Lyrics 

اتنين و عشرين سنة و لسة مخلص جامعة فريش
و لسة قدامي 3 سنين او سنة علشان الجيش
بعدها ادخل على سوق العمل بكل طاقة امل 
علشان ابني و اكون نفسي و اعمل كل الل ما اتعمل

اتصدمت بحائط الواقع اللي كنت فاكرة مضيء و لامع
طلع مظلم و مفيش حتى شعله نورها ساطع
اشتغلت فكول سنتر بالواسطة و بعد طلوع الدين
اخر الشهر مرتبي يادوبك الف و متين 
 
ده بيفتن ده بيلحس و عشان يترقى اختار يطبل
و انا مفحوت و هطق عشان مش دا مكاني ولا ده المسقبل
مص دم حرفي لطاقتي و ابداعي و بدون تقدير
حتى القرشين الحلال مخصوم منهم غرامات تأخير

قولت برضة هكمل عادي علشان يبقا ليا كارير
و العمر بيجري بيا و مبحوشش من التبذير
و بيتقال عليا مبشتغلش و فمكاني ثابت
و صحاب المديرين هما اللي ماسكين اعلى المراتب

ــــــــــــــــــــــــــــــــــــــــــــــــــــــــــــــــــــــــــــــــــــ

منظومة فاشلة بكل اركانها وصحابها عاملين من بنها
سيل الجهل مفتوح على اخره و ادارته كهلة
انظمة مش عارفة تحل مشاكل الشعب لا بتزيدها
و بتطلب منه يحل من جيبه و بتمد ايدها

ــــــــــــــــــــــــــــــــــــــــــــــــــــــــــــــــــــــــــــــــــــ

اول مقابلة شغل لقيتهم عايزين انجليزي 
اتصدمت لاني اتعلمت تاريخ المقريزي
لقيتهم بيقولولي انسى كل اللي اتعلمته
شغلنا ولا محتاج شهادات ولا حتى كل اللي انت فهمته

معانا في الشغل هتقول حاضر نعم طيب
و متستناش انك تتقدر بعيد او قريب
الاولية للمطبلاطية و اللي بتقلع
و اما بتشتغل اكتر من رصيد صحتك بتدفع

و الضغط تملى عليك لوحدك انت بس يزيد
و لو اشتكيت العصافير هتحط عليك بالتأكيد
اميلات مليانه كره و مشاعر مزيفة
dear و kindly be informed اسطامبة كلام سفه

سنة ورا سنة و القطر بيجري
جسمي خلاص مش شايلاه رجلي
شعر دماغي مطأطأ بدري
دخان حرقة قلبي فصدري
غريق مع التيار مسحوب و مسلوب الارادة
و بحارب علشان اخد حقي من كروش الساده

ــــــــــــــــــــــــــــــــــــــــــــــــــــــــــــــــــــــــــــــــــــ

منظومة فاشلة بكل اركانها وصحابها عاملين من بنها
سيل الجهل مفتوح على اخره و ادارته كهلة
انظمة مش عارفة تحل مشاكل الشعب لا بتزيدها
و بتطلب منه يحل من جيبه و بتمد ايدها

ــــــــــــــــــــــــــــــــــــــــــــــــــــــــــــــــــــــــــــــــــــ

طبعا مستعجبين مني لاني بحكيلكم معاناتي
في الواقع كل اللي انا قولته بيحصل عادي يوماتي
الافات من الشباب بتعافر نص عمرها مهدور
على تحقيق حلم بيتمنوه و النص الباقي عليه الدور

كل يوم بتقابل في حياتك وشوش مطفية 
عد معايا كدة افتكر 5؟ 10 ؟ 50؟ 100 ؟
ملايين من البشر عاشو و ماتوا ولا حد سمع عنهم
كل اللي انا بقا بطلبه منك انك ترفض تكون منهم

عيش عمرك او سنك بمزاجك اوي وبراحتك
و متندمش انك في فترة عملت اللي يضر بمصلحتك
اللي فات عدانا و مـــــــات x  و لا يوم تقدر ترجعله
النهاردة ده مسؤول منك انك باللي يفيد تشتغله

كرس وقتك ليك لوحدك خلي عندك جوع لنجاحك
النجاح مش سهل الا قبل ما يتكسر جناحك
عافر ..  على امل تحس بنصر
و لو محصلش انت مش فاشل انت بس  عايش فمصر

الثورجي - روتين متعاد

لا تنتظروا سقوطنا فنحن في رعاية الله👌🏻😎

My Official Facebook Fan Page : https://www.facebook.com/Don.Revolter.Fans.Club/ 

الثورجي - روتين متعاد

Don Revolter