اغنية ابعد يا حب حفلة
غناء عفاف راضى
كلمات الشاعر مرسى جميل عزيز
الحان الموسيقار منير مراد

كلمات الاغنية

ابعد يا حب 
ابعد يا حب ابعد بقولك لا
ولا عمري هغلط يوم وأقولك آه
لا أنا أد دمعة عين في ليلة فُرقة
ولا أد رمشك والمخبي وراه
مهما تواعدني هقولك بكرة
ويجي بكرة أقولك بكرة 
يعني النهاردة بقولك لا
وبكرة مش راح أقولك آه
ابعد يا حب بلاش تحايل فيا 
لياليا حلوة مرة أهي لياليا
هي صحيح مالهاش لا لون ولامعنى
ولا حاجة تسعدنا ولا تنفعنا 
لكن دي راحة البال كفاية عليا 
وهى راحة البال يا عيني شوية 
مهما تواعدني هقولك بكرة
ويجي بكرة أقولك بكرة 
يعني النهاردة بقولك لا
وبكرة مش راح أقولك آه

ابعد يا حب بلاش تفوت ناحيتنا
وان فوت ماتبصش لبلكونتنا 
لأرمي عليك رمشي يجيبك صاحي 
ويسهرك زى النجوم صباحي
لا تطول سما ولا ارض في محبتنا 
ولا ينفتح لك حتى شباك بيتنا
مهما تواعدني هقولك بكرة
ويجي بكرة أقولك بكرة
يعنى النهاردة بقولك لا
وبكرة مش راح أقولك آه

ابعد وخبي عنيك طاوعني 
لأحبك وبلاش تقيد النار
لا تحرق قلبك قلبي عليك
خايفة عليك صدقني
لتغرق أنت قبل ما تغرقني 
مهما تواعدني هقولك بكرة 
ويجي بكرة أقولك بكرة
يعني النهاردة بقولك لا
وبكرة يمكن أقولك آه

عفاف راضي - أبعد يا حب

Ahmed Sadek