وأنا أيِضًا
لا أحمل في قلبي كُرهًا لأحد
يكفيني ما فيه من رصاص وتوابيت 

حزني هو حزني
أصدّقه وأواسيه
لا أكذّبه وأدّعيه

المرأة التي قلت لأول مرة لها أحبك
قالت وأنا أيضًا أحبني

والرجل الذي باعني رصيفًا للنوم
في الصباح وجدناه موسومًا على وجهه
لطخة حذاء

والطفل الذي انتشلناه من تحت انقاض قصف البارحة
وجدته اليوم يرضع الغيم ويغني هللويا

امشي نحوي ولو مرة يتيمة
هذه الكتف صدئة دون رأسك
هذه اليد مهجورة دون أصابعك
هذا  القلب تغزوه المناجل من دونك

ولكل الذين غادروني
أنا أيِضًا
أحمل قُبلة وخنجر 
قبلة على الخد وخنجرًا في ظهري.

قُبلة وخنجر لـ وائل محروس

رحمة الله عليك يا ابي ونسئلكم الدعاء 
النص ...
.......
بدفني فيك 
واحييك
تعيش فيا 
خبيت سواد الدنيا ف عنيا 
وفتحت نورك للمشاع تشرب 
مديت وكانت خطوتك اقرب 
مقدرتش اهرب م الجسد قبلك 
او حتى اقبلك قبل ما تسبني 
حتخوني كل حروفي مهما حكيت
لله غيابك عن ضلوع البيت 
لله وجودك ف الكلام عني 
" ابنك ميشبهلكش غير ف الشكل " 
كنت اختصاري لما اقول الاهل 
والسهل وقت ما كل شئ يصعب 
بهرب اليك مني ف وقت الخوف 
بهرب اليك من عجزي وقت الشوف
دلوقتي بهرب للحروف منا 
صوت دعوتك / بوابة الجنة 
والحنة تحت خطاك بتكسي الارض 
كانت صلاتي قصاد غيابك فرض 
وفشلت اكفي سُنتك بعدك 
لله خطوط الصبر فوق ساعدك 
ولا حد ساعدك ف الشقى غيرك 
مغزول يا نور ايامي من خيرك 
ورماني سيرك ف السكك وحدي 
لله شقوق الدمع فوق خدي 
وياريت بكتر الدمع راح اردك
عايش لوحدي وانت مش وحدك 
وياك سنين م الذكر والصلوات 
خطوات ف جوف الفجر للجامع 
راجع تحني الصبح بالدعوات 
كلمات تنور ضلمة الشارع 
رافع جبين العز ف الازمات 
حكايات ترد النبض للسامع 
ولهذا بحسب نفسي م الاموات 
واحسب غيابك رحلة الراجع 
واجع لساني حرف محكتلوش 
واجع عيوني دمع مبكتلوش 
جتلك لبيتك بلعن المسافات 
وعنيك قصاد عيني ومتقبلوش 
كانت ما بينا غربتي ف جسمي 
اسمي اللي لسه تحت حكم الطين 
وانت اللي حر ف رحلة السموات 
ولهذا بحسب نفسي م الاموات 
ملياش دليل ف التوهة غير ضلك 
ضليت وخبت وعمري ما بضلك 
طب ايه فضلك فيا من نفسي 
وانا حتى نفسي فيا من فضلك 
وفاضلي بعدك ايه سوا الاحزان 
انسان مفهوش ما يشبه الانسان 
ملياش مكان الا ف كلام عنك 
او صورة خبت  ضحكتك م الموت 
حتكونلي باقي وكل شئ حيفوت 
وحكون معاك مهما الزمن حيطول 
مستور ف ريحك من جفا الاوقات
ولهذا بحسب نفسي م الاموات 
مهما السنين ف ضلوعي كات حاية
حدفني فيك 
واحييك تعيش فيا 




نُص النهاية - محمود صابر

مساءك خير او
مساءك شر
على حسب 
ما لجأ اليه من مستقر
انا جي أحكيلك حبة
عشان مالقتش مفر
وإن كنت هاتمشي يا صاحبي
هاقسمني لنص ونص
وهاقول للنص التاني
إني يا صديق وحداني
والبؤس مكبل فيا
توبه مطلسم وحدة
محبوس جواه وحديا
منحوت في ملامح وشي
مظبوط البؤس عليا 

والحزن طارح نخلته جواي 
وأنا قلبي اصلًا منطوي وبكاي 
والكون دة اصلًا مأسوي ونساي 
بينسالك بإنك يوم 
كنت ترس في بهجته 
ويرمي عليك هموم 
في هموم 
وكأنه همك نشوته
.......
تفتكر يا رفيق 
هل هذا الكون هايضيق؟ 
¬
نضحك في الحاضر حبة! 
ونرتاح أيامنا الجاية!
ولا إحنا يا صاحبي غلابة 
مغمورة حياتنا كآبة 
ولا إحنا يا صاحبي كآبة 
والكون متعته يكائبنا 
او ممكن برضو يا صاحبي
عفاريت الكون ركبتنا 
ويجوز الكون زعلان 
أصبح فاضي من الناس 
أصبح من الفضى ملان
مافهوش نص ونص 
يجوز الكون يائس 
عشان مالهوش غيرنا 
يجوز الكون بائس 
ساير علة سيرنا 
يجوز كمان حزنان 
قتل شعور الفرح
زودلنا الأحزان 
... 
تفتكر يا صديقي 
إيه شكل النهاية؟
هل هانكون للكون كفاية؟
ولا هايزود عذابنا 
هل هايمزجنا في حكايته 
ولا هايزيد اجتنابنا 
هل هانكون للكون كفاية؟
أتمنى يا صاحبي نكون كفاية

آسف لو طولت 
وإن كان وراك مشوار وعطِلت 
اعذرني!
كنت هاجن ان مُش حكيت 
آسفي شديد يا صديق لو من شكواي مليت 
ايه دة هو انت مشيت؟!

شيزوفرينيا ~ schizophrenia

بعيد بعيد -المغني خانة

علي طلباب - الكمال
Egyptian Bands Blog
https://egy-bands.blogspot.com

Ali Talibab - Alkamal

Drums: Mahmoud Barakat
Bass Guitar: Omar Sherif 

www.facebook.com/cherinesproject

Alwan Al Taif , Studio Version

إسمعوا أغنية تابوو الجديدة إسمع مزيكا 
كلمات : دعاء عبد الوهاب
ألحان و توزيع : تابوو

الكلمات :
قاعد و مبوِّز و مكشّر
شايل فوق همك مِية هم
و ليلاتي بتسهر و تفكر
و محدش أصلا مهتم

و مكركب جداً أحزانك
و مشخبط بهجة ألوانك
قوم عاند عقلك بجنانك
زعَّق للدنيا هتتلَم

اسمع مزيكا بصوت عالي
و اتنطط فوق كل مشاكلك
خلي الألحان تاخدك لبعيد
دندن مع غنوة تكون شكلك

متنامش و عينك شايلة دموع
ارفض جواك كل الممنوع
إمشي لقُدام متخافش رجوع
هتلاقي الفرحة بتندهلك

Taboo - Esma3 Mazzika I تابوو - إسمع مزيكا

كلمات : هاني صار    

 الحان:     نور ناجح

توزيع  :   أحمد العسال 

تسجيل  :  باند ليل وعين  

Miracle , المعجزة

مزج ' هذا الأمر لا يُعنيك.

الشعر النابع م الأشياء
غير النابع من جوايا
غير النابع من جوا عينيك
غير الموجود برا الشبابيك
غير شئ محسوس أو مش مادي
كان شعري رفيقي 
وانا لوحدي
وانا جوا الحلم
وبرا الحلم
و برا حدودي وأراضيكي
كان كل همومي اني اراضيكي
الكون بيدور جوا عينيكي
مفتون بيكي
زي المكفي
يمكن همسة صغيرة تكفي
تكسر حزني وتكسر سقفي
الشعر النابع م الأجواء
غير النابع من جوايا
كل الحكايات قلبها تفاصيل
كل التفاصيل شايلة حكاية
الشعر بيقدر يوصفنا
أشياء تسحرنا وتؤسفنا
جوا الوحدة والليل مطفي
الشعر بيقدر ينصفنا
والكون زي الإنسان 
عريان
بيغير لبسه مع الأجواء
أوقات ألوان
أوقات هذيان
الشعر النابع م الأكوان
غير النابع من جوايا
كان عندي رفيقة بتضحكلي
تحرق نجمات وتطفي شموس
كان عندي ف يوم أشياء تشبه
إحساس يشبه عالم ملموس
"مفتون بيكي
وباللي ماليكي
وبكل الأشياء حواليكي"
كان عندي رفيقة
بشرية
أو مش متأكد من كونها
كان كل جميل في الشئ كونها
كان عندي رفيقة ف أحلامي
هي قصايدي وهي كلامي
الشعر النابع م الأيام
غير النابع من أوهامي
بتمشّى على النيل في ليالي
مفيهاش أشخاص غير في خيالي
أنا وانتي وغيرتك وسؤالي
هل ممكن تندمج الأكوان
زي الألوان
أو زيينا؟
هل ممكن بعد الكون ما يموت
تتنسي حكاياتنا وأغانينا؟
كان كل رفيق محدود بطريق
بيموت بنهايته ويتحول
ذكرى طفيفة بتيجي وماتجيش
هل ممكن بعد الكون ما يموت
ترجع كل الحكايات وتعيش؟
الشعر النابع م الأساطير
غير النابع من جوايا
كل الأبطال جوا الحكايات
بيموتوا بنسيان حكاويهم
أساطير في الدنيا كتير لكن
مذكرش العالم أساميهم
أساطير
اتمسحت خطاويهم
متبقاش منهم حتى فتات
الشعر النابع م الأصوات
غير النابع من جوايا
بسمع أصوات جوا سمايا
ف ارجع أحن لأوقات فاتت
الغنوة اللي اتولدت بيننا
بسمعها برغم انها ماتت
الصوت في دماغي بيتشكل
على هيئة ناس وبيوت وحارات
العالم جوايا اختيارات
والشعر النابع م الخيارات
غير النابع من جوايا
اخترت ف مره اني اتبسّم
وف مرات تانيه اني اتقسّم
سنيت كلماتي ف وش النور
ولقاني العالم مُستسلم
أنا فين في الآخر؟
في مكاني
اشترى قلبي الحواديت لكن
بيعتها للعالم مجاني
والغنوة اللي اتولدت بيننا
ساكن دايم جوا وداني
الوزن أخدني ووداني
الشعر النابع م الأوزان
غير النابع من جوايا
كل الأشياء علشان تكمل
لابد يكون ليها نهاية
فَ الصوت آيه
والموت آيه
علشان يدي الحيوات معنى
هل ممكن بعد الكون ما يموت
نتحول أصوات تسمعنا؟
هل ممكن بعد الكون ما يموت
يتحول عالم يجمعنا؟
الشعر النابع م المعنى
غير النابع من جوايا
الوزن بيبدأ يتلاشى
والحرف بيفقد كلماته
هل ممكن بعد الكون ما يموت
حد يلاحظ حتى مماته؟
بتمشّى على النيل في ليالي
أنا مش فيها
ولا حتى انتي
الوزن اللي اتمشينا عليه
مبقاش يوصل عتبة بابنا
كسره غيابنا
مبقاش يفرق
أنا عايز اقولك في بعادنا
أنا عايش تايه بين حاجتين
مزيكا تعلم قلبي يطير
مزيكا بتحفر جوايا
والشعر النابع في غيابك
غير النابع وانتي معايا

غير النابع من جوايا

أساطير - عصام شوقي

"عزيزى ثيو.. إلى أين تمضى الحياة بى؟ ما الذى يصنعه العقل بنا؟ إنه يُفقد الأشياء بهجتها ويقودنا نحو الكآبة، إننى أتعفن مللا لولا ريشتى وألوانى هذه، أعيد بها خلق الأشياء من جديد، كل الأشياء تغدو باردة وباهتة بعدما يطؤها الزمن، ماذا أصنع؟ أريد أن أبتكر خطوطا وألوانا جديدة، غير تلك التى يتعثر بصرنا بها كل يوم.

كل الألوان القديمة لها بريق حزين فى قلبي، هل هى كذلك فى الطبيعة أم أن عينى مريضتان؟ ها أنا أعيد رسمها كما أقدح النار الكامنة فيها.

فى قلب المأساة ثمة خطوط من البهجة أريد لألوانى أن تظهرها، فى حقول "الغربان" وسنابل القمح بأعناقها. وحتى "حذاء الفلاح" الذى يَرشح بؤسا ثمة فرح ما أريد أن أقبض عليه... للأشياء القبيحة خصوصية فنية قد لا نجدها فى الأشياء الجميلة وعين الفنان لا تخطئ ذلك.

 

اليوم رسمت صورتى الشخصية ففى كل صباح، عندما أنظر إلى المرآة أقول لنفسي:أيها الوجه المكرر، يا وجه فانسنت القبيح، لماذا لا تتجدد؟

أبصق فى المرآة وأخرج... واليوم قمت بتشكيل وجهى من جديد، لا كما أرادته الطبيعة، بل كما أريده أن يكون..

عينان ذئبيتان بلا قرار. وجه أخضر ولحية كألسنة النار. كانت الأذن فى اللوحة ناشزة لا حاجة بى إليها. أمسكت الريشة، أقصد موس الحلاقة وأزلتها.. يظهر أن الأمر اختلط علي، بين رأسى خارج اللوحة وداخلها... حسنا ماذا سأفعل بتلك الكتلة اللحمية؟.

أرسلتها إلى المرأة التى لم تعرف قيمتى وظننت أنى أحبها.. لا بأس فلتجتمع الزوائد مع بعضها.. إليك أذنى أيتها المرأة الثرثارة، تحدثى إليها... الآن أستطيع أن أسمع وأرى بأصابعي. بل إن إصبعى السادس "الريشة" لتستطيع أكثر من ذلك: إنها ترقص وتداعب بشرة اللوحة..

أجلس متأملا لقد شاخ العالم وكثرت تجاعيده وبدأ وجه اللوحة يسترخى أكثر... آه يا إلهى ماذا باستطاعتى أن أفعل قبل أن يهبط الليل فوق برج الروح؟ الفرشاة. الألوان. 
ألوانى واضحة وبدائية. أصفر أزرق أحمر.. أريد أن أعيد الأشياء إلى عفويتها كما لو أن العالم قد خرج تواً .

 

مازلت أذكر: كان الوقت غسقا أو ما بعد الغسق وقبل الفجر. اللون الليلكى يبلل خط الأفق... آه من رعشة الليلكي. كنا نخرج إلى البستان لنسرق التوت البري. كنت مستقراً فى جوف الشجرة أراقب دودة خضراء وصفراء بينما "أورسولا" الأكثر شقاوة تقفز بابتهاج بين الأغصان وفجأة اختل توازنها وهوت. ارتعش صدرى قبل أن تتعلق بعنقى مستنجدة. ضممتها إلى وهى تتنفس مثل ظبى مذعور... ولما تناءت عنى كانت حبة توت قد تركت رحيقها الليلكى على بياض قميصي.. منذ ذلك اليوم، عندما كنت فى الثانية عشرة وأنا أحس رحيقها الليلكى على بياض قميصي.. منذ ذلك اليوم، عندما كنت فى الثانية عشرة وأنا أحس بأن سعادة ستغمرنى لو أن ثقباً ليلكياً انفتح فى صدرى ليتدفق البياض... يا لرعشة الليلكي...


شيئان يحركان روحي: التحديق بالشمس، وفى الموت.. أريد أن أسافر فى النجوم وهذا البائس جسدى يعيقني! متى سنمضي، نحن أبناء الأرض، حاملين مناديلنا المدماة..ولكن إلى أين؟.. إلى الحلم طبعاً.




القرمزى يسيل "دم أم النار"؟

غليونى يشتعل: الأسود والأبيض يلونان الحياة بالرمادي. للرمادى احتمالات لا تنتهي: رمادى أحمر، رمادى أزرق، رمادى أخضر. التبغ يحترق والحياة تنسرب. للرماد طعم مر بالعادة نألفه، ثم ندمنه، كالحياة تماماً: كلما تقدم العمر بنا غدونا أكثر تعلقا بها... لأجل ذلك أغادرها فى أوج اشتعالي.. ولكن لماذا؟! إنه الإخفاق مرة أخرى. لن ينتهى البؤس أبداً...

 

 وداعاً يا ثيو، "سأغادر نحو الربيع". 



Alwan Al Taif , Studio Version

CherineAmr