
وحشتنى بجد جدا وحشتنى و نفسى ترجع 
الدنيا معاكى حلوة و فى بعدك شئ بيوجع 
اصل انتى مش حبيبه او بنت من البنات 
انتى اللى عشانها اضحى و يقولوا عشانها مات 
انتى اللى بتفهمينى انتى اللى بتحضنينى 
انتى لو كله سابنى و الله ما هتسيبينى . 
لو بعدك كان بكيفيك والله ما كنت هزعل 
بس انتى مشيتى فجأة و الموت لازم هيحصل 
طب كنتى خدينى حتى طب كنتى قوليلى طيب 
ده انا ابنك مش حبيبك متعود اكون قريب 
انا نفسى بجد اجيلك انا نفسى بجد اشوفك 
و قوليلى ايه حاصلك واحكيلى عن ظروفك 
بردانه عشان ايديكى سابت ايدى اللى ملكك 
محتاج انده عليكى محتاج لو اقول بحبك 
محتاج لو تسمعينى انا نفسى بجد ابكى 
انا عارفك بتشوفينى انا اسف انى بشكى 
و يا رب تكونى عايشة فى مكان لايق بقلبك 
فى الجنة ناس كتيير يا حبيبتى بجد شبهك 
و ولادنا هشام و آدم فى عنيا متخافيش 
انا نفسى بجد اموت انا نفسى معاكى اعيييش  

محمد هشآم رجب .. قصيدة  وحشتنى بجد جدا

هذه القصة من وحى الخيال 100% وأى تشابه بها وبين الواقع فهو ( مقصود )
V1: DeaTh
V2: Qew 
master and mix By :DoT Com Band 
ProD By Solly Productions
......................................................................
V1 : DeaTH
قلبى بعدك مات عقلى مفهوش غير أسمك
 مبقتش أحس بعدك مفيش أدامى غير صورتك 
مش قادر أنسى اخر نظرة كانت فعنيكى 
كانت بتقولى ليه خنتنى بعد ما ملكتنى
 ليه سبتنى بعد ما قلبى حبك ليه بعتنى

أسف لو كنت بعتك أسف كان غصب عنى 
أسف مكنش قصدى فيوم ان أبعد لحظة عنك بس
 شيطانى رجع تانى لحياتى قتل الحب وانا
 واقف بتفرج مش قادر أغير واقع
 منا اللى بأيدى غلطت وانا اللى بأيدى بقيت البايع
 انا اللى قتلت الحب ليه انا برجع أبكى تانى 
طب ليه بندم على غلطة طالعة منى منا الجانى

يا كل دمعة نزلت يا كل لحظة وجع
 يا كل كلمة أسف قلتهالك ما بتتسمع 
 بندم على عشرة ضاعت منى بندم عاللى ضاع
 بندم وبارجع أبكى كل ما أفكر فى الوداع

أسكت ..كفاية كدب..خلاص مبقتش أصدق 
دموعها نزلت منها جيب امسحها قالتلى أبعد 
مبقتش أحس بقلبك مبقتش عايزة ارجعلك 
مبقتش أدعى من ربى غير انو يبعدنى عنك

ازاى القدر اتغير داحنا كنا فيوم لبعض
 اسف لو كنت جرحتك أسف لو خنت الوعد
 أسف وبردة أسف مليون أسف ما ينفع
 مبقاش فى كلام يتقال غير يارب نرجع
...................................................................................
V2 : Qew 
عايش لوحده مش عارف فين مصلحتة 
سجارتة مبتفارقش ايدة
شيطانه شقيقة وكمان بعيد عن ربة 
والنبى يا رب أهدية أحلى دعوة جت من أمه فى وقت ديقتة
أتشقلب حالة لما دق قلبة لما شافها 
بحبك بحبك الكلمة طلعت سهلة 
ملاك عايش معاة والحزن راح فى ثانية 
مالحزن كان جواة والاه على وشة باينة 
اتقلبت 180 درجة مكنش مصدق نفسة 
رجعت دموعة لعينة بعد ما عينة نسيت دمعه
ازاى وليه أسأله مكنش ليها اجابة 
والاجابة صمت والصمت كتب النهاية 
اتغيرت ليكى اتغيرت بس عشان بحبك
اتغيرت وحببتى راحت منى راحت طيبة قلبك
ازاى ملاك اتحول للشيطان ازاى بعتينى
مجاش فى بالك ان انتى ماسكة السكينة جرحتينى
انك خلقتى شيطان وياريتة ما كان ولا كان 
حبك ولا قابلك ولا شافك بالعكس بقا ندمان 
والام ماتت بحسرة ابن ادمن حبك
منتى اللى بعدتى عنى بعد ما كنتى ليه أفيونتة 
يا قلبى دارى دمعك قدر مكتوب علينا 
ازاى هنخالف الارادة دى حاجة مش بأيدينا 
خلاص مش عاوز افرح كفاية عليا نفسى 
مهى نفسى هيا الباقية 
والبقية تحت رجلى  

كان يا ما كان DoT Com Band

facebook : https://www.facebook.com/mezo.Esmail
توزيع وهندسه صوتيه :بافلي عماد 
بعد اما قلبى حبك بعد لما انا هويت 
وعيشتلك لوحدك بانى ليكى ف روحى بيت 
بسهوله بتقوليلى معدتيش تانى هتلقيلى 
ابعد واسيبك وانسى انى يوم دوبت وحبيت
 ازاى قدرتى تنسى اللى قلبى عمله ليكى
 انا اللى قدرت وحدى بس انسيكى ماضبكى 
وازرع مكان دموعك الف بسمة ف نور عنيكى 
نسيتى حلمى انى دبلتى اشوفها ف اديكى
 انا اللى كنت ليكى ف ليل جراحك الامان
 انا اللى عشت بيكى وكنت حلمك فى الزمان 
حبى ماكانش عادى بس دلوقتى ده ماضى
 اعتبرتى حبى ليكى خلاص ياروحى شيىء وكان 
بسهوله عايزة انسى ذكريات حب السنين 
بسهوله قولتى عادى مشيتى مش همك حنين
انا صعب احب تانى وواحده تانى تكون عشانى
 مكانك اللى فاضى ف قلبى يملاه بس مين



 انا حد وعاش حياته لاجل ما تعيشى انتى فيها
انا بشبهه اللى ماتوا لما روحى دى نستيها
 انا كاره اللى جى وميت لكن اسمى حى 
للاسف مش دى حياتى اللى ياما حلمت بيها 
مشيتى وغيبتى عنى وسايبه روحى محتاجالك 
قلبك كتير وجعنى وقلبى عمره ما اشتكالك 
استحملت القسيه وجرح م اللى يهد فيا 
وكام كلمة م اللى هيا وبرضه لسه شاغلنى حالك 
عايزانى احب غيرك وانسى بسهوله ف ليله
 انسى كلام عيونا والسهر لساعات طويله 
ان كنتى عرفتى تقسى وحبى بسهوله بتنسى 
فانا كلمة موتى بعدك فعلا دى كلمة قليله 
خلاص امشى وروحى مكان ماحبيتى تكونى
 لمى الحنين معاكى وذكرياتك من عيونى 
فارقينى وعذبينى واهجرى قلبى وكونى 
ان فعلا صعب انسى ومستحيل ابدا تهونى


Bel 2sm 7y _mezo esmail )بالاسم حي_ ميزو اسماعيل


- الو .. ازيك يا محمد ؟!!
كانت اول مرة اسمع صوتها
بعد فترة مـ الفراق
مكنتش عارف اتكلم
ودقات قلبى بتخبط
عبيط جداْ ومتلغبط
ركزت شوية فـ كلامى
شايفها واقفة قدامى
فـ رديت عليها اوام
- انا كويس وكله تمام
- واحشنى كلامنا وهزارك
فاكرهم ولا مش فاكر ؟
ولسه بتشرب القهوة
وبتنام وانت بتذاكر ؟
ولسه بتسمع الاغنية بتاعتنا ؟
وبتفكر لسه فـ ديكور
عشان بيتنا ؟
- كانت ايام يا امنية
يا ريتها تعود
ايه بس اللى فكّرك بيها ؟
ما كنت زمان كتير موجود
- هقولك ايه اللى فكرنى :
انا اتجوزت يا محمد 
ومش تزعل عشان خاطرى
- بجد ؟! .. فرحتلِك جداْ
- انا اسفة عشان مقدرتش استناك
وكان نفسى اكون اليوم ده
فرحانه ولسه معاك
يا ريت تسامحنى لو ينفع
انا بحبك لكن ده نصيب
ومش هنساك يا اغلى حبيب
انا مسافرة كمان ساعتين
ومش هرجع تانى تقريباْ
فـ خلى بالك على روحك
- عياط هستيرى مش قادر
يا ريتها ما كانت اتصلت
لـ تانى مرة وداع و فراق
مع السلامة يا حبيبتى
يا اول دقة جوة القلب
وخلى بالك على نفسك
-يا ريت تحضنى اخر حضن
عشان ريحتك تكون جمبى
ولازم تعرف ان البُعد
ده كان مكتوب ومش ذنبى
متقلش على الذكرى
هتفضل عايشة جوايا
دى اخر مرة هسمع صوتك
مفيش كلام خلاص تانى
ولو بتحب امنيه 
عشان خاطرها تنسانى
ولو جيت فـ بالك يوم
تدعيلى وانت بتصلى
مع السلامة يا حبيبى 

مكالمة فـ نُص الليل

Title :عشق 3
Artist : Mohamed Alaa ( X ) 
Music : Marwan Anwer
Rec & Master & Mix : X MUZiC

الكلمات : 

اول مرة احب حد ، و اقول عـ الحُب عشق 
و اول مرة اقتنع عادي ان الحُب كدب
انتي اللي ليا فـ الحياة من بعدك انا هكون وحيد
و ايه لازمة عتابنا لو فـ آخرُه مش هيفيد 
مش بتحسي بيا ولا جربتي تفهميني
استحملتك كتير و مفيش مرة استحملتيني 
وحشاني عيونك، واحشني الليل و السهر 
مش بجامل لما اقولك انك احلى مـ القمر
انتي القوة و انتي الضعف ، انتي الحُب بـ كُل حرف 
و انا حُبي بالنسبالك وهم كان مركون عـ الرف 
قولتي اللي يحب يسامح ، و انا سامحتك كتير 
قولتلك ملناش غير بعض و بلجألك من غير تفكير
يا عيون متدمعيش اللي سابني محبنيش 
انا اللي سبت قلبي وسبتُه معاها فـ وهم يعيش
و اتاري الدُنيا بتفرحنا بس فـ البداية
ولما نآمن للي نحبُه مش بنلاقي غير خيانة 
و نِفسي اشوفها تاني كُل حاجة فيها وحشاني
مش بكدب و نِفسي يوم من ايامها يرجع تاني
من يوم ما بعدتي عني مش مصدق مش بتكلم
طب قبل ما تمشي كُنتي قوليلي ازاي اقدر اتحمل
البُعد انا فيه بموت فـ بُعدك دبلت الورود
صعب عليَّ اعيش و نُصي التاني حبيبتي مش موجود 
كانت معاكي الدُنيا تحلى و احس فيها اني مبسوط 
دلوقتي بزيف ضحكة و بتألم و من غير صوت 
انا عايش على كُل حاجة كانت ما بينا
ملعونة المسافات اللي عن بعض بتفصلنا 
الجرح ساكن فيا و بردو مش هيروح
كُنتي ليا كُل حاجة كُنتي بالنسبالي الروح 
الكدب بينهي اي حُب مهما كانت قوتُه
مش مكتوب لـ قلبي يفرح ولا بتكمل فرحتُه 
دا اللي سابك سابك بعد ما كُنت جنبُه فـ شدتُه
كُنت بالنسبالُه بس حد بيونس وحدتُه 
كُله كان بيبعد لما يلاقي بديل
و لما قولتلك متبعديش قولتيلي مُستحيل 
و اهو بان مين فينا حب و التاني خان 
مين اللي حاول يسعدك و مين بيزيف الكلام 
انا عارف انك كُنتي عايزة تبعدي
كان باين من عنيكي فـ الكلام انك بتكدبي 
حبيت كتير و حُبك انتي ميتنسيش
ناس كتير بيضحوا ليا اختارت بردو ليكي اعيش 
مبتفهميش اللي معاكي ادي محبكيش
انا اللي كُنت ليكي لكن قلبك مسمعنيش 
بس عادي انا هبعد ومش غلطان 
و مسير الايام هتبين مين فينا اللي كان خسران
سيبيني اعيش مش عايزك تاني تيجي فـ بالي
و بُكره هحب واحدة تستاهل تكون فـ حياتي 
متكُنش زيك هتكون بتحب بجد
هتجوزها و ابني معاها كُل حلم قديم  اتهد 
عشمان يا رب فـ نعمة النسيان 
نِفسي انساها و نِفسي انسى كُل ايام زمان 
انا صعب عليا اعيش و صعب عليا تاني رجوعى 
الناس دي حابة عشق و حابة كمان يسمعوا دموعي 


تابعونى من هنا : www.facebook.com/profile.php?id=100004239844387

عشق 3

اخر نفس فـ سجارتى و اخر زرعه جوا ارضى
بسقيها تكبر .. تسقينى مرار بيقطم ضهرى
شبعت صبر .. , بطلع همى فـ الدخان
انا نفسى يعدى عليا يوم من غير مـ انام زعلان
......
فـ كل ليله بسهر .. بحزن فـ بشرب اكتر
ابان سليم من بره بس من جوايا متكسر
علمنى الشارع ياما .. يا ميت حصره و ندامه
و اهو كل واحد راح فـ سكه فـ بكفياك ملامه
......
صحابى يتعدوا على الصوابع ده اللى فيهم راجل
مبتشغلنيش فـ داهيه كله راح معادش فاضل
معُدتش ناقص .. مـ بكفاياكى يا دُنيا بقى
حياتى مُره علقم .. شبعان مرار و شقى
......
قهوه ساده .. على روح العشم و الشهامه
مراكبى بخته قليل فـ المركب كانت غرقانه
كانت ندمانه .. رجعالى بعد ايه مش عايزك
مبقتش حابك .. كل اللى بينا مات بسببك
-----
فـ ابات .. اسهر و اشرب و افكر بـ الساعات
مش باقى غير سجاره و اوضه ضلمه ويا سكات
حبة حجات جوايا .. يجى ميت مليون حكايه
انا حضنى ازاز مكسور فـ منصحكيش تكونى معايا
-----
و فـ لمح البصر كل حاجه راحت هدر
مكملناش .. و اهو اللى كان سليم اتكسر
باهت .. باتت .. بتعيط .. و انا ساكت
دورت عليها ياما .. لكن تقريباً تاهت
......
فـ بقيت بكلم نفسى قاعد بحكى ليها و بشكى
بقفل عليا اوضتى حتى الوحده مش بتشفى
انا اتغيرت جداً .. مش دارى بـ اللى حصلى
يمكن اخرتها اموت و تيجى عليا فـ يوم تصلى
......
و اهى الايام بتورى .. و اهو الشارع بيربى
و الدنيا مستعفيه عليا و مستحليه ضربى
ادعيلى يامه يمكن بكره يجى احسن فعلاً
انا ياما شيلت هم بس الحمل قطملى ضهرى
......
انا مات جوايا عادل و اتحولت لـ شخص تانى
بضحك فـ الصور ايوة بس عشان لـ عياطى ادارى
انا مهما وقعت هقوم .. و هرجع تانى اقوى
انا مت جوا منى بس انا عايش جوا رضوى
-----
فـ ابات .. اسهر و اشرب و افكر بـ الساعات
مش باقى غير سجاره و اوضه ضلمه ويا سكات
حبة حجات جوايا .. يجى ميت مليون حكايه
انا حضنى ازاز مكسور فـ منصحكيش تكونى معايا

عادل موسي - مليون حكاية

Rec & Master : Momen Hussien (M.R.S STUDIO ®)
Artist : Marwan.Seka & Amrr.h | gOzAa
Prod Py : Cave | الغار
Bostered By : Amrr.h | gOzAa
- Lyrics 

#V.1 ' Marwan.Seka 
------ 

عايش فى كأبة .. الناس دى مش غلابة
حبنا فى ناس ياما دارى عنا وشوشهـم الكدابة
...
انا اللى موج الحب ياما خبطو بس عمره ما غرق
عارف اللى شلنى لما وقعت و اللى ضحك
...
مليش مكان يشبهلى فى وسط بلادى انا متغرب 
مبسوط لرجوعى لنفسى عشان حسيت الموت بيقرب
...
يا صاحبى لما اموت عايزك عليا متدمعش
منا ياما صرخت من الوجع و صوتى متسمعش
...
متحبنيش.. ابعدى عنى انا مش حاببنى
الوحدة بيت انا عايش فيه و قلبى دايما فيه حابسنى
...
ياما حلمنا ببيت يجمعنا و ادينى لوحدى عايش فيه
الواقع مُر بس بالضحكة بحاول احليه
...
فى حبى عانيتى و كتيير عليكى ندمت
لما ضحكتك رجعتلك و انتى فى حضن غيرى فرحت
...
كملت بقيت صفحات حياتى و صفحتك هى اللى ناقصة
يا ربى لو دة كله حلم قولى امتى منه هصحى
---------------------
COURASE X1
' Marwan.Seka & Amrr.h | gOzAa ' 
...
اتبهدلت في عيشيتي وقولت نصيبي 
ولو اقدر احب تاني فـ هقول عليك حبيبي 
...
هكدب علي قدري واقول انا مش مشتاق 
تفضح عيوني الكدبه ويقولو الناس كداب
---------------------
#V.2 ' Amrr.h | gOzAa 
------

انا روح كدابه باعت كل حاجه ومش بقيالي ، 
يادنيا خفي عليا شويه ابوس ايدكي سيبيني في حالي 
...
كسرتني كلي وملقتش حد يقولي مالك 
بتعيط ليه دلوقتي ! 
جه قدرك خدها منك استعفيت وقولت حاجتي 
...
سبتني لوحدي وراحت روح لـ ربك مفتكرش حد لسه جمبك 
سبوني في حالي بعد ما كل شئ مبقاش لسه باقي 
حياتي عباره عن عياط مالي كوابيس احلامي 
...
عشت نهاري ضلمه شباكي مقفول في وش ناسي 
محدش فيهم في بُعدك عني كان بيواسي 
...
كنتلي كل حاجه بس نصيبي مستعفي عليا 
يصعب عليكي الفراق لما تشوفي دموع عينيا 
...
وكانت كل حاجه صعبه لما قلبي لاقاكي بعده 
عني في فراقك برضو روحك لسه واقفه جمبي 
...
تُبت عن الدخان في النهايه سبولي احلام 
متتحققش ،، يمكن في يوم اروح مرجعش
---------------------
COURASE X2
' Amrr.h | gOzAa & Marwan.Seka ' 
...
اتبهدلت في عيشيتي وقولت نصيبي 
ولو اقدر احب تاني فـ هقول عليك حبيبي 
...
هكدب علي قدري واقول انا مش مشتاق 
تفضح عيوني الكدبه ويقولو الناس كداب
---------------------

Nasiby | نصيبي - SEKA Ft. Amrr.h | gOzAa

انا نصيبها غناء بسام انجكس استديو vip 01150939863

/-

Chorus : Adham Mohamed
Lyrics & Rap : Taha Mo3gzaaa
Beat : Free Beats DB
__
Words Of Track : 
-
Verse 1 :

كانت عايزانى إحكى ، بسكن فى عينى مش فى شكلى
يا بنت الناس الدنيا عتمة فا بطلت تضحكلى
وقفت ابنيها جات هدتنى حاولت أعشقها كفرتنى
الدنيا عشمتنى ، انا مليش فى الناس دى سيبنى
و لما النوم عدانى كنت بسهر و إنت تغيب
كان بيتنا واحد و إنت رجعت فى الطريق
معجزة الطبيب ، كان مين داوى قلبُ المريض 
هفضل غريب فى بلاد مفيهاش صاحب قريب
-
العند ولد كفر ، صد الحب ، عيبنا فى الظروف
متقوليش الحظ خانى ، حطى النقط ع الحروف
كلمها روح إبكيلها العين قالتها إنتِ طيب
خليها تروح لبيتها و إنت إدعيلها من قُريب
فستان و طرحة ، قالى قلبي كل شئ إنتهى
جريت علشان أقولها " إتوحشتها " بس حسبتها
ملقش عليا أكون عريس و أكون قاعد جمبها
إنتِ يدوب تروح فرحها و تفرح ليها تسقف لها

-
Chorus 1 :

خونتى وعدك ليا ، و الحزن عشش فيا
فى إيدى كانت دبلتها و نصيبى متكونش هى
حسيت الجرح ، شقق قلبى خلاص دمعت
اعمى لكن فى البعد خلاص إرتحت
-
Verse 2 :

مش فاهم إيه جرالى بسأل نفسى إيه ال جابنى
ذكرياتى كانت رايدانى إبكى لوحدى ، قالتلى غنى
فقير لكن ساكن قلوب الناس ، مسيرى هقدر
جوايا نجوم السما ، تعالى قرب " قلبى معبر "
معاك سلامى ، إكتب عن غيابى " مفيش نصيب "
كنت راضى بحُزن عادى و بفراقنا بقيت كئيب
ملعون الصدف انا كرهت اللقا بقيتلى جارى
كنت قمرى وسط الليل لكن خرجت من مدارى

إحكى عنى و إنتَ فى حضن غيرى لما تشكى
عارفك تحب تبان ضعيف و الناس عليك بتبكى
قول مريض لكن عشقته ، بحب صورته بحب غيرته 
سبته يشقى لأجل حلمه ، حبيبي مات خلاص خسرته
خلاص كبرت ، ما انا مش هبكى ع ال راح
يا رب عايز ورد ينبت بين كل الجراح
مكسور بكل سطر كتبت ليك ، مكنتش هي
علمت الحب فا إنجرحت كانت نهاية التمثلية
-
Chorus 2 : 
 
تايه فى عتمة ليلى ، جوايا خوف مالينى
سايبك تروحي لغيرى مش عايزك تسمعينى
الناس دى لما فاتونى إتخانو قدام عيونى
و الدنيا خادتلى حقى من كل ال سابونى
-

# بكره الدنيا تجيبك عندى و هكسرك زى قلبى !!

مشروع حب - Taha Mo3gzaaa Ft Adham Mohamed - Love Project

احمد كامل سيبي روحك و ارقصي كاملة

احمد كامل سيبي روحك و ارقصي 🖤🖤

❤🔥 سيب رأيك في كومنت رأيك يهمني ومتنساش الايك والفولو لو عجبك  
👇 قناة اليوتيوب 
https://www.youtube.com/channel/UCAX34IO5oXioH94RB---_MQ
Fb page :https://www.facebook.com/Sailor303/
My accs ❤👇
https://m.facebook.com/Yousef.Ghonimy12
https://www.instagram.com/youssef.ghonemyy/



الكلمات

موضوع بدأ بكدبة سبتها ف الموجة تغرق
سمعت شخص بيندة بصيت لقيتها هيا

قولت ازاي.؟ أكيد دا حلم أكيد دا خيال
رجوعنا تاني لبعض أصبح أبعد م المحال
فراقنا مكانش سهل ولا انا بالساهل كنت بايعك
بقيت ف بعدك كهل حتي قلبي مكانش مسامحك
لا وعايزة ترجعي تاني خلاص دلوقتي معادش ينفع
مشوفتش منك غير قسوة وتعابين عماله تلدع


مزعلتش لما لقيتني وحيد ومكان جمبي إلا ورق
قررت أبدا من تاني وأقول ع الماضي دا كان واتحرق
ولقيت كتاب حياتي مفتوح علي صفحة حبي ليكي
مشافتش عيني ساعتها غير "والله يبنتي شاريكي"

وانتي قسيتي ومشيتي ولا همك اي حاجه
من غير م تودعيني معقولة البعد يكون ايجابة
لكل سؤال سألته ليكي وكنتي ساعتها تقولي بعدين
وصلتك للجنة وسبتيني ف الأخر أعيش ف جحيم

--------------------------------------

ف ازاي راجعة تاني وتطلبي مني ان اننا نتلاقي
كنتي ليا كل حاجه وكنت ليكي سد خانة
ف خلاص انا قلبي نسيكي واتعودت ع البعاد
عمري م هنسي اخر مقابلة.،من ساعتها انا قلبي مات

لو تنطبق السما ع الأرض مستحيل يتعاد العرض
ولو مكان ف القلب نبض كان زمان العقل صد
كل كدبة ما بينا ف وقت م قولتي بحبكك
كل اللي بينا دا فات حتي الورد مسيرة هيدبل

--------------------------------------

بعد غرق سفينتنا مكانش في غير البعد طريق
مكانش غيرو حل ف اضطرينا نمشي فيه
فقطعتي مسافة كبيرة وانا لسا هنا واقف ف مكاني
ساعتها قلمي اتغير حبرة وبقيت بلعنك ع ألحاني

وبرغم كل اللي حصل لسا برضو بفكر فيكي
حتي بعد فراقنا ودا يبينلك اني كنت شاريكي
ولو شايفة عكس كدا فاحب أقولك انك عامية
اصعب مشهد فراق مطلوب يتعاد للمرة التانية

وربك اللي خلقني خلاص معدش فيا حيل
اني امسك قلمي وألعن فيكي لحد أخر الليل
نفس الكلام مكتوب بنفس الحبر مفيش تغيير
اللي بينا خلاص دا مات ومفيش عكسة يكون بديل

وكان بكفاية لحد كدا ارمي قلمك واحرق ورقك
معادش ليهم لازمة منتا ارتاحت وبعدت عنك
ولا كان هاممني اليوم اللي تجيلي فية وتكون ندمانة
كان صعب عليا العوم ف بحر مراكبة تكون غرقانة

-----------------------------------------

ف ازاي راجعة تاني وتطلبي مني ان اننا نتلاقي
كنتي ليا كل حاجه وكنت ليكي سد خانة
ف خلاص انا قلبي نسيكي واتعودت ع البعاد
عمري م هنسي اخر مقابلة.،من ساعتها انا قلبي مات

لو تنطبق السما ع الأرض مستحيل يتعاد العرض
ولو مكان ف القلب نبض كان زمان العقل صد
كل كدبة ما بينا ف وقت م قولتي بحبكك
كل اللي بينا دا فات حتي الورد مسيرة هيدبل


__________________★★★★★_________________

Youssef Ghonemy "بحار" -Sad 5ana | سد خانة

offical Page https://www.facebook.com/DotComBandHipHop