تراب شعبي راب مصري

gas 2

- شهادة من العالم الثالث

التاريخ هيكرر نفسه بإستمرار
والأزمة لقرون جاية مرهونة بسعر الدولار
والدول كل مدى تكبر عن الحدود
والحرب دلوقتي عادي تبقى من غير جنود.

العالم بيتطور 
وكل حاجة فيه بتزيد أهمية
العالم بيكبر
وكل ما يكبر تقل الإنسانية
العالم متقسم رأسمالية ورأسمالية
الشركاوية صُحاب الفلوس صُناع الأوهام
الشركاوية دعايا وإعلام
والمواطن متغمي عنيه
يمد رجله في المعركة لكن ميمدش للنظام إيديه

الشركات مش بتنجح براس المال
الشركات بتنجح بعرق ودم العمال
الدولة تتوسع تفقد ملكيتك
الدولة تستعمر تفقد آدميتك
كُل شئ لازم يصب نحيتك
وأنت أملك إنك تعيش
وإن مت برده مش هتظهر ع الآفيش

الحرب على دين الجينرالات
والعساكر مش هترجع الثكنات
العساكر رهن الأوامر رهن القرار
والمواطن نفس المواطن هيشيل الدمار.
العالم كل يوم بيزيد ضحايا 
باسم الإستعمار
وكل يوم بيزيد شهيد 
بإسم النضال 
كُل شئ في الدنيا أصبح عادي
وعجل الديمقراطية بيلف على الفاضي.

النهاردة كل شئ ليه معالم
والميديا بتوجه 
وبتشوه
وبتسوق
الميديا فيها حق لجوء
لكل واحد أنهزم أو أنتصر
مكان تقدر تداري فيه خوفك
تقدر تشوف فيه العالم 
لكن العالم مش هيشوفك.

كل شئ حوالينا بيتصدر حتى الأمل
إعلانات العمل في كُل مكان 
مشروطة بالخبرة 
الحل مش بره 
متبقاش غبي 
مفيش مسئول مهما كان كويس نبي 
ولا كُل أحلامك هتلاقيها في بلد أجنبي.

الأزمات ممكن تصنع دمار
وممكن تصنع فن
الأزمة مش أزمة حروب
الأزمة مش أزمة هروب
الأزمة مش أزمة شعوب
الأزمة أزمة خلق
فيه ناس بتاكل في بعض
ودول بتعيش على وعد
والحق كل ليلة يبات مغلوب
كلمة الحق مش عايزة قوالة
والحلم بات مهزوم في قلوب العِمالة
وأخاف يبقى الزمان الجاي زمان الآلة.

راس المال جبان
والخوف متحكم في السجان
والحقيقة مدهونة بالشكوك
تقدر تقف قدام الحُراس
لكن صعب تقف قدام البنوك
الهوية بتشكل السلوك العام
والماركات النهاردة أشهر من الأعلام
والحماية مرهونة بكونك ثري
الخوف أسهل وأقوى سلاح عسكري.

الدم على الخرائط
وفي الشرائط
وفي النشرة
الخوف على الصادق
وفي البنادق
وفي الخنادق
وف بكرة
كل شئ جايز يموت
إلا الفكرة
كل شئ يقبل الإستغلال
حتى الهوا والمية
حتى النَفس محسوب عليك
ومقدمكش غير المقاومة والعزيمة
والحق لابد ينتصر بعد الهزيمة

الكوكب بيتوحش 
وكل شئ النهاردة مُباح
من تجارة السلاح
لحد التجارة بالدين 
وباللائجين 
كل تصريح النهاردة يحمل معنيين
كل شئ النهاردة سهل يتفبرك
كُل حاجة النهاردة سهل تتأمرك 
ومفيش أسهل من الكلام
نوبل وحدها لا تصنع سلام! 

الجوع النهاردة بيموت بلاد 
وبيمحي معالم الوطن بأستيكات
الجوع عمره ما بيشبع 
الجوع بيضل
والعالم الغربي النهاردة بيستغل
وجود مجاعات بتنهش فيه
خط الفقر أداس عليه
النهاردة..
براءة إختراع الدوا بيتم إحتكاره
الفقر يموتنا سوا..
أو نسرق عشانه
الحُر من الحرية
والعمر فداه وطنية 
والمعاني النهاردة غشاشة 
مش كل شئ بيكون حقيقي على الشاشة.

موازين القوة بتختلف 
من مكان ل مكان
من زمان ل زمان
ويفضل الإنسان مش قادر يستوعب الحاصل
كأن الدنيا ملهاش فاصل
وكأن الدم ملوش بديل
العقل البشري بيقاوم التغيير
والدول مش مطالبة بأي تفسير
بس الشعب لازم يعدي المستحيل!
غريبة حسبة الدنيا والخرايط
غريبة عيون العساكر في التسجيلات
وفي عيون البلاد..
مهما بان فيها إنهزام 
يموت اللي يموت من أجل النظام!

هذا العالم..
 بيخلق لنفسه قوانينه
والأمل لسه محاصرينه 
هذا العالم 
يصعب وصفه 
ويصعب إقراره
عالم جنته تشبه لناره
وإحِتلاله يشبه داره
والقاتل هو المقتول
واللي باقي النهاردة 
بكرة يزول 
عالم أمله بؤس
وحَله كأنه لغز 
كل يوم..
بتتولد 
خريطة جديدة
جيوش ملايين الأعداد
بتزود تعداد الموتى
ومفيش في إيدين الشعب حلول
الحَلب بيوصل أقصاه علشان براميل البترول
إحنا في حسبة صعب نوزنها 
بس على الأقل نقاوم 
ونحاول بخيالنا وبالأحلام 
أعمارنا من عُمر الأيام.. 
معنيين لا يمكن يفترقوا
الحرب والسلام.

شهادة من العالم الثالث

El Shams| Mohamed Fouad.الشمس | محمد فؤاد

Money Man Perry

Download Now! 

https://Empire.lnk.to/Paranoia

Download Now!

BCFBG (feat. Guap Tarantino)

Get Out More

Foul

Throwin Salt

مـــهـــرجــــان ورا كــــــل بــاب حــكــايـــة

#casper ghost clock ticking new hot single GRINDHOUSE E.N.T. GOOD TRAP MUSIC FOR THE STREETS underground artist with my own label in Jackson ms

CLOCK TICKING

كوكتيل - ويجز - Wegz - Mix

CASPER GHOST HAS BEEN MAKIN MUSIC SINCE THE AGE OF 12 YEARS OLD START TAKIN HIS MUSIC SERIOUS IN 2016 THEN START A RECORD LABEL GHOST RECORDS L.L.CJAN 1 2020 BOOSIE INFLUNCED HIM TO DO MUSIC AND THATS HIS FAVORITE RAPPER AND MONEYBAGG YO LOOKIN FOR FT  EMAIL casperghost4400@gmail.com only charge 50 for hooks 150 for verses SERIOUS ARTISTS ONLY.. @casper_ghost9000

CLOCK TICKING

Casper Ghost