الاوضه بروداكشن --El2oda production

Man plans and God Laughs is a powerful and inspiring book about one’s journey from self reliance to surrender.

Man Plan and God Laughs (music for the soul 2) - S Dot - Spirit Tape .m4a

انا2 الجوكر

من فضلك كمل التراك للأخر....خالص !
Title : Fhemt ? | فهمت ؟


Vocal : Mo'Men

Mastring & Mixing : Mo'Men
..................... الكلمات .......................
بخنق القلم وابرى اخر سنتى فيه

بدور ع الامل  ف تنايا جسمك ع السرير

بلبس لبس الاحرام , واشيل ف جيبى الربع جرام

واشطب من اسمى ابن سام واكتب ابن عزازيل

إنتى بره مدى الجاذبيه , ف مش هتحسى حملى تقيل

أنا  ف مركز نجم بينهار ومش سامع غير صوت تكسير

وازاى تتعقل ؟ ف إيه الصوت بينتقل ؟

الا لو الصوت ده جوا جسمي , بالمهمه عضمى كفيل

خرج الكيس ده بسرعه , طلع منه مقدار جرعه

عقلى لوحده لسه فاكر بس انا وجسمى ناسيين

الصالحين ماتوا ف المدينه...الخطائين خرقوا السفينه

عشان بيحاولوا يعيدوا علينا قصه الخضر

فاهمين ؟؟؟؟؟؟؟؟؟؟

طوفت عكس الاتجاه , وغيروا كلام الادان 

شالوا الصلاح والفلاح , لكن سابولنا اسم الله

الدجال على الابواب , وجيش المهدي جاى وراه

ف المخرج وقف المشهد , عاده وبدل الادوار 

..............................................................
وقف المكن ثبت الصوره ع الشاشه

المشهد مصطنع ادوا للفنانين جوايز

احسن تمثيل الكرسى ده , الاوفرتير كان الفرح

السوكسيه كان حرق المسجد .والضحك ف موت الولد
...........................................................................
دوروا المكن عيدوا مشهد النهايه تانى

متسيبوش حد حى وقصروه ل 3 ثوانى

مشهد البدايه 7 مشهد النهايه العن

واوعوا تكرروا نفس الغلطه متسمعوش غير كلامى
........................................................................
صلاح الدين العوام خانه , ف مكملش وانسحب

يوسف جاهين كان كدبه بين , والقصه كانت غلط

لكن الشعب ده واعى جدا , عاقبوه والفيلم سقط

احمد مظهر لبس الساعه , الاوسكار مش من نصيبه

مفيش جريمه او كدبه كامله , خدلك تفرانيل ونام

ومسيرك تصحى , وهو ده عيبه 

دورلك على حاجه اقوى

شرائك الكدبه تجاره رابحه

الحقيقه كوى بيوجع , غير الجرح الى بتسيبه

ف انا اسف مش هقدر اكمل , قصتنا كانت جميله

واظن ده هو السبب الاكبر , ف انها حاجه مستحيله

لما مريم كانت عايشه , يوسف مكانش ع البسيطه

متقابلوش وإن كانوا اتقابلوا متقابلوش ف ارضنا

المشهد اتغير وقعه , قاموا اتقابلوا

لكن محدش انتبه

خرج اخر جرعه بره , سم جسمه وفضى الكيسه

كات ..قال كاتب السيناريو

عقله قال : مش ده الى كتبه

لو مريم مبقتش عذرا يبقى ازاى هيجيلنا عيسى

لأ

وقفوا المكن ثبتوا الصوره ع الشاشه

المشهد مصطنع إزاى بس محدش شايف

ده مش تمثيل ده كدب لأ مش انا الى كتبت ده

صمت بعد صوت الطلقه ضحكوا لما مات الولد

دوروا المكن شغلوا الصوره ع الشاشه

المشهد صح جدا زى ما الكل شايف

متزعلوش ع الواد ده ده مثير شغب

ومصلحه اللوكيشن طبعا فوق اى حد
....................................................

انا أسف ^_^

Fhemt? | فهمت ؟

الجـوكر - نــظــام 2015

الجوكر-1ابريل

من حضن البيت لـ كف الدنيا ... نقله كبيره
قالوا صعبه ، بس لقيتها مستحيله
آخرك تغير فكره ، مش هتغير التصرُف
دى ناس بتحارب التطرُف بالتطرُف

قولت موجه .. نطيت .. محدش نط
أتارى ده إرتفاع المياه على الشط
والعادى إن انت تغرق شخص ، تنجى شخص جديد
قادر ياخد خطوه تانيه لمركز المُحيط

الواحد ليه من فتره محسش إنه تِعِب
خدى اللى نحّس ، ولا كفك اللى نِعِم ؟
أومال إيه بقينا تُقال أوى ، إنتى مش واخده بالك ؟
مرضاش تتاخدى منى وآخد أيا كان بدالك

بدون شك إختياري ، أنا اللى عارف ناري
إرتفاعي حقي ، وإنت هبوطك إضطراري
دول مش فاهمينى ، ومفيش أمل يفهموا
مفيش شخص عاش قمة إنتصار مذهبه

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب ، وميشفعلكش إنك فى الأول كنت بريئ
عمرك ما هتغلب شخص بتبقى هو بالتدريج

مش مهم رأى الأحدث ، المهم رأى الأفضل
فكرك إنت إمبارح رأيه إيه فى إنت النهارده ؟
وهل إنت اللى عايش كل دول إرتحت كده ؟
ولا يادوب أنقذت منك اللى توصل بيه مركبه

خليك مسئول ، مش مُتماشى مع الموجود
إضرب السايب ، وإدى الفرصه للمربوط
ومتقولش مذهب بس .. إحنا مذهبين من مذهب
سيب اللى عاشنا يدى كل حاجه مقاسها

مفيش نظره تكشف دايرة المعارف
مفيش حد سعيد وأنا سعيد لإنى عارف
هو اللى يقول النار فى الآخر طلعت إيه
التواضع ضافلى نُقطه .. درس لينا إحنا الأتنين

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - Abyad W Eswed I الجوكر - ابيض و اسود

تراك انقلاب تركيا الجوكر ❤

كلمات التراك
----------------------------------------------
كطفل كان عبقري ومع الوقت اكتشف ده
يعرف شدة وإتجاه الهوا أو يحتفظ بالسهم
كان كاره ظروفه ومش شايف في حياته حاجه مهمه
مولود القاع الي رافض ياخد نفسه غير ع القمة

شاطر في كل الي بيعمله لكن مش مؤمن بيه
فاكر متعة الحياه الوصول فعانى في الطريق
وعلشان متربي وسط ناس في عينهم كل شيء وسيلة
مترددش لحظة في إنه يدوس ع السلمه الأخيرة

بدأ يلعب على كبير بقى بيلعب على الدين
بدأ يشد ناس كتير بقى إمام مجاهدين
انا فاهم انتوا مش فاهمين
أطيعوني لو انتوا مؤمنين
الآيه كذا معناها كذا ، وانا اصطفيتكوا للتفجير

أتدعى إنه صاحب فكر ، وأتدعى إنه عنده خطة
وإنه هيقطع راس الأفعى .. من الآخر شاف فانديتا
وعلشان محاط بغرقانين في غل وخوف ونقص
كل ما يعزف سيمفونية الجنة يتسابقوا على الرقص

عارف إن منكوا كتير مروا بظروف مؤلمة
انا واحد م الي مش طايقين حال الدول المسلمة
ظلم فقر جهل ولسه الأسوأ في انتظارنا
نص العالم انتهكنا وأكتر من نصه احتقرنا

بس لا إنتوا مجاهدين ، ولا ده الحل ، ولا الدين
بالعكس ده انتوا حجر مربوط في رجل غرقانين
لو الي استغلك زاهد في الحياة كان هيسيبهالنا
هيسيبلك ليه الحزام الناسف لو طريق الجنة

ده كإنك فاكر قوة دينك من قوة دولته
وكإنك إله يأست من فلان فبتموته
أو كإنك لو حكمت العالم دينك كده إنتصر
يعني شويه حظ لهتلر كان بقى المهدي المنتظر

خليك مسلم حقيقي في كل فعل وكل كلمة
سلوكنا في الحياة دعايا حية لديننا
يا شيوخنا كفايه افتا في حرمانية الوشوم
أ ب الإسلام لناس كتيره لسه مش مفهوم

 الاسلام وسيلة والأهداف كلها شخصية
والمسيحية مش مسئولة عن قرنين حروب صليبية
ولا عن تاريخ من كره وقتل أتباع اليهودية
اللي أكيد بريئة من إنتهاك فلسطين الأبية

لكن احنا مجتمع عيان .. مجتمع عميان
تتفجر كنيسة تلاقي ال100 مليون نقاد أديان
قبطي ينشر م القرآن آيات القتل والتمثيل
يرد مسلم بآيات دعوة عيسى للسيف الي في الإنجيل

وده نتيجة ضخ بعض رجال الدين روح الكراهية
مش كل اللي مداسش ع الزناد بريء م المسئولية
ده غير الأم بتاعت متآمنش لأربعه ريشة
وبتاعت خليك مع اللي عارفينهم من الكنيسة

صدرنا إن الأديان لا تناسب هذه الألفيه
وخفى طوفان التعصب كل ملامح الإنسانية
اتدعاء وجود عداوة بين التلات أديان معناه
إن مصدرهم غرضه فتنه .. هل دي رؤيتك لله

الجوكر - السلمه الاخيره | Eljoker -Elselema_ela5era

مبلش ريقنا غير لبن مسكوب دموعنا عكرته
انا الطفل كان في عينه بريق ، بس الحياة طفته
ربع قرن اتخطف مني ، والمقابل غنا
بتوه في علامة استفهام "لماذا نحن هنا؟"

وحد الله ولا بعمل شيخ ، ولا بمسك سبحة
شيطاني ينام شبعان ، ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط ، بس موج الرغبة عالي

مش متكسر أنا متفتت ، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا واحنا عيال .. انا لسه فاكر أول مره
حلفت كدب ، واستنيت ، ومتسخطتش للنهاردة

بشكر اللي إداني ضهره أما الدراما إبتدت
واللي كان عـ الباب ، ورجع لما الحفلة إتملت
جايز أنسى مين طبول النجاح ، ومين سكاكين الفشل
بس انتي منساكيش علشان مسكت فيكي بعشم

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

جت تشوف متحفي ، فأصبحت تمثال
معظم اللي عملته .. عملته عشان اللي بيتقال
معرفش غير الكره ، عشان مبشوفش غير أعداء
لو بتحبيني سيبيني أموت في حلبة السباق

احتاجنا في ليلنا لناس كانوا محتاجيننا
فضلنا عليهم ناس رخاص .. لحد ما زهقوا مننا
وجعنا إتدارى في إبتسامة قالت لناس تغور
الأيام وريتنا شيطان في الضلمه ، كان ملاك في النور

نفسي أقولك بكره أحلى ، لكن بكره زفت
انت محاط بكم من الصعوبات مجتش جنبه صفر
اللي انت فاكره قاع .. ده قمة قاعك اللي جاي
هتسقط مرة أخرى ، وللأسف هتفضل حي

بدأ يحصل بيني وبيني مشاكل مبتتحلش
مش قادرين نكمل سوا ، ومش عارفين نفركش
عايزين نكون نضاف ، وكتير عايزين نبان نضاف
بحيي كل شخص مدرك أحنا أد إيه ضعاف

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح
_______________________________________________

2 April

Written by: El Joker
Music: Mostafa Ebrahim
Vocals: El Joker
Master and mix by: El Joker
© 2017 El Joker

2April_٢ابريل

الجوكر-العُقدelgoker-el3o2d ..العقد

Female, I love Triple-H & Ronaldo & El Joker ♥ .i'm a crazy girl , don't mess with me .23 years .Studies Economics at Helwan University . Faculty of commerce .

من لا يتحملني في أسوأ حالاتي لا يستحقني في أحسن حالاتي .


https://www.facebook.com/queen.elzabith

http://ask.fm/CasanovaQueen

https://twitter.com/KazanovaQueen

El Joker - Abyad W Eswed I الجوكر - ابيض و اسود

Casanova Queen

Recent comments

Wega 🃏🔐

Related tracks