"خصال غزة - "تهيؤات

Targeted Citizen - مواطن مستهدف

I`M NOT A TRAITOR - انا مش خاين

@Subbar
https://www.instagram.com/subbar.subbar

@ILLADIB
https://www.instagram.com/illadib

Artwork by: Salina
https://www.instagram.com/sal_ab

Masterd by: @nouryamm
https://www.instagram.com/nouryamm.ny

Lyrics:

عِزّا هِزّا 
ربْ بلادِك صدّا
عِمرك حقِّك أرضِك دمِّك 
هِدِّي سجونه و هِدّا 

انا قوت صلى فيك
دعى بلاد بلا طوق
بدكّر على ولاد غفوا برد بلا توب 
بعكّر على ديك عالعَوْد سَنعود
دوس على حزب على بعث على روس
وَ انا دوس على سيد 
وَ انا بيض ع عبيد
وَ انا سود خروا بيض 
وَ انا جيب هوا جيب
وَ انا حُر على بيت
وَ انا ديب ل أَديب
زيد صوت على صوت 
شد اِيد على اِيد 

مُجرم كل من باعنا 
نحنُ تَفُكُّ وِثاقَنا
دَعنا نُسوّي حِسابنا …. من كادنا و أبادنا 

وانا برقِك رعدِك حُر بعبّك قَسّي بقلبِك ثوري
بِدّه البد و عند الجد نسقِّط حكم شمولي
فاضِ فاضِ الجيب حد كرومِك قاعد نوري
كلب و عدّة صيد رهن شفافك مَربى الجوري 
وَ انا كبلك حبلك 
عِصّي رقابن لِفّي علين دوري
كل فروعن كل قصورن 
تِفي و خرِّي و بولي 
هدا الغصبِك هدا الضَّربِك 
ردي وراي و قولي 
بدوس علي و عَ نسوري 
بدوس علي و عَ نسوري

دوس دوس دوس دوس 
على حِزِب على بَعث على روس 

قَهرِك  بِ زلزل عروش
بِ  فَقرَك بِ جِرَّك ع جيوش
لا ترعوا ب نظامه وقود بخزانه 
أَرواحنا بِ بيعا بِ قرووش
بَردِك ب عضامي نامي حامي عنِّك 
منِّك ما بياخدني دَيسبورا 
أوتارك بالرّقبة حنجرتي و رَبّي عرصاتِك و رقَابُن بِ الجورة
ساقط ربّك عَرشُه سَاقط
رَاحِل عنّك ربّه راحِل 
هي منا أوهامي صيحات و أغاني 
سَاروت و فَدواكي لساحِل 
قضيتي مالا ترند فضا سيرة
قضيتي ملاّ رَب تَوبه عيرة 
اعلامك اسلحتك انفاقك معركتك
ولا مرة 
شَفِت غليلي 

 ويلا ويلا ويلا ويلا ويلا
ويلا ويلا ويلا ويلا وييلي
قلبك بِدلّك عَ صواتن بِدلّك 
وجوهن تشعشع بِ ليلي
رواحُن تتسلل من يأسك تمدّك 
طاقة تشدِّلي حيلي
علِّي علِّي الرّاس 
 علِّي بِرجَك 
ما تِقدَر عَ سِيلي …

Malla Rab

All Platforms

ملّا رب - صبّار

For the lyrics in Arabic:
http://damrap.com/node/261

Translation in English:
http://damrap.com/album/%E2%80%A8like-rest-millions-i-also-want-millions-زي-الملايين-بستنى-الملايين/262

The name of the song in Arabic is "Zay al Malayin Bastanna al Malayin" it means "Like the million of people I also waiting for the millions" It is recorded on Jay Z's beat "Never Change" and it discusses the struggle of each independent musician who is fighting to survive, especially the Palestinian artists who are living in Israel as the Israeli radio discriminate against them because they are Palestinians and the world whide Arabic radios don't play them because they are Israelis.



Zay Al Malayin (Like The Millions)

راتاتات

تامر ومحمود من دام

 

 

تامر النفار:

بدي شوي تطلّع عالحياة زي ما بتنشاف طريق

عيني ساكن بحي اللي ماحد ضل فيو حي

بدل ما أسمع صوت الفرح بضلني أسمع بدينيّ

صوت ملاك الموت وهو يقرب وهو جاي

من غير ما حد يحس بيجي من ورى, وأحنا بنسأل شو

اللي جرى؟ لمين حصل الشرف يقابلو هالمرّه

مين فينا راح يضل جوّه؟ مين فينا راح يطلع برّه؟

وفي عيون أي أم مش راح تضل ولا دمعة

سبحان الله, معقول كمان مره بال- شنص؟!

عربي أنطخ وبعد نص سيعة تذكر ييجي الأمبولانس؟!

ومن السيارة يطلعوا شاب يدوب جيلو بالعشرين

جسمو مخزق راسو مشقق عشان كيلو ولا تنين

ولك بعرفوا زمان كنت بصفوا, كيف الطرق

بلتفو,ا من المصاري عينيه التفوا, عشان المصاري

طلق إل 16M هفوا, هيك حياتنا هين

نضل نحذر مين إللي بعد, Hell  يمكن دور TN

 

لازمة:

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

 

 

محمود جريري:

ياعربي لوين وصلت وهيك وقعت

لفّيت لفيّت عبل ما تهت شفت

بعنا سموم, لحد ما أخذنا نفوس وروس

في الحبوس عايشين كل يوم كمان كابوس

العربي حامل تسعه ومفكر حالة رفعه

بنزلو في سبعه ومن رفعه بصير عبره

اللداوي, مفكر السموم هما الداوي

سرقه, سكر وشوارع هو هاوي

أعدائنا بنقتل ونصير من أسيادنا

أمجادنا بنقوي وبنوقع أصفارنا

أقتل أخوك وملّي الحساب في البنوك

كفن آخريتك لأنو كلهم راح يخونوك

إللي ببيع الأبيض واللي بدخّن الأخضر

واللي شايف قدامه بس اللون الأحمر

والموت علينا مكتوب لكل واحد مجروح

والقبر مفتوح والدخول الو مسموح

 

لازمة:

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

 

تامر النفار:

الله يرحم كل واحد راح خاوى من اللد

الله يسامح كل واحد إللي بسلاحه بضل يهد

الأحلام, يكتّر الأيتام,  والله يقوي كل لداوي

الموجود بين أربع حيطان, الوضع بدو رضع

نص اللدادوه العايشين بايتين في بئر السبع

أنطفى الشمع من كتر الدمع اللي نزل من كل أم

اللي قبرت ولادها عشان المثل العين بالعين والسن بالسن

دايما" البادي هو الأظلم, يا رب العالمين أرحم

اللد, أسترها من العذاب, وأستر كراهية

الحكومة بالتراب, أبعد عنا عذرايين, وطفي

النار, عند الشباب الحميانين للثار

يقولو اللي فات مات عشان الأموات صارو كثار

ولك Shit  مش عارف هلقيت عمين بالظبط قاعد بدافع

ما حد عايش ما حد سامع اللد قاعدة بتنازع

وعكل حال يا رب أذا ما ستاجبتش الدعاء

بطلب منك يا عليم, أحمي الأبرياء

 

لازمة:

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

راتاتات (أيش صار؟!)  كمان عربي أنطخ

راتاتات (أيش صار؟!)  أجت الحكومه أفلخ

أفلخ من الحكومه ولا من شعبي وين ما أتطلع في طلق جنبي

راتاتات راتاتات رتاتات تات

Ratatat - راتاتات

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

vagos de la playa

انتاج المنقرش (Produced by dub Snakkr)

"هذا هو اليوم الذي صنعه الرب، فلنفرح ولنتهلل، نتهلل به"

خلي مدننا تفرح قوم رقص الشهيد
حزني عالإيقاع بدبح كأنه خروف العيد
الليلة غني الأوف وبكرا منرمي مولوتوف
كاس عرق وإذا كنت متدين مافي فرق
فودكا حلال اسم الدرينك "سلفوف"
سلطن عالموسيقى هز حلحل المفاصل
فاصل ونعود للمعارك والحدود
أوعك تنسى أننا بالنهاية نوع قرود
سرود عبرود كل العمر مش مقبول
بس البوز إذا بيطول معقول تصير كلب
ويصير العقل شبيه بالغول
مش عم أحكيك عن ال"كول" عم أحكيك عن تخطيط مسؤول
إذا الغضب والتحليل بيطول
بدون إستراحة للعقول بينعكس المفعول
الفلاح بيعرف لما الأرض بدها راحة
والراس بلا قلب بينفجر للصراحة
شوف الزار بالتحرير حتى من قبل الإطاحة
شوف دبكة دير الزور عطبول بالساحة
كون درويش حور دور طير فوق السور
لازم ترتفع حتى تكشف المساحة
الناس عم بتموت والراس بده يانا نهز الخصر عالتابوت
كتير "إيغويست" مش معقول شو هالوقاحة
مدام ما دام دم الشهيد سال كرمال يضله
الراس مرفوع يرسموا الأطفال ألوان
موال سجل موقف قطشناله من زمان
ناويين ننتصر فمنخطط بإتقان
أنصت للقرآن
ما تخلي قلبك حجر خلي المي تنفجر
حتى بموسم الربيع تقدر تشرب مي زهر
اجتهد كل الشهر وبس يكتمل البدر
اخطف الفرح غدر وبالغصب عن القهر
خلي القمر ينبهر من الضو بعيونك

هور يابو الهوارة\ تحيا الثورة وأحرارها
ناس بتبكي لترتاح\ وناس بترقص من نارها

فرحي فواشة تعا بحر الموت عوم
عم أفطر عالموسيقى تعن قهر البوط صوم تعا سحور الثورة قوم
تعا بذور الصبح هون
كان نشف عبد الناصر لولا ميّة أم كلثوم
عربش على شجرة تفاح وطي بنطلون فنتر عوجه البوم
زمن مشؤوم بس الأسود معلوم لما درسته للظلام صرت اكتشف الوان بصندوق مختوم
رقص نوبي قبل ما يغرقهم بسد أسوان
قميص عثمان صار بده كوي يا مان
آخر الدواء كل ما عليها فان
بلبنان عنده مذهب الفان قواد فنان
حلولهم سوداء متل كوب كوفي عنان
ضلوا الأخضر والأفيون للشعوب
منوم اجتماعي شغل السعودية وإيران
بفضل زرع أرضي بالإقناع
داعبها بخبطة الرجلين عالإيقاع
ما رجع الشهيد لما غنيناله ارجاع
الحداد إعداد للعودة للحياة بس كترة السواد عملتنا للموت عباد
الحداد إعداد للعودة للحياة بس كترة السواد عملتنا للموت عباد

فوش\Foosh -  الراس

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

اسمع اخر تراك هون:
https://soundcloud.com/el-tafeh/yoko





Lyrics:

همي كلهم
Middle middle middle....
واحنا
Class
همي ماسكين بالموسيقى 
وانا ماسك راس

حاسس حالي ب
Minsk، 
لانه السين بلا روس
(Belarus)
اكبر حلم عندك، لالي اكبر كابوس
انت بتحلم بالمسموح، انا بكسر بالتابو
الحق مش عليك، الحق ع ابوك


انا طاقاتي كبيرة كثير، 
اكس ال،
انا كثيرعامل بس مدير،
I sell,
بالفرنسي 
je suis vite
Je suis eiffel

زي ميثلفيتامين، مع كيتامين،
هذا راب خلطة سحر


انتو كلكم 
middle 
واحنا
 class
احنا اصواتنا بتهد جبال وانتو بصوتوا شاس
(كنيست ههه)
مش لازم مليون فان لما عندي ٥ ستانز
لما بقطع اقطع علاقة بقطع كاني ماسك فاس

بمزح، انا ماسك راس، التافه بتافه
بسرح، فبكتب بارز، فذنيكم هيك بتتكافىء
ولو مارلبورو تسمع هالراب كنت من زمان بتخوزق
لانه تدمن على صوتي يا بيبي ارخصلك من تدمن عالتبك


قضيتي خلصت قبل بطاريتي 
سامسونغ جالاكسي، 
ال
apple
 مش طالعة بايدي

انا بسيط انا بلدي،
 كله 
organic
 كله طبيعي،
مثل تبك عربي، 
وهالليلة انا عامل مصيبة
مثل عرس عربي


انا بسكر 
deals
 وهمي يا دوب بسكروا 
tabs
 ‏صح بعملش البيتس
 ‏بس انا بدفع وبعمل 
jobs


بديش حدا، بعمله كله لحالي، عندي صبر
بطلت اطلب، لما طلبت، طلبو مني مهر
بدنا نقص عاداتكم كانه بيبي بحبل
وقولوا للتقليدي  لقيتك جوا ذاني
 لانك طبل

****
حطي يهار ع حالتش يا بيظة

****

 تحت السواهي دواهي 
 ‏فهمت معناها
ابن القرية بالمدينة هاي سنين قضيتها بالفلاحة
واشتغلنا صعب وصبرنا وكبتنا بدون راحة
كان اصعب من شغل مصوّر
 بفيلم اباحة


اللي بطلع بسرعة بنزل بسرعة، شوف ترامب
بدها جرأة، هاي مش قرعة، وانا بشتغل مش بلعب
متعود اكون لحالي بني بين مليون ابيض
بشوي بضيوفي وعلى البيض بكثر بهارات


بحضرش tv, 
لسا مشاكلي بتجري بقناوات
مندور ع مصاري
 بس شكله ال
كاسبو
 مات

وحظي زفت
ابن عرب
اضطررت 
احب القرف
بس برزت
مثل الورم
انا خلقت
بلحظة شغف
رح اموت
بلحظة شغب

مش نهد حيل اهلي حتى يبنو حيلي
شو بتسوى تخسر حياتك  لتعمل عيلة 
عندي سواعد لاساعد نفسي بعده ما بكيفيني
واذا مش مساعد نفسك متقلش بحب اساعد غيري

Bharat Ya Beda |  بهارات يا بيضة

Da Arabian MC's  (Suhell Nafar, Tamer Nafar, Mahmoud Jreri)

Heralded by the major French newspaper Le Monde as “the spokesman of a new generation,” DAM, the first Palestinian hip hop crew and among the first to rap in Arabic, began working together in the late 1990s. Struck by the uncanny resemblance of the reality of the streets in a Tupac video to the streets in their own neighborhood of Lyd, Tamer Nafar, Suhell Nafar, Mahmoud Jreri were inspired to tell their stories through hip hop.

After their timely song “Min Irhabi” (“Who's the terrorist”) was downloaded over a million times shortly after its internet release in 2001, DAM became a household name among youth throughout the Middle East. Rolling Stone in France distributed the song free in one of their issues, and the song has been featured in various compilations.

Ten years of performing all over the world has strengthened DAM’s commitment to continue living in their hometown of Lyd – fifteen minutes from Tel Aviv – working to provide the youth of the city and neighboring communities with programs and opportunities that have otherwise been denied to Palestinian citizens of Israel. In addition, they have conducted workshops for young people from the West Bank to the US, Canada, and Europe.

DAM’s music is a unique fusion of east and west, combining Arabic percussion rhythms, Middle Eastern melodies, and urban hip hop. Their work has been influenced by artists as varied as Ghassan Kanafani, Ahlam Mosteghanemi, Mahmoud Darwish, Naji al Ali, Tupac, Biggie, Public Enemy, MBS, K'naan, and Pharoahe Monch.

“IHDA” (“Dedication”), DAM’s long-awaited first international album, was released in 2007, and DAM has seen its songs and members featured in films such as “Ford Transit” (Dir. Hany Abu Assad) “Where in the World is Osama Bin Laden?” (Dir. Morgan Spurlock), “Salt of this Sea” (Dir. Annemarie Jacir), and “Local Angel” and “Forgiveness” (Dir. Udi Aloni). DAM's history and influence on the Arab hip hop scene is detailed in the feature-length documentary “Slingshot Hip Hop” (Dir. Jackie Reem Salloum). The group has also been featured in Vibe, National Geographic, Rolling Stone, Q, Basement, Reuters, and The New York Times, and has appeared on MTV, CNN, BBC, and Al Jazeera

فرقة الراب العربي الفلسطينية - دام
دام - الناطقون بلسان الجيل الجديد، على حد تعريف صحيفة "لي موند" الفرنسيه, هي أول فرقة هيب هوب فلسطينية وإحدى أوائل فرق الراب العربي, بدأ مشروعهم في آواخر التسعينات, حين لفت نظرهم التشابه بين الشوارع في فيديو توباك( فنان راب امريكي مشهور) وبين حارتهم في مدينة اللد, ما دفع تامر نفار وأخوه سهيل نفار ومحمود جريري إلى رواية للعالم من خلال الهيب هوب.
في عام 2001 صدرت لهم أغنية "مين إرهابي" التي حملها من الانترنت أكثر من مليون شخص. وجعلت من "دام" اسماً تداولا بين جيل الشباب في الشرق الأوسط، حتى أن مجلة الرولينغ ستون الفرنسية، عالمية الشهرة، وزعت الأغنية مجاناً في أحد أعدادها, كما ودخلت هذه الأعنية في العديد من البومات المنوعات العربية والعالمية، إلى جانب أغانٍ أخرى للفرقة.

بعد عشر سنوات من التجول بين منصات العالم، صار أعضاء فرقة دام اكثر إصرارا على العيش في في مدينتهم - اللد التي تبعد 15 دقيقه عن تل ابيب، وازداد عزمهم على تزويد شباب مدينتهم ومناطق اخرى ببرامج وفرص التي لا يتمتع بها الفلسطينيون في اسرائيل، بشكل عام. فقاموا بفعاليات تشجيعية وورشات عمل، خرجت من حدود مدينتهم ووصلت إلى مناطق الضفة الغربية والولايات المتحدة وكندا وأوروبا.

الموسيقى التي تنتجها "دام" هي مزيج مميز بين الشرق والغرب, حيث تجمع الإيقاع العربي والألحان الشرقية مع الـ"هيب هوب" الحديث. وقد تأثرت أعمالهم من عدة مبدعين مثل : غسان كنفاني, أحلام مستغانمي, محمود درويش, ناجي العلي, upac‪,‬ B‪.I.G, K’nan, MBS, Pharoahe Monch. ‬T

"إهداء" هو عنوان أول ألبوم عالمي لـ"دام"، والذي صدر بعام 2007، بعد طول انتظار من قبل الجمهور. وقد استخدمت بعض اغاني هذا الألبوم في عديد من الافلام مثل : فورد ترانزيت ( من اخراج هاني ابو اسعد) " اين اسامه بن لادن" (من اخراج مورجان سبورلوك) " ملح هذا البحر" (من اخراج أن ماري جسير), و "ملاك محلي" و "مسامحة" (من اخراج اودي الوني). عرض تاريخ "دام" وتأثيرها على ساحة الهيب هوب العربي في الفلم الوثائقي "سلينج شوت هيب هوب" (من اخراج جاكي ريم سالوم). كما وأن الفرقة تظهر في الإعلام العالمي في عديد من المقابلات والتقارير في الجزيره ووسائل الإعلام الأخرى، منها: ‪Vibe, National Geographic, Rolling Stone, Q, Basement, Reuters, and The New York Times, and has appeared on MTV, CNN, BBC