راجعة بإذن الله
إذا ما إجا شي من الله
جربنا نتكل عليكن
عدنا اتكلنا ع الله!..

راجعة بإذن الله 
على أنحس بإذن الله 
لا تفكرها عم تقدّم...
راجعة بإذن الله...

يا بلدٌ يحسدنا اجانب
عا مناخو و عا هواه
يا شعبٌ منقلبٌ حرٌ
كل واحد عايش عا هواه
سامحهم يا أبتاه... يا أبتاه...

طار الملك وطار الشاه
طاروا بعون من الله
صلوا يا عمي صلوا له
ما كانوا طاروا لولاه...

يا جيلٌ قلبو على بلدو
قاعد يظبط بسماه
بلد ظابط مثلما هوي
هيدا هوي.. هيدا إياه
باسم الآب... وبسم الله
بسم الله...

راجعة بإذن الله
ان قلتوا "ايه" وان قلتوا "لا"
ما في رملة بهالصحرا بتُحرُك
إلا بوحي من الله
...

Raj3a Be Eznellah - Ziad Rahbani \ زيـاد الرحباني - راجعة بإذن الله

وقفنا الشعور زياد الرحباني ومايا دياب

يا أما فل،يا ، يا أما ضل و افقاع 
يا أما حل ، يا، يا أما لف و رجاع 
وصلوا الجرايد شوف، نقيلي أي جريدة. 
هجيلي كل الحروف،ركبلي جملة مفيدة:
ضرب قيس عمرا في شارع الحمرا
مبارح كان عيد الجلاء وبكرا عيد البقرة

زياد الرحباني-و ليس غداً

الطبقة الإرتوازية - زياد الرحباني

الو خليل - زياد الرحباني

قضّيت عشر سنين ، عشر سنين .. أيّا ، عشر اتنعشر سني عاني وأتعالج بتسكير بميلة من مناخيري، 
كان عندي ميلة مسكرة كلياً يعني
في انحراف بالغضروف مدري بالأخلاق اللي دغري فوق المناخير.. مش مهم
المهم انو بيدايقو كتير
وبيديقوا الخلق اللي نازل من الأخلاق
وبيأثروا عالنفس 
يُضاف إليهِ نوع من السينوسيت المزمن يعني 
ومن فترة، ما عاد فيي يعني
قالولي بدا عملية، وقررت وعملتا للعملية تأرتاح
شي فتحوا شميت ريحة خرا
ريتو ما حدا يشمّا يعني
أنو هيك كنتو عايشين ؟ هيك، هيك كنتو شامّين وما عم يقولولي ؟
لاه يي .. العمى مبعرف كيف طايقين حالكن 
احكوا وليه ، ليه ما بتحكوا 
ولشو عملت العملية لكن

زياد الرحباني-ريحة خرا

 في إحدى الليالي مر صاحبنا الموسيقي من إحدى الزواريب وصادف هناك (زبالا) شابا نحيلاً يجلس على الرصيف ويقرأ أحد الكتب المرمية في القمامة، أثاره المنظر وأدهشه، ولم يستطع إلا أن يقف ويلقي التحية على هذا الزبال، ودار بينهما أول حديث، تعرفا من خلاله على بعضهما البعض ونشأت بينهما صداقة وعلاقة ثقافية غريبة، فلكل منهما مهنة غريبة قد لا تدعو إلى الفخر ولكنها شريفة، خاصة أنهما يحيطانها بأدمغة مثقفة كل على حسب قدرته.  
اعتاد العازف المرور على صديقه الزبال في كل ليلة، واعتاد الزبال على أحاديث الشاب الطريفة عن أبناء الطبقة المخملية التي يقضي وقته كل ليلة بينهم، ومع الأيام عرف الشاب أن هذا الزبال ما هو إلا مناضل صغير أخطأ القدر في وضعه بالمكان الصحيح، فهو شاب طموح شيوعي، انتسب إلى الحزب الشيوعي بعد دراية وثقافة وخبرة، ولم يكن انتسابه عبثا، ربما أعياه الفقر ولكن قضيته أهم عنده من أن ينشغل بالإعياء. هذا هو (صبحي الجيز) زبال الحارات البيروتية.
 وأيضا كانت الأيام تمضي ولكنها هذه المرة كانت تحمل معها مستقبلا آخر، أصبح الصديقان أكثر قربا وأدرى بهموم أحدهما للآخر، وراح صبحي الجيز يحدث الشاب عن الحزب الشيوعي، وبدأ الشاب يقتنع بأفكار الحزب، ويقصد صاحبه كل ليلة من أجل أن يسمع ويتعلم أكثر، ورغم أن مصادرهما كانت أغلبها من الكتب المرمية في سلال القمامة إلا أنها كانت تفتح لهما أبوابا للنقاش لا تنتهي.
أصبح الشاب يتخذ من صاحبه (صبحي الجيز) مثلا أعلى في النضال ضد الساسة اللذين لا يهتمون بالمهمشين والضعاف، وبدأ يتقرب من الحزب الشيوعي أكثر فأكثر، وهو يزداد قناعة بأن الفقراء ليسوا حثالة المجتمع كما تعود أن يعاملوه في مطعمه الفاخر، وأن الكادحين هم شرفاء تحتم مصيرهم أن يعملوا بأجور زهيدة وليس لهم خيار آخر،… أفكار كثيرة بدأت تملأ صدره برفض الظلم والفساد والإقطاع، وأنه لا بد من الثورة على هؤلاء المتغطرسين الذين يجلسون كل ليلة ليتفاخروا بالسخافات.ومساعدات صبحي الجيز تقدم الموسيقي الثائر وانتسب إلى عضوية الحزب الشيوعي ليصبح رفيقا من رفاق الكادحين والثوار، قرر الشاب أن يتقدم بهذه الخطوة العظيمة، على يد الرفيق صبحي الجيز، والذي كان منذ البداية يرفض إلا أن يناديه بـ “الرفيق صبحي” .ـ
وتمضي الأيام الى أن خرج العازف في إحدى ليالي الشتاء الباردة قاصدا مطعمه الدافئ والفخم، ليقدم وصلته الموسيقية ولكنه قبل ذلك قرر أن يعرج إلى الحارة التي يتواجد فيها رفيقه من أجل أن يخبره بسعادة غامرة عن اتخاذه القرار النهائي بإنضمامه الى الحزب الشيوعي، وأنه قرر أخيرا وعن كامل قناعة وهو متسلح بكل أشكال الثقافة أن يصبح رفيقا مع رفاقه الكادحين والثوار المساكين..وعندما وصل في عتمة ذلك الليل البارد إلى الرصيف الذي يسكنه صبحي… وجده مسجيا على الأرض بين أكوام النفايات والقمامة والزبالة، معانقا مكنسته وقد غفا الغفوة الأخيرة بجوار صندوقه وكتبه وقصاصات الجرائد والمجلات . 
مات صبحي الجيز… مات الرفيق صبحي الجيز.. قتله البرد البيروتي.. ظل ينتفض من البرد والحمى تغتاله رويداً رويداً، وليس لديه ما يشتري به الدواء المخفف للحمى والمضاد لميكروبات الأنفلونزا القاتلة…رماه البرد بين أكوام الزبالة.. إستيقظ يا صبحي،،، ـ
عفوا… استيقظ يا رفيق صبحي
 جئت لأخبرك بأنني معك.. ـ
اليوم أصبحت رفيقك،
لا تتركني وتمضي .. هذه عادة الأيام الخادعة وليست عادتك… قم يا رفيق، فأنا بدونك لست أدري ما سأفعل.  
في تلك اللحظة أمطرت بيروت بشراسة ..كانت غاضبة سماء بيروت… وكنت منهوكاً خائر القوى .أجلس على رصيف الكرامة مع صديقي الصامت .. أمطرت عيناه في ذات اللحظة قهرا.
 من الكشك في الحارة المجاورة إتصلت بإدارة شئون الموتى ليأتوا ويحملوا هذا الميت.. الذي لم يكن يمتلك ثمن شراء بطانية أو معطف، لكنه يمتلك قلباً يدفء كل العالم .. تأخر الموسيقي ساعة عن موعد وصلته الموسيقية ، ولكنه ذهب مكسوراً في حلقه غصة مرة .
 اتجه الموسيقي الحزين إلى مطعمه الدافئ والبرد يسكن في شرايينه، دخل إلى الصالة المخملية، واتجه إلى صدر المطعم حيث ينتظره البيانو… سمع التصفيق البارد والمعتاد .
 فقال : كفاكم برودا… فالبرد قتل صديقي..ورفيقي صبحي الجيز. وضع أصابعه على البيانو.. وبقلب ثائر ومكلوم… بدأ يعزف لهم ولأول مرة لحنا من موسيقى الجاز… ـ
فزع صاحب المطعم واقترب إليه ليخبره بأن هذا النوع الموسيقي محرم هنا وممنوع بكل المقاييس. 
 رفض أن يستمع له، واستمر ينقر أعصاب الحضور بموسيقى الجاز، فاستشاط المدير غضبا واقترب منه وقال له: “بس يا غبي، خلصنا بقى”، 
 هنا نهضت إحدى جميلات المجتمع وقالت له موبخة بلهجة مليئة بالاستعباد والفوقية: “يعني هلأ إنتا شو قصتك؟؟ نظر إليها وهو مايزال يعزف ثم غني تلك الاغنيه

زياد رحباني - صبحي الجيز

شو مخبرينكن؟

شو مخبرينكن؟
و شو خبروكن تا جيتوا و فتّوا؟!
بأي حقد عبوكن تا بلشتوا الحرب؟

ولا إنتوا "جيش" ما بتسألوا؟!
يا عسكر سوريا .. شو قالولكن قبل ما فتّوا؟

قالولكن شي ولا قالولكن مشّوا؟
وقت حملتوا هالسلاح كلو... وقت دوّرتوا الدبابات و زقيتوا الصواريخ بشو فكرتوا؟

ما في منكن حدا فكر عالقليلة؟!

مش "سأل"، لأنو يمكن ما فيكن تسألوا!
بس ما في حدا منكن فكر "شو"؟!
"وين رايح أنا"؟
ما في حدا منكن رايح عالجولان قبل بمرة و شايف الجولان؟
ما حدا منكن فكر "مين رايحين نقاتل"؟!
أو هيك إنتوا جايين تقاتلوا؟
ما حدا منكن تطلع مقابيلو مين في بالميلة التانية حامل سلاح؟
ما بين عليكن شي فلسطيني .. شي لبناني؟!
شو خبروكن.. شو فهموكن؟

ولا لا خبروكن و لا فهموكن؟!
قالولكن جايين تحمونا؟ جايين تدافعوا عن فلسطين و عن القضية؟
قالولكن "في متآمرين عالقضية موجودين بلبنان .. موجودين بالجبل" .. هيك معقول؟

معقول هلأد في "متآمرين" بلبنان؟
منين فاتوا عا لبنان؟ منين فاتوا كلهن؟ كيف صاروا كلهن بالجبل؟
منين جمّعوا بعضهن تا صاروا كل هلأد "متآمرين|؟
أو قالولكن "عم ينفذوا مؤامرة إسرائيلية إمبريالية"؟
طيب ما شفتوا شي آرمة إنتوا و فايتين؟ ما شفتوا شي آرمة زرقا مكتوب عليها "ترشيش" .. شي آرمة مكتوب عليها "بوارج" .. شي آرمة مكتوب عليها "قاع الريم"؟؟
طيب! .. هيدي الآرمات ما في منا بالجولان!.. هيدي الآرمات بلبنان!
أو إنو هيك بس بدكن تقاتلوا و تربحوا مين ما كان يكون؟!
عم بيقولوا بإذاعة سوريا –و أكيد اهلكن عم يسمعوا إذاعة سوريا- عم بيقولوا غير شي بالمرة : عم بيقولوا "مطرح ما إنتو موجودين في أمن و الحالة هادية و الناس رجعت عا أشغالا"

و إنتو موجودين و بتعرفوا.. بتعرفوا الحقيقة!
بتعرفوا إنكن عم بتقاتلوا و عمن بيقاتلوكن .. و مطرح ما إنتو في حرب
عم تسمعوا إذاعة سوريا؟ ولا ما فيكن تسمعوها؟
طيب، عم تسمعونا إلنا؟ ولا كمان ما فيكن تسمعونا؟
مش عم تسمعوا شي يعني!
مسكرين عليكن الدني و عم بتحاربوا؟!.. هيك عم بتحاربوا؟!!
طيب و اللي عم بيموتوا منكن شو هاو؟ و ليش عم بيموتوا؟
عم بيموتوا لأنن مسكرين عليهن كل شي.. و لا إلهن حق يسألوا و لا إلهن حق يعرفوا.. بس إلهن حق يموتوا؟!
وين العروبة و القومية؟ و الحرية و الوحدة و الإشتراكية؟ و العدو الغابر؟ و العدو الغاشم؟ و الأرض المغتصبة و التحرير و العدو المشترك؟ كلن هاو راحوا بقذيفة عا "بحمدون"؟!

إنو فكركن عم تنتصروا ولا رح تنتصروا؟

ما سمعتوا شي إذاعة.. شي موجة مشوشة واصلة بالغلط .. شي واحد عم بيصرّخ عن الغزو السوري؟
إنو ما سألتوا ليش هلأد هالزلمة عم بيصرّخ؟ أو قالولكن عنو "هيدا أخوت"؟
طيب اللي قاوموكن بصيدا هلأد .. و ما خلوكن تفوتوا عا صيدا.. هودي كلن شو؟ مين؟ ما سألتوا حالكن مينن هودي اللي هلأد كتار و مسلحين ومعهن آليات و دبابات و مدفعية؟ أو قالولكن هودي عصابات؟ معقولة يكونوا عصابات؟ بس عصابات؟!

طيب ما سألتوا ليش اللي هربوا من بيناتكن و التحقوا باللي عم بتقاتلوهن : ليش هربوا؟ ليش تمردوا؟


مش حاسين في بلبلة حواليكن؟
هلأ نحنا عم نحكيكن و إنتو يمكن مش عم تسمعوا!
بس نحنا عم نحكي بركي شي واحد منكن أو اتنين بيسمعوا
يا عمي ما فكرتوا ليش صرلن كل هلأد ما عطيوكن مأذونية؟

ولا قالولكن: "حالة حرب"؟
طيب إذا بكرا شي نهار عطيوكن مأذونية من هالمؤامرة و رجعتوا عا سوريا و سألوكن الولاد بالضيع : "شو كنتوا عم تعملوا؟" شو بدكن تقولولهن؟ "كنا عم نقاتل"؟ "عم نقوّص"؟ هيك : "كنا عم نقوّص"؟!

إنتو عارفين أديش مكذبين عليكن حكامكن؟ يا ريت فيكن تعرفوا!

معقول كل هالكذب الرسمي العلني؟

معقول الكذبة كل هلأد بتطوّل و كل هلأد بتدوم؟
معقول كل هالإيام مرقت و بعدها ما انفضحت الكذبة؟
طيب ما حدا منكن سأل: ليش وصلوكن عا "عيون السيمان" و وقفوكن و قالولكن "من هون اتركوا الطريق مفتوحة و خلوا العالم تمرق"؟
معقولة منطقة كلها أوادم .. و منطقة كلها متآمرين؟
بالجبل اليوم عم بيقاتلوكن... عم بيقاتلوكن يعني: ما بدن ياكن تفوتوا !
و كونوا أكيدين إذا جربتوا تفوتوا بعد "عيون السيمان" كمان..كمان رح يقاتلوكن!
طيب ليش؟ اسألوا ليش! ولك اسألوا شي مرة!!! 

عالوجع - زياد رحباني

"..خليني بحياتي اكون يا عاشقة شخص موزون.. يا رايقة لحالي"

Monodose :ألبوم
موسيقى: زياد الرحباني


.

ما منيحة الرسالة
ما منيحة الرسالة، ولا الحب الخيالي
خليني بحياتي كون... يا عاشقة شخص موزون، يا رايقة لحالي
مفهومة الرسالة، وبتفوق احتمالي
مش ليلى أنا تا تكون... مجنون مش ناقصني جنون، خليني بحالي
!هيك بس

كلماتها رتيبة، بعيدة ومش قريبة
صفحة وحدة فيها...12 مرة حبيبي
حاكي ع النهاية، عن عيشة بلايي
شو متصور فيي ساوي بهيك حالة
مش زابطة الرسالة، هي غيرة سآلة
قال أنتي حياتي قال، قال ضاع بالهوى ع الشال، تا ضاع بالليالي
لو تنسى الرسالة، وصاحبة الرسالة
مش كان أحسن الموضوع، ما تعود مغروم وموجوع... وتلاقي بدالي
هيك بس...
!روح
ليه دايماً إيديي، شعري أو عينيي؟ ليه ما بتحكي عن غير اشيا موجودة فيي؟
حبك مش حقيقي، انسى يا صديقي
إذا هيدا إحساسي، شو تركت للأهالي؟
ما منيحة الرسالة...

-------------------------------------------------------------------------
(الأغنية الأصلية باسم “سهرانة لحالي” بكلمات أخرى، غنتها قبل سلمى هدى حداد (أخت فيروز
كلمات و وتوزيع  زياد الرحباني
ألحان:  أنطونيو كارلوس خوبيم

زياد الرحباني-ريحة خرا

Hussein chaalan-2