مدرسه الحياه

احمد سعد سألت نفسي فيلم الشبح

عاشق بيبكى - حجازى متقال

عاشق بيبكي

حبيبتي شرطة مايلة فراغ <3

حبيبتي.. شرطة مايلة.. فراغ
وهكتب لية حروف إسمك؟
ما هو انتي ف قلبي ساكنة القلب عارفة بقصتي وحالي
ومين غيرك في قلبي اكتبله مرسالي؟
وأما بعد..
مانيش عارف جوابي دا جوابي الكام
ما عدتش بحسب الصفحات
ما عدتش بحسب الاقلام
ما عدتش بحسب اللي ضاع من الأحلام
كفاية اني بحبك بس
وقلبك لو بقلبي حس
أو شاف حاله في بعادك
لصلى لربة واستغفر لذنبه وصام
قوليلي ازاي أحبك حب يرضيكي؟
أنا تايه.. ونفسي اوصل أراضيكي
دا لو كان الهوا بالسهد.. انا سيده
ولو قلتي ان حبك صوم.. أنا عيده
ولو حبك فداه قلبي
أقطع قلبي ميت مرة واقدملك عناقيده
وبتقولي بحبك ليه؟
وهو القلب متعذب كدة بإيده؟
بحبك.. حتى لو باب القبول اتسد
وهاتخيل صدى صوتي بياخد كلمتي ويرجع معاه الرد
ولو قلتيلي ميت مرة.. “أنا عمري ما حبيت حد”
هزيد الكلمة ميت مرة
دي نقطة مية م المطرة إذا فاضت تهد السد
وحتى لو فارقتيني هاحبك في الفراق برضه
هواكي ف قلبي لو شفتية نوافله وسنته وفرضه
وحبك أرضة لو تنسيه.. هينسى ازاي حنين أرضه؟
وياما ف نفسي ياما ف نفسي تيجي لقلبي وتحني
ولازم تعرفي إني.. لا انا عفريت ولا جني.. بحبك
بس إيدي اقصر كتير مني
فمش هاقدر أجيب لك م الدهب كفة
واجيب لك م الياقوت كفة
ومش هاقدر أجيب الوالي في الزفة
ومش هاقدر أجيب لك بيت يموت القطر لو لف ف حماه لفة
كفاية إني بحبك موت
وحب الناس ندامة وعار
وحبي عكسهم عفة
ولو ترضي فعندي شروط
أنا طبعا بحبك موت ولكن برضه ليا شروط
أنا عايزك تكوني في الوريد دمه
وتبقي ف عقلي انا همه
وتبقي ورد جوه القلب غيري يشوفة يتحسر ولا يشمه
وعايزك تفهميني لو كلامي طل من رمشي
وعايز رمشك الجارح صراط يجرح فؤاد غيري مايرحمشي
وانا اجيلك أعدي فوق صراط رمشك ولا اخافشي
وحتى لو وقعت ف يوم من الخضة
أقع في عينيكي واتوضى
واصلي ركعتين لله وابوس نن العينين وامشي
لا انا طماع ولا ف طبعي الأنانية
بحبك وانتي انا طبعا وما اسمحشي لحد يكون شريك فيا
وقبل ما يخلص المرسال باعت لك من عينيا سؤال وهو الحب كان عيبه؟
ولو مرة حلمت بضحكتك في النوم عليا تتحسب غيبة؟
وفي الآخر باعتلك ويا مرسالي الجديد أحلام
بلاش ترميها كالعادة من أعلى البرج
وخايف يبقى مرسالي نهايتة زي أجداده في قلب الدرج
جناين قلبي راح تفضل ولو طال البعاد فاتحه
بحبك قلتها بالكسرة.. نفسي اسمعها بالفاتحة

مرسال لحببتي

دايره تلف تصب البيرة Beraa Islam Ali

ana elshaky - mayo انا الشاكي - مايو

"Al Madina" new Album by Zap Tharwat & Sary Hany featuring Ingy Nazif, Sherif Al Hawaary, Amir Eid, Hany El Dakkak, Tarek ElSheikh, Mahmoud El Esseily, Hamza Namira and Ahmed Sheeba.

Al Donya – Zap Tharwat & Sary Hany  الدنيا  - غدر الصحاب  - زاب ثروت وساري هاني مع طارق الشيخ

elqodama2 - mayo القدماء - مايو

أحمد منيب: مطرب وملحن مصري نوبى.ولد أحمد منيب في 4 يناير/ كانون الثاني عام 1926، أي بعد بناء سد أسوان بسنوات قليلة، وقد عاش مخلصاً لذلك الشجن الصافي لتلك الجماعة، جماعة النوبة. فكان أول من عزف على العود في النوبة وقدم مع الشاعر محيى الدين شريف أول أغنية نوبية تتكون من قالب الأغنية الحديثة ـ مذهب وكوبليهات ـ حيث كانت الخميرة الموسيقيية النوبية قبل هذا التعاون هي وليدة الممارسات الاجتماعية لدى أهل النوبة وجزءاً من طقوسها الشفافية، مجرد أغان تتوارثها الأجيال بتنويعات لحنية ثابتة في الأفراح وحفلات الميلاد وأغنيات العمل.

هو رائد من رواد الأغنية تتلمذ على يديه العديد والعديد من المطربين الملك محمد منير - علاء عبدالخالق - محمد فؤاد وغيرهم - صادفت بعض الحانه الجميلة كلمات الشاعر العظيم عبدالرحيم منصور صديق و زميل رحلة كفاحه ويعتبر رحمه الله الأب الروحي للفنان العظيم محمد منير الذي لايزال يغني الحانه العظيمة التي ان مات صاحبها ستظل هي خالدة على مر العصور

مرسال لحببتي

David Aziz