شايل من الزمان انعاني
وانا حاصل في مكاني
داري هي نفسها داري
داري هي نفسها داري

نايض في عز القوايل وداري هي نفسها داري
انبحت في السقف امغبش مقطوعات احبال افكاري
متغطي بخيبة امالي جنبي الولاعة ودخاني
تيليفوني صامت ما يرنش مقطوعات عالناس اخباري

انداري في همي وانحايل
واخباري هي نفسها اخباري
انداري في سواد عيوني
وفي ظلمة جنون افكاري

كان دويت نفكر
وكان فكرت انوخر
الناس واجعها حالي
يشوفو في عقلي المتهكر
هكي حالك
قالو ما تبيش اتبطل
وفي المستقبل ديما تفكر
تلعب في دور الضحية
هكي حالك ديما اموخر

هضا جوي وهذي ايامي
وهضا هو اختياري
وهكي خلوني في حالي
نشرب مشروبي المفضل

قهوة من غير سكر
سودا كيف سواد افكاري
نشربها والباب امصكر
ونرد بيها لداري

كان دويت نفكر
وكان فكرت انوخر
الناس واجعها حالي
يشوفو في عقلي المتهكر
قالو ما تبيش اتبطل
وفي المستقبل ديما تفكر
تلعب في دور الضحية
هكي حالك ديما اموخر

شايل من الزمان انعاني
وانا حاصل في مكاني
داري هي نفسها داري
داري هي نفسها داري

نايض في عز القوايل وداري هي نفسها داري
انبحت في السقف امغبش مقطوعات احبال افكاري

داري هي نفسها داري

Fighting agony with music...
you can support my music with Solana ELt12mwmZcNxF9wLrC6YY6itU8CHiXCNGR6ApVuEytbZ

داري هي نفسها داري

Cee