Name: البَحر يِرمِي رُوحُه فِيكِي يَا زِينَب by CaptainEch
Duration: 3 min 32 s
Description: من مسلسل الخواجة عبدالقادر

اهداء للقصيدة التي كتبها الله لنعلم السر. شعر- أحمد مجدي.إلقاء- صفاء أبوصبيحة

على الهامش
نزود فى الكتابة حروف 
بنسبه كل شئ ملهوف 
فيرجع كل يوم مخطوف 
وتاني نطوف 
طواف عابر سبيل للدنيا بين قلبين 
على الهامش 
بنمسح حرف فبينزف عليه سطرين
ونقسي على الحياة يمكن 
تشوف قسوتنا هي تلين 
على الهامش 
نحب بقلب مش مغشوش 
نِبِّل الروح بدون ما تبوش 
نرجع كل شئ سيبناه 
لناس مشيوا وماهتموش 
ببايع قلبي ليكو امام 
فبسرق م السطور أقلام 
نصيبي من الكتابة حروف 
بتبكي الليل بدون ما تنام 
نصيب الثورة ع الهامش 
حدود بكرة 
نصيب الصحبة ع الهامش 
بيبان ذكرى 
نصيبك انتى علي فكرة 
يضيق لو يبقي ع الهامش
على الهامش 
قوارب صيد 
وبحار يرمي كام شبكة يصيد الناس 
فى ناس الجوع بيسرقها 
فتملكهم بطُعم رخيص وشَربة كاس 
تقيدهم بأفكارك / وتجعل منها افكارهم 
تطفي بجلدهم نارك / وتنفخ جاز فى مواقدهم 
على الهامش فى ناس غيرهم 
تعيش الدنيا بالنية 
ومين لو راح ماهوش راجع 
وكل الجاي ملوش دية 
دي ناس لو ذكروا كل الكون 
هتفضل بردو منسية 
على الهامش رجال فرعون 
علي الهامش كنوز لقارون 
على الهامش بواقي سنون 
قلم مقصوف فى اخر سطر ف كتابته 
يجوز لو كان ولد ساكت 
بيسجد (ذل ) فى عبادته 
يجوز لو كان طبيب فاشل 
بيقتل أهله فى عيادته 
مكانش نفوه فى مملكته 
وكسره سنونه لكن سن 
سابوه يشهد على نهايته
على الهامش 
بواقي النيل في قلب العاشق السهران 
بنات بتميل قصاد عابد بيقرأ ورد م القران 
ومزيكة أغاني الست واخر ربع ف الفرقان 
على الهامش 
شتا وامطار 
واخر فرد جوا الزار 
واول مرة اكون درويش 
وكفري بكل شئ بقشيش 
عشان الشئ بدون مجهود 
يموت تأثيره لو هيعيش 
نصيبي من الصحاب فرقة 
نعيش العمر يوم سرقة 
ونسرق م الكلام ورقة
نسيب الكل ف المينا
نحب حاجات نعيش ليها 
لكن ماتكونش يوم لينا 
نروح لقلوب 
بتحفظ صم أسامينا 
نشيل الدمعه للفرحة 
وناس ميجرحوش فينا 
نشيل الفاس لارض عمار 
نجيب دراويش لباب الزار 
تعيش الثورة بالثوار 
وننحت بكرة بأدينا 
على الهامش حاجات اكتر
عن الاحزان هتلهينا
على الهامش مفيش هامش
على الهامش حياة انسان
بتكمل بس بالهامش 
بيحلم لو يشوف الكون 
يدور لكن على الهامش

على الهامش

المزيج هذة المرة عبارة عن اصوات حقيقية لأهالي الشهداء منذ اندلاع الثورة حتى حادث انفجار مديرية أمن الدقهلية.

عاوز اقولكم انا تعبت نفسياً ازاي وانا بجمع الماتيريال للمزيج ده وكنت متردد اني انزلة عشان هو فعلا مؤلم
. 
اسف

بأي ذنب قُتلت

أثر الفراشة لا يرى
أثر الفراشة لا يزول
هو جاذبية غامض
يستدرج المعنى
و يرحل حين يتضح السبيل
هو خفة الأبدي في اليومي
أشواق إلى أعلى
و إشراق جميل
هو شامة في الضوء تومئ
حين يرشدنا إلى الكلمات
باطننا الدليل
هو مثل أغنية تحاول أن تقول
و تكتفي بالاقتباس من الظلال...ولا تقول

ريم بنا - أثر الفراشة

من مسلسل الخواجة عبدالقادر 

البَحر يِرمِي رُوحُه فِيكِي يَا زِينَب

عن الحب والحياه

أسوان..
زوجي الغالي/ الأسطى حراجي العامل في السد العالي..
أما عن إن احنا بنتشوّق لك.. ف احنا بنتشوّق!..
والشوق في قلوبنا ناسس نسسان..
ولايمنعناش من شوقنا ليكم حتى قطع الخطابات!
يا سلام والله يا حراجي يا سلام
ليه؟! غايب ليك يوم ولا ست أيام!
دا احنا دخلنا في رابع شهر!
والأيام تقلانة عليا يا أبو عيد..
وحكاية الشوق دي لا في الإيد..
 ولا ليها مواعيد!
--
تصدِّق يا حراجي؟
إنت قريب مهما اتغرَّبت ومهما طوّحنا المشوار..
حِسَّك مالي الدار.. وسيرتك زايحة وخم جبلاية الفار..
وأنا مش مكسوفة من الورقة اللي بعتناها!
حسّينا حاجات فينا.. قلناها!
وإذا حسّينا تاني.. هانقول!
إن صرخ القول في الحاشية..
عمر الخشم الحر ما يقدر يقعد مقفول.
--
جواباتك.. بتبل الريق النشفان..
وتنوّر بيت مافهوش غير ست عيون..
وأنا لو حبّيت الدنيا من تاني يا حراجي..
برضه ما يغنيش عن رؤياك..
والقعدة معاك
أنا عندي غسيل توبك ع البير..
بالدنيا وفرح الدنيا..
وبالخلق؛ كبير وصغير
--
واحنا يا حراجي لسا مافرحناش..
لسا ماقعدناش مع بعضينا..
وماتكلّمناش..
لسا ما ضحكت لنا روح..
واتبلّ لنا ريق..
واتبعزقنا طريق!
تبقى ما أوحشها طريق يا حراجي..
ما أصعبها طريق!

حسينا حاجات فينا.. قلناها! - جوابات الأسطى حراجي

" الإهتمام مش عيب"
***********************
نص: خالد كامل
هندسة وتية وأداء: زينب فرحات

صوت الونس

الاهتمام مش عيب

رممت شرخي..
وبمنتهى الفخر اللي نابع من إيمان شاعر بقضية الإنسان
بكيت.
أنا ما انتهاش حزني..
رممت شرخي بابتسامة وحزني مدفون تحت منه
وبقيت باقول وشفايفي مرسومة: حزني انتهي
مع إني مدرك إن أنا لوحدي يا حزني إللي انتهيت

تعرفني؟
مريت بشيء عدّى في خيالي وجعلي قلبي؟
جربت تهرب من مكان فوصلتله؟
وكرهت شيء أهلك مشاعرك كلها واستنزفك..
ومرّ بيك العمر وبقيت تعمله؟

(أهملت قلبي..
وأنا قلبي أجمل من قلوبهم كلهم..
ما كانش -أبدًا- يستحق إني اهمله)

الدنيا غير الدنيا دلوقتي
حواليا ناس غير اللي انا اختارتهم
كل اللي أنا اختارتهم ناسيين ملامحهم في قلبي
بيعيشوا دلوقتي بملامح غير
وحقيقي كتّر خير الدنيا على شرّها
علّمني شر الدنيا فعل الخير

بين إللي كنته وإللي لسه هاكونه
بيبص عقلي لقلبي في عيونه
ويقول له: شوفت!

(نظرة واحدة في عيني تفضح حجم خوفي)

وأنا قلبي شاف..
أكتر كتير م إللي أنت هتشوفه في عينيا

صعبان عليك؟
أقولّك الأقسى..
أنا كل يوم باصعب عليّا



#أحمد_الراوي





رممت شرخي

مات اللي كان مستني موته وهو ساير
جثمان فلان ابن الفلان ابن الفلان 
هذا الذي 
موقفش على باب الخليفة رغم جوعه 
خابز لصاحبه رغيف أمل من بين ضلوعه 
ملهوش مباديء
 بس كان صاحب قضية 
ملهوش قضية
 بس كان صاحب وطن 
ملهوش وطن غير المساحة اللي ف غناة
كات ايده عُليا رغم انه مش معاه 
كان عنده عزة تغني عن مال ال قارون 
ومنفعتوش 
اهو مات جعان علشان مركّبش القرون
ومركبهوش 



البَحر يِرمِي رُوحُه فِيكِي يَا زِينَب

CaptainEch

Related tracks