موضوع الحلقة دي إحنا شبه مجبرين عليه.. عشان يبدو إن في حاجات موضحتش في كلامنا
الحلقتين اللي فاتوا.. حلقة "تلاتة سبعة".. وقبلها حلقة "خط أحمر"
اللي ذكرنا فيهم بوضوح إن دايما في أمل.. وإننا عندنا القدرة على الانتصار على أي "تتار"
سواء التتار ده كان فساد أو تحرش أو غيره.. بس تتوفر القيادة والإرادة والفكر.. والمجتمع القوي
وقلنا برضه إن مهم جداً نسمع بعض
إن الفرق المختلفة دي تاخد هدنة كده وتوقف شحن وشحن مضاد
وكل اللي يقدر يقعد يتكلم بهدوء.. يبقى كتر خيره
ففي ناس زعلت مننا.. من مختلف الأطراف.. وفي اللي اتهمنا سواء بالسذاجة أو العمالة..
طيب.. إحنا زي ما إنتوا بتقولوا.. فكمل معانا بقى الحلقة للآخر عشان
تتأكد بالدليل القاطع من سذاجتنا وخيانتنا.. وهنحكي قصة..
وهنعدي عليها بسرعة عشان وقت الحلقة
وعشان محدش يقعد يكتبلنا إنت قلت دي ومقلتش دي
خش على اليوتيوب هتلاقي حوالين القصة دي عشرات الوثائقيات
والفيديوهات بتحكي ع اللي حصل وع اللي جرى
اتفرج براحتك عليها

لدعم "خمسة بالمصري" على باترون 😍
https://www.patreon.com/egyfive

شابوه | الحلقة 28 | الموسم الثاني | خمسة بالمصري

كل ما هو مصري بنكهة ساخرة