في اللحظة اللي وصل فيها للحكم عبر انقلاب عسكري
كان الطريق ممهد قدامه
إنه يعمل كل اللي هو عايزه
تأييد شعبي في البيوت والشوارع..
في المصانع والمدارس
وعشان هو بخلفية عسكرية
فقشطة جداً بقى
اليفط اللي فيها اسمه وصوره بقت في كل حتة
البطل.. القائد.. الزعيم
معاك وبيك بلدنا هتوصل بر الأمان
عطل الدستور وأمم الحياة السياسية بالكامل
كل حاجة بقت تحت إيده مباشرة
الاقتصاد والاستثمار.. القضاء والإعلام
النقابات العمالية.. حتى اتحادات الطلبة مسبهاش!
عمل برلمان.. بس وجوده مكانش للرقابة والمحاسبة
في الحتة دي وجوده زي عدمه.. برلمان شكلي يعني
عنده حكومة ووزراء ومسئولين..
بينفذوا أوامره هو بس
أي كانت بقى صح.. غلط.. أو حتى كارثية
قال بكل وضوح للشعب
أنا مش رئيس.. ولا سياسي

تلاتة سبعة | الحلقة 27 | الموسم الثاني | خمسة بالمصري

كل ما هو مصري بنكهة ساخرة