تراك في المعاد بجد يا برو

Rap 👑💙

بداية يومك بتحدد مصير بقايا اليوم 
عيشت موقف بايخ فبتحلم بحلول معاد النوم 
عايش اليوم بيومه شايل حمل تقله جبال  
شايف ألوان السعادة رمادي في خانة الأحزان  
راكب مركب و مسافرة جوة كتاب عبر الزمان 
عاشق بترسم حلمك على رمل بلاد الشام 
خايف مغمّي عيونك و من خوفك خايف تمشي 
إسأل المسن اللي ساكنك و هو يحكي 
عارف من كام سنة و انت عاجباك المسألة 
ساجد لكل حكمة ذليل لطاعة الهيمنة  
ضلمة عتمة نور ضئيل قلمي يصرخ مستحيل 
ساجن كل حرف حر و حاجز سجن إيجار قديم 
مسكنات الزمن كانت صديقة ليك في رحلة 
آثار مراحل العمر اسكت نبرة صوتك خشنة ! 
اقفل الشباك الساقعة غلبت تلج طوكيو  
هما مش ملايكة ليه انت لاعب دور بينوكيو  
------------------------------------------
يا ليل يا ساكن واحدك بس سامع ليا  
يا كشكول الحكاوي سطورك كرهت القضية  
حكيت و مين سمع ؟! .. " مفيش " بكيت و مين رجع ؟! .. " مفيش "
 مالاقيتش غير العزلة مبروك مرض النيكتوفيليا 
-------------------------------------------
نوّر شمعة المستقبل شغّل شريط فيديو الماضي  
من ورا المربّع الإزاز عمّال يضحك و ينادي .. 
مين اللي أدمن الدراسة عشان يبص في وشها ؟! 
مين اللي خلص حبر قلمه على حروف من اسمها ؟! 
مين اللي كان للضحكة تاجر بيوزع على خلق الله ؟! 
مين اليوم في وجودوا كانوا يحكوا يقولوا يا محلاه ؟! 
 مين اللي حب و مين فرح ؟! مين في لحظة تاه سرح ؟! 
مين اللي كدب ؟! مين لعب ؟! مين من الضحك مات تعب ؟! 
شوفت بعينك نفس الشخص لما كان في قلبه نبض  
هو هو الهربان صاحب قانون ( لا أعرف حد ) 
بتوصل للناس رسالة و انت أولى بمحتواها  
طول م الخمرة على السفينة مش هتنور نورها تاني  
متعة صغر زماني أكون علاء الدين أواني 
بس وصل بيا حالي أكون عفريت جوة المصباح 
وقت الحاجة هتلاقيني بس في مرضي انت سيبتيني  
كنت شايفك الياسمينا اللي هطير بيها على البساط  
-------------------------------------------
يا ليل يا ساكن واحدك بس سامع ليا  
يا كشكول الحكاوي سطورك كرهت القضية  
حكيت و مين سمع ؟! .. " مفيش " بكيت و مين رجع ؟! .. " مفيش " 
مالاقيتش غير العزلة مبروك مرض النيكتوفيليا

نيكتوفيليا || #Nyctophilia - Ec

اعمل SHARE لو يستحق
Lead Guitar : Amr Abd El Hakim [ El Doc ]
Bass Guitar & Vocal : Moataz El Nashar 
Drums : Rania Amr [ Ruu ]
Music Composing :  Rakan Sherif 
Mixing & Master : Rakan Sherif 

Lyrics | الكلمات تحمل اكثر من معنى 
#Chorus  
زى طرزان بين اربع حيطان 
شايفنى خسران منا عندى سرطان 
زى طرزان بين اربع حيطان 
شايف انى خسران منا عندى سرطان 

#Verse1 
انا بخير صاج سليم 
شجرة اورام منورة إشاعة الرنين 
كيماوى إشعاعى مورفين 
و بعد كل دة نسبة الشفا خمسين 
_
قتيل مستنى فى زل 
قنبلة هتنفجر فى الكل 
فى الأب و الأم فى الى بيهتم 
حتى لو مش رابط بينى و بينهم صلة دم 
_
مهتم تعرف إية الى فيا 
ورم خبيث بسبب خلية 
بدءت امل من بصاتكم ليا 
انا بضرب كيماوى طب ما هما بيضربو كيميا 
_
دنيا و كلو لى اجل 
الامل بكرسى بعجل 
بدل مبص لنص المليان 
شربتو بلعت بى البرشام 

#Verse2 
اضايق .. دانا نجم تليفزيون 
فى رمضان إعلاناتى كل يوم 
اتبرعولى خدو حسنات ذكو 
و باقى السنة ولا تحطونى فى دماغكو 
_
تاجرو هيا جت عليا 
تعالى خدلك صورة و انت جايبلى هدية 
اهو تطوطى من روحى المعنوية 
تزيد شعبية بالأعمال الخيرية 
_
النية الصافية بتغرق فى القعر
مبدء ارشميدس لقانون الطفو 
صاحبت القراءة بعد مخانى الشعر 
لو كان عزيز مكنش طلع اخر الضهر 
_
الصبر مفتاح الفرج 
حد سمع عن مريض سرطان خطب ؟ 
حالياً بتعايش بالمرض 
و المريض حر معلهوش حرج 


سرطان | Cancer ( Moslas | مثلث ) Prod.by Rakan

Jaguar - Isabelle L جاجوار - ايزابيل

islam shenawyI 3 وعود  
written By : shenawy
Beat prod By : polo el3ezba 
mix&master by : shady gamhoury _Studio
poster By _ shenawy

talat w3od _ shenawy (3 وعود  )

Liyres :

 6 سنين وميعرفش  يعرف ابن مين 
طنط ماما فين مسافرة بره علشان تغنيك 

طب وبابا فين  تلاقيه في مكان احسن اكيد 
ذاكر انت علشان تطلع دكتور ويفرح 

 ليل نهار مذاكرة صغير بكرة يفهم 
مرت سنين بعدها الواد في سن 8 سنين 

انتي بتكدبي عليا بابا وماما راحو فين
ملكش دعوة ركز انت هتنفع نفسك 

 كل اما بيكبر بيحس فرقة معامله
غياب الام والاب اكيد في حياته فرق   

يسمع بالصدفة معدي من الطرقة وبظروفها   
تتكلم في التليفون الواد كبر ونفسه يعرف   
 
فا يحس انه لقيت او ابن حرام اكيد  
يعمل نفسه عبيط هيجي اليوم ويعرف بالتاكيد 

شايفه نفس قليلة او علشان محدش حسه  
لو يعرف الي فيها  كان فشل او شنق نفسه 

الكورس 
----------
ابن حرام ورث الذنب  والمعايرة 
ابن حرام والتوريث بقاله سابقة

ظروف مجتمع واحد فلاتي وواحدة ظانيه 
هي ماتت هو بيفكر يموت بعدها 
........
12 يوم في اوضة مدقتش طعم الذات ولا نام 
الي زي حرام يعيش الموت بالنسبالي حلال

فا تلاحظ تجس نبضه بمالك  يا ابني 
ابني ...دي كدبة جديدة علشان مخنقش نفسي

مش هسيبك الا لما تقولي انا ابن مين 
هقولك بس تصبر مع اني حلفةة 100 يمين 

فا الواد يترعش  اقولك ومتزعلش 
ابوك الله يرحمه كان محلفني مقولكش 

في ليلة حمرا وامك مع 3 رجالة 
حملت من حد فيهم بس  لا يعلم الا الله تعالي 

فا جبتك وجبتك لي علشان تداري عارها 
مش قولتي تعرفي ابويا لا ده كاان رجال   سترها 

فا ينسي نفسه ويكرر يبقي ابن شارع 
فيوم بالصدفة يقابل واحدة تقوله تعالي معايا 

فا ينام معاها بعدها تحكيله حكيتها 
 فيحس انها امه ميترددش ويموتها

islamTaG  I ابن حرام (abnـHaram)
written By : TaG
Beat prod By :victor
mix&master by : imbaba _Studio 


poster By :TaG

آبن حرام (abnـHaram) islam shenawy

islam shenawy  I Deen abwya   I دين أبويا 
written By : shenawy
Beat prod By _ ckick clak beats 
mix&master by :imbaba _Studio @ahmed mohamed
poster By ::ركاااان فوتغرافر 


تاني مرة يترفع بعد الريبورتات شيرررر

دين آبويا ِ   deen abwya ِ islam shenawy

Mix & Master : POLo
Poster By : Hossam Kamel
#SHARE

Godzee | I N T R O

Rec Mix Master : AR Studio " Mahmoud Afifi "
Lyrics
قابلوا بعض بالصدفه . كان مكتوب ان ايده تخبط ايدها
العيون بتتفاهم . محتاجه حبه ومحتاج حنانها
من بعد ابوه وامه بين 4 حيطان . دبلان زى الوردة مفيش اهتمام
من الشغل للبيت . وفى البيت بيونسه الاكتئاب
وهى محتاجاه عايزه الأمان . عيزة تحب زى باقى البنات
عايزة تبنى عيلة . جوز وبنت او ابن فى الحلال
معرفوش الفراق . رحمهم القدر طلعوا جيران
نظرة العين من الشباك . بالنسبالهم احلى ما فى الحياه
نظرات ليها معنى . زى امتى ربك فى الحلال يجمعنا
الحياه فى حضنك اكيد هتبقي جنة . بدعيلك يارب قرب ميعادنا
وهى بتقول . عاوزاك تبقي سندى مهما العمر يطول
مش هعيش من غيرك يوم . انت بالنسبالى اغلى ما فى الكون
ياما اتالم وبكى . من غير ما يتكلم للى خلقه اشتكى
هو الفقر ميعيبهوش . بس دة عيب فى عقول أهلها
اشتغل كل حاجة نفسه يحقق حلمه . والمرض كل يوم  بينهش فى جسمه
كان بيسنى لما يشوفها . وكأن الدنيا بحالها بتضحكله
وتمر ايام وشهور وسنين  . الحال زى ماهو مفيش تغيير
الضغوط بتزيد . وهما بصبر أيوب متصبرين
12 بليل . تعب وكان علاجة نظره عين
قام على الشباك نفسه يشوفها . ملاقاش البيت ..
------------------------------------------------
ليه اللى بنحلم بيه مانلاقيه
راحت فين فين الحب اللى عشت ليه
والشباك اللى سهرت ليالى عليه
دة كان حقيقى ولا انا عقلى رسملى طريق
-------------------------------------------------
اه كانت خيال  . عقلك رسمها من شدة الاحتياج
انت حبيت حد . ملهوش وجود أصلا فى الحياه
اسف دى الحقيقة . قلبك احتاج يحب بأى طريقه
منتا كدة كدة لوحدك . حتى لو كانت طلعت حقيقة
هو انت نسيت . ازاى قبلها كنت كل يوم بتموت
كنت بتنام من الحسرة . وتصحى على كابوس كل يوم كابوس
كل يوم مخنوق مكانش فى فيه مخلوق بتحبه كانك حابب تكون
عايش دور المظلوم وتلعن الظروف
بس كدة احلى . نفسى تكمل حياتك لوحدك
ملكش دراع ضعيف يعنى الوحدة اقوى
بكره افكرك هتحب واللى هتحبه هيكسرك
هتقابل كتتير ومن كتر الندم قلبك هيكرهك
------------------------------------------------
ليه اللى بنحلم بيه مانلاقيه
راحت فين فين الحب اللى عشت ليه
والشباك اللى سهرت ليالى عليه
دة كان حقيقى ولا انا عقلى رسملى طريق
-------------------------------------------------

Sub-Zero | ليه ؟ F.t Omar Khatab

Join Afreet On Facebook:

Profile : https://www.facebook.com/Kareemelkhamissy

RC Family:
www.facebook.com/RCFAMRAP

Lyrics Here : 
https://genius.com/Afreet-rc-zay-manta-7azen-lyrics

زي ما انت حزين | عفريت

فى الطريق بمشى - مشيت كتير و أخرو مبنش 
سنين بتسيب فى الطريق احلام مبتتحققش
ده الخوف هنا - و الموت لينا - السكوت غنى 
بصرخ بأعلى صوتى و عمر الصوت ما تطلع
هنا الجوع رضا - و الحب عدى 
ليه مش شايف حد جمبى و ليه مش سامع ندا 
مفيش إنسان ساندك - مفيش لسان ساعدك 
موت الأحلام إدفن الأحلام دى جمبك 
و لو الاشباح بتطردك و الصحاب بتطردك برضك 
افتح تربه الأحلام و نام دى ارضك
الاوضه مقفوله و صوره بنت مرسومه 
و على السقف صوره كوكب ألوانه معدش موجوده 
مش شايف ياامه - فرق بين النور و الضلمه 
و خايف ارضى يمكن كنت اقدر أوصل 
بخاف أغمض 
قالك مفيش راحه ف الدنيا بس بيرتاح لما يعيط
-----
الأحلام و داقت بيه - و سكت
و الأيام بتدارى ايه - تفتكر 
الحياه قصدانى ليه العمر طار لفين مش شايف غير ضلمه و ليل 
انا ماشى و شايف مليون طريق - كلهم مقفولين و تايه
------
مش عارف انام - مش شايف انا 
غير كوابيس بتكتف - اهدى و لا أهدد اغرق ولا اركب بحر الكابوس و اقدف 
متكتفونيش بكدب مفيش مركب مفيش بحور جوا عقول بتخاف و تبكى
لوحدى - حبسنى ولا حابس نفسى ؟ 
عارفنى ؟ - احكيلى عنى كتير عرفنى شكلى ولا اسمى 
تايه - و الأفكار جوايا عامله حكايه 
تايه - و الأفكار طريق ملوش نهايه 
مش حنموت هنا - مش حنكون زى الورق الهوى يهزنا
و من حظنا الماضى يهدنا و الحاضر يصدمك - كدا 
لو ليا ذنب انى أعيش هنا ف اثبتلنا 
ف بلادى بمشى - الظلم داير على البيوت مينمش
الدم يخلص بالحداد و الحقوق متبنش 
حمشى جمب الحيط مخفش
بنموت لما نتهان و مين فينا ممتش
-----
الأحلام و داقت بيه - و سكت
و الأيام بتدارى ايه - تفتكر 
الحياه قصدانى ليه العمر طار لفين مش شايف غير ضلمه و ليل 
انا ماشى و شايف مليون طريق - كلهم مقفولين و تايه
-----
حلم الاستاذ اضواء و شهره ف بلاد الشهدا 
فنظرات الحضرات بتقول متفوق لشغلك
طب نهاجر ؟ ولا نغرق بالمراكب ؟ اسف 
يا امى و لو هموت مش راجع القعاد مش نافع 
فى الى ضهره انحنى من البلد و الالم قتل ولد كان سند و اتدفن ف كفن الى حارب الزمن 
افرد جناحى و أطير اتصلب - انزل على الارض صنم
اسكت بس شطانى مزتو ف الوسوسة الكرم 
عين مثلث هرم - عبدو عين مثلث هرم 
و بقينا ماشين ف طريق الكفر بالمسطرة 
عين كتبت بالقلم قدرنا و الشقى اخترنا
بصرخ ب اعلى صوت مستنى المهدى يجى ياخد بطرنا
محبوسين حتى لو خرجنا - موجودين انت ادرى 
حنعلى الصوت و مش حنرضى
-----
الأحلام و داقت بيه - و سكت
و الأيام بتدارى ايه - تفتكر 
الحياه قصدانى ليه العمر طار لفين مش شايف غير ضلمه و ليل 
انا ماشى و شايف مليون طريق - كلهم مقفولين و تايه
-----------------------
Vocals : @blackmicroscope 
Record nd Mixing By : @fidrorecords
Poster Designed By : Ahmed Saeed "SubZero"

Single

Black Ak - Tayeh | تايه

Ana 7abetek I انا حبيتك

Master & Mix By : @lkwety
Poster By : @a-laa-amr
Video By : @megzmagdy
Video link On Youtube ► https://goo.gl/6sjqT3
#Listen
#lyrics
اوقات كتير بحس بوحده
بس مين معايا
الايام شبه بعض واحده
مفيش تغير جوايا 
...
الكون ده اناكوندا بيعصر فيك تنزل دموع
بكبرياء ساندها فبتنزل في الخفا ملهاش صوت
كونك انت اقوي من الصدمات و الخضوع
بيشوفوا الضحكه يقولوا يبخته عايش مبسوط
ميعرفوش انت مين مركزوش في التجاعيد
وصلتلهم انك سعيد يشوفوك يقولوا جانا العيد
جانا اللي ينسينا الهم جانا اللي بنسند عليه
بتفرح غيرك عندك قدره متبينش جواك ايه
....
اوقات كتير بحس بوحده
بس مين معايا
الايام شبه بعض واحده
مفيش تغير جوايا
.....
بس تعبت محتاج تحكي مشتاق تبكي في حضن حبيب
حضن قريب بس للأسف في فرحك جنبك في حزنك غريب
عينيك في موبايلك بتغيب مش داري بعقارب ساعتك كئيب
وقتك بيعدي مستني تنام عايز ترتاح من النصيب 
وسط اللمه وحدك و في كل حته وحدك
محدش حسك محدش ونسك غير الليل
طب احكي و لا اخبي يعني هرتاح لما هحكي
منا كل ما بحكي بمثل اني ارتحت في عز الويل
....
براكين في دماغك خامده سكاكين الناس فيك طاعنه
في العين دموع عليك شاهده علي اللي شايله راسمه الف محنه
و الناس ممسوخه بعين واحده مش شايفين ظروفك كامله
تبوح فيزايدوا معاك ع الواحده
مفيش احتواء او احساس بالرحمه
....
اوقات كتير بحس بوحده
بس مين معايا
الايام شبه بعض واحده
مفيش تغير جوايا
......
بلاش تبرر بلاش تكرر الغلط (انسي اللي فات) .. 
بلاش تبرر
بلاش تعبر سكان القاره مفيش في ايدهم غير كلام
بلاش تعبر
و الكلام مش بيداوي لو بيواسي و لمس القلب
مهو مهما لمسك مش هيحل مشاكلك اللي ملهاش حل
غير فيك انت انت اللي بايدك تغيير المصير
و في ايدك تخلق مناخ احسن طبعا 
ارمي كل اللي قلته في البير
انت و حيد و هتفضل وحيد خليك عن كل الناس خليك بعيد
خليك سطحي هترتاح عمق العلاقات بايه هيفيد
مش كل الناس تديهم قلبك نادر تلاقي تقدير 
خلي قلبك كوكب اللي عايز يوصله يحاول لو هيطير
الكون ده اناكوندا *4
-----------------------------------------------------------------------------
Follow B-Sallam ♫
►iTunes: goo.gl/5KoSqu
►Spotify: goo.gl/n1R7Tf
►SoundCloud: goo.gl/kvoB9a
►Youtube: goo.gl/vsge3Q
►Anghami: goo.gl/nS8GLv
►Page: goo.gl/QJLUK6
►Instagram: goo.gl/GnjWMA
►Twitter: goo.gl/5T3tYP
►Profile: goo.gl/4Hpvsq
►Reverbnation: goo.gl/PbnWBQ
►Hearthis: goo.gl/HbSyTo
►@b-sal-lam
© 2018 B sallam All Rights Reserved .

Anaconda - اناكوندا

A N A C O N D A - اناكوندا 🐍

contacts :
soundcloud.com/madzedan
https://www.youtube.com/madzedan
http://www.reverbnation.com/madzedan
https://www.facebook.com/MAD.Zedan
http://ask.fm/madzedan
#MAD

MAD B3D NOS ELLIL / بعد نص الليل - ماد

Microscope - 3`ayb | ميكروسكوب - غايب 

Video Link : http://youtu.be/VLxh-BacdIg

Verse 1 : Black Ak
Verse 2 : Fidro
Verse 3 : Dinho 

Chorus By : Mema
Rec.Mix nd Masterin` By : Fidro Records™.

Microscope - " 3`ayb | غايّب "

Music Producer from Egypt,Cairo 
Nick Name : ElMahDy
Working : Music Producer 
Love Dubstep & Electro Sh3by & House Music 

Working alone { NO TEAM }


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ


Sub-Zero | ليه ؟ F.t Omar Khatab

Devils Music

Recent comments

abo 7osh

عبدالرحمن احمد

mahmoud_saif

mahmoud_saif

Related tracks