El Joker - The Father  الجوكر - الأب

ClicksCrew - Est3rad flow    V1 : shaino  V2 : Basho  V3 : Almany  V4 : Marus  V5 : Capo    Fidro Records

Title: كافر بالدولة 
Vocals & lyrics by: Mega
www.facebook.com/MEGA.MUSIQ
mixed and mastered by : Rakan sherif
Lyrics
Verse 1:
احلم ببكرة ازاى وانا عايش فيها 
ازاى عاوزنى اكون ايجابى ودمى ارخص ما فيها 
يوم عن يوم سىء لاسوء ... بكرة امبارح مش بتفرق 
احنا الحطب هم النار والنار لاجل ما تكبر تحرق 
فينا ..... غرق سفينة ثورتنا العظيمة 
4سنين عدوا على الثورة ايه المكاسب لينا ؟ 
ظلم . فقر . جوع . صوتنا لسه مش مسموع 
علمناكم معنى الحرية . علمتونا معنى الخضوع 
سألنى ابويا فى يوم عن السبب فى انى كاره 
اكون بيت واسرة . ليه بعافر لاجل اسافر
ليه بحاول ؟ ويوم عن يوم الرغبة تزيد 
لانى كاره ان ابنى يتعامل كالعبيد 
كافر بالدولة ... ناسى معنى العدل فيها
ده زائد اقتناعى التام ان حاميها حراميها
فى غنى عن ذكر الرشوة والفساد والمحسوبية
لايوجد فى مصر شىء يسمى طبقة وسطى 
chorus :
سكوتى عن الحق باطل وانت بالباطل تستقوى 
4 سنين بسمع واشوف الظلم واعمل اعمى 
خلى المراكب تمشى .... طاطى وماتعندش
هو انت مين عشان تعارض الدولة لا وتفتى
فاض الكيل يا بلد حتى القاتل خد براءة 
مفيش ادلة تثبت حدوث وقعة الاشتراك 
فالى مات مماتش واللى اتسرق ما اتسرقش 
اللى باع الحق عاش واللى مات عشان مابعش 
verse 2
طلع مومس على الشاشة .... اغسل عقولهم اسرع
كله بيهرى فى سياسة .... نتيجته شعب اتخدر
جثة ملهاش صاحب كله فيها بيقطع 
تاكل لحد ما تشبع وتوزع للى يطبل 
ليك... وللاسف دول معروفين كويس 
الباشا طلع على الشاشة ليه ؟ عشان معر..

اشتم فى الحكومة لكن طبل للى فوقهم 
شعب لو شاف بيادة يتكتم اتخن تخينهم 
فك اعتصام رابعة بالقوة واللى مات خاينين 
مرسى مش رئيسى واللى ماتوا مقتولين 
ازاى امضى اتفاق حبره كان دم اخويا 
لو على الوفاء والولاء لشعبى مش لحكومة 
مش مقصودة ؟ 4 سنين بندوق المر 
بتحاسبونا على الثورة فالنتيجة قسم الضهر 
فمتزعليش يا فاطمة على الغصب انتى متعودة 
يعيش يعيش العمدة ويسقط ابو العلا 
chorus :
سكوتى عن الحق باطل وانت بالباطل تستقوى 
4 سنين بسمع واشوف الظلم واعمل اعمى 
خلى المراكب تمشى .... طاطى وماتعندش
هو انت مين عشان تعارض الدولة لا وتفتى
فاض الكيل يا بلد حتى القاتل خد براءة 
مفيش ادلة تثبت حدوث وقعة الاشتراك 
فالى مات مماتش واللى اتسرق ما اتسرقش 
اللى باع الحق عاش واللى مات عشان مابعش 
verse 3
قطر ورا قطر ورا قطر بنجرى بنحاول نلحقه 
قطر الرزق قطر الشغل قطر حياتنا بنسرقه
قطر فلوس قطر نفوذ ميت قطر بنخلقه 
وما بين القطر وقطر.. قطر العمر نفوته 

فاهم ولا لسه حاضن بكره وحالم 
خليك نايم لو لسه ماشى بمبدا مظلوم ولا ابات ظالم 
بلدك مش عاوز عالم .. بلد بشوات وهوانم 
بلد بهايم على بهايم تتساق بالعوالم 

بلد الشهادة فيها ورقة ملهاش لازمة 
ال 50 %
ظابط يديك فيها بالجزمة 
بلد ليها اصحاب انت يا دوب لقبك ساكن 
ماتكذبش ..... انت مش مواطن 
المواطنة حق وواجب مع وجود حق المطالبة 
كمم افواه المعارضة .. لكنى اتحمل مسئولية 
كل كلمة وكل سطر .... 
لم يذكر السجن في القرآن إلا في مصر 


كافر بالدولة | استراتيجية التهجير |

ClicksCrew - MC Shaino - Hya Meen

كلمــآاآت تــراك موناليزا تانيــه

كان نفسى اشق طريقى والفشل يغرق ورايا 
الناس مش عايزه تأمن ، يعمل أى موسى بعصايه ؟ 
مش فاهمين الفرق بين المعجزة والسحر 
! رغم وجود كل دى تراكات شايفك ساجد لعجل 
 -----------------------------------------------------------------
كاره كل شمس طالعه ، بحب كل يوم عدى
 هاخد أى لو قالوا عنى عبقريه نادرة ؟ 
الناس مش عايزه الصح ، الناس دى جايه علشان تصقف
 بعدين يروحوا يصقفوله ، اتساوى فنه بفنك 
-----------------------------------------------------------------
اللعنه مش فى القلم ، مش بستعمى الاعمى
 انا سبب سوء فهم الجمل عدم الجمل عدم استيعابكوا وجه الشبه
معقول شافوا الصوره كامله رغم عدم وجودك ؟
معقوله تشوفها فى حضنه ملكش الحق تقول بتخونك ؟ 
بصالى من كل اتجاه تكون موناليزا تانيه ؟
مش شايفك لابسه تاج ، ولا سامع مزيكا هاديه
 خايف بعد بوستى ، برضه يقولوا متى 
ساعتها مش هيوفقوا يحطوا جنب قبرك صورتى 
========================================
لازم اغرق يعنى علشان تحسوا بحاجتى الطوق ؟ 
لازم ابقى تحت الأرض علشان يتشاف معظمكوا فوق ؟
مش دى الحريه برضوا ؟ ولا برضوا قله زوق ؟ 
كل ورده جاتلى دبلت مش فاضل فيها إلا شوك ( x2 )
========================================
أسف لوحتى غامقه ، مش قاصد مسح ابتسامتك 
طول ماماتعاقبش مش هطيق اسامحك 
رايح مصحه يمكن أعيا ، علشان تقولوا عالجوه 
فى الطوفان سفينتى تعوم ، مش فى البحر اللى شربتوه 
-----------------------------------------------------------------
قاعدين فوق نفس الكنب ، مر علينا نفس الزمن 
عشنا نص ساعه سوا ، عشت لوحدى حوالى سنه 
متقولوش الذنب ذنبى ، جيتى هروبآ من كوكبك 
محدش فى المدينه يتوه فى طريق لقصر الملك 
-----------------------------------------------------------------
مش لازم كل كلمه تتبعت كتفى الشمال 
ممكن تبقى النيه مهدى بس انت تشوفه دجال
مش هتتسمى العروسه إلا لما يزوقوها 
طول ما ايدى ماسكه ايديها عمرى ما همسك ايد ابوها 
-----------------------------------------------------------------
عمرى ما لعبت كوره ، فهمرى ما خسرت فوره 
ابويا قالى يابنى متمثلش دور مش دورك 
رميت صنارتى ، طلعت سمكه ، أكلتها ورمتها 
يمكن تنزل تقولهم مش كل الناس فوق وحشه 
========================================
لازم اغرق يعنى علشان تحسوا بحاجتى الطوق ؟ 
لازم ابقى تحت الأرض علشان يتشاف معظمكوا فوق ؟
مش دى الحريه برضوا ؟ ولا برضوا قله زوق ؟ 
كل ورده جاتلى دبلت مش فاضل فيها إلا شوك ( x2 )
========================================

El JoKer -  MonaLisa Tania l الجوكر - موناليزا تانيه

ClicksCrew - معلش - Marawan Marus ft Omar Khatab da2a adeema

Ebn liel  || ابن ليل

El Joker - Sokan El Leel | الجوكر - سكان الليل

مبلش ريقنا غير لبن مسكوب دموعنا عكرته
انا الطفل كان في عينه بريق ، بس الحياة طفته
ربع قرن اتخطف مني ، والمقابل غنا
بتوه في علامة استفهام "لماذا نحن هنا؟"

وحد الله ولا بعمل شيخ ، ولا بمسك سبحة
شيطاني ينام شبعان ، ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط ، بس موج الرغبة عالي

مش متكسر أنا متفتت ، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا واحنا عيال .. انا لسه فاكر أول مره
حلفت كدب ، واستنيت ، ومتسخطتش للنهاردة

بشكر اللي إداني ضهره أما الدراما إبتدت
واللي كان عـ الباب ، ورجع لما الحفلة إتملت
جايز أنسى مين طبول النجاح ، ومين سكاكين الفشل
بس انتي منساكيش علشان مسكت فيكي بعشم

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

جت تشوف متحفي ، فأصبحت تمثال
معظم اللي عملته .. عملته عشان اللي بيتقال
معرفش غير الكره ، عشان مبشوفش غير أعداء
لو بتحبيني سيبيني أموت في حلبة السباق

احتاجنا في ليلنا لناس كانوا محتاجيننا
فضلنا عليهم ناس رخاص .. لحد ما زهقوا مننا
وجعنا إتدارى في إبتسامة قالت لناس تغور
الأيام وريتنا شيطان في الضلمه ، كان ملاك في النور

نفسي أقولك بكره أحلى ، لكن بكره زفت
انت محاط بكم من الصعوبات مجتش جنبه صفر
اللي انت فاكره قاع .. ده قمة قاعك اللي جاي
هتسقط مرة أخرى ، وللأسف هتفضل حي

بدأ يحصل بيني وبيني مشاكل مبتتحلش
مش قادرين نكمل سوا ، ومش عارفين نفركش
عايزين نكون نضاف ، وكتير عايزين نبان نضاف
بحيي كل شخص مدرك أحنا أد إيه ضعاف

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

2 ابريل

الـــكـــلـــمـــات

كل ما تبقى الأرض أصلب تحت رجلي أترعب
لـ أنسى كوني شخص بكل معاني الكلمة تعب
وبستغل خوفي في إني اتقدم ، مش في إني اتحجم
عارف الفرق بين الراحه ، وبين ألم مطفي بمسكن

بقالي وجود لما بقالي أهداف أحققها
بسعى للمثالية ، وعارف إني مش هلحقها
بس هفضل ببقى أحسن كل يوم عن اللي قبله
وده يستاهل إني أتعبله ، ويطمنّي وانا بقابله

انا كنت شايفه رماني ، لا في زماني ، ولا في مكاني
وكنت فاكرني هبقى المهدي لو اتولدت في ظرف تاني
تلميذ مذاكرش ، وفاكر امتحانه اللي ميتحلش
مع إن الكل واخد نفس الامتحان مقلش

من هنا بدأت أحل الأزمة ، لما بدأت أشوف
إن العيب كان فيا من البداية ، مكانش في الظروف
آمنت بكون الله بيديني بس اللي استحمله
فبقيت بواجه أي شىء ، وانا راضي ، ومتقبله

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

لما تاخد فرصه تانيه وانت قبل الموت بمللي
يبقى صوت مـ السما بيقولك: جه الوقت تآمنلي
فـ تفوق تشوف كام موته .. كام أوفر .. كام شوطه
كام حادثه .. ليله سودا .. كان وارد فيها موتك

واتكتبلك عمر جديد ، وانت كنت أعمى وعنيد
تقوله أموت .. يقولك عيش .. تقوله ليه مبترحمنيش
وكل دي تجربه ، ومكانش فيها صدف
ده احنا وقعنا عشان نقوم ، وعشان نتعلم إزاي نقف

خطائين .. لكن ده مش هيحدد نوطى ولا نعلى
مش محتاج تغير نفسك ... محتاج تغير فعلك
عمر ما جوهر المُزارع زاد أو قلل الحصاد
الفراعنة لما اجتهدوا شوفنا بعيننا الأهرامات

ولو تعبت في ص ، ولقيت النتيجه في س
بعد فتره هتعرف إن الـ س أحسنلك بكتير
آمن إن ربك أدرى بأفضل حاجه ليك
فـ بيكافئك في الميعاد ، وفي المجال المناسبين

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض
____________________________________

Forsa Tania

Written by: El Joker
Music: Free Beat
Vocals: El Joker
Master and mix by: El Joker
© 2017 El Joker

El Joker - Forsa Tania l الجوكر - فرصه تانيه

الجوكر -النداهه

Hip hop band 
Capo - shaino - Almani - basho - Marus
01015094134

ClicksCrew - Est3rad flow V1 : shaino V2 : Basho V3 : Almany V4 : Marus V5 : Capo Fidro Records

ClicKs CrEw