Catsh - طباخ السم | Tbakh El Sem
music : free beat
master & mix : Catsh A
lyrics : catsh
for contact : www.facebook.com/ahmad.catsh
© 2014 Catsh A
lyrics :
متدمعيش الموت اول مراحل الانسان علشان يعيش
الايد قصيرة والعين بصيرة مفيش قوة مبتنتهيش 
أصل العضلات بتختفي بلاش توهمهم بالقوة 
واللعبه بتنتهي بوجود القائد الفتوه 
سيبو.. الملك للي مالك سيبو الخلق للي خالق 
الرحمة من ربنا والي بتعملوه مش فارق
سارق.. عقول ملاهها الضعف والي بدينو لسا جاهل
العيب مش فيهم احنا الي مع الاسف نستاهل
فاض بيا اكتر ما بعاتب فيا 
شيطانهم ولا شيطاني ده الي سيطر عليا 
بسكت بيلوموني.. بصرخ بيسكتوني 
انافق ابقى معاهم اقول الحق يكدبوني 
فبقيت تعمل الذنب تححلو وتبرر ذنب 
علشان تبان متحضر غمي عينك وامشي في جنب
محدش فيه يلومك يتهمو فيه ظنونك 
سواء الخير يعم في النهاية الشر يسودك
.............
متدمعيش على الي راح يا امي على الي راح متحزنيش
ساعات بنغفل ننسى نقول للظلم متنتهيش
بكرا الحرية تعود والطير يرفرف في السما 
بكرا الحرية تسود ومتسألش ميبن انا
.............
تايه او مغيب مكنتش الصورة واضحة
سهل تلاقي الدليل تشوف تصرفاتهم فاضحة
فكان اثر الي بيحصل تظهر فتنة للبلاد
ثورات يتباهو بيها والمبدأ خدوه عناد 
كالمعتاد.. حب المادة حب النصب حب الذات
اكتم داري الحقيقة قطع ورقك من سكات 
الدرس بيحفظوة مش انهم يفهموة
عارفين السم في الدوا ولسا برضو بيشربوة
شعورك بالادراك لو جرعة زايدة مش هتضر
اهي موتة ولا اكتر على الاقل عشت حر 
ياما قبلي حاولو وعدو قالو وعد الحر دين 
اتباعهم أمر واقع طب لامتى لحد فين
مـش مـهـم تـفـوق طــبـــاخ الــــسم بـيـدوق
الطُعم ليك او لغيرك خدروك باعوك في سوق
طيب مين المستفيد مين الي رصيدو بيزيد
مين الي عاش في الكدبة وكل يوم في الكدبه يعيد
.............
متدمعيش على الي راح يا امي على الي راح متحزنيش
ساعات بنغفل ننسى نقول للظلم متنتهيش
بكرا الحرية تعود والطير يرفرف في السما 
بكرا الحرية تسود ومتسألش ميبن انا
.............
مين القاضي ومين يقاضي العقل فاضي
مين يقنعهم بالخرافة مين الي بالحكم راضي
يا تفهم القانون يا تخرج على القانون
علشان انتا في مجتمع الضعيف بيعيش مظلوم
لييييه؟ 
تنصحني ليه كان في حلم حلمت بيه
يظهر عتمة الحقيقة هيا الي جنت عليه
ده مش مفهوم الانسانية وانا بتحمل مسوؤلية
لو كان الظلم سلاح فالشاهد ايدهم الخفية
اقوى مني ..اقوى منك الجبار
الحق يكسب في النهاية وفي النهاية مفيش فرار
مفيش فرعون يغرق فرعون بأمر من المولى الاله
حطم اصنام قوم زعمو انهم منصب وجاه
يا ويلاه.. لزوم الصمت يولد الشعور فيهم بلا مبالاه
ام اسفاه.. ميحسبوش حسابها ف الي يحكم مين ولاه
يا اسفآه على عبد ضاعت حياتو وميعرفش فين مثواه
............. 
متدمعيش على الي راح يا امي على الي راح متحزنيش
ساعات بنغفل ننسى نقول للظلم متنتهيش
بكرا الحرية تعود والطير يرفرف في السما 
بكرا الحرية تسود ومتسألش مين انا

Catsh - طباخ السم | Tbakh El Sem

Catsh A
كل حاجه بقدمها تشمل وجهات نظري الخاصه وكل المجهود المبذول في كل الاعمال مجهود فردي محدود الامكانيات .
للاستفسار عن اي حاجه ده حسابي على الفيس بوك 
https://www.facebook.com/ahmad.catsh
تابعوني للاستماع الى الجديد .. شكرا

أفرح وصدق فرحتكـ وهتفرح ^_^

Catsh - طباخ السم | Tbakh El Sem

Ahmed CA