من بعد الحظر انا هبهر مصر
ماهو خلص الحظر! لا ماتهزرش

دانا كنت ناوي اطلع وابيع
عندي افكار تضرب مشاريع
الوفات الوفات ... ملايين ملايين
مع نيللي كريم طيران جايين

كوريين قاعدين يصطادوا تعابين
وصفات للأكل وللتمارين
ننزل نصطاد ... على طول النيل 
وبعد يومين، ويا التساهيل
ابنيلي انا قصر
لو فكوا الحظر
ماهو خلص الحظر ... لا ماتهزرش

انا هبهر مصر، لو خلص الحظر

هكتب روايات هعمل فوازير
مانا اصلي سينارست كبير
وبقيت موهوب ... غاوي التصوير 
فا هلف العالم، واعمل ألبوم 
من أول يوم
لو فكوا الحظر
ماهو خلص الحظر ... لا ماتهزرش 

مانا ناوي اغيّر اصلي الواقع 
عندي مخطط رائع رائع
أكون انسان ب أراء بناءة
مش ههبد تاني في اي خناقة
ع النت في مصر
لو فكوا الحظر
ماهو خلص الحظر ... لا ماتهزرش 

ده انا ناوي ماسبش الچيم ف يوم
بدري من النوم ع الشغل اقوم
سنة سنتين ... واعمل لي كارير
انا هبقى مدير جامد وخطير

دانا ناوي اعدّل في احتياجاتي
واجدول وقتي والتزاماتي
العب بينج بونح
هبقى كينج كونج

لو خلص الحظر



Lyrics: Islam Essam

Vocals: Ahmed Saif
Lead Guitar: Mohamed Baz
Keyboard: Hassan Mekki
Bass Guitar: Mohamed Yasser
Drums: Selim Hamdy

Band Manager: Fahd A. Hashish

Recorded At:
Code Masr Studios

Mixing and Editing:
Code Masr Studios
Music Production and Arrangement:
Code Masr

Directed By: Code Masr

Release date:
June  2020

كود مصر - خلص الحظر

Code Masr كود مصر