ريتنا ما سكنا حده
يوم ما رجع البابا عالبيت أزرق خدّه
عمو بكي دمّ عالمخدة ما عاد هبده يهاجر
خاله بفرنسا عنده محل فلافل
يومها اشترالي فستان وقلّي خلص منّي فالل
مين أحلى قل لي: الجنة ولا فرنسا؟
لأنه البابا مات مقهور وأنا ما عم اقدر انسى
والماما كانت تقول: إذا إجى الصاروخ
الملائكة بترده
عمو كام شقفة من جتة إمي قدرته تعده؟

ليش براسي عجقة، وعجقة عالشحن؟
نار بقلوب نص الضيعة، النص التاني صاروا فحم
وين آخذنا الطريق الطويل بدي انزل بقا خلص
ما فيي اسمع عويل، اوف اوففف
شعري بايدي كمشات عميهرّ أفعى فزع على بطني عم تلتفّ
بدّي إرجع على الصفّ، بس مين بيدافع عنّي إذا الناظر ضربني كفّ؟
كلّن ماتوا، دي موت
عمو ليش وقف الشحن؟ من وين هيدا الصوت؟
وصلنا قال لوين؟ على مركز لاجئين
فجأة مسكني واحد، حسيت بحلقي سكين
سألني عن عمري،قلي إنت بنت مين؟
لما عرف أهلي ماتوا قال في خيمة لليتيم
جمعونا بنفس المطرح مع 30 صبي وبنت
ما خفت اختنقت صرت فكّر بدي إهرب
دورت بس ما لقيت حيط فيه براسي إضرب
حانفجر حاسة عمري من دينيّي عم ينسكب
عمشوف أحرف موت علوجوه عمتكتب

 تعبت فاتوا 2 ختيارية على الخيمة
واحد ضحك سنه دهب ريحة كبريت من تمه
في بنظراته جبل لهب طلع شيكات من كمّه
التاني شكله شيخ وكرشه مترين منفوخ
عميتذلل للأول لسانه مترين ممدود
أشّرله عليي صار صدري مسدود
لما طلعه لبرا في صبي أكبر منّي قام عن كرسته وجرا

قلي قعدي، ما بدي قال اصطفلي قمت قعدت
حط عينه بنص عيني، كأنه قال عليك شفقت
بتعرفي شو بدن؟ قمت هزيتله الراس
قال حيطلعك من هون، بس كرامتك رح تنداس
رح يتزوجك ويذلك، كل ما اشتكيتي يقلك
أنا اللي خلصتك،
يتزوجني؟ هيدا الوحش؟ لك أنا عمري 15
بدي أهرب رح احفر بالتراب نفق بحش
بتعلمني؟ بتعلّم
بتساعدني؟ بساعدك بالليل لما تعتّم
لما انتحرت الشمس زحفنا بلا ضو عمنشوف باللمس
بعدنا عن الخيم قمنا نحن التنين نركض
نضحك نغني فكرنا الوجع عم يبعد
ما عرفنا إنّا اجتزنا الحدود
ما شمّينا بالجو ريحة جوع وبارود
طلع رشق رصاص شفته هوى قدامي
طلع الطلق التاني فتح براسي جرح عمتطير أحلامي
صارت بايخة الأسامي الحياة ووحلها
عمو فارس طمنّي...أكيد الجنة أحلى؟

عم دور بالغرفة متل المجنونة
حريق، صوت  صريخ
ولاد مربطني متل جدولة
الخوف ورا الباب
الدرج بحر غميق
الحيط ملون بوجوهن
أجسامن مزينة الطريق
عم اغرق لون السما عم يغمق
بين اللجوء والبيت عم اعلق
يا موت يا بهجر
نازلة عالدرج رح افجر
لو كل زوايا بيتي بيغمروني وبغمر
عكل قذ يفة اعبر
خمسين حاجز
تلاتين رصاصة وموال
أنوثتي عم تكرهني
كل ما اسمع أنه الحرب للرجال
أساور على إيدي
عم تقطع وريدي
مكبلة بخيطان عم اغزل
سماء جديدة.. حرفيا
كون حرة اكسر الجرة
قبل ما تطبا
بدي امسح الصحرا بخصبي
مو رتل حكي بعبك
دقوا عالسيارة فيقونا
عرضوا كتافن بس ديقونا
كل وحدة بخيمة..
في برا خوف
وأنا روحي معلقة ببتي.. وتحته غيمة..
شعري لسا منشور
على أغاني الميمة..
في برا حكي عن العرض..
عن حكم تاء التأنيث ما بين السنة والفرض
عن الحريم وانا حرة مو حرمة
انا امرأة مو أمة
لازم تتدفى بعيوني مو تفرض عليي العمى!
العمى!
كيف مفكرني ارضى؟
بملي عيوني رمل
وما لحظة بحضنه أفضى
لابس قبة ومخنوق..
وعم يحكي عن اللجوء
ألف فكرة جوا راسي
ألف جني عم بيسوق
دخت اشتقت لتختي
لحكاياتي أنا وأختي
لعيون ستي العتيقة
لكاس العرق والمتة
قاطعني
قلي روقي
صرخت لك قوم اتركني
مسكلي ايدي نترتا بزقت افلتني
أنا حرف مربوط بدي شاعر ليعربني
اذا ابن ابوك اضربني!

عمننقل صوت انثى اندفن الحق بسرها
عمنربط العقل والكرامة بحبل سرة

لأنه لوجع أكبر من الورقة برقص
لأنه السجع ما بيكفينا لما الأنوثة تنقص

عمحرر ت مربوطة عغرد للانوثة 
من السلمية للغوطة لجباه ما بتوطى

لأنه رحم لأرض رحب لا تتخبي ببيت المونة
أنتِ لأنثى وأنت الشعب حقول الناصرة واليمونة

عم اهديك جنوني وكرسلك املي
عم قدسك مقياس للبلاغة جوا جملي
ثورة انتفاضة كرامة
شجرة شمس حمص رقصة خرس
عدف شامي
الشرف مش دم حمامة
شرف الثورة اضعفها
يكون مرفوع الهامة

الرأس و السيد درويش و مونما - ثورت

شوف عمي، بطّلنا مدح الصنّة
رح نقدح طنة ورنة بدل الزنّة بالحنّة
وندبح حاكم بنك بالأعراس بدل الغمّة
قناعتنا كنزن هني. ولا لا ؟

لما تقلي المال زبالة وانت حاشي تمك فيه من زلعومك رح اسحبه
اللي بينصحك بالصبر غني او جبان فقير والتنين خافوا يخسروا

فكرك حلمي كون حاكي بلسان المحروم كون كاره ومكروه شو مع فقري ماضي عقد؟
واذا طمعت بيوم النوم مريح يكون يعني صرت جلدي خون اذا هديت امي عقد؟
مبسوط كون بالشارع مضروب من عرصات ؟
موضة تلات صبيع عنا يبانوا من الكلسات ؟
هواية نجيب نص ربطة خبز وتلات بيضات؟
قيمة نطبق العدالة عنا بجوع ولاد؟
هيبة لبس سواد بالحداد والعياد؟
فرحة نبدل لبس ولاد على إنه تياب جداد؟
ديكور قوضة قعدة يكون فيها تخت وبراد؟
فقسة فضل جهنم الله عهالبلاد؟
شوف عمي، مرة تانية لأني محمحم قلبي وناطر هالمقطع من سنة لغني
مين العنده وطن بس بيفضل المخيم؟
مين العنده تخت وبحجار الرصيف متيم ؟
مين؟
مين بيعشق السجان؟ مين اللي بيعشق الكلبجة والحيطان؟
مين اللي بيفضل صحن الخرا من النظام على صحن اكل امه
ولا لا؟
مين القلك انو نحنا منهوى البؤس؟
شو اللي بيتعب من الشغل بيكره يتعب من الرقص؟
مبسوط بالشحار؟ شو حمار؟شو بيكرهوا البيوت لأجل الجرود الطفار؟
كني بحب عد شو ضل معي كل ما ليرة ادفع؟
فجأة وقف أكل اصلاً ما بيسوالي اشبع
شو منكره نفرح؟ بيوجعنا الضحك ؟
منقاتل اللي فوق يعني بدنا نضل تحت؟
دفا تحت، بس نحنا منحفظ بمكان بارد
أخوك الناصر عهالمقطع بعده سارد بس خلص القلم
صار لازم اختمه، بس لازم ارجع قبل ذكرك انه
لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟


غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
"هاي الجملة قلتها غلط هاها"
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار

لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟

Bu Nasser Touffar - Walla la (Live From Joe Show interview)

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

يُتبع

Bu Nasser is a Lebanese writer & rapper who raises his voice to break the silence of a marginalized society long silenced and impoverished by the state. His music and writings have echoed through the streets, becoming anthems during popular uprisings and protests. His artistic journey began in 2009 with the release of Touffar’s debut album As7ab El Ard, later continuing with a prolific solo career and numerous collaborations with artists who share his spirit of resistance, inquiry, and passion for revolutionary music.
Over the years, Bu Nasser has performed dozens of powerful live shows across Lebanon and several sold-out concerts in Turkey and Europe. In April 2023, he returned to Beirut for his first show there in five years—one of the largest rap events in the local scene—marking the launch of a new wave of successful performances both at home and abroad. In 2024, he embarked on the Safari Euro Tour, selling out shows across Switzerland, Germany, France, the Netherlands.
In 2025, Bu Nasser released Limbo, a highly anticipated album that captures the turbulence of the present and the weight of a haunted past, blending powerful lyrics with diverse sonic landscapes shaped by collaborations with producers from the region and beyond, Bu Nasser currently on tour between Lebanon Turkey and Europe, performing for his audience.
Beyond music, Bu Nasser is also an accomplished writer. He independently published two novels: Al-Harayek (2016) and Al Qushnood (2018), both of which achieved critical success and were featured in numerous international literary exhibitions.

أنباء هامّة- ناصردين الطفّار و الرّاس

Bu Nasser Touffar

Recent comments

Joseph Chawich

Tareq Qtesh

Bu Nasser Touffar

smain46

Related tracks