شعر و إلقاء : ديفيد رفيق
موسيقى : On Confused Night - Master One هشام عفيفي


اوقات كتير باتمنى اكون
طاير .. محلّق في السما
عايش حياتي بدون قيود
اصلي بكره القيود.. كره العما

و باكون ساعات محتاج لناس
ارغي معاهم بالساعات
و نكون سوا ضحكة و اهات
و نغني غنوة في ليل جميل
مليان نجوم .. مليان هدوء
و انا نفسي ادوق
طعم الجمال
اصل الجمال طعمه ده حتة من الخيال

و ساعات بشوف نفسي جبان
مليان هبل .. مليان جنان
بيني و بين الفجر .. سور

و ساعات باشوف نفسي بطل
و في قلبي حتة من الامل
عمالة تنشر فيّ نور

و انا نفسي نوري ينتشر
بين البشر..
و القى الامل جوايا غالب .. منتصر
مش منتظر .. يجي عليه الدور
في قلب مليان بالتناقض
و المشاعر جوه منه ملخبطة
نفسي تكون حته امل
في برد الحيرة..
هي الغطا.

حتّة من الامل - ديفيد رفيق

"Where words fail, music speaks." ~Hans Christian Andersen~




حتّة من الامل - ديفيد رفيق

David Rafik