الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

مش إنتي نفس الواحدة مع إنها نفس القصيدة 
بتعقد فبتتعقد كل جُملة كانت بسيطة
بس أنا الحمد لله , مُتأقلم إلى حدٍ ما
ظهوري الأول الحقيقي بعد تمام تسع أجيال

أنا آسف إتأخرت عليكي في الرسالة الأولي
الأفكار مكانتش راضيه تتكتب جُمل موزونة
الأرض بدأت تخلص فالناس إتسعرت إجمالاً
الكوكب أصبح ضلمة و بدأ يسكت آله آله
كل ما زاد الوضع سوء سطوري بتغلي في عينهم
لو كل قريش سادة مكانش الدين إنتشر بينهم
كل شئ نسبي لكن إجتمعت الإختلافات
علي كون الإختفاء لكبر علو قرب مش إختفاء
دايما شبه بعض بس العيب في عينك إنت
أي جُملة في التراك تتقال في أي حتة
إنتي شعري و بيتي مكانك بين الورقه و بيني
مفيش حاجه مبتعرفش تبقي شبهك انتي في عيني
دايماً ربطانا حاجة حتي لو ملهاش مُسمي
بكتبلك إنتي بمعني مُختلف عن معني العامة
من غير ما أقابل خِضر فيا موسي بعد سفره
يونس في بطن الحوت مش في التخلي عن اللي كفروا

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجة و برضه حصلت

خليكي في نفس السنة لحد ما أجي متكبريش .. وعد
سيبي الأرض تلف نوعين اللف و ما تلفيش
الإختلاف هنا كالعادة قتل الرضا ، مفيش سعادة
تجربة ألف سنة بدون تراب عالجت نعامة
اللوحة دي لحبيبتي طفلة بتغرق بين الموج
الطفلة تبقي حبيبتي و هي طفلة و أنا الطوق
مضربش المثل ليه بوساخة اليهود في سطوري
روح هات كلام إلهي عنهم و أقعد فهمهولي
و أنت فعلا أنا طريقك بس الكُفر طريقتك
مش أنا إبن الإله مع إني بكفر عن خطيئتك
في موناليزا متدفنش إلا أما عينيها تغمض
تحدي الساعة البيولوجية كان في صالحى مرة
مواردنا بتخلص , متوسط أعمارنا بينقص
النظام بيأخر البشر اللي بدأت ترخص
بس و لا أحنا أول بشر و لا عايشين في آخر عالم
مفيش يوم كبرته مش مبعوتلك في الرسالة

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجه و برضه حصلت
________________________________________­­_____

3015

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker 3015 _ الجوكر  ٣٠١٥

الــــكــــلــــمــــات

خايفين على بكره بشكل عام عايشين حياة أبدية
فاهمين الزيف فى المطلق فـ بنتجاهل النسبية
يبان إن إحنا وهما نفس النوع فى كذا ظروف
زى ما بان من كل الجمل معنى ناقص مش مقصود

كثير من القصائد فى لقاء بضعة دراهم
تبدو بيعة رابحة لفاشل ، أو فى حاجة لإحترامك
كبير على الجحيم ، مش كبير على العقاب
محتاجة وهم أد إيه علشان أبان سراب

أحيانًا اللى إختفى يكون أهم من اللى إنتشر
بتكلم بعض لغات الكون وأفضل لغة بشر
إنت جاهل بالروابط ، بالدوافع ، بالفروض
فالنتيجة إن إنت خايف ، والمفاجأة إنى مرعوب

حقيقة كل حاجة فى كل حاجة ... تكافئ فرص
الحيوان بيفيد ويستفيد بالفطرة والتجربة
يقول عليا صدفة ، بس يوضح إيه الصدف
بييجى فى الإشارة الخضراء كل مرة ويقف

عقلك مش متسعلى ، هجومك بيدافعلى
إشحن نفسك منى بس مش بـ طاقة بتعمى
طول ما دى أغنية طول ما فى حاجات نقصاك
إستمر فى السقوط حتى لحظة الإصطدام

مش شايل هم إن أنا هنام وهصحى إنت أنا
شايل هم إمتى هتبقى جاهز تقبلها وتقبلك
مرة ، أوعى نقطة تعجبك فـ تغرك
مخلوق علشان تشكل فرق فالثبات بيضرك

موت تعيش ، وعيش تموت فجأة
كتير من الغباء إنك تعيش اللأ
مين اللى موضة يا مسخ أعور ؟ سوقنا سوداء يا عملة صعبة
إسأل نفسك ليه مخلصتش بإختيار آدم بضاعتك؟

مُتخيله ، بيستعملنى عكس ما بستعمله
إزاى هحل معادلة صح لو فعلا بهمله
فكر كتير فى السهل ، وإشتغل كتير فى الصعب
إنت والأيام بتتحركوا بسرعة بعض

شكل العلاقة بيننا عمره ما يجبرك تنافسنى
مهم أنقذك طول ما مهم إنك تنقذنى
عمرك ما هتبقى شخص فى إيده العالم شله
اللى هتحتاج تعرف إنك كنته فينا هتسمع عنه


لو كنت مسكت فيكى كان زماننا زى ما إحنا
محتاج يفضل ناقصنى على الأقل قطعة واحدة
دايما تخطفينى للحظة هادية وسط الزحمة
مقولتش الوحيدة ، بس خطفتك أحلى

صبرنى هامش التفكير على صمت التعبير
غلطت فى التقدير فـ إتعاقبت بالتأخير
رسامينك يا كذا وصلتنى للأسف رسوماتهم
عارفهم ، فـ عارف شكلك إنت باستثنائهم

أول ما عرفت نفسى قلت واخد 100 قيراط
بدأت فوق الصفر ، لكن عكس التيارات
الندوب دى تعلمك إمتى بكل رضا تضحى
الجرح كان عميق لما اللى إتجرح كان سطحى

مش هييجى من المدينة خير مجاش من الضواحى
كنت هلاقى علاج لمرضك بس القرد مكانش صاحى
خليك إتفرج ، يمكن تفهم حاجة فى مرة
ولا تفسدها ، ولا تفسدك ، ولا زى كل ضئيل تتمرد


استمرى فى الإيمان طول ما لسه مفهمتيش
إقهرى شيطان الشك باللى بالفعل عرفتيه
موضوعنا هياخد وقت ، هياخد وقت طويل
هنزل قبرى مبتسم للعالم اللى نفسك فيه

بتعبر عن الزيف بزيف الواقع فـ بتلمسهم
إعتمادى على فطرتهم وإعتمادك عاللى ناقصهم
بتطلع عاللى يفيدنى ، إنت فاضى ، الوقت هاممنى
سطورك بالنسبالى طفل بيخبط ويجرى

بدأ لامع وبينطفى ، بدأت مطفى .. بلمع
بعتقدنى لما بكتب بنتقدنى لما بسمع
قرون من الإهمال وإنتى بالتدريج بتضيعى
ميراثنا من السطور الدائمة أقل من الطبيعى

منسحبش بإنتقاد ، أنا أقوى مدمن إعتراف
حقائقى متجاهلتش أى طرف من الأطراف
مفسر قبل كاتب ، عارف كل عيوب تفسيرك
بكتشف الجوهر مش بخترعه ، بخترعله صيغة
________________________________________­___
Hamesh El Samt

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ Hamesh Elsamt / الجوكر _ هامش الصمت

الــــكـــــلــــمــــات

كل مؤمن مُخلص عاش بيستمتع بإيمانه
و اللي إيمانه بحق ثوابه هو أبدية إستمتاعه 
يكون مظبوطلك المسمار و تكون لأبد جحا 
فرصه أسعد من أنبوبة أكسجين في زحل 

كلامي عن الإيمان بشكل عام مش التوحيدي 
خلينا متفقين انها لا في إيدك و لا في إيدي 
رحمة لل(ع)المين ، كل شخص صالح دين 
شكرا عالإرشاد و شكرا طبعا عالطريق 

بضطر ألعب أفلام معاكوا فبختار المنسي 
كفرعون بكتب عالحيطان بتشغلولي نانسي 
هات من جملي معني بعيد أجيبلك أبعد، أنا متابعك 
سابع حرف ع الحرف السابع، جملة 7

لو لسه فيه أساطير خلاص معادش فيه غلابه 
طول ما انتوا موجودين مفيش داعي لتشبيه من الغابة
احترفوا صناعة الكدب لما استخسرتي تراجعيه 
لبانه متتهضمش قبل بعد سبع سنين 

Don't give yourselves to these unnatural men 
Machine men with machine minds and machine hearts
You are not machines , you are not cattle 
You are men , you have the love of humanity in your hearts

عزيزي الغربي أخيرا مصر أحرجت بلادك
الطفل هنا مفقدش جيشه و فقد كل حاجه 
قضوا عالصحه و التعليم، لا شوفنا دولة و لا طولنا دين
شالوا عسكر، حطوا عسكر ، بينهم كوبري متأسلمين

بابا انا جبت مجموع كبير ، نفسي في آداب ... أطلع أديب
إكتب يا ابني آداب براحتك ... بعد هندسات أقاليم
افتكر إن البلد دي ليها أصحاب و ليها شعب
اللي فوق دايس اللي تحت و خايف علي النعل

كل شخص إتدعي أذي ، كل شخص سعي و بذل
جهد لحفظ قيم في منعزل عن مبتذل
أكيد براجع نفسي ساعات ، أنا مش سبب إن إحنا بعاد
لازم ختام السنة يكون مفاجأة بدون ميعاد

بعمل فيها ميت علشان كله ياخد راحته 
بشكر كل شخص معايا و ضدي علي صراحته
جوهر الحقيقة طول الرحلة كان متآكل
شكرا علي الجرح ... و شكرا عالشفاء العاجل
________________________________________­___

Shokran

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker - Shokran l الجوكر - شكرا

الــــكــــلــــمــــات

مرضيتش أقول لحد إن انتى ملهمتى الوحيدة
و إني مبقتش عارف أكتب سطر و انتى بعيدة
واصل قبل مانتى تصحى بساعة و تقريباً
تحت الشباك و ماسك ورد و بكتب القصيدة

خليتى الرحلة مش طويلة ! الرحلة مش بطيئة !
نسخة من عالمنا غير موازية للحقيقة
كل حاجة حلوة علشان علاقتنا لسه جديدة 
صبرًا يا سندريلا الساعة ١٢ إلا دقيقة

فى الغالب المفروض يهمك كذا عن ايه؟ مش مين !
كذا بيمسّك انت فى ص ، شاغل بالك ليه بالـ س
مرضاش أجارى الجارى بإنى أكون فنان تجارى 
مين اللى عاجز يبقى التانى صبحى ولا عبد الباقى ؟

تمدد الإنتماء بعشوائية عيب مش ميزة
تخيل عالم يجمع بين بنى آدم و بنى عيسى
صاحبك مش جوكريان مش هيقدر اللى بقوله
لو كان فى أمل منه كنت هقولك فهمهوله


مستحيل الواقع أصبح مستحيلين بكدبك
قابلينى فى المشمش لما تشوفى حلمة ودنك
ضعيف و الضعف مُر ، كلامى فى بُِعدك كله كُره
بفضى لمقابلتنا قلبي منه فى كل لحظة تمُر ..


فى المعركة اللى أنا يادوب أقدر أخرج منها سليم
قلت تهرب لية و لمين ؟ إرجع موت وسط الباقيين
الكفر بلع أراضينا ، و فى أراضى الكفر بنبقى 
هربانين ، عديمى الصوت ، فبتاخد اللى تعوزه منّا

إزاى عايزانى أتطمن و أنا شايفك على طول مرعوبة
فاكرانى صعب أعيش معاكى ! لأ انا عايش بصعوبة
كان نفسى وسط الضلمة أبقى شعلة وأنا النوع ده 
بس محدش كانلى أكسجين ... انا فى بلد مُعدم

فى بدايتنا كنت معجب ، فـمحب .. فاء السرعة
و أخيراً صرت ........ آسف وصفى مش فى المعجم
كاتب و إنتى عارفه يعنى ايه كاتب فى مصر 
مش فى إيدى أهديلك واقع ، فيادوب بهديلك وصف 

كنت قادر أضل السطحى بغنوة تخدع رأس المال
سِبت السطحى يضل السطحى .. مخدتش حتى راحة البال
أوعى تفسد حق بباطل ، فى حدود لو فى مراحل
لو وصلت للرماح نموت لتوصل للمصاحف
________________________________________­_______________

Kateb

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker - Kateb l الجوكر - كاتب

الكلمات :
حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني 
ودعها وسافر ، سنتين واكتر بيعافر 
18 ساعه شُغل ، وياكل أرخص شئ يتاكل

ويصبر نفسه بفكرة حوش أكتر ترجع أسرع 
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات

قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه 
مفادهمش بحاجه ، ومحتاجوش دليل إدانه 
علشان يرموه في زنزانه ، لحد ما كل التحقيقات تتقفل

إترحل لبلده بعد عذاب 16 شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو ... صدقت ؟

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ ... رد بعجز: اتجوزت
ثار و سأله: الاقيها فين؟ ... رد: إعقل ، موضوعكوا خلص

لفتره إكتئب بس لإنه مؤمن غلب 
الإكتئاب بفكرة لو كانت ليا كنت اتجوزتها 
و بدأ من جديد بطاقة اول مره إشتغل 
و استوعب بالتدريج ان النجاح وليد الفشل

من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم

و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
________________________________________­________

24 2irat

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - 24 2irat I الجوكر - ٢٤ قيراط

من حضن البيت لـ كف الدنيا ... نقله كبيره
قالوا صعبه ، بس لقيتها مستحيله
آخرك تغير فكره ، مش هتغير التصرُف
دى ناس بتحارب التطرُف بالتطرُف

قولت موجه .. نطيت .. محدش نط
أتارى ده إرتفاع المياه على الشط
والعادى إن انت تغرق شخص ، تنجى شخص جديد
قادر ياخد خطوه تانيه لمركز المُحيط

الواحد ليه من فتره محسش إنه تِعِب
خدى اللى نحّس ، ولا كفك اللى نِعِم ؟
أومال إيه بقينا تُقال أوى ، إنتى مش واخده بالك ؟
مرضاش تتاخدى منى وآخد أيا كان بدالك

بدون شك إختياري ، أنا اللى عارف ناري
إرتفاعي حقي ، وإنت هبوطك إضطراري
دول مش فاهمينى ، ومفيش أمل يفهموا
مفيش شخص عاش قمة إنتصار مذهبه

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب ، وميشفعلكش إنك فى الأول كنت بريئ
عمرك ما هتغلب شخص بتبقى هو بالتدريج

مش مهم رأى الأحدث ، المهم رأى الأفضل
فكرك إنت إمبارح رأيه إيه فى إنت النهارده ؟
وهل إنت اللى عايش كل دول إرتحت كده ؟
ولا يادوب أنقذت منك اللى توصل بيه مركبه

خليك مسئول ، مش مُتماشى مع الموجود
إضرب السايب ، وإدى الفرصه للمربوط
ومتقولش مذهب بس .. إحنا مذهبين من مذهب
سيب اللى عاشنا يدى كل حاجه مقاسها

مفيش نظره تكشف دايرة المعارف
مفيش حد سعيد وأنا سعيد لإنى عارف
هو اللى يقول النار فى الآخر طلعت إيه
التواضع ضافلى نُقطه .. درس لينا إحنا الأتنين

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - Abyad W Eswed I الجوكر - ابيض و اسود

الكلمات : 
أبدء الحكاية قلم وكراسة
كتبت على قد ما وصلت في الدراسة
أربع سنين لورا أول ديوان إتطبع
أشعارة محفوظة أكيد من كتر ما بتتسمع
طبعاتة خمسة نجاح وشهرة كويسين
ديواني التاني كله عن فكر مسلمين
سبت الكتابة خالص ركزت في الأغاني
حالنا ديماً في بالي مش أناني
فاكتبت ع اللي خان وكتبت ع اللي باع
وسمعت إسمي بيتصرخ من لذة الإستماع
فمسكت قلمي تاني وجبت نفس الكراسة
وكتبت سبع أيام منهم كان يوم الرصاصة
عمري ما قولت إني كاتب ولا هكون أديب
يمكن هاوي لسه في البداية بس أكيد بصيب
مش عيار بيدوش يروش والسلام
أنا بكتب كل كلمه ليكم بتركيز وإهتمام
فاحكيت عن الإدمان والصحاب ووجع المرض
وحكيت عن الخرطوش والثوار والنصر اللي اتولد
وحكيت ياما مبخلتش يمكن أفيد الغير
وفرحت لما نجاحي كان بيتنسب للجيل
شوفت في نجاحك نجاح ليا وإنتصار
اسأل عليا هيقولولك عمره في يوم ما غار
مؤمن إن التغير هيبدأ بينا 
ف حاولت اطهّر نفسي بدل ما نحرق المدينة
زاد النجاح وزادت الشهرة وجمالها
وقابلت ناس كتير رخيصة رغم كتر مالها
على قد مافي في الشهرة جمال
أنا شوفت فيكي العجب
شوفت اللي بيغير مبادئة على حسب الطلب
وشوفت اللي كان حبيبي وفجأه ليه عليا اتقلب
ابدأ فصل جديد في الحكاية بعد مين السبب
---------------------
ياما ناس بتقول كلامهم مش هيدوم
الفاضي بيعمل قاضي وفي غيرة يلوم
عيش ميهمكش حد سيب اللي يقول يقول
خلي اللي سؤاله شاغله يدور على الحلول
---------------------
الكتاب الرابع حقق النجاح
في معرض الكتاب كان الاول بإكتياح
الهجوم شديد طب ممكن التفسير
لو غلطت أنا هتأسف وهبدأ في التغير
بس مفيش مساحة للتغير لأنه مش مطلوب
مش مطلوب انك تتغير مش هو ده المرغوب
المرغوب إنك تتكسر وتشوف هدفك بيدوب
والحل إنك تستحمل كتر وألم الندوب
في اللي فرح فيك من قلبه وفي اللي حصل
واللي هيفرح أكتر لو ظهرك يوم أتكسر
مولد وصاحبه غايب من بعيد واقف بتفرج
مين اللي قرر يحكم من بعيد وفيا شرّك
قالوا لازم أرد أنطق أقول أتكلم
ملعونة كل الشهرة اللي في بدن الغير تسمم
ملعونة لو شهرتك مبنيه على النفاق
ملعونة لو شهرتك لضميرك منسياك
ملعونة لو ماليها سفاله وإنتهاك
ملعونة وبتلعنك وبتلعن اللي معاك
جرب تفتح الكتاب ودور على الحقيقة
شوف لو كلمة واحدة في صفحاته مش بريئة
إتنسب كلام ليّا عمره ما اتكتب 
ليه بتكذب تضلل لو بتحامي للأدب 
منقوص الوزن اللي في كلامك وف شخصيتك واضح 
ماليان عيوب وسهل أكون لعيوبك فاضح 
كرهك وباين في عينيك قصاد الكل 
يمكن شفت ذل ف عايز كل الناس تتذل 
أنا مش بلومك علشان جوايا نفس الشر 
ومش بعاتبك أكيد دقت نفس المر 
لكن بقولك البناء أكيد أصعب م الهدم 
باقي وهوصل رغم ظن أي حد

Zap Tharwat l Mal3ona El_Shohra / زاب ثروت l ملعونة الشهرة

الــكــلــمــات

متعيشش حياتك .. بتكبت حيواناتك
ماسكك مسيره يدوب قصاد جهنم احتياجاتك
مكسوف من ايه ؟ ده آدم نفسه كل مـ الشجرة
إدي الغلابه فرصة هتلاقيهم فجرة

الرضا عدوك .. سيب الرضا لبتوع الدين
احنا ناس عايزين الدنيا فلازم نبقى مش راضيين
لازم متقفش مكانك .. مش بس مترجعش
ضمان إن احنا نفضل نجري: هو إن احنا مبنشبعش

وأنسى السعادة .. مفيش جشع شم السعادة
انت اخترت حاجه .. محدش ينفع ياخد كل حاجه
انت طبيعي .. محدش مش أناني
محدش نام جعان عشان يعشي التاني

أول بأول أقطع الطريق على الي بعدك
يا يعيش يا يموت .. يا يموت بيطلب المساعده
وإياك تحب .. الحب أكتر شىء مش صحي
أما الجواز مشروع .. وفاشل لو مكانش ربحي

لما تبدأ تظهر إبدأ أشتري الألقاب
ومتكتبش سطر شعر قبل ما تشتري النقاد
إدعم فساد الدولة .. الدولة الحرة مش مطرحك
لو الطور إتفك من ساقيته .. مسير الطور ينطحك

أفتح قناة وجريدة .. إنتج أفلام ومسلسلات
نادرا لما الرأي العام بيبص ورا الشاشات
في الواقع عمر جوازة مال وسلطة ما تفضل سر
المهم .. متسيبش شبهه توصل للمدى المضر

إلعب على أمل الناس المرضي ، وخوفهم الهستيري
عمري ما هخنق حد فاكره هيحسن مصيري
إختصارا شوف حبايبك ، وإعمل الي بيعملوه
أحسن ناس يخلقوا طوفان ، ويبانلك إن هما نوح

ولسه بنسأل ليه البلد دي حيطه مالت
مبقاش في أمل ؛ لما قولنا أمل ماتت
دفننا طموحنا لما قدمولنا نعشه
كنا معكم من أعماق الي انت هارشه
_____________________________________________

Ebn Soo2

Written by: El Joker
Music: Hip Hop Beats - Rap Instrumentals URB
Music editing: Mostafa Ebrahim
Vocals: El Joker
Master and mix by: El Joker
© 2017 El Joker

El Joker - Ebn Soo2

Female, I love Triple-H & Ronaldo & El Joker ♥ .i'm a crazy girl , don't mess with me .23 years .Studies Economics at Helwan University . Faculty of commerce .

من لا يتحملني في أسوأ حالاتي لا يستحقني في أحسن حالاتي .


https://www.facebook.com/queen.elzabith

http://ask.fm/CasanovaQueen

https://twitter.com/KazanovaQueen

Casanova Queen

Popular tracks