فرقة قمح و جعفر الطفّار- وادي يارون - Wadi Yaroun "Kameh" feat. Ja'afar Touffar

الراس :

هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا

Naserdayn Touffar & el Rass- Loubnen 2 (Prod. Munma)

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

Official Music Video : https://www.youtube.com/watch?v=sIsb07AWRzo

ACID 2022
Written & Performed by Bu Nasser Touffar
Produced by @DjLethalSkillz
Mixing & Mastering @Beatlalipos
Rec. @ILLADIB
Artwork by Azeezon

Bu Nasser Touffar X Dj Lethal Skillz – ACID

the score prod 9ineTrap

انتاج الراس

خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هيدي مش ضريبة للحكومة.

ناصردين الطفّار - بو ناصر

هوّي الصيت للخندق بس الفعل للي فوق واللي فوق أمروك إنك تهرب من حدود و تلاحقنا ببيروت تكون عبد و مأمور
عبد و مأمور عأنفاسك ما بتمون يمكن يأمروك تقتل خوك يقبضوا ملايين ويسرقوا ملايين بنت النايب بدا حبوب إبن الظابط هيرويين
و الحيط عالحيط
فوق في نجوم غرقانة بالوسخ و تحت في عقول مقفلة بمعاش
بدلتك و رتبتك و سلاحك مو الك، طيب قلي يبن عمي هاي روحك مو الك؟ عيد مين بدا تروح؟ اللي بيترقى عدمك و بحياتو مو مجروح؟
حامي الوطن مسعور لصهيون حطّوه ناطور بسوليدير حامل أخمس عامل أخمَس طابور
نفّذ ثمّ اعترض
عمالة ما بتصيب الجيش الا بأعلى الرتب ما الخبرة هيي السبب و انت قناني عم تنضرب
كل ما زادوا النجوم يبن عمي زاد الطمع كل ما ينقتل زحاف بدلة ظابط صارت ألمع
مين قدامك مين وراك؟ المشنوق من الفقر أو مخنوق من خراه؟
المفلوق من طاووق أو تسميم صدور عراة؟
طائفي بمولوتوف يا إما ثائر سلمي؟
غاز مسيل دموع، بشوطا أو بعطيها "حل علمي" ؟
خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هاي مش ضريبة للحكومة.

الراس

عروف مع مين عم تحكي
سيكارك بدنا ندخنه بيضل صوتك واطي قد ما تتخنه نشاز قد ما تلحنه راسي بارد قد ما تورمه تسخنه
منعمل فحص البول بس هني اللي تحتن شخّوا
بصلتي مش محروقة فبيصير الغاز صديقي
طرابلسي بالساحة قصير مش أسير أنا مش متنكّر أنا مش متل تحريتك ساعتك تك تك تكّت تك تك تكّت بينت معادنن لمّا دروعن انحكّت و ركابنا ما سكّت ما رح تقدر تسكّت
مبسوطين مكيفين بالمي مبوردين كونو عنّا مقطوعين من المي من الضو ولو
ما في ريحة بسوليدير ما في زبالة بسوليدير هيي الزبالة سوليدير هيي زبالة سوليدير
و العمامة مش لالله اذا حبلا بإيد الغير
اللي حرر الأراضي عم يستعبد البشر و اللي صب ابريق الشاي نزل فينا بالعصاي لما انحشر فشر
سنة شو و شيعة مين مان؟ اللي وحد الاله ما بيقسم الانسان
لا سعودية و لا ايران نحنا و الزبل جيران
لا عونية و لا قوات نحنا المسيح عالخشب عم بنفيق الأموات نحن البيت و اهل البيت نحنا النار و صبّو الزيت عن الطائفة انشقّيت
عن الطايفة انشقّيت

الراس وبوناصر - نحن والزبل جيران

Prod. by Al Nather except track 20 prod. by El Rass 
Lyrics and vocals by El Rass except track 2 by Al Nather 
Mastering by El Rass 
Cover Art by Ra' 
7a2 mim 2016

@alnather-1 
موسيقى الناظر ما عدا تراك "إغماد" من موسيقى الراس 
كلمات واداء الراس ما عدا تراك "الطيبات" من اداء وكلمات الناظر 
ضبط صوتي: الراس 
رسم الغلاف: راء 
حم 003 
2016

شاكيرا شقرا بس بفضل سميرة توفيق
بيروت نايمة بس بحتاج شخيرها تفيق
ما بعمري كنت بحزب والكل بيقلي رفيق
لا اسلامي ولا علماني ولا يساري ولا يمني
بوقف بعترض قوافل بقبع خوازيق
ابن ثورة كبرى فناقشني او دعني
بس بفتخر لما منحبكجي بحب يسمعني
ضد النظام وضد نظام بديلة 
المواجهة المباشرة هي وحدها الاصيلة
بكره النق بس بحب بس تشكيلي
بكره الارجيلة بالكبت بتوحيلي
مع حقوق العامل مش طغيان "بروليتاريا"
بالليل بسمع تجويد والصبح بسمع سارية
بقوس بالافراح بس بجوز فرودة مي
الشارع عم يموت بس لسا بسميه حيّ
الشارع عالتلفون بس لسا بسميه حيّ

قال انت فكر كون فكر كل الوقت خليك فكر
انت جدي كون جدي كل الوقت خليك جدي
صورة عن نفسك خليك قال
قصدك عن صورتي براسك خال
اية نفسي انها ما بتحب يكون عندها عن حالها صورة
في وقت لازم فك
وفي وقت لازم ركب
في وقت لازم وسخ
ووقت لازم رتب
في وقت للتظاهر
ووقت للتبطين
في وقتين بعاد بس ببعضهم مرتبطين
تخوتنا مدارس فباخد وقتي
اخدولي مكاني فباخد وقتي
باخد وقتي كاني اعيش ابدا
بعطي وقتي كاني اموت غدا
عدا وبدا كلنا من مي بس فيه نشش وفيه ندى 
بليلة ما حدا اهتدى الايمان قمحية وعظام دابت عالهدا
العرفان اشراق امواجي المدى ما راحت سدا 
حركة حراك ما راحت سدا
الباطون طبيعة كمان فبقطف
عمبتغنيلي الورشات فبشنف
بس نشاز الاستغلال بيعنف
مش مجاز الاستعباد بتخوف
سلطة راس المال عالناس بتحول
الحرباية عغصن للاعمى بس
والحرباية ما بتزهر بتشبه بس
بتاكل بتاكل ما بتشبع بس
ايه ما نحن بنتغنى بعمك بو مسعود
بنتغذى لنبني بس شراهتنا بتكفي
لتوصلنا عجهنمنا مزبلة يهود
انا باخد وقتي 
وبليلة وحدة
بضاجع كذا رغيف حاف
بطلع من مصراني كذا ضعيف خاف
وبخلي نخالة
 باخد وقتي بخبز وقتي
 القمح غالي

في وقت لازم فك
وفي وقت لازم ركب
في وقت لازم وسخ
ووقت لازم رتب
في وقت للتظاهر
ووقت للتبطين
في وقتين بعاد بس ببعضهم مرتبطين
تخوتنا مدارس فباخد وقتي
اخدولي مكاني فباخد وقتي
باخد وقتي كاني اعيش ابدا
بعطي وقتي كاني اموت غدا

(انا ناطرني الرسول عالنقاش انت ناطرك الرسول عالغدا)


فيه وقت

الرقية الشرعية / مع الدرويش

أعمال قديمة..
إعادة النشر للأرشفة

Tawsee3 Madarek - Mazaj - Prod. By Mawlana L توســيع مدارك - مـزاج - إنتاج مـولانـا

المزاج على فيسبوك : https://www.facebook.com/profile.php?id=100011368405907

إنتاج مولانا : https://www.facebook.com/profile.php?id=100006046096120

بوستر من محمد رضوان : https://www.facebook.com/mhd.robben
ميكسينغ ماسترنغ بلال : https://www.facebook.com/bilal.derky.9

النَص :

1. اذكرلي الزوايا الكونية ال ع أساسا أنت المُرتَكَز
2. ولّا حاجة الجنة الك لتصير المُنتَظَر
3. ما كلك ذرة سابحة، مقيد بين الميادين كبعث ولّا رابِعة
4. وجودك مُصادفة، فار بحقل تجارِب
5. من يوم ما علقت انت و مليون حيوان منوي، صرت محارِب
6. عندك قضية..مافي داعي ينفهم أساسا
7. بس فهمني ليه دايماً بيجي كبير عليك مقاسا
8. أنا حدودي عطارد.. بس انت حدودك حيفا
9. راحت غزة اجت حمص طارت حلب هدت صَيدا
10. طارت فكرة ..هدت ..صيدا
11. باليمين محاضرة سلام، و باليسار رصاصة
12. يشرح فوايد البارود، و وين وصلت ناسا
13. متل ال عطاك شمع ملوّن يحلّي طعم العتمة
14. أو أغراك براتب شهري.. لتمر "الأزمة"
15. طول ما القرار بالجار مربوط راح شنغلة
16. كالتالي حل المسألة:
17. لترفض الجغرافيا.. لازم تهرب من تاريخا
18. لتدحض كذب القومية.. لازم تعرف شو دينا
19. و مهما الرموز كترت بتتبع لنفس الراية
20. و لو زادت الرايات، فبتتبع لذات الغاية
21. أو لذات الغابة!
22. حكيي فاضي طنشو، روح لحّق نشرة التمانة
23. و على الفاضي تعمشق.. أو عالواقف نام
24. بتبقا الدعوة باطلة.. طول ما التابعين أصنام
25. لا تصدق ورد بينبّت ببلد مليان صخام
26. اذا المفتي طلع علماني
27. يعني القطة عشقت طير
28. و نسينا المرحبا صرنا نقول "الله بالخير"
29. العتم بيستر بس ضيعت باب داري
30. هدولي أربع حيطان أنا صرت الباب داري
31. بكرا السبَق بيصير على مين بالتار بادي
32. ف لتكسب الأبيض و الأسود.. خليك رمادي
33. خليلي ولادي، و خود الأرض اشباع فيها
34. عم ربي أرانب بقفص، حكام و غابة سباع فيها
35. النجوم دليلي يوم بوصلتك عني تحجب
36. و الكفر سبيلي اذا الملايكة بتبطل تحسب
37. او بترفض تكتب.. تحت اسمي بيستاهل
38. بشوف الرب بنومي و يوم بفيق ببطل ناطر
39. سمّك أدانك يوم الزعتري بيكون بارد
40. ف ببطل ناطر مارد
41. فبفكر حالي راجع
42. فبصير دروسي براجع
43. يا ترى رح أعرف جاوب؟
44. أو من التهاب دماغي رح صير حروفي راجع؟!
45. هدّوا دينك جامع جامع
46. ع مسمع المقاوم
47. عم اسمع الممانع
48. يوم عن يوم بيزيد مراجع
49. يوم عن يوم بتزيد قناعة
50. إني ما راجع
51. تعا نتبادل المواقف.. بدل تبادل الأسرى
52. صح ربيت أرانب بس بتضل السلحفة أسرع
53. سلحني أحسن ما ضدك قلم أحمل
54. الحملة اللي بمطرحا فراطة الشعب عم تجمُل
55. كل مشاكلك مع الله، و مع هيك ابليس بترجُم
56. ديني علْم بترجِم
57. اعطيني عَلَم ت ارجع
58. بيلبق سرج عالفرس.. يوم الشمس تبطل تطلع
59. يوم اسم الرب يبطل رشوة، و الصلاه تبطل مهرب
60. كل العلل فيني.. ما تفكرني عم أنصح
61. هي النفخة من اكل الخوازيق لا تفكر عم أنصح
62. لسّاني ناطر التراب يطم صحابو
63. بس لساني تخدّر ف صار يلم رحالو
64. جدرانو كلها مرايا.. بس بيخاف من خيالو
65. و بعدو العطشان عن الجوعان عنا.. بيقول نيالو
66. و اللي تعوّد ع مصّ الدماغ بينام هو وعم يحكي
67. و آخر مركب جنّح ما بتلحقو اذا عم تمشي.

المزاج || تفريغ \ el_mazaj | tafreegh | إنتاج : مولانا

Bu Nasser Touffar : TAR - 2020
Music Production : @HelloPsychaleppo

Lyric Video:
https://www.youtube.com/watch?v=CLmtwDSzei4

Bu Nasser Touffar - TAR (Prod. Hello Psychaleppo)

Bu Nasser is a Lebanese writer & rapper who raises his voice to break the silence of a marginalized society long silenced and impoverished by the state. His music and writings have echoed through the streets, becoming anthems during popular uprisings and protests. His artistic journey began in 2009 with the release of Touffar’s debut album As7ab El Ard, later continuing with a prolific solo career and numerous collaborations with artists who share his spirit of resistance, inquiry, and passion for revolutionary music.
Over the years, Bu Nasser has performed dozens of powerful live shows across Lebanon and several sold-out concerts in Turkey and Europe. In April 2023, he returned to Beirut for his first show there in five years—one of the largest rap events in the local scene—marking the launch of a new wave of successful performances both at home and abroad. In 2024, he embarked on the Safari Euro Tour, selling out shows across Switzerland, Germany, France, the Netherlands.
In 2025, Bu Nasser released Limbo, a highly anticipated album that captures the turbulence of the present and the weight of a haunted past, blending powerful lyrics with diverse sonic landscapes shaped by collaborations with producers from the region and beyond, Bu Nasser currently on tour between Lebanon Turkey and Europe, performing for his audience.
Beyond music, Bu Nasser is also an accomplished writer. He independently published two novels: Al-Harayek (2016) and Al Qushnood (2018), both of which achieved critical success and were featured in numerous international literary exhibitions.

Naserdayn Touffar & el Rass- Loubnen 2 (Prod. Munma)

Bu Nasser Touffar

Recent comments

ليلى شحادة

Francis.Helayel

SeVeN-R

Joseph Malek

Related tracks