Art: Roberto Ferri - Santa Rosalia
Music: https://soundcloud.app.goo.gl/7x59n
https://soundcloud.app.goo.gl/bwrNj

النص:
بداخلي عدة شخصيات يمكنها التكيف مع كل موقف، يمكنك القول أنني أعطي لكل حدث طريقته التي يجب أن يُعاش بها.
مثلًا، عندما تكون الغرفة مظلمة ولم تعتد  عينيّ الظلام بعد، أُغمضهما، كأنني أزيد الظلمة فأتحول إلى شخصٍ فقد بصره، وأستخدم يديّ في إدراك ماهية الأشياء من حولي، فأُحدد مكان الكُرسيّ بجوار السرير، وأُحدد ملمس الغطاء وأصعد إلى سريري بكل هدوء.. لو أنني لم أفعل ذلك لتعثرتُ وسقطت على وجهي في الظلام بكل تأكيد.

في المرة الأولى التي غادرتَ فيها، عدتُ لتناول المُهدئات التي كنتُ قد أوقفتُها بمساعدتِك. كانت الشيء الوحيد الذي يقضي على عقلي ويوقفه عن التفكير وعن البكاء كأُمٍ فقدتْ جنينها قبل أن تراه بعد أن انتظرته طويلًا.

في المرة الثانية التي غادرتَ فيها، تحسستُ الوسادة بجواري، كأنني أتقفى أثرك، تحولتُ إلى امرأة غادرها الرجل الوحيد الذي ائتمنته وعاشت معه تحت سقفٍ واحد لسنوات، ثم دفنتُ وجهي بالوسادة وبكيتُ حتى كدتُ أختنق.
وعند السادسة صباحًا، ارتديتُ ملابسي وتكحلتُ وذهبتُ إلى العمل، وفي التاسعة مساءً كنتُ على سريري أُكمل وصلة البكاء كأنني لم أنتَهِ بَعد.

في المرة الثالثة التي غادرتَ فيها، خرجتُ من السابعة صباحًا وطفتُ المدينة كلها على قدمي حتى العاشرة مساءً، لم أهدأ ولم تؤلمني قدمي.

في المرة الرابعة التي غادرتَ فيها، خرجتُ إلى الشُرفة وضحكتُ بصوتٍ عالٍ، حتى استيقظت چارتي قائلة: لا أعلم من أي مُستشفى عقلي أتت هذه المخبولة!

في المرة الخامسة التي غادرتَ فيها...
أنا في المرة الخامسة الآن، ولم يعد لديّ ما يُفعَل حيال ذلك، وإنّ أسوأ ما يُمكن أن تَمُر به أن تفقد رد الفعل أمام الأمور السيئة التي تحدث لَك، أو تتوقف عن توقع ردود أفعالك.

إنها طريقتُك غير المهذبة في الرحيل دائمًا، ففي كل مرة أُظلِمُ حياتي وأقول أنّك نَچمٌ يُضيئُها، ثم تنظر حولك وأنتَ تعرف مَدى صِدقي، لكن بكل أنانية تُقرر المغادرة.
هذه المرة تهتَّكَتْ أطرافي ولم يَعد يُلائِمُها التَمَسّكُ بِيَدِك.
هذه المرة بُحَّ صوتي، فحتى لو ناديتُ باسمك لتبقى لن تَسمعني.
هذه المرة لا دموع لديّ حتى لأبكي غيابَك.
ماذا تنتظر من قلبٍ أكلَه الغياب؟!
من اليوم، أنا لا نچوم لديّ،
أنا نچمي الوحيد.

الأخير: من اليوم، أنا نچمي الوحيد-VIVRE.

ما لا نبوحُ بِه.

للأيام اللي بنصحى فيها شايفين الشمس بعد وقت كبير في الضلمة و بنمد ايدينا للنور اللي في اخر النفق ومنطولهوش..
للأيام اللي بتترفع فيها كل الستاير اللي حاجبة الضوء، وتتفتح كل الشبابيك اللي مانعه الهوا ويدخل ويطير شعرنا ويحسسنا اننا لسه بنتنفس..

ونبقي ممتنين لكل حاجة..
لشعاع الشمس، لريحه الجو، حتى التراب على السور  للزرع، للطيور، للون المايه، ولصوت العصافير ..

لصوت موسيقى من الافلام اللي بنحبها، لكل الاغاني اللي بنحبها اللي بتشتغل فجأة من الراديو او من اي مكان مش معروف مصدره وتخلي كل حاجه اجمل

لعصير الليمون المفضل..
ولكوباية الشاي بالنعناع بالليل وانا ببص على قمر على امل انه زي ما بتمني من وانا صغيره يكون لسه بيوصل كل الرسايل..
لشكل السحاب والنجوم في السما..
ولضحكة ماما ولحضنها..
لكل حاجة حبيناها كأننا بنخلص حبنا ليها كأنه اخر يوم في العالم.

للايام اللي بتأكدلي اني لسه مش عايزه اموت 
وإن في حاجات اكتر في العالم محتاجه ابقا ممتنالها هي كمان مفيش سبب معين للايام دي غير انها بتيجي علشان تقولنا منموتش

وبيباركها أصوات حبايبنا  واحضانهم، اصواتهم طول الوقت وفي كل مكان
وأحضانهم علي  قد ما بنطولها..

موسيقي فيلم أحلى الأوقات

للأيام - سارة طارق

Night Drive

Into The Night

على الهامش
نزود فى الكتابة حروف 
بنسبه كل شئ ملهوف 
فيرجع كل يوم مخطوف 
وتاني نطوف 
طواف عابر سبيل للدنيا بين قلبين 
على الهامش 
بنمسح حرف فبينزف عليه سطرين
ونقسي على الحياة يمكن 
تشوف قسوتنا هي تلين 
على الهامش 
نحب بقلب مش مغشوش 
نِبِّل الروح بدون ما تبوش 
نرجع كل شئ سيبناه 
لناس مشيوا وماهتموش 
ببايع قلبي ليكو امام 
فبسرق م السطور أقلام 
نصيبي من الكتابة حروف 
بتبكي الليل بدون ما تنام 
نصيب الثورة ع الهامش 
حدود بكرة 
نصيب الصحبة ع الهامش 
بيبان ذكرى 
نصيبك انتى علي فكرة 
يضيق لو يبقي ع الهامش
على الهامش 
قوارب صيد 
وبحار يرمي كام شبكة يصيد الناس 
فى ناس الجوع بيسرقها 
فتملكهم بطُعم رخيص وشَربة كاس 
تقيدهم بأفكارك / وتجعل منها افكارهم 
تطفي بجلدهم نارك / وتنفخ جاز فى مواقدهم 
على الهامش فى ناس غيرهم 
تعيش الدنيا بالنية 
ومين لو راح ماهوش راجع 
وكل الجاي ملوش دية 
دي ناس لو ذكروا كل الكون 
هتفضل بردو منسية 
على الهامش رجال فرعون 
علي الهامش كنوز لقارون 
على الهامش بواقي سنون 
قلم مقصوف فى اخر سطر ف كتابته 
يجوز لو كان ولد ساكت 
بيسجد (ذل ) فى عبادته 
يجوز لو كان طبيب فاشل 
بيقتل أهله فى عيادته 
مكانش نفوه فى مملكته 
وكسره سنونه لكن سن 
سابوه يشهد على نهايته
على الهامش 
بواقي النيل في قلب العاشق السهران 
بنات بتميل قصاد عابد بيقرأ ورد م القران 
ومزيكة أغاني الست واخر ربع ف الفرقان 
على الهامش 
شتا وامطار 
واخر فرد جوا الزار 
واول مرة اكون درويش 
وكفري بكل شئ بقشيش 
عشان الشئ بدون مجهود 
يموت تأثيره لو هيعيش 
نصيبي من الصحاب فرقة 
نعيش العمر يوم سرقة 
ونسرق م الكلام ورقة
نسيب الكل ف المينا
نحب حاجات نعيش ليها 
لكن ماتكونش يوم لينا 
نروح لقلوب 
بتحفظ صم أسامينا 
نشيل الدمعه للفرحة 
وناس ميجرحوش فينا 
نشيل الفاس لارض عمار 
نجيب دراويش لباب الزار 
تعيش الثورة بالثوار 
وننحت بكرة بأدينا 
على الهامش حاجات اكتر
عن الاحزان هتلهينا
على الهامش مفيش هامش
على الهامش حياة انسان
بتكمل بس بالهامش 
بيحلم لو يشوف الكون 
يدور لكن على الهامش

على الهامش

لهٌ..

رسايل الموت الأخيرة، (مزج) 🖤

ابقى ع طول

والله تستاهل يا قلبي.

الشعر النابع م الأشياء
غير النابع من جوايا
غير النابع من جوا عينيك
غير الموجود برا الشبابيك
غير شئ محسوس أو مش مادي
كان شعري رفيقي 
وانا لوحدي
وانا جوا الحلم
وبرا الحلم
و برا حدودي وأراضيكي
كان كل همومي اني اراضيكي
الكون بيدور جوا عينيكي
مفتون بيكي
زي المكفي
يمكن همسة صغيرة تكفي
تكسر حزني وتكسر سقفي
الشعر النابع م الأجواء
غير النابع من جوايا
كل الحكايات قلبها تفاصيل
كل التفاصيل شايلة حكاية
الشعر بيقدر يوصفنا
أشياء تسحرنا وتؤسفنا
جوا الوحدة والليل مطفي
الشعر بيقدر ينصفنا
والكون زي الإنسان 
عريان
بيغير لبسه مع الأجواء
أوقات ألوان
أوقات هذيان
الشعر النابع م الأكوان
غير النابع من جوايا
كان عندي رفيقة بتضحكلي
تحرق نجمات وتطفي شموس
كان عندي ف يوم أشياء تشبه
إحساس يشبه عالم ملموس
"مفتون بيكي
وباللي ماليكي
وبكل الأشياء حواليكي"
كان عندي رفيقة
بشرية
أو مش متأكد من كونها
كان كل جميل في الشئ كونها
كان عندي رفيقة ف أحلامي
هي قصايدي وهي كلامي
الشعر النابع م الأيام
غير النابع من أوهامي
بتمشّى على النيل في ليالي
مفيهاش أشخاص غير في خيالي
أنا وانتي وغيرتك وسؤالي
هل ممكن تندمج الأكوان
زي الألوان
أو زيينا؟
هل ممكن بعد الكون ما يموت
تتنسي حكاياتنا وأغانينا؟
كان كل رفيق محدود بطريق
بيموت بنهايته ويتحول
ذكرى طفيفة بتيجي وماتجيش
هل ممكن بعد الكون ما يموت
ترجع كل الحكايات وتعيش؟
الشعر النابع م الأساطير
غير النابع من جوايا
كل الأبطال جوا الحكايات
بيموتوا بنسيان حكاويهم
أساطير في الدنيا كتير لكن
مذكرش العالم أساميهم
أساطير
اتمسحت خطاويهم
متبقاش منهم حتى فتات
الشعر النابع م الأصوات
غير النابع من جوايا
بسمع أصوات جوا سمايا
ف ارجع أحن لأوقات فاتت
الغنوة اللي اتولدت بيننا
بسمعها برغم انها ماتت
الصوت في دماغي بيتشكل
على هيئة ناس وبيوت وحارات
العالم جوايا اختيارات
والشعر النابع م الخيارات
غير النابع من جوايا
اخترت ف مره اني اتبسّم
وف مرات تانيه اني اتقسّم
سنيت كلماتي ف وش النور
ولقاني العالم مُستسلم
أنا فين في الآخر؟
في مكاني
اشترى قلبي الحواديت لكن
بيعتها للعالم مجاني
والغنوة اللي اتولدت بيننا
ساكن دايم جوا وداني
الوزن أخدني ووداني
الشعر النابع م الأوزان
غير النابع من جوايا
كل الأشياء علشان تكمل
لابد يكون ليها نهاية
فَ الصوت آيه
والموت آيه
علشان يدي الحيوات معنى
هل ممكن بعد الكون ما يموت
نتحول أصوات تسمعنا؟
هل ممكن بعد الكون ما يموت
يتحول عالم يجمعنا؟
الشعر النابع م المعنى
غير النابع من جوايا
الوزن بيبدأ يتلاشى
والحرف بيفقد كلماته
هل ممكن بعد الكون ما يموت
حد يلاحظ حتى مماته؟
بتمشّى على النيل في ليالي
أنا مش فيها
ولا حتى انتي
الوزن اللي اتمشينا عليه
مبقاش يوصل عتبة بابنا
كسره غيابنا
مبقاش يفرق
أنا عايز اقولك في بعادنا
أنا عايش تايه بين حاجتين
مزيكا تعلم قلبي يطير
مزيكا بتحفر جوايا
والشعر النابع في غيابك
غير النابع وانتي معايا

غير النابع من جوايا

على الهامش

Ahmed Mohsen

Recent comments

Roqia

Omnia Barrani

Mohammed Soliman 21

Fouad

Related tracks