a3'anii

hip hop

الجوووكر

الجووو ?

👽🙊

عمر

في عنيكي كلام - أيمن الرفاعي

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

El joker-Shakal Lelbe3 _ الجوكر-شكل للبيع (Dirty)+18

رامى جمال ..بننجرح اوقات

https://www.facebook.com/RamyEssamOfficial
For my sister wedding 
Lyrics: Mohamed Ibrahim
Composer: Ramy Essam
Sax: Moataz Dawoud
Guitar: Ramy Essam
Music Production: Taher Saleh

Ramy Essam - Haidy | Ya Fatena | رامى عصام - يا فاتنة

زيزي عادل - شيلهالك

03 - Masbtloush Foursa Randa 7afez....رندا حافظ مسبتلوش فرصه

instagram\\ https://www.instagram.com/magicrap_music

official account \\ www.facebook.com/MaGicRap.AMS

official page \\ www.facebook.com/musicmagicrap

official youtube \\ https://www.youtube.com/watch?v=HSahRrVrzSg

MagicRap - الكفن فستان فرح - ماجيك راب

لو النظام في صفك ليه إيقاعه إختار ألحاني
قال هيبقي معاه عصايه و مش هيبقي موسي تاني
لازم يأمنوا لما نوضح معني كل شيئ
لو التفكير مكانش عباده يبقي إيه لازمة الغيب

إيقاع من إختراع فرد كفائته 5 أضمن
من عشوائيه كل فرد فيها كفائته 10
مارس العباده لما توصل للإجابه
تشهد ليه علي وجود إله لما إنت مشوفتهوش ف حاجه

في الجزء السالب من ساعة ما الملك مشي
خفوا نجيب خافوا لـ فكرة مدنية تنتشر
دوله غير الدوله و إنت في عينهم شبه عاله
بعد ما إحنا نموت هيعيشوا 100 سنه زياده

متقوليش أنا حاسس بيك , ده أنا مش حاسس بيك
كل واحد حاسس م اللي في التاني اللي حاسس بيه
إنت كغبي في نعمه , مش هيساعدوك تعلي
لازم تفضل كده و إلا الكوكب مش هيسعنا

إنت شخص عادي جدا سرعتك سرعة القاع
تبقي ساذج لو فكرت إنك هتغير أي إيقاع
إنت بتختار كذا و في إختيارات إختارت الباقي
حتى إختيارك كذا نتيجه كذا إختيار تاني (x2)

أنا كذا جزء حي مني في كذا مكان إفهمي
لوحدي هوصل أسرع بس لوحدي هتعب أوي
نمت في تلات أيام مع تلات أفكار و مش ناسيها
دبحاني فكرة كون فلان دلوقتي بيكتب فيها

أنا صرفت عليكي أنا , إنتي صرفتي عليا كذا
حاجه , مفيش و لا حاجه فيهم إحتاجت مجهود إتبذل 
عن شئ مكنتش عايز سعادتك تتربط بوجوده
و فهمت سر خوفك منه لما بدأت تشوفه

لحد هنا و تلات نقط , نقف , أحب أتعرف
جاملتك ب "إتشرفنا" و إنتي عارفه مين اللي إتشرف
الفرق بين بعض الأشخاص و البعض الأخر طفرة
محتكر إحساس إن السلاله دي لازم تقفلك

كل واحد فينا بيفكر للتاني و في التاني
لقي حاجات العامة متفهمهاش بس إنتي أكيد فهماني
أيوه إنتي اللي أنا عيشتلك , بيسمعوني بس بكلمك
حب إمتلاك لدرجة إني قبل ما أموت هقتلك 

إنت شخص عادي جدا سرعتك سرعة القاع
تبقي ساذج لو فكرت إنك هتغير أي إيقاع
إنت بتختار كذا و في إختيارات إختارت الباقي
حتى إختيارك كذا نتيجه كذا إختيار تاني (x2)

El Joker - Ka3 El - 2ika3 L الجوكر - قاع الإيقاع

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

الــــكــــلــــمــــات

مش إنتي نفس الواحدة مع إنها نفس القصيدة 
بتعقد فبتتعقد كل جُملة كانت بسيطة
بس أنا الحمد لله , مُتأقلم إلى حدٍ ما
ظهوري الأول الحقيقي بعد تمام تسع أجيال

أنا آسف إتأخرت عليكي في الرسالة الأولي
الأفكار مكانتش راضيه تتكتب جُمل موزونة
الأرض بدأت تخلص فالناس إتسعرت إجمالاً
الكوكب أصبح ضلمة و بدأ يسكت آله آله
كل ما زاد الوضع سوء سطوري بتغلي في عينهم
لو كل قريش سادة مكانش الدين إنتشر بينهم
كل شئ نسبي لكن إجتمعت الإختلافات
علي كون الإختفاء لكبر علو قرب مش إختفاء
دايما شبه بعض بس العيب في عينك إنت
أي جُملة في التراك تتقال في أي حتة
إنتي شعري و بيتي مكانك بين الورقه و بيني
مفيش حاجه مبتعرفش تبقي شبهك انتي في عيني
دايماً ربطانا حاجة حتي لو ملهاش مُسمي
بكتبلك إنتي بمعني مُختلف عن معني العامة
من غير ما أقابل خِضر فيا موسي بعد سفره
يونس في بطن الحوت مش في التخلي عن اللي كفروا

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجة و برضه حصلت

خليكي في نفس السنة لحد ما أجي متكبريش .. وعد
سيبي الأرض تلف نوعين اللف و ما تلفيش
الإختلاف هنا كالعادة قتل الرضا ، مفيش سعادة
تجربة ألف سنة بدون تراب عالجت نعامة
اللوحة دي لحبيبتي طفلة بتغرق بين الموج
الطفلة تبقي حبيبتي و هي طفلة و أنا الطوق
مضربش المثل ليه بوساخة اليهود في سطوري
روح هات كلام إلهي عنهم و أقعد فهمهولي
و أنت فعلا أنا طريقك بس الكُفر طريقتك
مش أنا إبن الإله مع إني بكفر عن خطيئتك
في موناليزا متدفنش إلا أما عينيها تغمض
تحدي الساعة البيولوجية كان في صالحى مرة
مواردنا بتخلص , متوسط أعمارنا بينقص
النظام بيأخر البشر اللي بدأت ترخص
بس و لا أحنا أول بشر و لا عايشين في آخر عالم
مفيش يوم كبرته مش مبعوتلك في الرسالة

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجه و برضه حصلت

El Joker - 3015 L الجوكر - ٣٠١٥

كلمات : محمد ابراهيم
ألحان : هشام شوقي
توزيع : مهاب رمضان 
غناء : عادل صقر 
Adel's Official Page https://www.facebook.com/adelsakr.officialpage

Fostan Farah - 2015 (Original)  فستان فرح - عادل صقر

مهرجان نص كم تشتكي للثانويه العامه

جواز صالونات _عفريت و ميرا امام

أم كلثوم - سيرة الحب

#عنها
حلم ياما حلمت إني أنفذه , فضلت سنة كاملة بكتب فيها حوالي 12 قصيدة , كل قصيدة بتحكي عن وجع و عياط و ضلمة و خوف و قلق عنها ..

كلمات و القاء : شيماء عبدالله
كلمات الراب : شيماء عبدالله & كريم تايكو
غناء الراب : كريم المعداوي ( تايكو ) 
مزيكا و ميكس : الكويتي
تصميم البوستر : أحمد دولا
تم التسجيل ب زحمة ستور .

Lyrics : shimaa abduallah
Rap Lyrics : Shimaa abduallah & Kareem Taiko
Rap : Kareem El Ma`dawy ( Taiko )
Mazzika & mix By : El kwetty
poster Design : Ahmed Dola
Recorded At Za7ma Store Mansoura

Shimaa Abduallah account : https://www.facebook.com/Sh.H.Abduallah

Kareem Taiko account :
https://www.facebook.com/K.Taikoo
https://soundcloud.com/tai-ko-2

#عنها Shimaa Abduallah FT Taiko Prod.By:Elkwety

Artist : Aly El-Sha'er
Master And Record At El-Sha3er Records©

على الشاعر • سوء تفاهم El-Sha3er

الجوكر-بعد النسيان

الجوكر-هامش الصمت

الجوكر-3015

الجوكر-اخينا

الجوكر-شكرآ

الجوكر-الحب في عنق الزجاجة

El Joker - Abyad w Eswed l الجوكر - أبيض وأسود


Published on May 10, 2016الـــكـــلـــمـــات


زهقت من صحابه و من سهراته و من رجوعه 
وش الفجر كل علاقته بيها سد جوعه 
تصونه ليه و هو خاينها الف مره
بيبصلها كل فين و فين هتبص فين غير بره

لا ده كلام شيطان انا بنت ناس و متربيه
هو اختارني فمهما لف مسيره في النهايه ليا
بس لامتي هموت بالحيا عشان يعيش حياته هو
جبان ، شاري راحة البال و بايع الابوه

زهق من نكدها و من طريقة اهتمامها 
كره غيرتها لما بالغت في المبالغه
زمان كانت كل يوم بشكل و بتسريحه
دلوقتي مياه عديمة طعم و لون و ريحه

كانت كل يوم جديده ، كل بنات الدنيا فيها
دلوقتي المخبر اللي مراقبه دقيقه دقيقه
و مقدرتش كونه اصبح ثور في ساقيه
عشان يعوض جنة بابي اللي في المنيل


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين


ليه بتخون؟ ليه بهون؟ ان شاء الله ، و مش بيكون
ليه مسجونه؟ و مش مسجون؟ ليك دنيتك و انا بدون؟
دنيتي اللي هي الشغل و سجنك اللي هو بيتنا !
اقتنعت ان انتي الطرف اللي بتتعبه علاقتنا !

انت خاين ، في الواقع ده اسمه هروب
من ان كل اللي انا حبيته فيكي ملوش جواكي وجود
طب ما انت مش انت اللي انا حبيته ، يبقي اخونك عادي!
احنا في مجتمع شرقي ،انسي شعارات التساوى

انا اكتفيت ،انا لسه عايزك جنبي
انت اناني لدرجه انك عايز تبين انه ذنبي
مش ذنبي لا انا و لا انتي، الحياه اللي ضغوطها زادت 
و مخدر البدايات انتهي ،فعقولنا فاقت

مبقولش اننا وحشين ،ولا مش مناسبين
احنا يا دوب بشر زي كل البشر و البشر ناقصين
متبررش الخيانه ، انا اصلا مببررهاش 
انا بقول اننا خربنا علاقه حرام منصلحهاش 


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين
_______________________________________________

Kabel Lel Kasr

Written by: El Joker
Music: Free Beat
Vocals: El Joker & A Jokerian
Master and mix by: El Joker
© 2016 El Joker

الجوكر - قابل للكسر


وجيه عزيز ملحن ومغن مصري، امتدت مسيرته الاحترافية لسنين عديدة كانت باكورتها مسرحية من أشعار فؤاد حداد في إحدى مسارح الدولة سنة 1988. تأثر وجيه في تطوره الفني بنموذجين رئيسيين؛ سيد درويش و الرحبانية. أثر سيد درويش في موسيقى وجيه بجعل منبعها الأول انفعالات وهموم أهل البلد بفئاتهم المختلفة. أما الرحبانية فقد ظلوا في نظر وجيه أصحاب أرقى الكلمات والألحان بين المشاريع الموسيقية العربية.


تتكئ ألحان وجيه دائما على الكلمة، وهو ذو مزاج خاص فيما يتعلق بما يغنيه من أشعار، مفضلا أولئك الذين أسسوا قواميسهم وتيماتهم على حياة وثقافة الشعب المصري بمختلف فئاته. فنجد أغلب أغانيه من كلمات فؤاد حداد و علي سلامة و أيضا رباعيات صلاح جاهين .

وجية عزيز - ملناش غير بعض

اجمل التهانى القلبيه  بعيد  ميلادك   ويا رب العمر المديد لك

عيد ميلاد سعيد

اضحك - لو ده جنان اتجنن   عايدة الايوبي و كاريوكي

اغنية راب الجوكر وعبد الله الحسينى فى اختلافنا رحمة جديد 2013

غنوة أمل وحياة...ولا عمرى سمعتها

شمس النهار_هانى عادل

هيا الحياة كدا ليه

على بالك أنا ولا؟
بيحلى لك خلاص بعدي
وقادرة تعيشي من بعدي وسيبتيني
وفاكرة ولا ناسياني؟
بعاني وقلبي بيعاني
ومش عايز أقول لك غير وحشتيني
على بالك أنا ولا؟
بيحلى لك خلاص بعدي
وقادرة تعيشي من بعدي وسيبتيني
وفاكرة ولا ناسياني؟
بعاني وقلبي بيعاني
ومش عايز أقول لك غير وحشتيني
وعايشة إزاي؟ أنا في بعدك بشوف الويل
عايشة إزاي؟ في مين بتفكري بالليل
عايشة إزاي؟ وأنا أيامي مش بتفوت
في بعدك كل لحظة بموت
بعيد عنك ومش قادر
ولو ناسية أنا فاكر
وبتمنى في يوم قلبك ينادي لي
بعيد عنك وبتألم
صحيح البعد بيعلم
ونفسي أنا وإنت نتكلم وتحكي لي
بعيد عنك ومش قادر
ولو ناسية أنا فاكر
وبتمنى في يوم قلبك ينادي لي آه
بعيد عنك وبتألم
صحيح البعد بيعلم
ونفسي أنا وإنت نتكلم وتحكي لي آه
عايشة إزاي؟ أنا في بعدك بشوف الويل
عايشة إزاي؟ في مين بتفكري بالليل
عايشة إزاي؟) وأنا أيامي مش بتفوت آه)
في بعدك كل لحظة بموت
عايشة إزاي؟ أنا في بعدك بشوف الويل
عايشة إزاي؟ في مين بتفكري بالليل
عايشة إزاي؟) وأنا أيامي مش بتفوت)
في بعدك كل لحظة بموت
عايشة إزاي؟

الجوكر-الحب في عنق الزجاجة

Ehab