I really like the atmosphere. What is he talking about? Could anyone translate?

touffar

Anas Arabi Katbi (Prod by AY) - Ayman Rida --- انس عربي كاتبي (انتاج ايهم) - ايمن رضا

شعور في بالي 
شعور في بالي 
شعور في بالي 
شعور في بالي

إعادة  (ديمو )

Emsallam - Najat As-Saghira Trap

Produced by https://soundcloud.com/damar
https://soundcloud.com/damar إنتاج

Muqata'a - al 'ad al tanazuli (produced by Damar) - (مقاطعة - العد التنازلي (إنتاج دمار

هاي الاغنية لسا ما تسجلت بس مصورة بحفلة للدام ب 2014

صاحبي, حبيبي, عالأرض بنازع
11 خزء بجسمو وعندي بس 10 اصابع
تغمضش عينيك, أرمش اذا سامع, تحملنيش 
المهمة الصعبة, مش راجع أقول لأمك أنك مش ر اجع
سمعتها فلم, الأبن بدفن الأم
مش الأم تدفن الأبن, هيك الحياة بتم
صدرو بنزل, برجع يطلع
سيبوني أحكي معه,حبيبي أسمع
هاي روسي عبسكليت, ذاكر وأحنا ولاد
قلتلي بنسرق منهم لأنو عندهم واحنا ما عنّاش
طب قوم أسرقو, وأذا سأل كيف أوصل البيت
قولو عشان توصل بدك طيارة مش بسكليت
وأنتوا عشو بتتفرجو, عشو تحكمو هالولد
موتو مش صح مع أنو حياتو كانت غلط
عشان يشتري لأمو دوا باع السم
أتصلو بالأسعاف, قولولهم بنزل من تمو دم

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين



عشو اللمة, خلو يتنفس, خففو الضغط
وين الأسعاف, أتصلو كذبو قولو يهودي أنطخ
مين طخو؟ ملتمين؟ نتهبل عبعض
بس العرب بتخيل عبعض
سيبك منهم, بالنسبة الهم أنت قصة, قوم احكي معي
بالنسبة ألي انت بطل, قوم أمشي معي
تتركنيش, أمسك بالذكريات
متذكر الأستاذ بحصة الرياضيات
قالنا 9 زائد 9 يساوي 18
قلتلو بتجيبلي تسعتين بطلعلك M16
ولا لما سأل هل دارس المسرحية
قلتلو بعرفش شيكسبيير بس بعرف كم من تاجر بندقية
شو متوقعين منك؟ تكتب وظايف بالبيت
أي بيت؟ أي هي البلدية تركتلكم حيط؟!
شو أنا متوقع ما تسافر!, حد يتصل
يسأل ليه اسمكم أسعاف أولي أذا بتيجو بالآخر

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين




لما البوليس سألك كيف بجيب السموم هين
قلتلو طبعا" بعرف مين بجيب, الحكومة
مش بيجو من برة البلاد؟ طب أنتو حرس
الحدود, أما أحنا لا عنا سفن ولا جيبات
ولا حتى رخصة طيارات, هشش الكل عالسكت
فش أيش يجاوبو بلشو ضرب
قلت لأمك أنك نمت عند صحاب, قالتلك سمعت 
بالسجن, قلتلها يما "هناك كل الصحاب"
وأحنا ؟ أحنا مش الصحاب, أحنا العيلة
شرينا قنينة لأنك راجع مع قصة الليلة
بصحتك, بصحتك, يا ناس, حد يساعدو 
يرفع أيدو, بحاول يضرب معي كاس
دير السيارة, ديرها, مش حستناهم
بكرة انا واياه بنضحك بنص مستشفياتهم
أنت أمسكو من أجريه وبمسك راسو أنا
حبيبي قالي سلام يا صاحبي ورمى راسو لورى

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين

نفرح فيك يا عريس
بدي أشيلك عالكتفين
جيب الدف وزيد نقوط
يا زين عرسك عرسين

تامر نفار من دام - سلام يا صاحبي Tamer Nafar - Salam ya sahbi

Emsallam - Nidham Qabalie

بو ناصر الطفّار و رائد غنيم - محكي
جلّاد / عالمدى الطويل
موسيقى : Hello psychaleppo
من حفلة Hello Psychaleppo and friends
بيروت - ميترو المدينة - 30 كانون الثاني 2016
Mixed By : Al Assli

بو ناصر الطفّار و رائد غنيم - محكي / جلّاد ، عالمدى الطويل

YouTube Official account : "ghoraba2-غرباء"
Facebook Official page : "ghoraba2-غرباء"

وينك-عمر عدويّة,يوسف سيّوف,عمر علي

Music by Munma.
From the upcoming album of El Rass "Kachf el Mahjoub" to be released in february 2012.
موسيقى مونما
من البوم الرأس "كشف المحجوب" الذي يصدر في شباط 2012
مبارح شفت بلمنام بيروت عمتغرق تحت رماد بركان
فحموا الناس بس ال"سكاي بار" كان بعده ولعان
بيروت ثبتت حبة الثورة اللي فينا نبتت
لما أحبطت نفوسنا من الجمود
فينا بيروت تحركت
عدمّ دمارنا وعدم حرية خيارنا
بيوت بيروت تعمّرت
سكرنا عجفاف دموعنا جفوننا عليها تسكرت فتخمرت
إذا بطلت تطير قدرك علأرض مقهور
إذا وقفت تكسير بتصير جزء من الديكور
بحاور بناور بالآخر بواجه التاج
بتوضى بصلي بتوصلني أصوات أنّات المحتاج
تأمل العلم بعرّي العمل من العمل
خياري عنار خفيفة دوب المسمار وتستوي الأفكار النظيفة
عمّروا دمروا زمروا تذمروا
ربك صبره دربه جربه
عقلن خربوا غربوا هربوا
وقبلوا بالفن عحيط الشارع
عشرط ما يكون في شك بشارع
هيدي مش عاصمة ثقافة هيدي حلبة المصارع
بيروت لا تعرف في الماضي ولا تعرب بالمضارع
تحول التركيبة خلى العقل الجامد فكّر حاله مالك المدينة
رقبته طويلة متل مالك الحزين وايده لوزيري
اعتبر نفسه أول مين اكتشف هلجزيرة
بأجر الفقير شقق بأسعار مدروسة
بشكل تضل طموحاته ممعوسة
نهبوا الأرض من ربعي وصارت الحرب شركة استثمار بمفعول رجعي
تحت شعار إعادة الإعمار
لو ما كان خلص دوره وانتهى عقد الايجار
كان الحريري ما طار وما صار مطار الحريري
عاصمة لبنان بتوازن بين ضريحين
واتنيناتن عاغتيالن في علامة استفهام
واحد قدّس الموت بس لسبب
واحد قدّس الحياة بس بالكذب
واحد بايدو تحّول الدهب سمّ
وواحد تخبّى من الدهب بالدم
مين الشهيد؟
اللي مات تحت صبابيط ثورة عبيد شهيد؟
اللي مات فتحول على حملة اعلانات هدفها ترفع الطايفة معدلات التجنيد؟
قنابل بالبريد وصل
سيوف علوريد حصل
الموت للبليد صنم
الصبر للعنيد حلم
تأليه الشهيد ظلم
خليط الحديد والدم، العلاج والسم،
الرفاه والهم، النوعية والكم
الدعارة وورقة التوت
بمدينة بيروت علم


بركان بيروت Borkan Beirut

Youtube Official Channel : Ghoraba2-غرباء
Facebook Official Page : Ghoraba2-غرباء

Lesh Lehdoud || ليش الحدود

love & happiness

Music by Munma
Vocal recording and mixing by the Munaqresh (Stronghold)



عمو وين بتروح الناس لما تموت؟
هلق عن جد أمي وبيي بالجنة؟
سألته وما جاوبني حاطط راسه بين ايديه وعم يغني
غنية بتبكي قلبي عم يتفكّك
عمو فارس كان بيته حد بيتنا
ويا ريتنا ما سكنا حده
يوم ما رجع البابا عالبيت أزرق خدّه
عمو بكي دمّ عالمخدة ما عاد هبده يهاجر
خاله بفرنسا عنده محل فلافل
يومها اشترالي فستان وقلّي خلص منّي فالل
مين أحلى قل لي: الجنة ولا فرنسا؟
لأنه البابا مات مقهور وأنا ما عم اقدر انسى
والماما كانت تقول: إذا إجى الصاروخ
الملائكة بترده
عمو كام شقفة من جتة إمي قدرته تعده؟

ليش براسي عجقة، وعجقة عالشحن؟
نار بقلوب نص الضيعة، النص التاني صاروا فحم
وين آخذنا الطريق الطويل بدي انزل بقا خلص
ما فيي اسمع عويل، اوف اوففف
شعري بايدي كمشات عميهرّ أفعى فزع على بطني عم تلتفّ
بدّي إرجع على الصفّ، بس مين بيدافع عنّي إذا الناظر ضربني كفّ؟
كلّن ماتوا، دي موت
عمو ليش وقف الشحن؟ من وين هيدا الصوت؟
وصلنا قال لوين؟ على مركز لاجئين
فجأة مسكني واحد، حسيت بحلقي سكين
سألني عن عمري،قلي إنت بنت مين؟
لما عرف أهلي ماتوا قال في خيمة لليتيم
جمعونا بنفس المطرح مع 30 صبي وبنت
ما خفت اختنقت صرت فكّر بدي إهرب
دورت بس ما لقيت حيط فيه براسي إضرب
حانفجر حاسة عمري من دينيّي عم ينسكب
عمشوف أحرف موت علوجوه عمتكتب

 تعبت فاتوا 2 ختيارية على الخيمة
واحد ضحك سنه دهب ريحة كبريت من تمه
في بنظراته جبل لهب طلع شيكات من كمّه
التاني شكله شيخ وكرشه مترين منفوخ
عميتذلل للأول لسانه مترين ممدود
أشّرله عليي صار صدري مسدود
لما طلعه لبرا في صبي أكبر منّي قام عن كرسته وجرا

قلي قعدي، ما بدي قال اصطفلي قمت قعدت
حط عينه بنص عيني، كأنه قال عليك شفقت
بتعرفي شو بدن؟ قمت هزيتله الراس
قال حيطلعك من هون، بس كرامتك رح تنداس
رح يتزوجك ويذلك، كل ما اشتكيتي يقلك
أنا اللي خلصتك،
يتزوجني؟ هيدا الوحش؟ لك أنا عمري 15
بدي أهرب رح احفر بالتراب نفق بحش
بتعلمني؟ بتعلّم
بتساعدني؟ بساعدك بالليل لما تعتّم
لما انتحرت الشمس زحفنا بلا ضو عمنشوف باللمس
بعدنا عن الخيم قمنا نحن التنين نركض
نضحك نغني فكرنا الوجع عم يبعد
ما عرفنا إنّا اجتزنا الحدود
ما شمّينا بالجو ريحة جوع وبارود
طلع رشق رصاص شفته هوى قدامي
طلع الطلق التاني فتح براسي جرح عمتطير أحلامي
صارت بايخة الأسامي الحياة ووحلها
عمو فارس طمنّي...أكيد الجنة أحلى؟

عم دور بالغرفة متل المجنونة
حريق، صوت  صريخ
ولاد مربطني متل جدولة
الخوف ورا الباب
الدرج بحر غميق
الحيط ملون بوجوهن
أجسامن مزينة الطريق
عم اغرق لون السما عم يغمق
بين اللجوء والبيت عم اعلق
يا موت يا بهجر
نازلة عالدرج رح افجر
لو كل زوايا بيتي بيغمروني وبغمر
عكل قذ يفة اعبر
خمسين حاجز
تلاتين رصاصة وموال
أنوثتي عم تكرهني
كل ما اسمع أنه الحرب للرجال
أساور على إيدي
عم تقطع وريدي
مكبلة بخيطان عم اغزل
سماء جديدة.. حرفيا
كون حرة اكسر الجرة
قبل ما تطبا
بدي امسح الصحرا بخصبي
مو رتل حكي بعبك
دقوا عالسيارة فيقونا
عرضوا كتافن بس ديقونا
كل وحدة بخيمة..
في برا خوف
وأنا روحي معلقة ببتي.. وتحته غيمة..
شعري لسا منشور
على أغاني الميمة..
في برا حكي عن العرض..
عن حكم تاء التأنيث ما بين السنة والفرض
عن الحريم وانا حرة مو حرمة
انا امرأة مو أمة
لازم تتدفى بعيوني مو تفرض عليي العمى!
العمى!
كيف مفكرني ارضى؟
بملي عيوني رمل
وما لحظة بحضنه أفضى
لابس قبة ومخنوق..
وعم يحكي عن اللجوء
ألف فكرة جوا راسي
ألف جني عم بيسوق
دخت اشتقت لتختي
لحكاياتي أنا وأختي
لعيون ستي العتيقة
لكاس العرق والمتة
قاطعني
قلي روقي
صرخت لك قوم اتركني
مسكلي ايدي نترتا بزقت افلتني
أنا حرف مربوط بدي شاعر ليعربني
اذا ابن ابوك اضربني!

عمننقل صوت انثى اندفن الحق بسرها
عمنربط العقل والكرامة بحبل سرة

لأنه لوجع أكبر من الورقة برقص
لأنه السجع ما بيكفينا لما الأنوثة تنقص

عمحرر ت مربوطة عغرد للانوثة 
من السلمية للغوطة لجباه ما بتوطى

لأنه رحم لأرض رحب لا تتخبي ببيت المونة
أنتِ لأنثى وأنت الشعب حقول الناصرة واليمونة

عم اهديك جنوني وكرسلك املي
عم قدسك مقياس للبلاغة جوا جملي
ثورة انتفاضة كرامة
شجرة شمس حمص رقصة خرس
عدف شامي
الشرف مش دم حمامة
شرف الثورة اضعفها
يكون مرفوع الهامة

الرأس و السيد درويش و مونما - ثورت

شوف عمي، بطّلنا مدح الصنّة
رح نقدح طنة ورنة بدل الزنّة بالحنّة
وندبح حاكم بنك بالأعراس بدل الغمّة
قناعتنا كنزن هني. ولا لا ؟

لما تقلي المال زبالة وانت حاشي تمك فيه من زلعومك رح اسحبه
اللي بينصحك بالصبر غني او جبان فقير والتنين خافوا يخسروا

فكرك حلمي كون حاكي بلسان المحروم كون كاره ومكروه شو مع فقري ماضي عقد؟
واذا طمعت بيوم النوم مريح يكون يعني صرت جلدي خون اذا هديت امي عقد؟
مبسوط كون بالشارع مضروب من عرصات ؟
موضة تلات صبيع عنا يبانوا من الكلسات ؟
هواية نجيب نص ربطة خبز وتلات بيضات؟
قيمة نطبق العدالة عنا بجوع ولاد؟
هيبة لبس سواد بالحداد والعياد؟
فرحة نبدل لبس ولاد على إنه تياب جداد؟
ديكور قوضة قعدة يكون فيها تخت وبراد؟
فقسة فضل جهنم الله عهالبلاد؟
شوف عمي، مرة تانية لأني محمحم قلبي وناطر هالمقطع من سنة لغني
مين العنده وطن بس بيفضل المخيم؟
مين العنده تخت وبحجار الرصيف متيم ؟
مين؟
مين بيعشق السجان؟ مين اللي بيعشق الكلبجة والحيطان؟
مين اللي بيفضل صحن الخرا من النظام على صحن اكل امه
ولا لا؟
مين القلك انو نحنا منهوى البؤس؟
شو اللي بيتعب من الشغل بيكره يتعب من الرقص؟
مبسوط بالشحار؟ شو حمار؟شو بيكرهوا البيوت لأجل الجرود الطفار؟
كني بحب عد شو ضل معي كل ما ليرة ادفع؟
فجأة وقف أكل اصلاً ما بيسوالي اشبع
شو منكره نفرح؟ بيوجعنا الضحك ؟
منقاتل اللي فوق يعني بدنا نضل تحت؟
دفا تحت، بس نحنا منحفظ بمكان بارد
أخوك الناصر عهالمقطع بعده سارد بس خلص القلم
صار لازم اختمه، بس لازم ارجع قبل ذكرك انه
لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟


غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
"هاي الجملة قلتها غلط هاها"
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار

لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟

Bu Nasser Touffar - Walla la (Live From Joe Show interview)

عن الوقت والشك وشكله

شكل الوقت
كلمات وأداء: ابن حواري ويوزرسيف
إنتاج: ووردنكلف 2020

@big-yun-music @wardenclyph

الكلمات: 

ماشي أني حربي بصدري
عم تعملني
تعي ننقلني لمطارح حبها وتخذلني
عيشها وتقتلني
تقلي كل ما تسكت
تغني كل ما نام
ونعلي
أوقع تتجلي بكسري
اتسلى بخصرك
تتسلي بضيقي
أوسع وتضيقي
تفيقي
تصيري رفيقي
تديريلي ضهرك وبسيفك ع غيري تغيري
اغلط وتصيبي
تصيدي فريسة بقلبي شردت

تحطي الوقت
نحدد شكل الوقت
تخلي البحر يشتت شكل المد
خبي الشك
بحضنك شكك
حط بحضنك شكي ومد
رد
حط الوقت
حدد شكل الوقت
خلي البحر يشتت شكل المد
خبى الشك
بحضنك شكك
حط بحضنك شكي
ومد

حاسس بالسؤال فيني اخلع بواب
ما معي مفتاحها ولا معي جواب
وحاسس بالتشكيك في فرصة ألاقي
طريق جديد للشك أحلى من يلي بخيالي
ولسا في مطارح للفلسفة بالحواري
ندهن الحيطان شكوك وتسبقني حيطاني
ولسا في مطارح بالبيوت للحب وصدق
..لسا في وقت لحتى روح ولحق

حط الوقت
حدد شكل الوقت
خلي البحر يشتت شكل المد
خبي الشك
بحضنك شكك
حط بحضنك شكي
ومد
رد
حط الوقت
حدد شكل الوقت
خلى البحر يشتت شكل المد
خبى الشك
بحضنك شكك حط

بتخيلك غرفة، حيطانها سنين شهور وأصبعي
فبحاول أفتح بيبان الوقت بأضفري
وكل حرف بيطلع مني عدي إله ثانية
فبكبرلك انا وعم بحكي وانت عم تسمعي
وإذا لمست وعيك بصرخة ونام باللاشعور
مفتاحك أخد شكل شكي
وأنا مسروق مني ذاكرتي
بعيرك انتباهي إذا احترتي
اطوي شكي بيقينك وانسي شو مكتوب

حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد
حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد

وبتخيل حالي غرفة معدودة لحظاتها
محدودة أطرافها محفوفة أصابعها
بحدة الشك
وبتخيلها أصغر من إنو تكون لحظية
فبيطلع الصوت قبل ما انطق
بشك بالوقت
وشكل الفرق أكبر من إدراكنا
لأنو الوعي شباك أضيق من إنصافنا
وكل ما يوسع نتفة، بداية جديدة للشك
بتغازل حاسة من حواسنا
وإذا حاسة بسؤالنا..

حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد
حطي الوقت
نحدد شكل الوقت
خلي البحر يشتت شكل المد
خبي الشك بحضنك
شكك حط بحضنك شكي
ومد

شكل الوقت | ابن حواري ويوزرسيف | إنتاج ووردنكلف

instagram: https://instagram.com/seraj_3a?igshid=63a6xd8r167j
artwork:@sara.khayat
mixing/mastering:na3ora
المقطع الأول:
راكد لعندك 
فالت فيكي
متاهات 
 رجليي سيوف
و قاطع فيكي مسافات 
بمضي شوارعك وانا بإيدي هالاقلام
لذا عم نمشي تنين تنين رباعيات خيام
فلا تغني يلا تنام 
لما نال
 بإيدي حلمي 
بكل منام
 بإيدي حلمي
و بشتاق للناس 
بنحاز للكاس
 لما كون واقع ببكرا 
و كل ما فيق براسي فكرة
بحتاج ل وراق
على قدم و ساق
اديش ضليت بحارب؟
مبلط سقف حلقي و ما عم اوصل بحارك 
اوصل بحالك
 بليل و حانة 
 حتى بحزنك حلوة انتِ و انا دمعي مالح 
و لسا جاهل
 بس بكتب كتب إن ذكرتك
متل ولد قبل ماما بلساني نطقتك
ف حبيتيني احكي
بس خفتي من الاحزان 
و انا عم حلفك تحكي
بتخافي اني احكي؟
اللازمة:
شو ما بحكي ببكي إلا لما احكي عنك×٧
لهيك بكل اوقاتك بتحبيني احكي عنك
المقطع التاني:
اكتب عن الناس
 ولا اكتب عن عيونك؟
ما انا بكتب عن الناس 
لما اكتب عن عيونك
ف البسي توب الكلام
 و انا بإيدك جرايد
قربي
نامي بقلبي
اسمي
بلبسو جلايل 
ليكني عم بخاطب ، اسمك شوارع 
فيها مقابر
 الي فيها معارف
نادو بشعارك 
صارو بشواهد 
ذاتا المعارك 
قد ما اتغيرو الجنود 
و لو بيوم انكسر غصني اتذكري الجذور
اتسكرو العيون
 بسرق منك النظرات
و كل ما تضحكي  بنشافة اتحمميني بالأحزان
و لما فيق على رسايلك انا بحسّا منامات
انا صوتي محيط
و الصمت بركة 
انا حقي عنيد
و السلم نكتة
هاد شط التردد و انتِ فيه يقين
 و انا كلامي بحر اوعي تشكي فيه

سِراج - حديث رطب

Bu Nasser is a Lebanese rapper and writer whose music speaks for the silenced and the marginalized. Since launching his career with Touffar’s As7ab El Ard in 2009, he has become one of the most commanding voices in Arabic rap, blending uncompromising lyrics with raw energy that turns every show into a collective experience.
From the streets of Lebanon to sold-out venues in Turkey, The Netherlands, France, Switzerland, and Germany, Bu Nasser has proven his ability to move massive crowds and headline some of the biggest rap events in the region. His performances are intense, urgent, and unforgettable. transforming audiences into communities bound by rhythm, resistance, and release.
In 2025, he released Limbo, a groundbreaking album that captures the turbulence of the present and the weight of a haunted past, created with forward-thinking producers from the region and beyond. The album’s release tour marked one of the year’s biggest independent rap movements, cementing his place as a cultural force who thrives on collaboration, innovation, and impact.
Beyond music, Bu Nasser is also an acclaimed novelist, with two published works that have reached international literary exhibitions, expanding his reputation as an artist whose words hold weight on page and stage alike.
For promoters, fans, and collaborators, Bu Nasser represents more than rap, he is proof of how art can electrify, unify, and leave a mark long after the lights go down.

وشنق نفسه في غرفته خمسة مرات بخمسة افكار جديدة


بو ناصر الطفّار و رائد غنيم - محكي / جلّاد ، عالمدى الطويل

Bu Nasser Touffar

Recent comments

tifa

tifa

majd kobeissi

Francis.Helayel

Related tracks