كلمات : بهاء جاهين
ألحان : مودي الإمام

– طول عمري صعلوك صايع متشرد
بعكوك متهان غلبان وسط ملوك
= روق بس يا واد أمال بكره تحلو الأحوال
بكره يجونا يترجونا علشان غنوة أو موال
– بكره تجونا تترجونا علشان غنوة أو موال
* كدهه.. أما صحيح ملاحيس، قال إيه مش عارف إيه
قرع ونزهية وفلاحيس، اتنيلوا ده عشم إبليس
– حتشوفوا طريقنا مودي لفين
= علي ما تهل سنة 2000
حنكون فوق
– فوق فوق فوق فوق
وأطول واحد فيكوا حيجي
= تحت كتافنا كده بشبرين
& جربوا صنعتي وانسوا المدعوق الفن ده ولا الأبعد إيه
روحوا اعملو عاهة وتعالولي
هديكوا يومية 3 جنيه
ها قلتم إيه؟
– حتشوفوا طريقنا مودي لفين
= علي ما تهل سنة 2000
حنكون فوق
– فوق فوق فوق فوق
وأطول واحد فيكوا حيجي
= تحت كتافنا كده بشبرين
$ بستغرب ع الأشكال دي
يبقوا طافحين الدردي
مش لاقين ياكلوا برضه
ويتنفشوا زي الدندي
+ شايف يا شاويش.. شاهد يا شاويش
نازلين مألسة فينا وتلطيش
@ مش عارف مين ده يا حلوف
ده المليونير معروف معروف
هو انت تطول يديك شلوت
روح بوس إيده وخد مصروف
= إن شالله يكون الغندور ذاته بكره هيشوف
– حتشوفوا طريقنا مودي لفين
= علي ما تهل سنة 2000
حنكون فوق
– فوق فوق فوق فوق
وأطول واحد فيكوا حيجي
= تحت كتافنا كده بشبرين
* مش ممكن أبدا ولا يمكن
& الاهتم مش ممكن حيسنن
$ الأقرع هيتنه كدة أقرع
واللي بيحلم راح يتجنن
+هتشوفــــــــــــــــــوا

سنة 2000 - ممدوح عبد العليم وليلى علوي

من أنا لأقول لكم ما أقول لكم؟

Web show Presenter at Mbc Masr & Social media specialist at صدى الملاعب and أكشن يا دوري

سنة 2000 - ممدوح عبد العليم وليلى علوي

Mohamed Youssef