“Nuwe lirieke, vars, maar nie opdringerig met cool & aangeplakte idees nie. Goeie harmonieë, sonder
om stroperig te klink. 'n Mature, afgeronde band waarna mens vir ure kan luister juis omdat dit so
uiteenlopende musiektipes bevat. Hierdie dudes kan ewe gemaklik in folk as in rock as in sweet sweet
ballades kuier.”

Só beskryf Theo Kemp, programbestuurder van die KKNK, die klanke van Slagyster. Sedert die
groep amptelik in 2004 gevorm het, vermaak Slagyster ‘n wye gehoor wat bestaan uit skoolkinders,
studente, almal reg deur die bank tot selfs jou ouer gehoor. Die lewendige, opruiende klank
is toeganklik en divers, en maak van Slagyster ‘n opwindende toevoeging tot die Afrikaanse
musiekbedryf. In 2004 het Slagyster die semi-finale van Crecendo gehaal, en in 2005 verkry die band
Crecendo Finalis status nadat hulle deurdring tot die finale rondte. Vroeg 2006 maak Slagyster ook ‘n
verskyning op “Dis hoe dit is met Steve”, en aan die einde van daardie jaar gaan hulle ook op die
Eerste Avontoer.

In Februarie 2006 word hul debuut-CD, getitteld “Slagyster”, bekendgestel, en word goed deur die
luisterpubliek ontvang. ‘n Paar musiekvideo’s volg met groot sukses. ‘n Komiese “Ek sit voor die TV” is
uiters gewild op MK, en die video van “Kantlyn” was vir ses agtereenvolgende weke op die MK Top 10.
Video’s van “Bloed” en “Spooklag” volg ook, en word steeds op MK uitgesaai tesame met die nuutste video getiteld “Vir Jou”.

Slagyster is ‘n 5 stuk Afrikaanse alternatiewe band wat op die rivier banke en tussen die berge van Stellenbosch floreer. Met melodieë en harmonieë wat tot die fynste oor sal beïndruk, is Slagyster weer in volle vaart besig om die land stuk vir stuk te verander. Die hart van Slagyster is steeds daar –
divers, meevoerend, opruiend, eerlik en direk, dog intiem. Die legendariese musikant Richard van der
Westhuizen sê tereg die volgende oor Slagyster se musiek:

“Soos meeste songwriters weet ek nie noodwendig hoe 'n goeie song gemaak word nie, maar wel
dat 'n goeie song 'n "hart" moet hê. As jy iemand kan laat verlang na iets, maar hulle weet nie
waarna hulle verlang nie, dan het jy al klaar baie bereik.”

Volgens Herman, die voorsanger, was hy van jongs af die “bonfire bra” wat saans mense met sy kitaar vermaak het.
Mens sou kon sê dat dit waarskynlik hierdie ervarings was wat hom geleer het om na sy gehoor te
luister. Dikwels het hy hul versoeke op gehoor gespeel. ‘n Intieme verstaan van waarvan sy gehoor
hou, het dus meegebring dat hy ‘n ryk,diverse styl ontwikkel het. Omvangryk, is die woord wat sy styl
die beste beskryf. “Musiek is iets wat ek moet maak. Dit is eenvoudig nie ‘n opsie om dit nie te doen
nie,” sê hy.

Daar is deesdae ‘n epiese gevoel aan Slagyster se musiek wat die luisteraar verslaaf maak daaraan,
waarvan mens net nie genoeg kan kry nie. Hierdie aspek, saam met die toeganklikheid daarvan, maak
van Slagyster ‘n interessante, opwindende, uiters luisterbare klank wat aanklank vind by baie Suid-
Afrikaners oor ‘n wye spektrum heen.

Kom kyk gerus ‘n vertoning, download die musiek verniet en gee dit vir jou vriende.

Vir bookings kontak: 
Anita van de Venter: 
- 084 606 1353 
- anita@bluedivision.co.za

Die Weskus is ons taal, ons het perlemoen en ons het vet galjoen, groot rooi krewe en ons het 'n lekker lewe. Dit is, hoe dit is, inni Weskus.

Met 'n 'huppel in ons trippel', is ons trots Afrikaans. Weskus Jou Lekker Ding Braaidag / Braai Fees, is joune, myne, almal sin saam! 

Ons Braaidag / Braai Fees word gehou in sekerlik een van Suid Afrika se pragtigste, ongerepte, asemrowende Natuur Skoonlikhede, naamlik Die Weskus van Suid Afrika.

Ons wens elke Braaidag / Feesganger toe om saam met ons, 'n Saterdag van algehele Pret en Plesier te kom deel, en ons as die Weskus Jou Lekker Ding Braaidag Organiseerders, gaan ieder en elke Braaidag ganger so spesiaal laat voel. Kom geniet goeie Afrikaanse Musiek en net die aller lekkerste geselsskap saam met ons en wees net Mens, wees net WESKUS! ✔ Aweh Ma Se Kinners! ✔ WESKUS JOU LEKKER DING BRAAIDAG & BRAAI FEES! ✔✔

Nëil du Preez is in 1984 in Suid-Afrika; Rustenburg, Noordwes gebore. Hy matrikuleer aan Hoërskool Grenswag in 2003. Nëil het op 'n vroeë ouderdom begin sing en as Kleuter het hy ure lank homself, familie en vriende vermaak. Op 5 jarige ouderdom het hy sy heel eerste talent kompetisie by Loskopdam Aventura Oord gewen.

Op skool het Nëil verkeie A+ Diplomas in Eisteddfods gewen en het ook aan verskeie musiekblyspelle, kore en revues deelgeneem waarvan hy Solo's gesing het. Op negejarige ouderdom het Nëil en sy broer Johan, tans sy bestuurder, saam opgetree en gehore vermaak. Hul het bekendheid verwerf met hul album "Ons Bring Hulde" wat einde Junie 1993 vrygestel is. Hul was ook deel van "Simeon en Tjommies" en het saam met Sonja Heroldt en Simeon Hamman getoer en opgetree. In 1997 nader die kulkunstenaar Chester hul om saam met hom vertonings te doen en staan hul bekend as "The New Generations". In die jaar 2002 slaan Nëil baie mense se voete onder hulle uit toe hy Rustenburg Coca-Cola Pop Idols wen, wat deur Rikus Nel, Zak van Niekerk, Blackie Swart en ander beoordeel was , Streets of Gold Produksies het vir hom 'n Demo CD opgeneem. Nëil het sy sang talent verder ontwikkel deur aan verskeie sangkompetiesie deel te neem waar hy dikwels met die louere weggestap het. In 2003 word Nëil gekies om in die afrikaanse produksie "Gister, vandag en more" deel teneem, wat deur die uitvoerende Kunste Akademie vervaadig was, onder leiding van Toni Timms. Die regie was deur Alex Hasquar behartig en die tegniese bystand deur Studio-A . Die keurspel wat aangebied was, het vir so 'n geweldige positiewe reaksie gesorg, dat die akedemie besluit het om 'n nuwe gevoel te gee en daarmee dan die geboorte van "'n Druppel Rooi" Met opleiding aan die kunstenaars deur Mauri Mostert, Jackie Sims, Gerry Jansen, Tessa Riles en Leonie Minnie. Die Druppel Rooi keurspel bestaan toe uit 13 kunstenaars wat verskeie Afrikaanse liedjies opgevoer het. "Druppel Rooi" het in 2003 in die Rustenburg Auditorium opgetree en Nëil en nog drie ander Kunstenaars van Druppel Rooi het by die Emerald Casino opgetree.

Alhoewel sy droom was om te sing, het Nëil die Besigheidswêreld betree. Na Matriek verhuis Nëil na Pretoria om by hul familiebesigheid te werk. In 2011 besluit Nëil om sy talent as sanger en liedjieskrywer verder te neem en maak so sy talent sy loopbaan.

In Februarie 2011 betree Nëil die musiekwêreld. Hy nader sy broer Johan du Preez as bestuurder en registreer 'n besigheid "Neil Shows Music and Productions" en toer deesdae die land vol, op 'n groeiende basis. By optredes/feeste het Nëil die geleentheid gehad om die verhoog te deel met van Suid Afrika se sangers: Lance James, Bobby Angel, Sally Vaughn, Bles Bridges, Frida Francis, Freddie Nest, Manie Jackson, Charlize Berg, Kevin Leo, Jakkie Louw, Quinton Prinsloo, Bobby van Jaarsveld, Guillaume, Richard van der Westhiuzen, Dewald Dippenaar, Albert de Wet, Karlien Husselman, Riaan Nienaber en nog vele meer. Einde Maart 2012 stel Nëil du Preez sy debuut album vry wat deur Wouter van de Venter by Lemon Jack Studios opgeneem is - Middernag Soene.

Musiek Video - Middernag Soene deur Jackie Hancke geskryf en geregisseer.

Met ‘n voldagboek in 2013 was Neil du Preez te sien en gehoor by verskeie kuierplekke, radiostasies, funksie, skole en feeste landswyd soos bv KKNK (Klein Karoo Nasionale Kunstefees) wat ‘n hoogte punt was.

Neil het 2014 afgeskop en is reeds betrokke by ‘n projek “Oppi Pad Fees” waar hy en ander kunstenaars landswyd toer en by 36 feeste gaan optree.

Cherize Cull is following